Main menu

ပြည်တွင်းကုန်သွယ်မှုသတင်း

Powered by Drupal

ပြည်ပသို့ ကြက်သွန်နီတင်ပို့မှု အိန္ဒိယအစိုးရပိတ်ပင်

    အိန္ဒိယနိုင်ငံသည် ပြည်ပသို့ ကြက်သွန်နီတင်ပို့မှုတားမြစ်ထားခြင်းကို အကန့်အသတ်မရှိ သက်တမ်းတိုးမြှင့်လိုက်ပါသည်။ အိန္ဒိယနိုင်ငံ၏ အထွေထွေရွေးကောက်ပွဲမတိုင်မီချမှတ်ခဲ့သည်။ အဆိုပါပိတ်ပင်မှုသည် ပြည်ပနိုင်ငံဈေးကွက်တချို့တွင် ကြက်သွန်နီဈေးနှုန်းများမြင့်တက်သွားစေခဲ့ကြောင်းသိရပါသည်။ ကမ္ဘာ့အကြီးဆုံးဟင်းသီးဟင်းရွက်တင်ပို့သည့် အိန္ဒိယနိုင်ငံသည် ၂၀၂၃ခုနှစ်၊ ဒီဇင်ဘာလမှစတင်ပြီး မတ်လ ၃၁ရက်တွင်ကုန်ဆုံးမည့် ကြက်သွန်နီပြည်ပသို့တင်ပို့မှုကို ပိတ်ပင်သည့်အမိန့်ချမှတ်ခဲ့သည်။ သို့သော် (၂၂-၃-၂၀၂၄) ရက်နေ့တွင် ပိတ်ပင်မှုသက်တမ်းကို အကန့်အသတ်မရှိတိုးမြှင့်ခဲ့ကြောင်း ကြေညာခဲ့ပါသည်။ အဆိုပါသက်တမ်းတိုးမြှင့်မှုသည် မလိုအပ်ကြောင်းနှင့် ပြည်တွင်းကြက်သွန်နီဈေးနှုန်းများကို ထိုးဆင်းကျသွားစေကြောင်း၊ အိန္ဒိယနိုင်ငံရှိ လယ်သမားများနှင့် စီးပွားရေးအကြံပေးများက ဝေဖန်လျက်ရှိပါသည်။ လွန်ခဲ့သည့်နှစ် ဒီဇင်ဘာလတွင် အိန္ဒိယနိုင်ငံ၏ အကြီးမားဆုံးကြက်သွန်နီထုတ်လုပ်သည့် မဟာရက်ရှ်တရာပြည်နယ်ရှိ လက်ကားအရောင်းဆိုင်များတွင် ကြက်သွန်နီဈေးနှုန်းများမှာ ၁၀၀ကီလိုဂရမ်ကို ၄၅၀၀ရူပီးမှ ၁၀၀ကီလိုဂရမ်ကို ၁၂၀၀ရူပီးထိကျဆင်းခဲ့ကြောင်းသိရပါသည်။ အိန္ဒိယနိုင်ငံမှ ကြက်သွန်နီကို အဓိကတင်သွင်းနေရသည့် ဘင်္ဂလားဒေ့ရှ်၊ မလေးရှား၊ နီပေါနှင့် UAE နိုင်ငံတို့သည် အဆိုပါပိတ်ပင်မှုကြောင့် ပြည်တွင်းတွင် ကြက်သွန်နီဈေးနှုန်းကြီးမြင့်မှုအခက်အခဲနှင့် ရင်ဆိုင်နေရကြောင်းသိရပါသည်။

         အိန္ဒိယ၏ အဆိုပါပိတ်ပင်မှုသည် ပြည်ပမှ ပြိုင်ဘက်ကြက်သွန်နီတင်ပို့သူများ ဈေးနှုန်းများပိုမိုတောင်းဆိုမှုကိုဖြစ်ပေါ်စေနိုင်ပြီး တင်သွင်းသူများအား ရွေးချယ်ရာမရှိဖြစ်သွားစေနိုင်ကြောင်း မွန်ဘိုင်းမြို့အခြေစိုက်ပို့ကုန်ကုမ္ပဏီတစ်ခုမှ တာဝန်ရှိသူတစ်ဦးက ပြောကြားခဲ့ပါသည်။

DOCA(ရန်ကုန်)

မြို့ကြီး(၄)မြို့၏ အခြေခံစားကုန်၊ ပြည်ပပို့ကုန်၊ စက်သုံးဆီ နှင့် ရွှေ ဈေးနှုန်းများ

နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။

တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံတစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်း (၂၉.၃.၂၀၂၄)

   ၂၉.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

ဘုရင့်နောင်ကုန်စည်ဒိုင်ရှိ ကြက်သွန်နီဝင်ရောက်ရာဒေသများနှင့် ဈေးနှုန်းများ

     ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာန၏ ကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန် အခြေအနေများကို အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ်စုံစမ်းလျက်ရှိပါသည်။ ၂၀၂၄ခုနှစ်၊ မတ်လ (၁၉) ရက်နေ့မှ မတ်လ (၂၅) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ မုံရွာ၊ မြစ်သား၊ တောင်တွင်းဒေသတို့မှ ကြက်သွန်နီ (၁၁၁၀၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၄၄၄၀၀၀) ပိဿာကျန်ရှိကြောင်း ကုန်စည်ဒိုင်သတင်းအရသိရှိရသည်။ မြစ်သားကြက်သွန်နီ(အသစ်)တစ်ပိဿာဈေးနှုန်းများမှာ အချော ကျပ်၂၇၀၀၊ အသန့် ကျပ်၃၀၀၀၊ အကြီး ကျပ်၃၃၀၀၊ ရှယ် ကျပ်၃၃၀၀၊  ဆိပ်ဖြူကြက်သွန်နီ (အသစ်) ဈေးနှုန်းများမှာ အချော ကျပ်၁၈၀၀၊ အသန့် ကျပ်၂၁၀၀၊ အကြီး ကျပ်၂၃၀၀၊ ရှယ် ကျပ် ၂၄၀၀၊  တောင်တွင်းကြက်သွန်နီ (အသစ်) အချောတစ်ပိဿာလျှင် ကျပ် ၁၇၀၀၊ အသန့်တစ်ပိဿာလျှင် ကျပ် ၂၁၀၀၊ အကြီးတစ်ပိဿာလျှင် ကျပ်၂၂၀၀၊ ရှယ်တစ်ပိဿာလျှင် ကျပ်၂၃၀၀၊ မုံရွာကြက်သွန်နီ (အသစ်) အချောတစ်ပိဿာလျှင် ကျပ်၁၇၀၀၊ အသန့်တစ်ပိဿာလျှင် ကျပ်၁၉၀၀၊ အကြီးတစ်ပိဿာလျှင် ကျပ်၂၂၀၀၊ ရှယ်တစ်ပိဿာလျှင် ကျပ်၂၃၀၀ စသည်ဖြင့် ဈေးနှုန်းအသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

တိုင်းဒေသကြီး/ပြည်နယ်များ၏ စပါးဆန်ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြခြင်း ( ၂၉.၃.၂၀၂၄ )

၂၉.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံး ပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများ( ၂၉.၃.၂၀၂၄ )

     ၂၉.၃.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

ဝါးတန်းဆန်စပါးကုန်စည်ဒိုင်သို့ နေ့စဉ်ဆန်ဝင်ရောက်မှုစာရင်း

     ဝါးတန်းဆန်စပါးကုန်စည်ဒိုင်သို့ (၁၉-၃-၂၀၂၄) ရက်နေ့မှ (၂၅-၃-၂၀၂၄) ရက်နေ့အထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး၊ ဖျာပုံ၊ မြောင်းမြ၊ ဘိုက‌လေး၊ မော်ကျွန်း၊ ကျိုက်လတ်၊ ဓနုဖြူ၊ ဟင်္သာတ၊ လပ္ပတ္တာ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၅၃၁၃၀) အိတ်၊ ပေါ်ကျွဲ (၆၂၅၀) အိတ်၊ ဧည့်မထ(၁၁၃၁၂၁) အိတ်နှင့် ဆန်ကွဲ (၂၆၆၃၀) အိတ်ဝင်ရောက်ခဲ့ပြီး ပဲခူး (အရှေ့) ညောင်လေးပင်နှင့် ဖြူးမြို့နယ်များမှ ဧည့်မထ (၆၆၀၄) အိတ်နှင့် ပဲခူးတိုင်း(အနောက်)၊ သာယာဝတီ၊ လက်ပံတန်း၊ သုံးဆယ်မြို့နယ်များမှ ဧည့်မထ (၂၂၇၅၅) အိတ်၊ ငစိန် (၄၄၀၃) အိတ်နှင့် ရန်ကုန်တိုင်း ပြင်ပမြို့နယ်များဖြစ်သော ကော့မှူး၊ လက်ခုတ်ကုန်း၊ တိုက်ကြီး၊ ပျော်ဘွယ်၊ ဥက္ကံမြို့နယ်များမှ ဧည့်မထ (၁၁၁၄၂၀) အိတ်တို့ဝင်ရောက်မှုရှိကြောင်း ဝါးတန်းဆန်စပါးကုန်စည်ဒိုင်၏ ပြောကြားချက်အရသိရှိရပါသည်။

DOCA(ရန်ကုန်)

ကြည့်မြင်တိုင်မြို့နယ် ဗားဂရာငှက်ပျောသီးအသင်းသို့ ငှက်ပျောသီးဝင်ရောက်မှုနှင့်ဈေးနှုန်းများ

       ဗားဂရာငှက်ပျာသီးအသင်းမှ (၁၈-၃-၂၀၂၄) ရက်နေ့မှ (၂၅-၃-၂၀၂၄) ရက်နေ့အထိ ငှက်ပျောသီးဝင်ရောက်မှုစာရင်းနှင့် ဈေးနှုန်းများမှာ ယခုရက်ပိုင်းများ၌ ဧရာဝတီတိုင်း၊ ရန်ကုန်တိုင်း၊ တွံတေးမြို့နယ်များမှ သီးမွှေး၊ ရွှေငှက်ပျော၊ ဖီးကြမ်း၊ ရခိုင်ငှက်ပျောတို့ဝင်ရောက်မှုများကြောင်း၊ ပဲခူးတိုင်း၊ တောင်ငူ၊ ရေတာရှည်တို့မှလည်း  သီးမွှေးငှက်ပျောဝင်ရောက်မှုရှိကြောင်း၊ မန္တလေးတိုင်း၊ ကျောက်ဆည်နယ်ဘက်မှ ဖီးကြမ်းငှက်ပျောဝင်ရောက်မှုရှိကြောင်း၊ ရွှေဘို၊ ဘုတလင်မှလည်း ဖီးကြမ်းငှက်ပျောဝင်ရောက်မှုရှိပါသည်။ ဧရာဝတီတိုင်း၊ ရန်ကုန်တိုင်းတို့မှ       သင်္ဘော(၃) စီး၊ (၁၂) ဘီးကား ၅စီး၊ Luck Truck (၁၀) စီးဝင်ရောက်ခဲ့ရာ  Luck Truck  တစ်စီးလျှင် ငှက်ပျော်အခိုင် (၁၃၀) ခိုင်ပါရှိပြီး ၁၂ဘီးကားတစ်စီးလျှင် ငှက်ပျောအခိုင် ၅၅၀ခိုင်ပါရှိ ကြောင်းသိရှိခဲ့ရပါသည်။ ငှက်ပျောဈေးနှုန်းများမှာ ရခိုင်တစ်ဖီးလျှင် ၄၀၀ကျပ်မှ ၁၈၀၀ကျပ်၊ သီးမွှေးတစ်ဖီးလျှင် ၇၀၀ကျပ်မှ ၃၀၀၀ကျပ်၊ ဖီးကြမ်းတစ်ဖီးလျှင် ၁၀၀၀ကျပ်မှ ၃၃၀၀ကျပ်၊ ရွှေငှက်ပျောသီးတစ်ဖီးလျှင် ၁၀၀၀ကျပ်မှ ၄၅၀၀ကျပ်ထိရှိကြောင်း၊ ယခုရက်ပိုင်းများတွင် ငှက်ပျောကားအဝင်များပြီး စစ်ကိုင်းတိုင်း၊ ရွှေဘိုနယ်တွင် လေပြင်းတိုက်ခိုက်ခဲ့သဖြင့် ငှက်ပျော စိုက်သူများအနေဖြင့်  ပိုမိုတိုး၍ ငှက်ပျောခုတ်ယူများရှိကြောင်း ငှက်ပျောအသင်း၏ပြောကြားချက်အရသိရှိရပါသည်။

DOCA(ရန်ကုန်)

ကန့်ဘလူမြို့တွင် စားအုန်းဆီများကို ဌာနဆိုင်ရာဝန်ထမ်းများအား ဈေးနှုန်းသက်သာစွာရောင်းချပေး

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ခရိုင်စီမံအုပ်ချုပ်ရေးအဖွဲ့၏ အစီအစဉ်ဖြင့် (၂၃.၃.၂၀၂၄) ရက်နေ့ နံနက် ၀၇:၄၅ နာရီအချိန်၌ ကန့်ဘလူခရိုင်စုပေါင်းရုံးတွင် ဌာနဆိုင်ရာဝန်ထမ်းများကို  မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန စသည့်တာဝန်ရှိသူများ၏ကြီးကြပ်မှုဖြင့်    ကန့်ဘလူခရိုင်ဆီလုပ်ငန်းရှင်များအသင်းမှ စားအုန်းဆီများကို ဈေးနှုန်းသက်သာစွာဖြင့် ရောင်းချပေးခဲ့ ကြောင်းသိရသည်။

      အဆိုပါ စားအုန်းဆီများကို ရောင်းချပေးရာတွင် ဌာနဆိုင်ရာဝန်ထမ်းများအနေဖြင့် သက်သာသောဈေးနှုန်းဖြင့် လွယ်ကူလျှင်မြန်စွာ ဝယ်ယူစားသုံးနိုင်စေရန်အတွက် ရည်ရွယ်၍ စားအုန်းဆီ (၁)ပိဿာလျှင် ၅၉၀၀ ကျပ်ဖြင့် ဝန်ထမ်းတစ်ဦးလျှင်(၁)ပိဿာနှုန်း လက်ဝယ်အရောက်ရောင်းချ ပေးခဲ့ပြီး ဝန်ထမ်း(၉၀၀)ဦးအတွက် စားအုန်းဆီ ၉၀၀ ပိဿာရောင်းချပေးခဲ့ကြောင်း ကန့်ဘလူခရိုင် ဆီလုပ်ငန်းရှင်များအသင်းထံမှ သိရသည်။

DOCA(စစ်ကိုင်း)

“ တစ်ပတ်အတွင်း စားအုန်းဆီထုတ်ပေးမှုအခြေအနေ ” (၁၈-၃-၂၀၂၄) ရက်နေ့မှ (၂၃-၃-၂၀၂၄) ရက်နေ့အထိ

    ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်းရှိ မြို့နယ်များနှင့် အခြား တိုင်းဒေသကြီး/ ပြည်နယ်များရှိ ကိုယ်စားလှယ်များအား စားအုန်းဆီနေ့စဉ်ထုတ်ပေးလျက်ရှိပါသည်။ ပြည်တွင်းဈေးကွက်၌ စားအုန်းဆီရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည် ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက်မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်းများမပြုလုပ်စေရေးတို့အတွက်လည်း ဝန်ထမ်းများက ကွင်းဆင်းကြပ်မတ်ဆောင်ရွက်လျက်ရှိကြောင်းနှင့် (၁၈-၃-၂၀၂၄)ရက်နေ့မှ (၂၃-၃-၂၀၂၄)ရက်နေ့အထိ ဆီကုမ္ပဏီ (၂၁)ခုနှင့် စားအုန်းဆီတန်ချိန် (၄၈၆၀.၅၈၄)တန်ထုတ်ပေးခဲ့ကြောင်းသိရှိရပါသည်။

DOCA(ရန်ကုန်)

Pages

Subscribe to RSS - ပြည်တွင်းကုန်သွယ်မှုသတင်း