၂၄.၄.၂၀၂၄ ရက်နေ့ နံနက်(၁၀:၀၀)တွင် စားသုံးသူရေးရာဦးစီးဌာန၊ ရန်ကုန်အရှေ့ပိုင်း ခရိုင်ဦးစီးမှူး၌ စားသုံးသူကာကွယ်ရေးဆိုင်ရာဆောင်ရွက်ချက်များ ခေါင်းစဉ်ဖြင့် Thursday Talk အသိပညာပေးဆွေးနွေးပွဲပြုလုပ်ခဲ့ကြောင်း သိရှိရပါသည်။
အဆိုပါအသိပညာပေးဆွေးနွေးပွဲကို ဒုတိယခရိုင်ဦးစီးမှူး ဒေါ်အေးအေးနွယ် (ဦးစီးအရာ ရှိ) က စားသုံးသူကာကွယ်ရေးဆိုင်ရာဆောင်ရွက်ချက်များ နှင့် ပတ်သက်ပြီး ဝန်ကြီးဌာန၏ မျှော်မှန်းချက်(၇)ချက်မှ စားသုံးသူအခွင့်အရေးကာကွယ်ရေး၊ ကုန်စည်နှင့် ဝန်ဆောင်မှုဆိုင်ရာ လုံခြုံစိတ်ချရမှုရှိစေရေး ဆောင်ရွက်ရာတွင် စားသုံးသူပြည်သူများအနေဖြင့် ကုန်စည်နှင့်ဝန် ဆောင်မှုများဝယ်ယူသုံးစွဲရာတွင် နစ်နာဆုံးရှုံးမှုမရှိစေရေး အလေးထားဆောင်ရွက်ကျစေရန်ကို လည်းကောင်း၊ စားသုံးသူကာကွယ်ရေးဥပဒေ၊ နည်းဥပဒေနှင့် စံလုပ်ငန်းလမ်းညွှန်ချက်များ အကြောင်းကိုလည်းကောင်း၊ စားသုံးသူအခွင့်အရေးနှင့် စီးပွားရေးလုပ်ငန်းရှင်၏ တာဝန်များ၊ ဈေးကွက်စုံစမ်းစစ်ဆေးခြင်းအခြေအနေများ၊ စီမံခန့်ခွဲမှုနည်းလမ်းအရအရေးယူခြင်း၊ စေ့စပ်ညှိ နှိုင်းဖြေရှင်းဆောင်ရွက်ခြင်း၊ ပြစ်မှုပြစ်ဒဏ်များအကြောင်းကိုလည်းကောင်း၊ တိုင်ကြားမှုနှင့် ပတ်သက်၍ ဖြေရှင်းဆောင်ရွက်ပုံအဆင့်ဆင့်တို့ကို အကျယ်တဝင့်ရှင်းလင်းပြောကြားခဲ့ရာ ဝန်ထမ်းများမှ သိလိုသည်များပြန်လည်မေးမြန်းခဲ့ကြောင်း၊ ဆွေးနွေးပွဲအား နံနက် (၁၀:၄၅) နာရီတွင် ရုတ်သိမ်းခဲ့ရာ ဝန်ထမ်း(၁၆)ဦးတက်ရောက်ခဲ့ကြောင်း သိရှိရပါသည်။
DOCA(ရန်ကုန်)