Main menu

ပြည်တွင်းကုန်သွယ်မှုသတင်း

Powered by Drupal

တိုင်းဒေသကြီး/ပြည်နယ်များ၏ စပါးဆန်ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြခြင်း ( ၁၈.၃.၂၀၂၄ )

    ၁၈.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံတစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်း ( ၁၈.၃.၂၀၂၄ )

     ၁၈.၃.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံး ပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများ( ၁၈.၃.၂၀၂၄ )

    ၁၈.၃.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

ပဲယင်း(နီ)သီးနှံစိုက်ပျိုးခြင်းဖြင့် တောင်သူများအကျိုးအမြတ်ရရှိနေ

      မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် စိုက်ပျိုးရေးကိုအဓိကထား၍ ဒေသစီးပွားဖြစ်လုပ်ကိုင်ကြပြီး ရွာသစ်ရပ်ကွက်ရှိ စိုက်တောင်သူများသည် နှစ်စဉ်ကိုင်းကျွန်းမြေများတွင် သီးနှံမျိုးစုံစိုက်ပျိုးလျက်ရှိရာ ယခုနှစ်တွင် ပြည်ပဝယ်လိုအားကောင်းပြီး ဈေးကွက်ခိုင်လျက်ရှိသော ဂျပန်ပဲယင်းနီသီးနှံကို တောင်သူများ စိုက်ဧကမများသော်လည်း တစ်နိုင်တစ်ပိုင်စိုက်ပျိုးကြောင်း၊ ရွာသစ်ရပ်ကွက်ရှိ တောင်သူများသည် ကြက်သွန်နီ၊ မြေပဲ၊ ပဲမျိုးစုံကို အဓိကထား၍စိုက်ပျိုးပြီး ပဲယင်း(နီ) သီးနှံကို စိုက်ဧက (၁၀)ဧကခန့်စိုက်ပျိုးထားရှိကြောင်း၊ စိုက်ပျိုးရာတွင် လွယ်ကူ၍ ကုန်ကျစရိတ်သက်သာသော ဂျပန်ပဲယင်း(နီ)သီးနှံကို ယခုနှစ်တွင် တိုးချဲ့စိုက်ပျိုးထားရှိကြောင်းသိရှိရသည်။

     ဂျပန်ပဲယင်း(နီ)ကို အောက်တိုဘာလတွင် စတင်စိုက်ပျိုးပြီး မတ်လတွင် ရိတ်သိမ်းကြောင်း၊ တစ်ဧကစိုက်ပျိုးလျှင် ပဲယင်း(နီ) (၄)ပြည်ခန့်ကုန်ကျကြောင်း၊ တစ်တင်းလျှင် ကျပ်(၁၁၀၀၀၀)ဖြင့်ဝယ်ယူရကြောင်း၊ စိုက်ပျိုးရာတွင် လွယ်ကူပြီး အလုပ်သမားငှားရမ်းမှုကုန်ကျစရိတ်နည်းခြင်း၊ သွင်းအားစုအမျိုးမျိုးနှင့် ပိုးသတ်ဆေးပက်ဖျန်းခြင်းတို့ကို ပြုလုပ်သုံးစွဲခြင်းမရှိ၍ ကုန်ကျစရိတ်နည်းကြောင်း ဒေသခံတောင်သူကပြောပါသည်။

       ဂျပန်ပဲယင်း(နီ)တစ်ဧကအထွက်နှုန်းမှာ တင်း(၃၅မှ ၄၀)ထိထွက်ရှိကြောင်း၊ ယခုနှစ်တွင် ရေမြေရာသီဥတုကောင်းမွန်ခြင်းကြောင့် တစ်ဧကလျှင် ပျမ်းမျှအားဖြင့် တင်း(၄၀)ခန့်ထွက်ရှိပြီး ယခင်နှစ်သီးနှံပေါ်ချိန်တွင်  တစ်တင်းလျှင် ကျပ်(၇၀၀၀၀)ဈေးနှုန်းဖြင့် အရောင်းအဝယ်ဖြစ်ခဲ့ကြောင်း၊ ယခုနှစ်တွင် ဒေသပေါက်ဈေးမှာ တစ်တင်းလျှင် ကျပ်(၆၈၀၀၀)ဖြင့်ရောင်းချကြောင်း၊ ဝင်ငွေမှာ ကျပ် (၂၇၂၀၀၀၀)ခန့်ရရှိပြီး၊ တစ်ဧကကုန်ကျစရိတ်မှာ ကျပ်(၅၀၀၀၀၀)ခန့်ကုန်ကျ၍ ကျပ်(၂၂၂၀၀၀၀)ခန့်အကျိုးအမြတ်ရရှိခဲ့ကြောင်း၊ ယခုနှစ်တွင် ဂျပန်ပဲယင်း(နီ)စိုက်ပျိုးခြင်းဖြင့် စိုက်တောင်သူများ အကျိုးအမြတ်ရရှိနေကြကြောင်း ဒေသခံတောင်သူများထံမှသိရှိရပါသည်။

DOCA(မကွေး)

 

ဆိပ်ဖြူကုန်စည်ဒိုင်ဈေးကွက်သို့ မတ်လ(ပထမပတ်)တွင် နွေကြက်သွန်နီ(ပင်စိုက်)များ စတင်ဝင်ရောက်အရောင်းအဝယ်ဖြစ်

      မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူကုန်စည်ဒိုင် ကြက်သွန်နီဈေးကွက်သို့ မိုးကြက်သွန်နီများအပြင် နွေကြက်သွန်နီ (ပင်စိုက်) များလည်း ၂၀၂၄ခုနှစ်၊ မတ်လ(ပထမပတ်)(၁)ရက်နေ့မှ (၇)ရက်နေ့ထိ လှိုင်လှိုင်တူးဖော်လျက်ရှိသော ဒေသများဖြစ်သည့် ဆိပ်ဖြူမြို့အနောက်ပိုင်း၊ ရွာသစ်ရပ်ကွက်၊ ကိုးတောင့်အုပ်စု၊ ချင်တောင်အုပ်စု၊ မြင်ကဝအုပ်စုအတွင်းရှိ ကျေးရွာများမှ  နေ့စဉ်ပိဿာ (၆)သောင်းခန့်၊ တစ်ပတ်အတွင်း ကုန်ချိန်ပိဿာ(၄)သိန်းခန့်ဝင်ရောက်လျက်ရှိကြောင်း ဈေးကွက်မှသိရှိရသည်။

     ကြက်သွန်နီဈေးကွက်အနေဖြင့် မတ်လ(ပထမပတ်)တွင် ဈေးနှုန်းအနည်းငယ်ကျဆင်း၍  အရောင်းအဝယ်ဖြစ်လျက်ရှိသည်။ မိုးကြက်သွန်နီနှင့် နွေကြက်သွန်နီ(ပင်စိုက်)(ဂျွန်)တစ်ပိဿာလျှင် အမြင့်ဈေး ကျပ်(၂၅၇၅)၊ အလတ်စ ကျပ်(၂၃၇၅)၊ အနိမ့်စ ကျပ်(၁၈၀၀) အရောင်းအဝယ်ဖြစ်ခဲ့ပြီး ယခင်ဖေဖော်ဝါရီလ (စတုတ္ထပတ်) တွင် မိုးကြက်သွန်နီတစ်ပိဿာလျှင် ထိပ်စအမြင့်ဈေး ကျပ်(၂၆၀၀)၊ အလတ်စ ကျပ်(၂၄၅၀)၊ အနိမ့်စ ကျပ်(၁၉၀၀)ဖြင့် အရောင်းအဝယ်ဖြစ်ခဲ့ပါသည်။

     ယခင်ဖေဖော်ဝါရီလ(စတုတ္ထပတ်)နှင့်နှိုင်းယှဉ်ကြည့်လျှင် ယခုမတ်လ(ပထမပတ်)တွင် ကြက်သွန်နီတစ်ပိဿာလျှင် အမြင့်ဈေး ထိပ်စ ကျပ်(၂၅)၊ အလတ်စ ကျပ်(၇၅)၊ အနိမ့်စ ကျပ်(၁၀၀)ခန့်ဈေးနှုန်းကျဆင်းသွားကြောင်း၊ ထိုသို့ဈေးနှုန်းအနည်းငယ်ကျဆင်းရခြင်းမှာ ကြက်သွန်နီဈေးကွက်သို့ ယခုမတ်လ (ပထမပတ်) တွင် ပင်စိုက်နွေကြက်သွန်နီကုန်ချိန်ပိဿာဝင်ရောက်မှုများလာခြင်းနှင့် ပြည်ပဝယ်လိုအား ဈေးကွက်နည်းခြင်းကြောင့် ဈေးနှုန်းကျဆင်းသွားခြင်းဖြစ်ကြောင်းသိရှိရသည်။

      ဆိပ်ဖြူမြို့မှထွက်ရှိသော ကြက်သွန်နီများကို ရန်ကုန်ဘုရင့်နောင်ကုန်စည်ဒိုင်နှင့် ပြည်၊ ပုသိမ်မြို့များ၌ မြဝတီမြို့မှတစ်ဆင့် ထိုင်း၊ ဗီယက်နမ်နိုင်ငံများသို့ ကြက်သွန်နီကုန်ချိန်ပိဿာ (၄)သိန်းခန့်၊ တန်ချိန်အားဖြင့် (၆၃၅)တန်ခန့် ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှသိရှိရပါသည်။

DOCA(မကွေး)

 

ဆိပ်ဖြူမြို့နယ်၌ ဆောင်းသီးနှံ ကန်စွန်းဥစိုက်ပျိုးခြင်းဖြင့် တောင်သူများအကျိုးအမြတ်ရရှိ

      မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်အတွင်းရှိ ကိုးထောင့်၊ ရေလယ်ကျွန်း၊ သံဇလုံ၊ တောင်ငယ်လုံး၊ ရေလယ်တောင်၊ ကျစ်ပြင်၊ ချင်တောင်၊ အောက်ဆိပ်၊ ဇီးကပ်ကျေးရွာတို့တွင် နှစ်စဉ်ရာသီအလိုက် သီးနှံမျိုးစုံစိုက်ပျိုးလျက်ရှိရာ ကုန်စိမ်းသီးနှံ ရာသီစာကန်စွန်းဥစိုက်ခင်းများကိုလည်း ကိုင်းကျွန်း၊ သဲ၊ နုန်းမြေများတွင် အများဆုံးစိုက်ပျိုးလျက်ရှိကြောင်း၊ ကန်စွန်းဥစိုက်ခင်းများကို ဒေသစီးပွားဖြစ် နှစ်စဉ် အမြောက်အများစိုက်ပျိုးကြပြီး ဘဏ္ဍာနှစ် (၂၀၂၂-၂၀၂၃) တွင် စိုက်ဧက (၂၀၀၀) ခန့်စိုက်ပျိုးရာ ကန်စွန်းဥအထွက်ကောင်းပြီး ဈေးကွက်ကောင်းမွန်ခြင်းကြောင့် ယခုဘဏ္ဍာနှစ် (၂၀၂၃-၂၀၂၄) တွင် စိုက်ဧက (၂၅၀၀)ခန့်ထိတိုးချဲ့စိုက်ပျိုးထားကြောင်းသိရှိရသည်။

      စိုက်တောင်သူများသည် ကန်စွန်းဥမျိုးအနေဖြင့် ရွှေဝါနှင့် ငချိတ်မျိုးကို အများဆုံးစိုက်ပျိုးပြီး ကန်စွန်းတစ်ညွန့်လျှင် ရှစ်ကျပ်နှုန်းဖြင့် ဝယ်ယူစိုက်ပျိုးရကြောင်း၊ တစ်ဧကလျှင် ကန်စွန်းညွန့် သုံးသောင်းခွဲခန့်ဝင်ဆံ့စိုက်ပျိုးရကြောင်း၊ ဥစားကန်စွန်းညွန့်များကို မြစ်ရေကျချိန် အောက်တိုဘာလကုန်မှ နိုဝင်ဘာလအတွင်း စတင်စိုက်ပျိုးကြပြီး ဖေဖာ်ဝါရီလမှ မတ်လအတွင်း တူးဖော်ရကြောင်း၊ ကန်စွန်းဥများ အချိုလေး၍ အရသာရှိစေရန်အတွက် စိုက်ခင်းများကို တောင်သူများအနေဖြင့် ရေသွင်းစိုက်ပျိုးခြင်းမရှိဘဲ မြေအောက်ရေဖြင့်သာစိုက်ပျိုးပြီး သုံးလအကြာတွင် ကန်စွန်းဥများတူးဖော်ကြောင်းသိရှိရပါသည်။

      အထွက်နှုန်းအနေဖြင့် တစ်ဧကလျှင် ယခုနှစ်ပိဿာချိန် (၃၀၀၀-၃၅၀၀)ခန့်ထွက်ရှိပြီး သီးနှံပေါ်စ၌ ဒေသပေါက်ဈေးမှာ ကန်စွန်းဥအကြီးအသေးနှင့် အရည်အသွေးလိုက်၍ လက်ကားဈေး တစ်ပိဿာလျှင် ငွေကျပ်(၈၀၀-၁၅၀၀)ဖြင့်ရောင်းချရကြောင်း၊ ယခင်နှစ်အထွက်နှုန်းမှာ စိုက်ခင်းအတွင်း မြစ်ရေဝင်ချိန်မရှိခဲ့၍ ပျမ်းမျှပိဿာ(၃၀၀၀)ခန့်သာထွက်ရှိခဲ့ပြီး   ဒေသပေါက်ဈေးမှာ တစ်ပိဿာလျှင် ကျပ် (၈၀၀-၈၅၀)ဖြင့် အရောင်းအဝယ်ဖြစ်ခဲ့ကြောင်း၊ ကန်စွန်းဥစိုက်ပျိုးရာတွင် တစ်ဧကကုန်ကျစရိတ်အနေဖြင့် ယခင်နှစ်တွင် ကျပ်(၅၀၀၀၀၀)ခန့်ကုန်ကျခဲ့ကြောင်း၊ ယခုနှစ်တွင် ကျပ်(၉၀၀၀၀၀)ခန့်ကုန်ကျခဲ့ကြောင်း၊ ဝင်ငွေအနေဖြင့် တောင်သူတစ်ဦးလျှင် တစ်ဧကပျမ်းမျှပိဿာ (၃၀၀၀)ထွက်ရှိပြီး တစ်ပိဿာလျှင် လက်ကားဈေး ကျပ်(၁၂၀၀)ဖြင့်ရောင်းချရ၍ ကျပ်(၃၆၀၀၀၀၀)ခန့်ဝင်ငွေရရှိပြီး ကျပ်(၂၇၀၀၀၀၀)ခန့်အကျိုးအမြတ်ရရှိကြောင်း ဒေသခံတောင်သူတစ်ဦးထံမှသိရှိရပါသည်။

      ယခုနှစ် ကန်စွန်းဥစိုက်တောင်သူများမှာ စိုက်ပျိုးမြေများ၌ မြစ်ရေတက်ချိန်တွင် စိုက်ခင်းများအတွင်း မြစ်ရေဝင်ခြင်းကြောင့် မြေအောက်ရေရရှိခြင်းအပြင် ရာသီဥတုကောင်းမွန်၍ ယခင်နှစ်ထက် ကန်စွန်းဥအထွက်နှုန်းကောင်းပြီး သီးနှံပေါ်ချိန်၌ စိုက်ခင်းထွက်ကန်စွန်းဥများမှာ ဈေးကောင်းရရှိ၍ ဆိပ်ဖြူမြို့နယ်အတွင်းရှိ ရာသီစာကန်စွန်းဥစိုက်တောင်သူများအနေဖြင့် အကျိူးအမြတ်များစွာရရှိလျက်ရှိကြောင်းသိရှိရပါသည်။

      ရာသီစာ ကန်စွန်းဥသီးနှံသည် နူးညံ့ချိုလေး၍ အရသာရှိပြီး အမျှင်ဓာတ်ကြွယ်ဝစွာရရှိခြင်းကြောင့်  ကျန်းမာရေးနှင့်ညီညွတ်၍ ကလေးလူကြီးမရွေး နှစ်ခြိုက်စွာဝယ်ယူစားသုံးကြသည်။ ဈေးနှုန်းသက်သာပြီး အလွယ်တကူဝယ်ယူစားသုံးရခြင်းကြောင့် စားသုံးမှုများခြင်းအပြင် စီးပွားရေးလုပ်ငန်းရှင်များကလည်း ကုန်ကြမ်းကန်စွန်းဥမှတစ်ဆင့် တန်ဖိုးမြှင့်ထုတ်ကုန် ကန်စွန်းဥကြော်လုပ်ငန်းများကို တွင်ကျယ်စွာထုတ်လုပ်မှုရှိခြင်းကြောင့် ပြည်တွင်းစီးပွားရေးလုပ်ငန်းရှင် (MSMEs) အသေးစားကုန်ထုတ်လုပ်ငန်းများမှာလည်း ဖွံ့ဖြိုးတိုးတက်လျက်ရှိပြီး ဒေသတွင်းကန်စွန်းဥစိုက်တောင်သူများအနေဖြင့်လည်း ဈေးနှုန်းဈေးကွက်ကောင်းခြင်းကြောင့် အကျိုးအမြတ်များစွာရရှိလျက်ရှိပြီး စားသုံးသူများအတွက် ကျန်းမာရေးနှင့်ညီညွတ်လျက်ရှိသော ကန်စွန်းဥစိုက်ခင်းများကို နှစ်စဉ်မပြတ်စိုက်ပျိုးရာသီချိန်တွင် ဒေသစီးပွားဖြစ်စိုက်ပျိုးသင့်ပါကြောင်း ရေးသားတင်ပြလိုက်ရပါသည်။

DOCA(မကွေး)

ပခုက္ကူကုန်စညိဒိုင်၌ မတ်လ(ပထမပတ်)တွင် အရောင်းအဝယ်ဖြစ်နေသော ကြက်သွန်နီ၊ ကြက်သွန်ဖြူဈေးနှုန်းဈေးကွက်

      မကွေးတိုင်းဒေသကြီး၊ ပခုက္ကူခရိုင်၊ ကြက်သွန်နီကုန်စည်ဒိုင်တွင် ကြက်သွန်နီစိုက်ပျိုးရာဒေသများဖြစ်ကြသော ပေါက်၊ ဆိပ်ဖြူ၊ ရေပြာ၊ ကမ္မ၊ ရေစကြိုနှင့် ပခုက္ကူကျွန်းများမှ ဆောင်းစိုက်ပင်စိုက်များမှာ အရောင်းအဝယ်ဖြစ်လျက်ရှိသည့်အပြင် အခြားဒေသများဖြစ်သော ပုလဲ၊ မြင်းခြံမြို့၊ တောင်သာနယ်၊ ညောင်ဦးမှ ဆောင်းစိုက်(ပင်စိုက်)ကြက်သွန်နီများအပြင် ကြက်သွန်ဖြူများလည်း ဝင်ရောက်အရောင်းအဝယ်ဖြစ်နေပါသည်။

       ပခုက္ကူကြက်သွန်နီကုန်စည်ဒိုင်၏ ကြက်သွန်နီဒိုင်ပြတ်ဈေးမှာ ပေါက်နယ်(ယောစ) ထိပ်စတစ်ပိဿာလျှင် ကျပ် (၂၇၀၀)၊ အလတ်စတစ်ပိဿာလျှင် ကျပ် (၂၅၀၀)၊ အနိမ့်စတစ်ပိဿာလျှင် ကျပ် (၂၀၀၀)၊ ပုလဲကြက်သွန်နီ ထိပ်စတစ်ပိဿာလျှင် ကျပ် (၂၆၅၀)၊  အလတ်စတစ်ပိဿာလျှင် ကျပ် (၂၅၀၀)၊ အနိမ့်စတစ်ပိဿာလျှင် ကျပ် ( ၂၄၀၀) ဖြင့် နေ့စဉ်ကုန်ချိန် (၅၀၀၀၀မှ ၁၀၀၀၀၀) ပိဿာကျော်အရောင်းအဝယ်ဖြစ်နေပြီး တင်ပို့မှုအနေဖြင့် ရန်ကုန်ဘုရင့်နောင်၊ တရုတ်နှင့် ဗီယက်နမ်နိုင်ငံများသို့လည်းတင်ပို့နေကြောင်း ကုန်သည်များထံမှသိရှိရပါသည်။

      ကြက်သွန်ဖြူ(ဗမာ)ဒိုင်ပြတ်လက်ကားဈေးမှာ အရည်အသွေးပေါ်မူတည်၍ ထိပ်စတစ်ပိဿာလျှင် ကျပ် (၁၁၀၀၀)၊ အလတ်စတစ်ပိဿာလျှင် ကျပ်(၁၀၀၀၀)၊ အနိမ့်စတစ်ပိဿာလျှင် ကျပ် (၉၈၀၀) ဖြစ်ပြီး ကြက်သွန်ဖြူ (ရှမ်းစ) ထိပ်စတစ်ပိဿာလျှင် ကျပ် (၁၁၀၀၀)၊ အလတ်စတစ်ပိဿာလျှင် ကျပ် (၁၀၀၀၀)၊ အနိမ့်စတစ်ပိဿာလျှင် ကျပ်(၉၀၀၀) ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေကြောင်းသိရှိရပါသည်။

DOCA(မကွေး)

ပခုက္ကူကုန်စည်ဒိုင်၏ မတ်လ(ပထမပတ်)တွင်ဖြစ်ပေါ်နေသော ပဲယင်းနီ/ဝါသီးနှံအရောင်းအဝယ်ဖြစ်မှုအခြေအနေ

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူကုန်စည်ဒိုင်တွင် မတ်လ(ပထမပတ်)၌  ပခုက္ကူဒေသမှထွက်ရှိသော ပဲယင်းနီများသာမက မြစ်ခြေမြို့နယ်နှင့် ရေစကြိုမြို့နယ်ရှိ ကျွန်းများမှထွက်ရှိသော ပဲယင်းနီများနှင့် ဂန့်ဂေါခရိုင်အတွင်းမှထွက်ရှိသော ပဲယင်းနီ/ဝါအမျိုးမျိုးတို့မှာ အရောင်းအဝယ်ဖြစ်လျက်ရှိပါသည်။ အရောင်းအဝယ်ဖြစ်လျက်ရှိသော ပဲယင်းနီများမှာ ပဲယင်းနီ(ယော)၊ ပဲယင်းနီ (ကျွန်း)၊  ပဲယင်း(ဝါ))၊ ပဲယင်းနီ(မြစ်ခြေ)တို့ဖြစ်ပါသည်။

      ၂၀၂၄ခုနှစ်၊ မတ်လ(ပထမပတ်)၌ ပခုက္ကူကုန်စည်ဒိုင်တွင် အရောင်းအဝယ်ဖြစ်ခဲ့သော ပဲယင်းနီဈေးနှုန်းများမှာ ပဲယင်းနီ(ကျွန်း)တစ်တင်းလျှင် ကျပ်(၆၆၀၀၀- ၆၇၀၀၀- ၆၈၀၀၀)၊ ပဲယင်းနီ(ယော)တစ်တင်းလျှင် ကျပ်(၆၇၀၀၀)၊ ပဲယင်း(ဝါ) တစ်တင်းလျှင် ကျပ်(၄၈၀၀၀)၊ ပဲယင်းနီ(မြစ်ခြေ)တစ်တင်းလျှင် ကျပ်(၅၀၀၀၀-၅၀၄၀၀-၅၁၄၀၀)ဖြစ်ပြီး နေ့စဉ်အရောင်းအဝယ်ဖြစ်နေသည့်အိတ်ရေမှာ (၅၀)အိတ်မှ (၂၀၀)အိတ်ထိအရောင်းအဝယ်ဖြစ်လျက်ရှိကြောင်း ပခုက္ကူကုန်စည်ဒိုင်မှသိရှိရပါသည်။

DOCA(မကွေး)

ပခုက္ကူကုန်စည်ဒိုင်တွင် ပဲစင်းငုံနီဈေးနှုန်းများ ပြန်လည်မြင့်တက်လာ

     မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့၊ ပဲစင်းငုံနီစိုက်ပျိုးရာဒေသများဖြစ်ကြသော မြိုင်၊ ရေစကြို၊ ဆိပ်ဖြူ၊ ပေါက်မြို့များအပြင် ပခုက္ကူမြို့နယ်အတွင်းရှိ ကံတော်၊ ကံလှ၊ ဒဟက်ခြောက်၊ ချောက်ကန်အုပ်စုဖြစ်သော အရှေ့ချောက်ကန်၊ အနောက်ချောက်ကန်၊ လက်ပံကန်၊ ကိုးပင်နှင့် ကိုင်းအုပ်စုရှိကျေးရွာများ၊ အင်ပင်ကျေးရွာများမှ သက်လတ်ပဲစင်းငုံနီများထွက်ရှိလျက်ရှိပါသည်။ ပခုက္ကူကုန်စည်ဒိုင်သည် မြို့၏စီးပွားရေးအချက်အချာကျ၍ နေရာဒေသပေါင်းစုံဖြစ်သော မန္တလေးတိုင်းဒေသကြီးအတွင်းရှိနယ်များ၊ ကျောက်ပန်းတောင်း၊ ညောင်ဦးနယ်များမှ ထွက်ရှိသော ပဲစင်းငုံနီများလည်း ဝင်ရောက်အရောင်းအဝယ်ဖြစ်လျက်ရှိပါသည်။

        ပဲစင်းငုံနီဈေးနှုန်းများသည် မတ်လ(ပထမပတ်)တွင် ပြန်လည်မြင့်တက်လာပါသည်။ ဖေဖော်ဝါရီလ (စတုတ္ထပတ်)တွင် ပဲစင်းငုံနီတစ်တင်းလျှင် ကျပ်(၁၁၅၆၀၀)ရှိခဲ့ပြီး မတ်လ(၁)ရက်နေ့မှစ၍ ပဲစင်းငုံနီဈေးသည် တစ်တင်းလျှင် ကျပ် (၁၁၉၀၀၀)မြင့်တက်နေပါသည်။ မတ်လ (ပထမပတ်)တွင် ပဲစင်းငုံနီဒိုင်ပြတ်ဈေးမှာ တစ်တင်းလျှင် ကျပ်(၁၂၀၀၀၀-၁၂၅၀၀၀)ဈေးနှုန်းဖြင့် နေ့စဉ်အိတ်ရေ (၅၀၀မှ ၂၀၀၀)ကျော်ထိအရောင်းအဝယ်ဖြစ်လျက်ရှိပြီး တင်ပို့မှုအနေဖြင့်  ရန်ကုန်ရင့်နောင်ကုန်စည်ဒိုင်နှင့် ပြည်ပနိုင်ငံများသို့လည်းတင်ပို့နေရကြောင်း ကုန်စည်ဒိုင်မှသိရှိရပါသည်။

DOCA(မကွေး)

တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံး ပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများ( ၁၇.၃.၂၀၂၄ )

    ၁၇.၃.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

Pages

Subscribe to RSS - ပြည်တွင်းကုန်သွယ်မှုသတင်း