ဗီယက်နမ်နှင့် တရုတ်နိုင်ငံ Guangxi Zhuang ကိုယ်ပိုင်အုပ်ချုပ်ခွင့်ရဒေသအကြား စိုက်ပျိုးမွေးမြူရေးကုန်သွယ်မှုသည် ကြီထွားမှုဆက်လက်အားကောင်းနေပြီး ၂၀၂၅ ခုနှစ်တွင် ကုန်သွယ်မှုပမာဏ ယွမ် ၁၈.၂၃ ဘီလီယံ (အမေရိကန်ဒေါ်လာ ၂.၆ ဘီလီယံခန့်) ရောက်ရှိခဲ့ ကြောင်း သိရသည်။ Guangxi Zhuang ကိုယ်ပိုင်အုပ်ချုပ်ခွင့်ရဒေသ စိုက်ပျိုးမွေးမြူရေးနှင့် ကျေးလက်ရေးရာဦးစီးဌာန၏ အချက်အလက်များအရ Guangxi ၏ ဗီယက်နမ်ထံမှ စိုက်ပျိုး မွေးမြူရေးထုတ်ကုန်တင်သွင်းမှုတန်ဖိုးမှာ ယွမ် ၁၂.၀၉ ဘီလီယံရှိပြီး ယခင်နှစ်တူညီသည့်ကာလ နှင့် နှိုင်းယှဉ်ပါက ၁၀.၈ ရာခိုင်နှုန်း တိုးတက်ခဲ့ကြောင်း သိရပါသည်။ ၎င်းသည် ဒေသတွင်း စိုက်ပျိုးမွေးမြူရေးထောက်ပံ့မှုကွင်းဆက်တွင် ဗီယက်နမ်၏ အရေးပါမှုမြင့်တက်လာနေခြင်းကို ပြသနေကြောင်း သိရပါသည်။ ၂၀၂၂ ခုနှစ်မှ ၂၀၂၅ ခုနှစ်အထိ ကာလအတွင်း နှစ်ဖက်အပြန် အလှန် စိုက်ပျိုးမွေးမြူရေးကုန်သွယ်မှုသည် ပျမ်းမျှနှစ်စဉ် ၁၅.၂ ရာခိုင်နှုန်း တိုးတက်ခဲ့ပြီး သစ်သီးဝလံကဏ္ဍမှာ ပူးပေါင်းဆောင်ရွက်မှု၏ အဓိကကဏ္ဍအဖြစ် ဆက်လက်တည်ရှိနေကြောင်း သိရပါသည်။ ပထဝီအနေအထား အားသာချက်များနှင့် ထောက်ပံ့ပို့ဆောင်ရေး အခြေခံအဆောက် အအုံ ဖွံ့ဖြိုးတိုးတက်မှုများကြောင့် Guangxi သည် တရုတ်ဈေးကွက်သို့ ဝင်ရောက်လာသည့် ဗီယက်နမ်သစ်သီးဝလံများအတွက် အဓိကပြန်လည်ဖြန့်ချိရာအချက်အချာ ဒေသတစ်ခုအဖြစ် ပေါ်ထွန်းလာနေကြောင်း သိရပါသည်။ ထို့အပြင် အာဆီယံနိုင်ငံများနှင့် တရုတ်၏စိုက်ပျိုးမွေးမြူ ရေးထုတ်ကုန်များကိုချိတ်ဆက်ပေးသည့် ပေါင်းကူးတံတားတစ်ခုအဖြစ်လည်း ဆောင်ရွက်လျက် ရှိကြောင်း သိရပါသည်။ Guangxi Zhuang မှ ဗီယက်နမ်သို့ တင်ပို့သည့် အဓိကထုတ်ကုန်များ တွင် ကြက်သွန်ဖြူ၊ ကြက်သွန်နီ၊ လိမ္မော်သီးများ၊ ဖရဲသီး ၊ အာလူးနှင့် ရေထွက်ပစ္စည်းများ ပါဝင်ပြီး ဗီယက်နမ်ဘက်မှ တန်ဖိုးမြင့်ထုတ်ကုန်များဖြစ်သည့် လတ်ဆတ်သောဒူရင်းသီး၊ ကျောက်ပုဇွန်၊ ပီလောပီနံနှင့် တိရစ္ဆာန်အစာအတွက် ငါးမှုန့်တို့ကို ပြန်လည်တင်ပို့လျက်ရှိကြောင်း သိရပါသည်။ နှစ်ဖက်စိုက်ပျိုးမွေးမြူရေးထုတ်လုပ်မှုကွင်းဆက်ပူးပေါင်းဆောင်ရွက်မှုသည် ယခင် Bac Giang ပြည်နယ် (ယခု Bac Ninh ပြည်နယ်) တွင် ဗီယက်နမ်–တရုတ် (Guangxi) စိုက်ပျိုး မွေးမြူရေးပူးပေါင်းဆောင်ရွက်မှုစမ်းသပ်ဇုန်တည်ထောင်ခြင်းနှင့်အတူ ပိုမို တည်တံ့ခိုင်မာလာခဲ့ကြောင်း သိရပါသည်။ ထို့အပြင် Guangxi Zhuang ရှိ Pingxiang၊ Dongxing နှင့် Baise ဒေသများတွင်လည်း စိုက်ပျိုးမွေးမြူရေး ပူးပေါင်းဆောင်ရွက်မှု စမ်းသပ်ဇုန်များ ဖွင့်လှစ်ထား ကြောင်း သိရပါသည်။ နည်းပညာအခြေပြု စိုက်ပျိုးမွေးမြူရေး (Smart agriculture) သည် နှစ်ဖက်ပူးပေါင်းဆောင်ရွက်မှု၏ ထူးခြားချက်အသစ်တစ်ရပ် ဖြစ်လာနေကြောင်း သိရပါသည်။ Guangxi Zhuang အခြေစိုက် Yang Xiang Group သည် ဗီယက်နမ်တွင် ဒစ်ဂျစ်တယ်စနစ် အပြည့်အစုံအသုံးပြုထားသည့် ဝက်မွေးမြူရေးစီမံကိန်းကို စတင်အကောင်အထည်ဖော်ခဲ့ကြောင်း သိရပါသည်။ Jie Jiarun Group မှ ဖန်တီးထားသည့် နည်းပညာဖြေရှင်းချက်များကိုလည်း သစ်သီးစိုက်ပျိုးသည့်ဒေသအချို့တွင် အသုံးချထားပြီး အရည်အသွေးမြင့် သစ်သီးထွက်ရှိမှု အချိုး အစား ကို ၃၀ ရာခိုင်နှုန်းခန့်အထိ မြှင့်တင်နိုင်ခဲ့ကြောင်း သိရပါသည်။ ထို့အပြင် Quang Ninh ပြည်နယ်တွင် တရုတ် (Guangxi )–ဗီယက်နမ် စမတ်ငါးမွေးမြူရေး ပူးပေါင်းဇုန် စီမံကိန်းသည် Ha Long Bay တွင် ပထမဆုံး စမတ်ပင်လယ်အနက် ငါးလှောင်အိမ်များ လည်ပတ်နိုင်ရန် ပံ့ပိုးပေးခဲ့ကြောင်း သိရပါသည်။ ယခုနှစ်အတွင်း Guangxi သည် နိုင်ငံတကာ စိုက်ပျိုးမွေးမြူရေး ကုန်သွယ်မှုတွင် အရည်အသွေးမြင့် လူ့စွမ်းအားအရင်းအမြစ်ဖွံ့ဖြိုးတိုးတက်ရေး သင်တန်းများကို တိုးချဲ့ဆောင်ရွက်ရန်၊ ပြည်ပစိုက်ပျိုးရေးသိုလှောင်ရုံများတည်ဆောက်ရေးတွင် လုပ်ငန်းရှင်များ ကို ပံ့ပိုးရန်၊ ဗီယက်နမ်နှင့် အာဆီယံနိုင်ငံများနှင့် ပူးပေါင်းဆောင်ရွက်ရေး လမ်းကြောင်းများ ချဲ့ထွင်ရန်နှင့် Guangxi စိုက်ပျိုးမွေးမြူရေးအာဏာပိုင်များနှင့် ဗီယက်နမ် နယ်စပ်ပြည်နယ် လေးခုအကြား ပူးတွဲကွန်းဖရန့်များ ကျင်းပရန် စီစဉ်ထားကြောင်း သိရပါသည်။
Vietnam Plus
DOCA (ရန်ကုန်)