၂၀၂၅ ခုနှစ်၊ ဧပြီလမှ ၂၀၂၆ ခုနှစ်၊ ဖေဖော်ဝါရီလအတွင်း အိန္ဒိယနိုင်ငံ၏ အချောကိုင်သံမဏိ ပြည်ပတင်ပို့မှုသည် ယခင်နှစ် အလားတူကာလနှင့်နှိုင်းယှဉ်ပါက ၃၆.၆ ရာခိုင်နှုန်း မြင့်တက်ခဲ့ပြီး မက်ထရစ်တန်ချိန် ၆.၀၂ သန်းအထိရှိလာကြောင်း အစိုးရ၏ ယာယီကိန်းဂဏန်းအချက်အလက်များအရ သိရပါသည်။
ကမ္ဘာ့ဒုတိယအကြီးဆုံး သံမဏိအကြမ်း ထုတ်လုပ်သည့် အိန္ဒိယနိုင်ငံသည် ဧပြီလမှ ဖေဖော်ဝါရီလအတွင်း အချောကိုင်သံမဏိ မက်ထရစ်တန်ချိန် ၅.၆ သန်း တင်သွင်းခဲ့ပြီး ၎င်းမှာ ယခင်နှစ် အလားတူကာလထက် ၃၇.၄ ရာခိုင်နှုန်း လျော့ကျသွားခြင်းဖြစ်ကြောင်း သိရပါသည်။
အဆိုပါအလားတူကာလအတွင်း အိန္ဒိယနိုင်ငံ၏ သံမဏိအကြမ်း ထုတ်လုပ်မှုသည် ယခင်နှစ်ထက် ၁၁.၂ ရာခိုင်နှုန်း မြင့်တက်ခဲ့ပြီး မက်ထရစ်တန်ချိန် ၁၅၃.၆၁ သန်းအထိရှိခဲ့ကြောင်း သိရပါသည်။ အချောကိုင်သံမဏိ သုံးစွဲမှုမှာမူ အဆိုပါကာလအတွင်း ၇.၂ ရာခိုင်နှုန်း မြင့်တက်ခဲ့ပြီး မက်ထရစ်တန်ချိန် ၁၄၇.၇ သန်း ရှိခဲ့ကြောင်း အိန္ဒိယနိုင်ငံအစိုးရဌာနများမှ ထုတ်ပြန်သောအချက်အလက်များအရ သိရှိရပါသည်။
Source: Reuter
DOCA (ရန်ကုန်)