ပါကစ္စတန်နိုင်ငံသည်၂၀၂၅-၂၆ ဘဏ္ဍာနှစ်၏ ပထမခုနစ်လ (ဇူလိုင်လမှ ဇန်နဝါရီလအထိ) အတွင်း မိုဘိုင်းလ်ဖုန်းတန်ဖိုး အမေရိကန်ဒေါ်လာ ၁.၁၃၉ ဘီလီယံဖိုး တင်သွင်းခဲ့ကြောင်းနှင့် ၎င်းပမာဏသည် ယခင်နှစ် အလားတူကာလက တင်သွင်းခဲ့သည့် ဒေါ်လာ ၈၆၇.၆၈၅ သန်းနှင့် နှိုင်းယှဉ်ပါက ၃၁.၃၆ ရာခိုင်နှုန်းကျော်ခန့် မြင့်တက်လာကြောင်း သိရပါသည်။ တရားဝင်အချက် အလက်များအရ ပါကစ္စတန်ရူပီးငွေကြေးဖြင့် တွက်ချက်ပါက ၂၀၂၅-၂၆ ဘဏ္ဍာနှစ် ဇူလိုင်လမှ ဇန်နဝါရီလ ကာလအတွင်း မိုဘိုင်းလ်ဖုန်းတင်သွင်းမှု စုစုပေါင်းတန်ဖိုးမှာ ရူပီး ၃၂၁.၁၃၇ ဘီလီယံ ခန့်ရှိကြောင်းနှင့် ယခင်နှစ် အလားတူကာလတွင် တင်သွင်းခဲ့သော ရူပီး ၂၄၁.၃၃၀ ဘီလီယံနှင့် နှိုင်းယှဉ်ပါက ၃၃.၀၇ ရာခိုင်နှုန်း မြင့်တက်လာကြောင်း သိရပါသည်။
တစ်လချင်းအလိုက် နှိုင်းယှဉ်ချက်အရ ပါကစ္စတန်၏ မိုဘိုင်းလ်ဖုန်းတင်သွင်းမှုသည် ၂၀၂၅ ခုနှစ်၊ ဒီဇင်ဘာလတွင် ဒေါ်လာ ၁၅၉.၃၀၄ သန်းရှိခဲ့ရာမှ ၂၀၂၆ ခုနှစ် ဇန်နဝါရီလတွင် ဒေါ်လာ ၁၇၉.၃၈၀ သန်းအထိ ၁၂.၆၀ ရာခိုင်နှုန်း မြင့်တက်လာကြောင်း သိရပါသည်။ နှစ်အလိုက်နှိုင်းယှဥ် ချက်များအရ ၂၀၂၅ ခုနှစ်၊ ဇန်နဝါရီလက တင်သွင်းခဲ့သည့် ဒေါ်လာ ၁၃၄.၂၄၃ သန်းနှင့် နှိုင်းယှဉ် လျှင် ၃၃.၆၂ ရာခိုင်နှုန်း တိုးတက်လာကြောင်း သိရပါသည်။
ပါကစ္စတန်နိုင်ငံသည် ၂၀၂၄-၂၅ ဘဏ္ဍာနှစ်တွင် မိုဘိုင်းလ်ဖုန်းတန်ဖိုး ဒေါ်လာ ၁.၄၉၄ ဘီလီယံဖိုး တင်သွင်းခဲ့ပြီး၊ ၎င်းပမာဏသည် ၂၀၂၃-၂၄ ခုနှစ်က တင်သွင်းခဲ့သည့် ဒေါ်လာ ၁.၈၉၈ ဘီလီယံနှင့် နှိုင်းယှဉ်ပါက ၂၁.၃၁ ရာခိုင်နှုန်း ကျဆင်းခဲ့ကြောင်း သိရပါသည်။ ပါကစ္စတန်ရူပီးငွေ ဖြင့်ဆိုလျှင် ၂၀၂၄-၂၅ ဘဏ္ဍာနှစ်အတွင်း မိုဘိုင်းလ်ဖုန်းတင်သွင်းမှု စုစုပေါင်းတန်ဖိုးမှာ ရူပီး ၄၁၇.၃၅၁ ဘီလီယံရှိခဲ့ပြီး၊ ၎င်းမှာ ၂၀၂၃-၂၄ ခုနှစ် အလားတူ ကာလက တင်သွင်းခဲ့သည့် ရူပီး ၅၃၅.၆၉၀ ဘီလီယံနှင့် နှိုင်းယှဉ်ပါက ၂၂.၀၉ ရာခိုင်နှုန်း လျော့ကျသွားကြောင်း သိရပါသည်။
၂၀၂၄-၂၅ ဘဏ္ဍာနှစ်အတွင်း ပါကစ္စတန်၏ ဆက်သွယ်ရေးကဏ္ဍအတွက် စုစုပေါင်း တင်သွင်းမှုမှာ ဒေါ်လာ ၂.၀၉၉ ဘီလီယံရှိခဲ့ပြီး၊ ၂၀၂၃-၂၄ ခုနှစ် အလားတူကာလတွင် တင်သွင်းခဲ့သော ဒေါ်လာ ၂.၃၆၆ ဘီလီယံနှင့် နှိုင်းယှဉ်ပါက ၁၁.၃၀ ရာခိုင်နှုန်း ကျဆင်းခဲ့ကြောင်း သိရပါ သည်။
၂၀၂၅ ခုနှစ်၊ ဇန်နဝါရီလမှ ဒီဇင်ဘာလ အတွင်း ပြည်တွင်းကုန်ထုတ်လုပ်ရေးနှင့် တပ်ဆင်ရေးစက်ရုံများက မိုဘိုင်းလ်ဖုန်းအလုံးရေ ၃၀.၂၁ သန်း ထုတ်လုပ်တပ်ဆင်နိုင်ခဲ့ပြီး၊ စီးပွားဖြစ် တင်သွင်းလာသော ဖုန်းအရေအတွက်မှာ ၂.၃၇ သန်းသာရှိခဲ့ကြောင်း သိရပါသည်။
တရားဝင်အချက်အလက်များအရ ၂၀၂၅ ခုနှစ် ဒီဇင်ဘာလ တစ်လတည်းတွင် ပါကစ္စတန် နိုင်ငံပြည်တွင်း၌ မိုဘိုင်းလ်ဖုန်းအလုံးရေ ၂.၆၁ သန်း ထုတ်လုပ်ခဲ့ပြီး၊ စီးပွားဖြစ်တင်သွင်းမှုမှာ အလုံးရေ ၀.၃၃ သန်းရှိခဲ့ကြောင်း သိရပါသည်။ ပြည်တွင်းစက်ရုံများမှ ထုတ်လုပ်သော မိုဘိုင်းလ်ဖုန်းအလုံးရေ ၃၀.၂၁ သန်းတွင် စမတ်ဖုန်းအလုံးရေ ၁၅.၆၄ သန်းခန့်ထုတ်လုပ်ခဲ့ကြောင်း သိရပါသည်။
Source: Brecorder
DOCA (ရန်ကုန်)