စားသုံးသူရေးရာဦးစီးဌာန၏ စားသုံးသူကာကွယ်ရေးဆိုင်ရာ အသိပညာပေးသင်တန်း (၁/၂၀၂၄)ကို ၂၀၂၄ခုနှစ်၊ ဧပြီလ (၉)ရက်နေ့နှင့် (၁၀)ရက်နေ့တို့တွင် မကွေးတိုင်းဒေသကြီး၊ စားသုံး သူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ အစည်းအဝေးခန်းမ၌ (၂)ရက်ခန့်ကျင်းပဆောင်ရွက်ခဲ့ရာ တိုင်းဒေသကြီးဦးစီးမှူး ဦးခမ်လျန်စွမ်းက အဖွင့်အမှာစကားပြောကြားခဲ့ပါသည်။
အဆိုပါသင်တန်း၌ စားသုံးသူကာကွယ်ရေးလုပ်ငန်းများ ပိုမိုထိရောက်အောင်မြင်စွာအကောင်အထည်ဖော်ဆောင်ရွက်နိုင်ရေးနှင့် ဝန်ထမ်းများအနေဖြင့် အသိပညာဗဟုသုတများရရှိနိုင်ရေး၊ စားသုံးသူကာကွယ်ရေးအသိပညာပေးဆွေးနွေးပွဲများတွင် အဆင်ပြေချောမွေ့စွာအသိပညာပေးမှုများပြုလုပ်နိုင်ရေး၊ ဝန်ထမ်းစွမ်းဆောင်ရည်များ တိုးတက်လာစေရန်ရည်ရွယ်၍ သင်တန်းမှူးအဖြစ် ဒုတိယတိုင်းဒေသကြီးဦးစီးမှူးက တာဝန်ယူလျက် ဘာသာရပ်အလိုက် သင်တန်း ပို့ချသူ(၃)ဦးက စားသုံးသူကာကွယ်ရေးဥပဒေနှင့်စပ်လျဉ်း၍ ရှင်းလင်းဆွေးနွေးခြင်း၊ စားသုံးသူကာကွယ်ရေးဥပဒေပါ စားသုံးသူများရရှိမည့် အခွင့်အရေးနှင့် လိုက်နာရမည့်တာဝန်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာရမည့်တာဝန်နှင့် တားမြစ်ချက်များ၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ အသိပညာပေးဆွေးနွေးခြင်း၊ Recall & Ban၊ CICC တိုင်ကြားနိုင်မည့်နည်းလမ်းများနှင့် တိုင်ကြားမှုဖြစ်စဉ်များ၊ ဈေးကွက်စောင့်ကြည့်စစ်ဆေးခြင်းဆိုင်ရာ အသိပညာပေးဆွေးနွေးခြင်း အစရှိသည့် ဘာသာရပ်များပို့ချခဲ့ကြကြောင်းသိရှိရပါသည်။
သင်တန်းသို့ စားသုံးသူရေးရာဦးစီးဌာနမှ ဝန်ထမ်းစုစုပေါင်း (၂၀)ဦးတက်ရောက်ခဲ့ကြပြီး သင်တန်းအမေးအဖြေကဏ္ဍများနှင့် ဆုချီးမြှင့်ခြင်းများဆောင်ရွက်ခဲ့ကြကြောင်း သတင်းရရှိပါသည်။
DOCA(မကွေး)