စစ်ကိုင်းတိုင်းဒေသကြီးတွင် မိုးကြက်သွန်နီ စိုက်ဧက (၂၀၀၀)ဧကကျော်စိုက်ပျိုးပြီးစီး၍ ယနေ့အထိ ဧကပေါင်း (၁၈၀၀)ဧကကျော် ရိတ်သိမ်းပြီးကြောင်းသိရပါသည်။ မိုးကြက်သွန်နီကို ဩဂုတ်လနှင့် စက်တင်ဘာလတို့တွင် စတင်စိုက်ပျိုးကြပြီး၊ နိုဝင်ဘာလနှင့် ဒီဇင်ဘာလတို့တွင် ရိတ်သိမ်းလေ့ရှိရာ ယခုဈေးကွက်သို့ဝင်ရောက်မှုအနေဖြင့် နိုဝင်ဘာလ ပထမပတ်မှစ၍ ဝင်ရောက်လျက်ရှိကြောင်းသိရှိရပါသည်။
ယခုအချိန်တွင် မိုးကြက်သွန်နီ(အသစ်)များ ဈေးကွက်သို့ လှိုင်လှိုင်ဝင်ရောက်လျက်ရှိပြီး မိုးကြက်သွန်နီ(အသစ်) ပွဲရုံလက်ကားဈေး တစ်ပိဿာလျှင်(သေး/လတ်/ကြီး)ကျပ် (၁၀၀၀-၁၅၀၀- ၂၀၀၀) နှုန်းတို့ရှိပြီး လက်လီဈေးမှာ သေး/လတ်/ကြီးတစ်ပိဿာလျှင် ကျပ် (၁၅၀၀-၂၀၀၀-၂၄၀၀) နှုန်းတို့ဖြင့် အရောင်းအဝယ်ဖြစ်လျက်ရှိကြောင်းသိရပါသည်။ ကြက်သွန်နီကို မုံရွာမြို့နယ်အတွင်းရှိ ကျွဲရဲ၊ မြေနဲ၊ ရွာတုံ၊ တောင်ပလူကျေးရွာများတွင် အများဆုံးစိုက်ပျိုးကြပြီး ထွက်ရှိလာသောကြက်သွန်နီများကို မန္တလေး၊ ရန်ကုန်မြို့များနှင့် မြို့တွင်းပွဲရုံများသို့ တင်ပို့ရောင်းချကြကြောင်းသိရပါသည်။
DOCA(စစ်ကိုင်း)