ကသာခရိုင် စားသုံးသူရေးရာဦးစီးဌာနမှူးရုံးခန်း၌ စက်တင်ဘာလ(၂၄)ရက်နေ့တွင် ကုန်စည် ဝန်ဆောင်မှုများ စျေးကွက်အတွင်း ထုတ်ကုန်လုံခြုံစိတ်ချရမှုရှိစေရန် ခရိုင်စားသောက်ကုန်ထုတ်လုပ် ရောင်းချသူများအသင်းကို ဖွဲ့စည်းခဲ့ပါသည်။ အဆိုပါအသင်း ဖွဲ့စည်းရာတွင် ခရိုင်စီမံခန့်ခွဲမှုကော်မတီ၊ အစားအသောက်နှင့် ဆေးဝါးကွပ်ကဲရေးဦးစီးဌာန၊စည်ပင်ဦးစီးဌာန၊စားသုံးသူရေးရာဦးစီးဌာနမှ ဝန် ထမ်းများနှင့် ခရိုင်အတွင်းမြို့နယ်များရှိ စားသောက်ကုန်ထုတ်လုပ်သူ လုပ်ငန်းရှင်စုစုပေါင်း(၃၇)ဦး တက်ရောက်ခဲ့ပါသည်။
အသင်းဖွဲ့စည်းရာတွင် စားသုံးသူရေးရာဦးစီးဌာနမှ ခရိုင်ဦးစီးမှူး ဦးကျော်အုန်းမှ အသင်း၏ စည်းကမ်းချက်များ၊ စားသောက်ကုန်ထုန်လုပ်ရာတွင် ပါဝင်ရမည့်အချက်များ အသေးစိတ်ရှင်းပြခြင်း၊ အသင်းတည်တံ့ခိုင်မြဲရန်အတွက် နာယက(၃)ဦး၊ အလုပ်အမှုဆောင်(၁၃)ဦးနှင့် ဖွဲ့စည်းဆောင်ရွက်သွား မည်ဖြစ်ကြောင်း ဒု- ခရိုင်ဦးစီးမှူး ဦးကျော်စိန်ဌေးမှ အသင်းဖွဲ့စည်းရာတွင် ဆောင်ရွက်ရမည့် အချက် အလက်များ အသေးစိတ်ရှင်းလင်းဆွေးနွေးခြင်း၊နာယက ရွေးချယ်တင်မြှောက်ခြင်း၊ အလုပ်အမှု ဆောင်များရွေးချယ်တင်မြှောက်ခြင်းဆောင်ရွက်ခဲ့ပြီး စားသောက်ကုန်ထုတ်လုပ်တင်ပို့ရောင်းချသူများအသင်း ကို အောင်မြင်စွာဖွဲ့စည်းခဲ့ကြောင်း သတင်းရရှိပါသည်။
လှလှခိုင်(ကသာ)