တောင်ကိုရီးယား၏ ပို့ကုန်ပမာဏ နိုဝင်ဘာလတွင် ပြန်လည်မြင့်တက်လာ

                  ပြည်တွင်းထုတ် တစ်ပိုင်းလျှပ်ကူးပစ္စည်းများအတွက် မြင့်မားသော ဝယ်လိုအားကြောင့် တောင်ကိုရီးယား၏ ပို့ကုန်ပမာဏသည် ပြီးခဲ့သည့်လက ပြန်လည်ကောင်းမွန်လာကြောင်း ဒီဇင်ဘာလ ၁၂ ရက်နေ့တွင် ပြသခဲ့သည့် ဗဟိုဘဏ်၏ အချက်အလက်များအရသိရသည်။ ကိုရီးယား ဘဏ် (BOK) ၏ အဆိုအရ ပို့ကုန်ပမာဏအညွှန်းကိန်းသည် ယခင်လက ၁.၁ ရာခိုင်နှုန်း ကျဆင်းပြီး နောက် နိုဝင်ဘာလတွင် ယခင်နှစ်ကထက် ၆.၈ ရာခိုင်နှုန်း တိုးချဲ့ခဲ့ သည်။ ပမာဏအရ ကွန်ပျူတာ များနှင့် အီလက်ထရွန်းနစ်နှင့် optical devices များ တင်ပို့မှုသည် နှစ်စဉ် နိုဝင်ဘာလတွင် ၁၀.၅ ရာခိုင်နှုန်း တိုးတက်လာခဲ့ပြီး ဉာဏ်ရည်တု (AI) ချစ်ပ်များအတွက် အသုံးပြုသည့် တစ်ပိုင်းလျှပ်ကူး ပစ္စည်းများအတွက် မြင့်မားသော ဝယ်လိုအားကြောင့် ဖြစ်သည်။ သယ်ယူပို့ဆောင်ရေးပစ္စည်းပို့ကုန် ပမာဏမှာ ဂဏန်းနှစ်လုံးအထိ မြင့်တက်လာခဲ့သော်လည်း ကျောက်မီးသွေးနှင့် ရေနံထွက်ကုန်များ တင်ပို့မှုမှာ ဂဏန်းနှစ်လုံး အထိ ကျဆင်းသွားခဲ့သည်။ နိုဝင်ဘာလတွင် ပို့ကုန်တန်ဖိုးညွှန်းကိန်းသည် ယမန်နှစ် အလား တူလနှင့် နှိုင်းယှဉ်ပါက ၉.၁ ရာခိုင်နှုန်း မြင့်တက်ခဲ့သည်။ ကိုးကားဖော်ပြထားသောလအတွင်း သွင်းကုန်ပမာဏအညွှန်းကိန်းသည် ၄.၃ ရာခိုင်နှုန်း တိုးတက်ခဲ့ပြီး သွင်းကုန်တန်ဖိုး အညွှန်းကိန်းမှာ ၀.၇ ရာခိုင်နှုန်း တိုးတက်ခဲ့သည်။ ကုန်ပစ္စည်းများအတွက် အသားတင်ကုန်သွယ်မှု စည်းကမ်းချက်များညွှန်းကိန်း သို့မဟုတ် ပို့ကုန်ဈေးနှုန်းနှင့် သွင်းကုန်ဈေးနှုန်းအချိုးသည် သွင်းကုန် ဈေးနှုန်းကျဆင်းမှုကြောင့် နိုဝင်ဘာလတွင် နှစ်စဉ် ၅.၈ ရာခိုင်နှုန်း မြင့်တက်ခဲ့သည်။ 

DOCA(ရန်ကုန်)