မလေးရှားနိုင်ငံ၌ စားအုန်းဆီဈေးနှုန်းများသည် ဝယ်လိုအားကောင်းမွန်မှုအရ ဒီဇင်ဘာ ၂၆ ရက်နေ့တွင် ၄ ကြိမ်မြောက် မြင့်တက်ခဲ့ပြီး ရက်သတ္တနှစ်ပတ်အတွင်း အမြင့်ဆုံးသို့ ရောက်ရှိခဲ့သည်။ ဒီဇင်ဘာလ ပထမ ၂၅ ရက်ကာလအတွင်း လအလိုက် နှိုင်းယှဉ်ပါက ၁.၆ ရာခိုင်နှုန်း မြင့်တက်ခဲ့ ကြောင်း Intertek Testing Services ၏ အချက်အလက်များက ဖော်ပြလျက်ရှိသည်။ ယင်းကာလ၌ အိန္ဒိယ၏ ဝယ်ယူမှုမှာ ၂၇၉၅၅၀ တန်ဖြင့် ယခင်လ ကာလတူထက် ၆၆ ရာခိုင်နှုန်း ပိုမိုခဲ့သည်။
ယခုအခါ ပွဲတော်ရာသီကာလ၏ ဝယ်လိုအား မြင့်မားလာသဖြင့် ပြည်ပတင်ပို့မှုမှာလည်း တိုးတက်လျက်ရှိသည်ဟု Kaleesuwari Intercontinental ကုမ္ပဏီမှ ကုန်သွယ်မှုနှင့် ဈေးကွက် ချိန်ညှိမှု မဟာဗျူဟာဌာန အကြီးအကဲ Gnanasekar Thiagarajan က ပြောဆိုခဲ့သည်။ ၂၀၂၆ ခုနှစ် ဖေဖော်ဝါရီလ နှစ်သစ်ကူးပွဲတော်နှင့် ရာမဒန်ဥပုသ် မတိုင်မီတွင် စားအုန်းဆီ ဝယ်လိုအားမြင့်တက် လျက် ဈေးနှုန်းများပါ မြင့်တက်ဖွယ်ရှိသည်ဟု ခန့်မှန်းရသည်။ သို့သော် မလေးရှားရင်းဂစ်ငွေ၏ တန်ဖိုးခိုင်မာမှုက ဈေးနှုန်းမြင့်တက်မှုကို ကန့်သတ်ဖွယ်ရှိကြောင်း ၎င်းက ဆက်လက်ပြောဆိုထား သည်။
မလေးရှားရင်းဂစ်ငွေသည် တတိယမြောက်နေ့ရက်အဖြစ် ဆက်လက်ခိုင်မာနေခဲ့ပြီး ၄ နှစ်ခွဲ ကာလအတွင်း တန်ဖိုးအမြင့်မားဆုံးသို့ ရောက်ရှိခဲ့ရာ ပြည်ပဝယ်လက်များကို စားအုန်းဆီဝယ်ယူရန် ဆွဲဆောင်နိုင်စွမ်း နည်းပါးစေလျက်ရှိသည်။
ဘာဆာမလေးရှားဆင့်ပွားဈေးကွက် (Bursa Malaysia Derivatives) ၌ မတ်လတွင် တင်ပို့ မည့် စားအုန်းဆီ ကြိုပွိုင့်ဈေးနှုန်းသည် တစ်တန်လျှင် ၄၀၈၆ ရင်းဂစ်နှုန်းဖြင့် ယခင်နေ့ကထက် ၁.၂ ရာခိုင်နှုန်း မြင့်တက်ခဲ့ကြောင်း၊ တရုတ်နိုင်ငံ Dalian ကုန်စည်ဈေးကွက်တွင်မူ မေလအတွက် ကြို တင်ရောင်းချသည့် သန့်စင်ပြီး စားအုန်းဆီ တစ်တန်သည် ၈၅၇၆ ယွမ်နှုန်း (၄၉၂၆.၄၆ ရင်းဂစ်နှုန်း) ဖြင့် ၀.၄ ရာခိုင်နှုန်း မြင့်တက်ခဲ့ကြောင်း The Edge Malaysia သတင်းဌာနက ဖော်ပြထားသည်။
Source: The Edge Malaysia, 26 Dec 2025(လယ်ယာထွက်ကုန်များနှင့် အဓိကသွင်းကုန်များ၏ နိုင်ငံတကာဈေးကွက်စောင့်ကြည့်လေ့လာရေးအဖွဲ့)