ဖိလစ်ပိုင်နိုင်ငံ၏ဝယ်လိုအားကြောင့် တရုတ်နိုင်ငံ၏စပါးမျိုးစေ့တင်ပို့မှုမြင့်တက်လာ

           အမရိကန်စိုက်ပျိုးရေးဌာန (USDA) ၏ အဆိုအရ တရုတ်နိုင်ငံသည် ၂၀၂၆ ခုနှစ်တွင် စပါးမျိုးစေ့များကို ပိုမိုတင်သွင်းသွားရန်ခန့်မှန်းထားပြီးထိုသို့မြင့်တက်လာရခြင်းမှာ အဓိကအားဖြင့် ဖိလစ်ပိုင်နိုင်ငံ၏ ဝယ်လိုအားမြင့်တက်လာခြင်းနှင့် ဖိလစ်ပိုင်နိုင်ငံ၏ အဓိကစားသုံး ကုန်ဖြစ်သော ဆန်စပါး ပြည်တွင်းထုတ်လုပ်မှုကို မြှင့်တင်ရန် ကြိုးပမ်းလာခြင်းကြောင့် ဖြစ် ကြောင်း ပြောကြားခဲ့ပါသည်။ USDA ၏ အစီအရင်ခံစာတွင် ဖော်ပြထားသည်မှာ ဖိလစ်ပိုင်နှင့် ပါကစ္စတန်နိုင်ငံတို့မှ ဝယ်လိုအားများနေခြင်းကြောင့် ၂၀၂၅-၂၆ ရောင်းဝယ်ရေးနှစ် (Marketing Year) အတွက် တရုတ်နိုင်ငံ၏ စပါးမျိုးစေ့တင်ပို့မှုသည် ၁၀ ရာခိုင်နှုန်းမြင့်တက်လာကာ မတ်ထရစ်တန် ၃၈၀၀၀ ခန့် အထိ ရှိလာမည်ဟု မျှော်မှန်းထားကြောင်း သိရသည်။ ပြီးခဲ့သည့်နှစ်က တင်ပို့ခဲ့သည့် စပါးမျိုးစေ့ မတ်ထရစ်တန် ၃၄၀၀၀ ခန့်၏ ၈၅ ရာခိုင်နှုန်းခန့်ကို အဆိုပါနိုင်ငံနှစ်ခုကပင် အများဆုံးဝယ်ယူခဲ့ခြင်းဖြစ်ကြောင်းသိရသည်။

             ဖိလစ်ပိုင်နိုင်ငံအနေဖြင့် စပ်မျိုးစပါး (Hybrid rice seeds) များ ပိုမိုဝယ်ယူလာခြင်းက တရုတ်နိုင်ငံမှ ဝယ်လိုအားကို မြင့်တက်စေခြင်းဖြစ်ပြီး၊ ဆန်တင်သွင်းမှုအပေါ် မှီခိုနေရခြင်းကို လျှော့ချရန်နှင့် ပြည်တွင်းထုတ်လုပ်မှုကို မြှင့်တင်ရန် ဖိလစ်ပိုင်အစိုးရ၏ ကြိုးပမ်းအားထုတ်မှု များနှင့်လည်း ကိုက်ညီနေပါသည်။ "ဖိလစ်ပိုင်အစိုးရသည် ဆန်စပါးထုတ်လုပ်မှု မြှင့်တင်ရန်နှင့် စားနပ်ရိက္ခာဖူလုံမှု အားကောင်းစေရန်အတွက် အရည်အသွေးမြင့် စပ်မျိုးစပါးများအတွက် ထောက်ပံ့ကြေးများကို ဆက်လက်ပေးအပ်နေသောကြောင့် တရုတ်နိုင်ငံ၏ စပ်မျိုးစပါးများ အပေါ် ဝယ်လိုအား အားကောင်းလာခြင်းဖြစ်သည်" ဟု USDA က ဆိုပါသည်။ ဖိလစ်ပိုင် စိုက်ပျိုးရေးဌာန (DA) လက်အောက်ရှိ စိုက်ပျိုးရေးလေ့ကျင့်ရေးဌာန (ATI) ၏ စီမံကိန်းအ ကျဉ်းချုပ်တွင် ဖော်ပြထားသည်မှာ မျိုးရိုးဗီဇမတူညီသော အရည်အသွေးမြင့် မျိုးကွဲနှစ်ခုမှ ထုတ်လုပ်ထားသည့် စပ်မျိုးစပါးများသည် ရိုးရာမျိုးစပါးများထက် ၁၅ ရာခိုင်နှုန်းမှ ၂၀ ရာခိုင် နှုန်းအထိ ပိုမိုထွက်ရှိကြောင်း သိရပါသည်။

             ထို့ပြင် အဆိုပါမျိုးစေ့များသည် နိုင်ငံတစ်ဝန်းရှိ စပါးစိုက်ပျိုးရာဒေသများတွင် ကြုံတွေ့ လေ့ရှိသည့် မိုးခေါင်ခြင်းနှင့် မြေငန်ခြင်းကဲ့သို့သော ဆိုးရွားသည့် အခြေအနေများအောက်တွင် ပိုမိုကောင်းမွန်စွာ ရှင်သန်နိုင်စွမ်းရှိကြောင်းလည်း ATI က ဆိုပါသည်။ လတ်တလောနှစ်များ အတွင်း ဖိလစ်ပိုင်နိုင်ငံတွင် ဆန်စပါးဝယ်လိုအားမှာ ပြည်တွင်းထုတ်လုပ်မှုထက် ဆက်လက်သာလွန်နေသောကြောင့် နိုင်ငံအတွင်း လိုအပ်ချက်ကို ဖြည့်ဆည်းရန်အတွက် အဓိကအားဖြင့် ပြည်ပမှတင်သွင်းမှုကိုသာ အားကိုးအားထားပြုခဲ့ရပါသည်။ သို့သော်လည်း USDA က မှတ် ချက်ပြုထားသည်မှာ အစိုးရ၏ ဆန်စပါးကဏ္ဍ ယှဉ်ပြိုင်စွမ်းအား မြှင့်တင်ရေးရန်ပုံငွေ (RCEF) ကဲ့သို့သော အစီအမံများသည် လယ်ယာစိုက်ပျိုးရေး ထုတ်လုပ်မှုကို မြှင့်တင်ပေးနိုင်လိမ့်မည်ဟု မျှော်လင့်ရကြောင်း သိရသည်။

          ဖိလစ်ပိုင်နိုင်ငံ၏ ဆန်စပါးကုန်သွယ်မှုမူဝါဒ ဖြေလျှော့ပေးခဲ့သည့် ကာလအတွင်း တောင်သူများ၏ ယှဉ်ပြိုင်နိုင်စွမ်းနှင့် ဝင်ငွေတိုးတက်စေရန် ရေးဆွဲခဲ့သည့် RCEF သည် အ စောပိုင်းက ရန်ပုံငွေ ဖိလစ်ပိုင်ပီဆို ၁၀ ဘီလီယံသာ ရှိခဲ့သော်လည်း ယခုအခါ ပီဆို ၃၀ ဘီလီ ယံအထိ တိုးမြှင့်ရရှိထားသည်။ ယခုနှစ်၏ ပီဆို ၆.၇၉၃ ထရီလီယံရှိသော အမျိုးသားဘတ် ဂျက်အောက်တွင် RCEF ၏ ဆန်စပါးမျိုးစေ့အစီအစဉ်အတွက် လျာထားချက်မှာ ပီဆို ၆ ဘီလီ ယံအထိ နှစ်ဆတိုးလာခဲ့သည်။ အဆိုပါစီမံကိန်း၏ ထိရောက်မှုကို အမြင့်ဆုံးဖြစ်စေရန်အတွက် RCEF ၏ စက်မှုလယ်ယာကဏ္ဍတွင် ပါဝင်သော ဆန်စပါးပြုပြင်ရေးစနစ် (RPS) ကို အသုံးပြုသည့် ဒေသများရှိ တောင်သူများအနေဖြင့် ဆန်စပါးမျိုးကွဲတစ်မျိုး သို့မဟုတ် နှစ်မျိုးကိုသာ စိုက်ပျိုးကြရန် စိုက်ပျိုးရေးဌာန (DA) က အစောပိုင်းတွင် တိုက်တွန်းထားသည်။ အကယ်၍ မျိုးကွဲ များစွာကို တစ်ချိန်တည်းတွင် ရောနှောစိုက်ပျိုးပါက စက်ရုံအနေဖြင့် လုပ်ငန်းစဉ်တစ်ခုပြီးမှ နောက်တစ်ခုကို စတင်နိုင်ရန် စောင့်ဆိုင်းရသောကြောင့် လုပ်ငန်းလည်ပတ်မှုများကို နှေးကွေးစေနိုင်ကြောင်း စိုက်ပျိုးရေးဝန်ကြီး Francisco Tiu Laurel က ပြောကြားခဲ့သည်။ ယခုနှစ် ၂၀၂၅-၂၀၂၆ ရောင်းဝယ်ရေးနှစ်အတွက် အမေရိကန်စိုက်ပျိုးရေးဌာန (USDA) က ဖိလစ်ပိုင်နိုင်ငံ၏ စပါးအထွက်နှုန်းမှာ မက်ထရစ်တန် ၁၉.၅၂ သန်းခန့်ရှိမည်ဟု ခန့်မှန်း ထားပြီး၊ ၎င်းမှာ ဖိလစ်ပိုင် စိုက်ပျိုးရေးဌာန (DA) က ခန့်မှန်းထားသည့် မက်ထရစ်တန် ၂၀.၃ သန်းထက် လျော့နည်းနေပါ သည်။ တစ်ချိန်တည်းမှာပင် ပါကစ္စတန်နိုင်ငံ၌ အထွက်နှုန်း ကောင်းသော စပ်မျိုးစပါး (Hybrid rice) များသည် ယခင်ကအသုံးပြုခဲ့သည့် စပ်မျိုးမဟုတ်သော စပါးမျိုးကွဲများကို အစားထိုးလာသောကြောင့် တရုတ်နိုင်ငံမှ စပါးမျိုးစေ့ဝယ်ယူမှု ပိုမို တိုးမြှင့်လာလိမ့်မည်ဟု USDA က မျှော်လင့် ထားသည်။

          ပြီးခဲ့သည့်လက ဖိလစ်ပိုင်နိုင်ငံသည် ဆန်တင်သွင်းရာတွင် တင်သွင်းသည့်နိုင်ငံများကို ပိုမို စုံလင်အောင် လုပ်ဆောင်ရန်နှင့် နိုင်ငံတစ်နိုင်ငံတည်းအပေါ် အလွန်အကျွံမှီခိုနေရခြင်းကို ရှောင်လွှဲရန် ကြိုးပမ်းသည့်အနေဖြင့် ပါကစ္စတန်နိုင်ငံမှ ဆန်တင်သွင်းမှု တိုးမြှင့်ရန် လမ်းဖွင့်ပေးခဲ့ သည်။ တောင်အာရှနိုင်ငံတစ်ခုဖြစ်သည့် ပါကစ္စတန်သည် ၂၀၂၅ ခုနှစ်အတွင်း ဖိလစ်ပိုင် နိုင်ငံသို့ ဆန်မက်ထရစ်တန် ၇၆,၅၂၂ တင်ပို့ခဲ့ပြီး၊ ၎င်းမှာ စုစုပေါင်းဆန်တင်သွင်းမှု ပမာဏ မက်ထရစ်တန် ၃.၃၉ သန်း၏ ၂ ရာခိုင်နှုန်းခန့် ရှိပါသည်။ ဗီယက်နမ်နိုင်ငံမှာမူ ပြီးခဲ့သည့်နှစ်က ထိပ်တန်းတင်ပို့ သူအဖြစ် ရပ်တည်ခဲ့ပြီး မက်ထရစ်တန် ၂.၇၆ သန်း (သို့မဟုတ်) စုစုပေါင်း တင် သွင်းမှု၏ ၈၁ ရာခိုင်နှုန်းကို တင်ပို့ခဲ့ကြောင်း သိရှိရပါသည်။

DOCA(ရန်ကုန်)