ပဲခူးတိုင်းဒေသကြီး(အနောက်) ပြည်ခရိုင်၊ ပြည်မြို့နယ်အတွင်းရှိ စားသုံးသူပြည်သူများ ကုန်စည် (သို့မဟုတ်) ဝန်ဆောင်မှုများအပေါ် ဘေးဥပါဒ်အန္တရာယ်ကင်းရှင်းစွာ အသုံးပြုနိုင်ရေး၊ တရားမဝင်ကုန်စည်များဈေးကွက်အတွင်းမှ ပပျောက်စေရေးအတွက် စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံး လက်အောက်ရှိ ပြည်မြို့နယ်တာဝန်ခံရုံးမှ မြို့နယ်တာဝန်ခံ နှင့်ဝန်ထမ်း များသည် မိတ်ဖက်ဌာနဆိုင်ရာများမှ တာဝန်ရှိသူများပါဝင်သော မြို့နယ်ဈေးကွက် စောင့်ကြည့် စစ်ဆေးရေးအဖွဲ့များနှင့်ပူးပေါင်း၍ (၂၄.၄.၂၀၂၄)ရက်နေ့ နံနက်(၉:၃၀) နာရီတွင် ပြည်မြို့ ဆံတော်ရပ်ကွက်အတွင်းရှိ အောင်မင်္ဂလာစည်ပင်သာယာဈေးသို့ သွားရောက်၍ စားသုံးဆီ အမျိုးမျိုး၏ ထုပ်ပိုးမှုအပြင်အဆင်ပေါ်တွင် ကုန်အညွှန်းအမှတ်အသားရေးသား ဖော်ပြခြင်းနှင့် စပ်လျဉ်း၍ စားသုံးသူကာကွယ်ရေးဥပဒေပါ ပြဌာန်းချက်များနှင့် ကိုက်ညီမှု ရှိ/မရှိ ကွင်းဆင်း စစ်ဆေးခဲ့ကြောင်း သိရပါသည်။
DOCA(ပဲခူး)