စားသုံးသူရေးရာဦးစီးဌာန၊ မြစ်ကြီးနားခရိုင်ရုံးမှ ဦးဘောမ်ဇုန်း (ရုံးအုပ်) သည် (၂၄-၄-၂၀၂၄) ရက်နေ့တွင် ဝိုင်းမော်မြို့နယ်၊ လပြည့်ဝန်းလူမှုကူညီရေးအဖွဲ့အသင်းသား/ အသင်းသူများအား စားသုံးသူကာကွယ်ရေးအသိပညာပေးဟောပြောပွဲဆောင်ရွက်ခဲ့ပါသည်။
ထိုသို့ဟောပြောရာတွင် ဦးဘောမ်ဇုံး(ရုံးအုပ်)က ၂၀၁၉ စားသုံးသူကာကွယ်ရေးဥပဒေပါ စားသုံးသူကာကွယ်ရေး၏ အဓိပ္ပါယ်ဖွင့်ဆိုချက်၊ စားသုံးသူ၏ အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေး(၈)ချက်နှင့် တာဝန်(၄)ချက်၊ ကုန်စည်/ဝန်ဆောင်မှုနှင့်စပ်လျဥ်း၍ အာမခံချက်ပေးခြင်းအပေါ် စားသုံးသူကတောင်းဆိုနိုင်သောအခွင့်အရေး၊ ကုန်အညွှန်းအမှတ်အသားဖော်ပြခြင်းနှင့်စပ်လျဥ်း၍ သိသာထင်ရှားစွာဖော်ပြရမည့်အချက်များ၊ ကုန်ပစ္စည်းအမှတ်တံဆိပ်မှန်ကန်ရေးအတွက် ကုန်အမှတ်တံဆိပ်မူပိုင်ခွင့်ဥပဒေနှင့်စပ်လျဥ်းသော ထုတ်ပြန်ထားသည့်အကြောင်းအရာများနှင့် အမှတ်တံဆိပ်လျှောက်ထားရာတွင် လိုအပ်သောအချက်အလက်များ၊ အီလက်ထရောနစ်အငွေ့ရှူစက်နှင့်ပတ်သက်၍ သိကောင်းစရာများ၊ အွန်လိုင်းတွင်ဈေးဝယ်ရာတွင် သတိထားရမည့်အချက်တို့ကို အသိပညာပေးဟောပြောခဲ့ကြောင်းသိရှိရပါသည်။
DOCA(ကချင်)