ရန်ကုန်တိုင်းဒေသကြီးနေ တိုင်ကြားသူတစ် ဦးသည် Online Shop တစ်ခု၏ Page တွင် Branded အိတ်စစ်စစ်အဖြစ် Post တင်ပြီး ကြော်ငြာ သောကြောင့် မှာယူခဲ့ပါကြောင်း၊ မှာယူပြီး မိမိထံ ရောက်ရှိချိန်တွင် အိတ်မှာ Error များပါနေသဖြင့် ကျေနပ်မှုမရှိသောကြောင့် စားသုံးသူရေးရာဦးစီး ဌာနသို့ ဆက်သွယ်တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက Online Shop မှ တာဝန်ရှိသူများထံသို့ ဆက်သွယ် အကြောင်းကြားခဲ့သော်လည်း နှစ်ဦးနှစ်ဖက် ပြေလည်မှု မရရှိသောကြောင့် တိုင်ကြားသူနှင့်လုပ်ငန်းရှင် နှစ်ဦးနှစ်ဖက်တို့အား ဌာနသို့ ခေါ်ယူတွေ့ဆုံညှိနှိုင်း ပေးခဲ့ရာ လုပ်ငန်းရှင်မှ တိုင်ကြားသူအား အိတ်ဝယ်ယူထားသည့် တန်ဖိုးငွေကျပ် ၂၂၈,၅၀၀/-တိတိကို ဌာနမှ တာဝန်ရှိသူများရှေ့မှောက်တွင် ပေးအပ်ခဲ့ပြီး ယခုဖြစ်စဉ်နှင့်ပတ်သက်၍လည်း တောင်းပန် စကားပြောကြားခဲ့သည့်အပြင် နောင်တွင်ယခုလိုဖြစ်စဉ်မျိုး ထပ်မံမဖြစ်ပွားစေရေး ကြပ်မတ် ဆောင်ရွက်သွားမည်ဖြစ်ကြောင်း ပြောကြားခဲ့မှုအပေါ် တိုင်ကြားသူမှ ကျေနပ်လက်ခံပါကြောင်း၊ ယခု ဖြစ်စဉ်နှင့်ပတ်သက်၍ လုပ်ငန်းရှင်နှင့်တိုင်ကြားသူများအနေဖြင့် လူမှုကွန်ယက်စာမျက်နှာများတွင် ရေးသား ပြောဆိုခြင်းများအား ရှောင်ကြဉ်သွားမည်ဖြစ်ကြောင်း သဘောတူညီချက် လက်မှတ်ရေးထိုး ခဲ့ပြီး တိုင်ကြားမှုကို စားသုံးသူကာကွယ်ရေးဥပဒေအရ စေ့စပ်ညှိနှိုင်းခြင်းဖြင့် ဖြေရှင်း ဆောင်ရွက်ခဲ့ပါ သည်။