စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန(ရုံးချုပ်)တွင် USAID အကူအညီဖြင့် ICT နည်းပညာဆိုင်ရာသင်တန်း (၅) ခုအား (၁၂.၁၁.၂၀၁၈) မှ (၂၁.၁၂.၂၀၁၈) ရက်နေ့ထိ ဖွင့်လှစ်ပို့ချပေးခဲ့ပါသည်။ အဆိုပါသင်တန်းများသို့ စားသုံးသူရေးရာဦးစီးဌာန(ရုံးချုပ်)မှ သင်တန်းသား/သူ (၂၃)ဦး၊ တိုင်းဒေသကြီး/ပြည်နယ်ဦးစီးမှူးရုံး အသီးသီးမှ သင်တန်းသား/သူ (၂၃)ဦး စုစုပေါင်း (၄၆)ဦး တက်ရောက်ခဲ့ပါသည်။ သင်တန်းများမှာ database စနစ် အသုံးပြုနှင့်ပတ်သက်သော Database Management System (DBMS) သင်တန်း၊ Networking သင်တန်း၊ Website ရေးသားခြင်းဆိုင်ရာ CMS & PHP သင်တန်း၊ Advanced Microsoft Office သင်တန်း နှင့် ကွန်ပျူတာနည်းပညာဆိုင်ရာအခြေခံဖြစ်သည့် A+ သင်တန်း တို့ဖြစ်ပါသည်။ သင်တန်းများသို့ တက်ရောက်သောသင်တန်းသားများအနေဖြင့် IT နည်းပညာဆိုင်ရာလုပ်ငန်းများအား ပိုမိုတွင်ကျယ်စွာ လုပ်ဆောင်နိုင်ခြင်း၊ Website အား စီမံခန့်ခွဲနိုင်ခြင်း၊ ရုံးလုပ်ငန်းဆိုင်ရာ စာရင်းဇယားများအား ပိုမိုကျွမ်းကျင်စွာဆောင်ရွက်နိုင်ခြင်း၊ ရုံးအတွင်း Network ချိတ်ဆက်မှုဆိုင်ရာလုပ်ငန်းများတွင် သိရှိနားလည်လာနိုင်ခြင်းစသည့် e-Government လုပ်ငန်းများ ဆောင်ရွက်ရာတွင် များစွာ အထောက်အကူပြုသည့် ပညာရပ်များဖြစ်ပါသည်။ အဆိုပါသင်တန်းများသို့ တက်ရောက်သော သင်တန်းသားများ အနေဖြင့်လည်း စိတ်ပါဝင်စားစွာဖြင့် သင်ယူခဲ့ကြပြီး သင်တန်းသားများအား သင်တန်းဆင်းအောင်လက်မှတ်များ ချီးမြှင့်ပေးအပ်ခဲ့ကြောင်း သတင်းရရှိပါသည်။
ဆွေဆွေဝင်း(ITQM)