ဥရောပကော်မရှင်အဖွဲ့သည် ပြောင်းသီးနှံအထွက်နှုန်း သိသိသာသာ လျော့ကျသွားခဲ့သဖြင့် ဥရောပသမဂ္ဂ၏ အဓိကကောက်ပဲသီးနှံနှင့် ဆီထွက်သီးနှံများ၏ ထုတ်လုပ်မှု ထပ်မံလျော့ကျသွား နိုင်သည်ဟု ကြာသပတေးနေ့တွင် သုံးသပ်ခန့်မှန်းခဲ့ကြောင်း Hellenic Shipping News သတင်း ဌာနက ဖော်ပြထားခဲ့သည်။
လစဉ် ရောင်းလိုအားနှင့် ဝယ်လိုအား သုံးသပ်ချက်အစီရင်ခံစာတွင် ကော်မရှင်အနေဖြင့် ဇူလိုင်လတွင် ပြောင်းတန်ချိန် အထွက်နှုန်းကို ၆၃.၀ သန်း ခန့်မှန်းခဲ့ရာမှ ၂၀၂၃- ၂၀၂၄ ရာသီတွင် အသုံးပြုနိုင်မည့် ပြောင်းသီးနှံထွက်ရှိမှုကို တန်ချိန် ၆၁.၇ သန်းသို့ လျှော့ချခန့်မှန်းခဲ့ကြောင်း၊ ယခင်နှစ် မိုးခေါင်ရေရှားဒဏ်ခံစားနေရစဉ်အတွင်း ပြောင်းသီးနှံရိတ်သိမ်းမှု၏ တန်ချိန် ၅၂.၀ သန်း ထက် ပိုမိုခန့်မှန်းခဲ့ခြင်းဖြစ်ကြောင်း၊ ဥရောပမြောက်ပိုင်းတွင် ဂျုံရိတ်သိမ်းမှုအပေါ် အဟန့်အတား ဖြစ်စေခြင်းမှအပ ကျန်ကောက်ပဲသီးနှံများရိတ်သိမ်းမှုမှာ အကျိုးဖြစ်ထွန်းစေခဲ့သော်လည်း ဥရောပ တောင်ပိုင်း၌ ဆောင်းဦးကာလအတွင်း ရိတ်သိမ်းမည့် ပြောင်းသီးနှံအများစုသည် ယခုနွေရာသီ၏ မိုးခေါင်မှုနှင့် အပူလှိုင်းဒဏ်ကို ခံစားခဲ့ရကြောင်းဖြင့် ဖော်ပြထားသည်။
EU ကော်မရှင်သည် ၂၀၂၃-၂၄ ခုနှစ်အတွက် အသုံးပြုနိုင်သည့် ဂျုံထုတ်လုပ်မှုကို ဇူလိုင်လ တွင် မက်ထရစ်တန်ချိန် ၁၂၆.၄ သန်း ခန့်မှန်းထားရာမှ တန်ချိန် ၁၂၆.၁ သန်းသို့ လျှော့ချခန့်မှန်း ခဲ့ပြီး ၂၀၂၂-၂၃ ရာသီ၌ ထွက်ရှိမှုတန်ချိန် ၁၂၅.၇ သန်းထက် အနည်းငယ်ပိုမိုကြောင်း၊ ယခုနှစ် အတွက် မုယောစပါးထုတ်လုပ်မှုကိုလည်း ယခင်လခန့်မှန်းချက်အောက် တန်ချိန် ၀.၁ သန်း လျော့ နည်းလျက် တန်ချိန် ၄၈.၆ သန်းသို့ လျှော့ချခဲ့ရာ ၂၀၂၂-၂၃ ခုနှစ် ထွက်ရှိမှုတန်ချိန် ၅၁.၅ သန်းထက် ပိုမိုလျော့နည်း ကျဆင်းသွားကြောင်း အတည်ပြုခဲ့သည်။
ဆီထွက်သီးနှံများနှင့်စပ်လျဉ်း၍ ကော်မရှင်သည် မုန်ညှင်းဆီရိတ်သိမ်းမှုအပေါ် လအစော ပိုင်းက တန်ချိန် ၁၀.၆ သန်း ခန့်မှန်းခဲ့ရာမှ တန်ချိန် ၁၀.၅ သန်းသို့ လျှော့ချခဲ့ပြီး နေကြာဆီထုတ် လုပ်မှုအပေါ် ယခင်လတွင် ၁၉.၄ သန်းမှ တန်ချိန် ၁၉.၁ သန်းသို့ လျှော့ချခန့်မှန်းခဲ့ကြောင်းဖြင့် သိရသည်။
Source: Hellenic Shipping News, 28 Aug 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက် စောင့်ကြည့်လေ့လာရေးအဖွဲ့)