ကချင်ပြည်နယ် ၊ စားသုံးသူရေးရာဦးစီးဌာနရှိ ပြည်နယ်ဦးစီးမှူးရုံးနှင့် မြစ်ကြီးနားခရိုင်ရုံး၌ တာဝန်ထမ်းဆောင်လျက်ရှိသော စစ်ဆေးရေးမှူးတို့သည် မြစ်ကြီးနားမြို့နယ်နှင့် ဝိုင်းမော်မြို့နယ်အတွင်းရှိ စားသုံးဆီအမျိုးမျိုး ဖြန့်ဖြူး၊ ရောင်းချ၊ တင်သွင်း၊ထုတ်လုပ်သည့် နေရာများသို့ သွားရောက်၍ ကုန်အညွှန်းအမှတ်အသား ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြားဘာသာတစ်ခု (သို့မဟုတ်) တစ်ခုထက်ပို ၍ တွဲလျက်ဖြစ်စေ ဖော်ပြမှုအား ဥပဒေနှင့်အညီ လိုက်နာဆောင်ရွက်ရေးနှင့် ဥပဒေနှင့်ညီညွတ်မှု မရှိပါက စားသုံးသူကာကွယ်ရေးဉပဒေပါအတိုင်း ဆောင်ရွက်နိုင်ရန်ရည်ရွယ်၍ နယ်မြေဖြန့်ခွဲပြီး ကွင်းဆင်းစိစစ်ခြင်းလုပ်ငန်းများကို ၄.၈.၂၀၂၀ ရက်နေ့မှ ၁၂.၈.၂၀၂၀ ရက်နေ့အထိ ဆောင်ရွက်ခဲ့ပါသည်။
ကွင်းဆင်းစစ်ဆေးဆောင်ရွက်ရာတွင် မြစ်ကြီးနားမြို့နယ်နှင့် ဝိုင်းမော်မြို့နယ်အတွင်းရှိ ရပ်ကွက်/ကျေးရွာ (၂၇) ခုရှိ လက်လီလက်ကားဆိုင်များနှင့် ဈေး(၃)ဈေးတို့ရှိ စားသုံးဆီ ဖြန့်ဖြူး၊ ရောင်းချ၊ တင်သွင်း၊ ထုတ်လုပ်သည် လုပ်ငန်းများတွင် စားသုံးဆီအမျိုးမျိုး၏ ကုန်အညွှန်းအမှတ်အသား ဖော်ပြရာတွင် လိုက်နာရမည့်အချက်များအား ဆောင်ရွက်ထားရှိမှု ရှိစေရေး ကွင်းဆင်းစစ်ဆေးခဲ့ပါသည်။
ကချင်ပြည်နယ်
စားသုံးသူရေးရာဦးစီးဌာန