၂၀၂၀ပြည့်နှစ်၊ ဖေဖော်ဝါရီလ(၁၂)ရက်နေ့တွင်ကျရောက်သော(၇၃)နှစ်မြောက် ပြည်ထောင်စုနေ့ ကိုဂုဏ်ပြုသောအားဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပဲခူးတိုင်းဒေသကြီး စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး ဦးကျော်စွာဝင်းနှင့် ဝန်ထမ်းများသည် ရွှေမော်ဓော စေတီတော်အနောက်ဘက် ယာဉ်ရပ်နားကွင်း၌ ပြုလုပ်သည့်ပြည်ထောင်စုနေ့အထိမ်းအမှတ်ဆိုင်ရာ ပြခန်းများတွင် စားသုံးသူကာကွယ်ရေးဆိုင်ရာအသိ ပညာပေးပြခန်းကို (၁၁.၂.၂၀၂၀ မှ ၁၂.၂.၂၀၂၀)ရက်နေ့အထိဖွင့်လှစ်ပြသဆောင်ရွက်ခဲ့ပါသည်။
အဆိုပါပြခန်းသို့ ပဲခူးတိုင်းဒေသကြီးအစိုးရအဖွဲ့ဝန်ကြီးချုပ်နှင့်ဝန်ကြီးများ၊ လွှတ်တော် ကိုယ်စားလှယ်များ၊ တိုင်းအဆင့်ဌာနဆိုင်ရာမှ တာဝန်ရှိလူကြီးမင်းများ လာရောက်လေ့လာခဲ့ကြပြီး၊ စားသုံးသူရေးရာဦးစီးဌာန တိုင်းဒေသကြီးဦးစီးမှူး ဦးကျော်စွာဝင်းမှ စားသုံးသူအခွင့်အရေးများ အကြောင်းကိုလည်းကောင်း၊စားသုံးသူကာကွယ်ရေးဥပဒေပါ ကုန်အညွန်းအမှတ်အသားများ အကြောင်း ကို လည်းကောင်း၊ ဌာန၏မျှော်မှန်းချက်၊ ရည်မှန်းချက်များကိုလည်းကောင်း၊ စားသုံးသူကာကွယ်ရေး ဆောင်ရွက်နေမှုများကိုလည်းကောင်း၊ အငြင်းပွားမှုဆိုင်ရာများကို ဗီနိုင်းများပြုလုပ်၍ ခင်းကျင်း ပြသကာ စားသုံးသူကာကွယ်ရေးဆိုင်ရာ အကြောင်း အရာများ ပါဝင်သည့်လက်ကမ်းစာစောင်များနှင့် စားသုံးသူကာကွယ်ရေး ကော်မရှင်မှထုတ်ပြန်ထား သည့်ညွှန်ကြားချက်အမှတ်(၂/၂၀၁၉) အားဖြန့်ဝေ ခဲ့ပြီး အဆိုပါပြခန်းသို့လာရောက်လေ့လာသော မြို့မိမြို့ဖများ ၊ လုပ်ငန်းရှင်များ၊ ကုန်သည်များ နှင့် ကျောင်းသား၊ကျောင်းသူများအားစားသုံးသူကာကွယ်ပေးရေး ဆိုင်ရာအချက်အလက်များ ရှင်းလင်း ပြောကြား ခဲ့၍ လက်ကမ်းစာစောင်များ ဖြန့်ဝေခဲ့ကြောင်းသိရှိရပါသည်။
ပဲခူးတိုင်းဒေသကြီး
စားသုံးသူရေးရာဦးစီးဌာန