![](http://www.doca.gov.mm/sites/default/files/styles/consumer_inner_image__847x424_/public/2600.jpg?itok=3T5KGe8F)
တရုတ်နိုင်ငံသည် ဖိလစ်ပိုင်နိုင်ငံ၏ အကြီးမားဆုံးကုန်သွယ်ဖက်နိုင်ငံအဖြစ် ရှစ်နှစ်ဆက် ရပ်တည်ခဲ့ကြောင်း ဖိလစ်ပိုင်နိုင်ငံဆိုင်ရာ တရုတ်သံအမတ်ကြီး ဟွမ်ရှီလျမ်က ၂၁.၃.၂၀၂၄ တွင် ပြောကြားခဲ့ပါသည်။ ထို့ပြင် တရုတ်နိုင်ငံနှင့် ဖိလစ်ပိုင်နိုင်ငံတို့၏ စီးပွားရေးမှာ စက်မှုလုပ်ငန်းဆိုင်ရာ ထောက်ပို့မှုကွင်းဆက်နှင့် ကမ္ဘာလုံးဆိုင်ရာ စံတန်ဖိုးတို့၏ အစိတ်အပိုင်းတစ်ခု ဖြစ်ကြောင်း တရုတ်နိုင်ငံ၏ ဖွံ့ဖြိုးတိုးတက်မှုကို ကမ္ဘာကြီးက ခွဲခြား၍မရကြောင်းနှင့် တရုတ် နိုင်ငံမပါဝင်ဘဲ ကမ္ဘာကြီး ဖွံ့ဖြိုးတိုးတက်ရန် မဖြစ်နိုင်ကြောင်း သံအမတ်ကြီးက ဆက်လက် ပြောကြားခဲ့ပါသည်။ ဖိလစ်ပိုင်နိုင်ငံသည် အရှိန်အဟုန်ဖြင့် ဖွံ့ဖြိုးတိုးတက်နေသည့်အတွက် တရုတ်နိုင်ငံသည် ဖိလစ်ပိုင်နိုင်ငံ၏ အကြီးမားဆုံးရင်းနှီးမြှုပ်နှံမှုဆိုင်ရာ အရင်းအမြစ် ဖြစ်ပေါ် လာလျက်ရှိပါသည်။ ဖိလစ်ပိုင်နိုင်ငံစာရင်းအင်း အာဏာပိုင်အဖွဲ့၏ ၂၀၂၃ ခုနှစ် အစီရင်ခံစာ အရ ဖိလစ်ပိုင်နိုင်ငံ၏ စုစုပေါင်း ပို့ကုန်သွင်းကုန် ပမာဏမှာ အမေရိကန်ဒေါ်လာ ၂၀၀ ဘီလီယံ ရှိခဲ့ပြီး ၂၀၂၂ ခုနှစ်ကထက် ၈% လျှော့ကျခဲ့ပါသည်။ ဖိလစ်ပိုင်နိုင်ငံနှင့် အခြားမိတ်ဖက် ကုန်သွယ် ဖက်နိုင်ငံများအကြား ကုန်သွယ်မှုပမာဏလျော့ကျခဲ့သော်လည်း တရုတ်-ဖိလစ်ပိုင် ကုန်သွယ်မှု ပမာဏမှာ ၂၀၂၃ တွင် အမေရိကန်ဒေါ်လာ ၄၀ ဘီလီယံ ရှိခဲ့ပြီး ၂၀၂၃ ခုနှစ်ကထက် ၂.၇% တိုးတက်လာကြောင်း သိရပါသည်။ မူတညီသည့် နိုင်ငံရေးစနစ်နှင့် အခြေအနေများ တည်ရှိနေသော်လည်း တရုတ်နိုင်ငံနှင့် ဖိလစ်ပိုင်နိုင်ငံတို့သည် တူသညီသည့် ဖွံ့ဖြိုးတိုးတက်ရေး ရည်ရွယ်ချက်များနှင့် တစ်နိုင်ငံအားသာချက်ကို တစ်နိုင်ငံက မှီတည်ကာ နှစ်ဦးနှစ်ဖက် အကျိုးအမြတ်ရှိသည့် ပူးပေါင်းဆောင်ရွက်မှု ပြုလုပ်ရန် အလားအလာရှိနေကြောင်း သိရပါသည်။
Source : The Malina Times
DOCA(ရန်ကုန်)