ဂျပန်နိုင်ငံ၏ ဆန်တင်ပို့မှုသည် ၂၀၂၅ ခုနှစ်တွင် ၃.၇ ရာခိုင်နှုန်း မြင့်တက်ခဲ့ပြီး စံချိန်တင် အမြင့်ဆုံးသို့ ရောက်ရှိခဲ့သော်လည်း တိုးတက်မှုနှုန်းမှာမူ နှေးကွေးခဲ့ကြောင်း ဖေဖော်ဝါရီလ ၁၀ ရက်နေ့ ထုတ်ပြန်သော အစိုးရ၏ အချက်အလက်များအရ သိရသည်။
စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန၏ အဆိုအရ ၂၀၂၅ ခုနှစ်တွင် အသင့်စား ဆန်ထုပ်များအပါအဝင် ဆန်တန်ချိန် ၄၈၀၀၀ ကျော် တင်ပို့ခဲ့ပြီး နှိုင်းယှဉ်စာရင်းအင်းများ ရရှိနိုင်ခဲ့သည့် ၂၀၂၀ ခုနှစ်မှစ၍ ပြည်ပသို့ ၅ နှစ်ဆက်တိုက် စံချိန်တင် တင်ပို့နိုင်ခဲ့ခြင်း ဖြစ်သည်။
ပြည်တွင်းစိုက်ပျိုးသော ဆန်ဈေးနှုန်းမြင့်မားမှုကြောင့် ပြည်တွင်းဖြန့်ဖြူးရောင်းချမှုကို ပိုမိုအားကောင်းစေခဲ့သည့်အတွက် ၂၀၂၄ ခုနှစ်အထိ ယခင်သုံးနှစ်တာကာလအတွင်း တိုးတက်မှုနှုန်းမှာ ၂၀ ရာခိုင်နှုန်းကျော်မှ သိသိသာသာ နှေးကွေးသွားခဲ့ကြောင်း ဝန်ကြီးဌာနက ပြောကြားခဲ့ကြောင်း သိရှိရပါသည်။
ဂျပန်နိုင်ငံ၏ အစိုးရသည် အနာဂတ်တွင် ဆန်ပြတ်လပ်မှုကို ကာကွယ်ရန် ယန္တရားအသစ် တစ်ခု၏ တစ်စိတ်တစ်ပိုင်းအနေဖြင့် ၂၀၂၄ ခုနှစ်မှ ၂၀၃၀ ခုနှစ်တွင် နိုင်ငံ၏ ဆန်တင်ပို့မှုကို ရှစ်ဆ နီးပါး တိုးမြှင့်၍ တန်ချိန် ၃၅၀,၀၀၀ အထိ တိုးမြှင့်ရန် စီစဉ်ထားကြောင်း သိရှိရပါသည်။
Source : Xinhua
DOCA (ရန်ကုန်)