၂၀၂၅ ခုနှစ် ပထမ ၁၁ လအတွင်း ကမ္ဘောဒီးယားနိုင်ငံ အန်ကောဝပ်သို့ နိုင်ငံတကာခရီးသွားများ ၃.၄၇ ရာခိုင်နှုန်း ကျဆင်း
ကမ္ဘောဒီးယားနိုင်ငံ၏ နာမည်ကျော် ရှေးဟောင်းအန်ကောဝပ် ရှေးဟောင်းသုတေသန ဥယျာဉ်သို့ ၂၀၂၅ ခုနှစ်၊ ပထမ ၁၁ လအတွင်း နိုင်ငံတကာဧည့်သည် ၈၆၇,၁၉၅ ဦး လာရောက်လည်ပတ်ခဲ့ပြီး ၂၀၂၄ ခုနှစ်ထက် ၃.၄၇ ရာခိုင်နှုန်း ကျဆင်းသွားခဲ့ကြောင်း ၁.၁၂.၂၀၂၅ ရက်နေ့တွင် ထုတ်ပြန်ခဲ့သော သတင်းထုတ်ပြန်ချက်တွင် ဖော်ပြထားသည်။ UNESCO ၏ ကမ္ဘာ့အမွေအနှစ်နေရာအဖြစ် စာရင်းဝင်သည့် ဤဥယျာဉ်သည် ယခုနှစ် ဇန်နဝါရီလမှ နိုဝင်ဘာလအထိ လက်မှတ်ရောင်းချမှုမှ ဝင်ငွေ အမေရိကန်ဒေါ်လာ ၄၀.၄၈ သန်း ရရှိခဲ့ပြီး ၃.၄၁ ရာခိုင်နှုန်း ကျဆင်းသွားကြောင်း နိုင်ငံပိုင် Angkor Enterprise ၏ သတင်းထုတ်ပြန်ချက်တွင် ဖော်ပြထားသည်။ ယခုနှစ် နိုဝင်ဘာလတွင် ဥယျာဉ်သို့ နိုင်ငံခြားခရီးသွား ၁၀၁,၆၇၇ ဦးလာရောက်လည်ပတ်ခဲ့ပြီး အမေရိကန်ဒေါ်လာ ၄.၉ သန်း ရရှိခဲ့ပြီး ယခင်နှစ် အလားတူလနှင့် နှိုင်းယှဉ်ပါက ၁၈ ရာခိုင်နှုန်းနှင့် ၁၇ ရာခိုင်နှုန်း အသီးသီးကျဆင်းသွားကြောင်း ထုတ်ပြန်ထားသည်။ Pacific-Asia ခရီးသွားအသင်း ကမ္ဘောဒီးယားဌာနခွဲ၏ ဥက္ကဋ္ဌ Thourn Sinan က လက်ရှိပထဝီနိုင်ငံရေးအခြေအနေနှင့် ကမ္ဘာလုံးဆိုင်ရာခရီးသွားလာမှုကို ထိခိုက်စေသော အမျိုးမျိုးသော အကျပ်အတည်းများကြောင့် ယခုနှစ်တွင် အန်ကောဝပ်ဘုရားကျောင်းသို့ ခရီးသွားဧည့်သည်လာရောက်မှု မြင့်တက်လာရန် မဖြစ်နိုင်ကြောင်း ပြောကြားခဲ့သည်။
Source: Khmertime
DOCA (ရန်ကုန်)
