“ ရန်ကင်းမြို့နယ်ရှိ မြန်မာနိုင်ငံဘဏ်များအသင်း၌ စားသုံးသူကာကွယ်ရေး ဟောပြောဆွေးနွေး”

            စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ ဒုတိယညွှန်ကြားရေးမှူး ဦးမင်းသိန်းနှင့် အရာထမ်း၊ အမှုထမ်းများသည် ၂၀၁၉ ခုနှစ်၊ ဒီဇင်ဘာလ (၁၉) ရက်နေ့တွင် ရန်ကင်းမြို့နယ်ရှိ မြန်မာနိုင်ငံဘဏ်များအသင်း၊ ဇဗ္ဗူရာဇ်ရွှေစင်ခန်းမတွင် စားသုံးသူကာကွယ်ရေးဥပဒေနှင့် ဘဏ်ဝန်ဆောင်မှုဆိုင်ရာများ ဟောပြောဆွေးနွေးပွဲကျင်းပခဲ့ရာ ဘဏ်လုပ်ငန်းရှင် (၇၀)ဦးခန့်တက်ရောက် ခဲ့ပါသည်။

            အဆိုပါ ဟောပြောဆွေးနွေးပွဲတွင် ဒုတိယညွှန်ကြားရေးမှူး ဦးမင်းသိန်းမှ စားသုံးသူကာကွယ်ရေး လုပ်ငန်းများ ပေါ်ပေါက်လာပုံနှင့် ဥပဒေပါပြဌာန်းချက်များ၊ ကုန်စည်ဝန်ဆောင်မှုဆိုင်ရာ တာဝန်ယူရမည့် အချက်အလက်များ၊ စားသုံးသူများမှ ဘဏ်ဝန်ဆောင်မှုနှင့်ပတ်သက်၍ တိုင်ကြားလာမှုများအပေါ် ဌာနမှ ဖြေရှင်းဆောင်ရွက်ပေးခြင်းနှင့် ပူးပေါင်းဆောင်ရွက်ပေးစေလိုသည့် အချက်အလက်များ အကျယ်တဝင့် ရှင်းလင်းပြောကြားခဲ့ရာ ဘဏ်လုပ်ငန်းရှင်များမှလည်း ၎င်းတို့ သိရှိလိုသည့်အချက်များအား ပြန်လည် မေးမြန်းခဲ့ရာ အသေးစိတ်ပြန်လည်ရှင်းလင်းပြောကြားခဲ့ပြီး လက်ကမ်းစာစောင်များနှင့် ဥပဒေစာအုပ်များ ဖြန့်ဝေပေးခဲ့ကြောင်း သိရှိရပါတယ်

(နှင်းနွယ်)

YGN, DOCA