အိန္ဒိယနိုင်ငံတွင် လာမည့် ၂ နှစ်အတွင်း AI ကဏ္ဍ၌ အမေရိကန်ဒေါ်လာ ဘီလီယံ ၂၀၀ ကျော် ရင်းနှီးမြှုပ်နှံမှုရရှိရန် မျှော်မှန်းထား
အိန္ဒိယနိုင်ငံ၏ ဗဟိုအီလတ်ထရွန်းနစ်နှင့် သတင်းအချက်အလက်နည်းပညာဝန်ကြီး Ashwin Vaishnaw က လာမည့် ၂ နှစ်အတွင်း ၎င်းတို့နိုင်ငံ၏ AI (ညဏ်ရည်တုနည်းပညာ) ကဏ္ဍ တွင် အမေရိကန်ဒေါ်လာ ဘီလီယံ ၂၀၀ ကျော် ရင်းနှီးမြှုပ်နှံမှုဝင်ရောက်လာရန် မျှော်မှန်းထား ကြောင်း ဖေဖော်ဝါရီလ ၁၇ ရက်နေ့တွင် ပြောကြားခဲ့သည်။ နယူးဒေလီမြို့တွင် ကျင်းပသည့် “ India Ai Impact Summit 2026” ဆိုင်ရာ သတင်းစာရှင်းလင်းပွဲတွင် ဝန်ကြီးက ယခုကဲ့သို့ ထည့်သွင်းပြောကြားခဲ့ခြင်းဖြစ်သည်။ ကမ္ဘာလုံးဆိုင်ရာ CEO များသည် အထူးသဖြင့် Deep Tech (အဆင့်မြင့်နည်းပညာ) စတားအပ်လုပ်ငန်းများနှင့် အခြေခံအဆောက်အအုံဆိုင်ရာ စီမံကိန်းများအပေါ် အထူးစိတ်ဝင်စားမှုရှိနေကြောင်း ဝန်ကြီးက မှတ်ချက်ပြုခဲ့သည်။ AI နည်းပညာအား လူသားမျိုးနွယ်အတွက် အကျိုးရှိစွာ အသုံးချနိုင်စေရန်နှင့် မှန်ကန်ပြီး တာဝန်ယူမှုရှိစွာ အသုံးပြုရေးနှင့် ပတ်သက်၍ ကမ္ဘာခေါင်းဆောင်များအကြားဘုံသဘောတူညီချက်တစ်ခု ရရှိစေရန် အိန္ဒိယနိုင်ငံမှကြိုပမ်းသွားမည်ဟုလည်းပြောကြားခဲ့ပါသည်။ ထို့အပြင် AI နည်းပညာ ဂေဟစနစ်အတွင်း၌ ခက်ခဲသော အတားအဆီးများနှင့် ပြဿနာများရှိနေပြီး ၎င်းတို့ကို နည်းပညာနှင့် ဥပဒေရေးရာ ပေါင်းစပ်ဖြေရှင်းမည့်နည်းလမ်း (Techno-Legal Approach) ဖြင့် ကိုင်တွယ်ဖြေရှင်းရမည်ဖြစ်ကြောင်း ဝန်ကြီး Vaishnaw မှ အလေးပေးပြောကြားခဲ့ကြောကြောင်း သိရှိရပါသည်။
Source: Xinhua
DOCA (ရန်ကုန်)
