မော်လမြိုင်ကုန်စည်ဒိုင်၏ လုပ်ငန်းညှိနှိုင်းအစည်းအဝေးကို မွန်ပြည်နယ်စားသုံးသူရေးရာ ဦးစီးဌာန၊ ပြည်နယ်ဦးစီးမှူးရုံးအစည်းအဝေးခန်းမ၌ဇူလိုင်လ ၅ရက်နေ့ နံနက် ၀၉၀၀ နာရီအချိန်တွင် ကျင်းပပါသည်။
အစည်းအဝေးသို့ စားသုံးသူရေးရာဦးစီးဌာန၊ပြည်နယ်ဦးစီးမှူး ဦးခင်အောင်သွင်၊ မော်လမြိုင်ကုန်စည်ဒိုင်ဥက္ကဌ ဦးအောင်မျိုးဦး၊ ဒုဥက္ကဌ(၁)ဦးဘုန်းမြင့်၊ ဒုဥက္ကဌ(၂)ဦးအေးသန်း၊ ကုန်စည်ဒိုင်အလုပ်အမှုဆောင်အဖွဲ့ဝင်များ၊ ဒေါ်ရည်မွန်ဆု(NEI)၊ စကားဝါ အဖွဲ့အစည်းဖွံ့ဖြိုးရေး အတိုင်ပင်ခံ ဦးမြတ်ခေါင်လင်း၊ စားသုံးသူရေးရာဦးစီးဌာနမှဝန်ထမ်းများ စုစုပေါင်း(၂၀)ဦး တက်ရောက်ပါသည်။
ဆွေးနွေးပွဲ၌ ပြည်နယ်ဦးစီးမှူး ဦးခင်အောင်သွင်မှ ကုန်စည်ဒိုင်သက်ဝင်လှုပ်ရှားနိုင်ရေး လိုအပ်ချက်များရှင်းလင်းပြောကြားပြီး ကုန်စည်ဒိုင် ဥက္ကဌ ဦးအောင်မျိုးဦးမှ ကုန်စည်ဒိုင်၏ ရည်ရွယ်ချက်နှင့် ကုန်စည်ဒိုင်တွင်ဒေသထွက် ဆန်၊ရော်ဘာ၊ဆား၊ ပဲမျိုးစုံ၊ရေထွက်ပစ္စည်း၊ ရာသီပေါ်သီးနှံ စသည့်အမယ်(၆)မျိုးအား အဓိကရောင်းချမည့်အခြေအနေများအား ရှင်းလင်း ပြောကြားပါသည်။ ဆက်လက်ပြီးဦးမြတ်ခေါင်လင်းမှ ကုန်စည်ဒိုင် အသက်ဝင်ရန်အတွက် ရှေ့ဆက််လုပ်ဆောင်ရမည့် လိုအပ်ချက်များကို ရှင်းလင်းအကြံပေးဆွေးနွေးပါသည်။ ထို့နောက်အခက်အခဲများအား အပြန်အလှန်ဆွေးနွေးကြပြီး ရောင်းချမည့် သီးနှံကဏ္ဍအလိုက် ပြန်လည်သုံးသပ်နိုင်ရေး အတွက် ကုန်စည်ဒိုင်အလုပ်အမှုဆောင်များ၏ ရှေ့ဆက် လုပ်ဆောင်လုပ်ဆောင်ရမည့် အစီအစဉ်များနှင့် တွေ့ဆုံဆွေးနွေးပွဲကို သုံးလတစ်ကြိမ် ပြန်လည်ပြုလုပ်နိုင်ရန်ဆုံးဖြတ်ပြီး အစည်းအဝေးကို ညနေ ၁၆၀၀ နာရီတွင် ရုပ်သိမ်းခဲ့ကြောင်းသတင်းရရှိပါသည်။
မွန်ပြည်နယ်
စားသုံးသူရေးရာဦးစီးဌာန