သတင်းနှင့် လှုပ်ရှားမှုများ

       ပဲခူးတိုင်းဒေသကြီးတွင် ကြံစိုက်ဧက၅သောင်းကျော် စိုက်ပျိူးလျှက်ရှိပြီး တောင်ငူခရိုင်အနေဖြင့် ၂သောင်းဝန်းကျင်ခန့် စိုက်ပျိုးလျှက်ရှိကြောင်းနှင့် ယခုဒီဇင်ဘာလတွင် စတင်ခုတ်သိမ်းနေပြီ ဖြစ်ကြောင်းသိရှိရပါသည်။ တောင်ငူခရိုင်တွင် ပုဂ္ဂလိကပိုင် သကြားစက်များအနေဖြင့် ရေတာရှည်မြို့နယ်တွင်  အောင်ချမ်းသာသကြားစက်နှင့် မြို့လှ သကြားစက်၊ အုတ်တွင်းမြို့နယ်တွင် ဗောဓိကုန်းသကြားစက်၊ ဖြူးမြို့နယ်တွင် ဇေယျဝတီ ဆင်ဖြူတော်သကြားစက် စုစုပေါင်း သကြားစက် ၄စက် ရှိကြောင်းသိရှိရပါသည်။

      ယခုနှစ် သကြားစက်များမှ ကြံဝယ်ယူရာတွင် ကြံစိုက်တောင်သူများအား အုတ်တွင်းမြို့နယ် ဗောဓိကုန်းသကြားစက်နှင့် ဖြူးမြို့နယ် ဇေယျဝတီဆင်ဖြူတော်သကြားစက်တို့မှ စိုက်စရိတ် ကြိုတင်ချေးငွေ တစ်ဧကလျှင်၂သိန်းခွဲပေး၍ ဝယ်ယူကြောင်း၊ စိုက်စရိတ်များ ကြိုတင်ပေး၍ ဝယ်ယူသော သကြားစက်များမှာ ဈေးနှိမ်ဝယ်ယူခြင်းမဟုတ်ဘဲ တောင်သူနှင့်စက်ပိုင် အပြန်အလှန် အကျိုးပြုသည့်အနေဖြင့် မိမိစက်ရုံသို့ ကြံရောင်းချနိုင်ရေးအတွက် ကြိုတင်ချေးငွေများ ထုတ်ပေးခြင်းဖြစ်ပါကြောင်း၊ ဝယ်ယူသည့် ဈေးနှုန်းများအနေဖြင့် ရေတာရှည်မြို့နယ်ရှိ အောင်ချမ်းသာသကြားစက်နှင့် မြို့လှ သကြားစက်များမှ ကွင်းဈေးနှုန်း ကြံတစ်တန်လျှင် ၄၃၀၀၀ကျပ် စက်အရောက် ဈေးနှုန်း ၅၆၀၀၀ကျပ်ဖြင့် လည်းကောင်း၊ အုတ်တွင်းမြို့နယ် ဗောဓိကုန်းသကြားစက်မှ ကွင်းဈေးနှုန်း ကြံတစ်တန်လျှင် ၄၅၀၀၀ကျပ်၊ စက်အရောက်ဈေးနှုန်း ၅၈၀၀၀ကျပ်ဖြင့်လည်းကောင်း၊ ဖြူးမြို့နယ် ဇေယျဝတီ ဆင်ဖြူတော် သကြားစက်မှာ စက်အရောက် ဖြင့်သာဝယ်ယူပြီး ဈေးနှုန်းကြံတစ်တန်လျှင် ၅၅၀၀၀ကျပ်ဖြင့် အသီးသီး ဝယ်ယူလျက် ရှိကြောင်း သိရှိရပါသည်။

      တောင်ငူခရိုင်စက်ရုံများမှ ယခင်နှစ် ကြံဝယ်ယူမှုဈေးနှုန်းများမှာ ၄၀၀၀၀ မှ ၄၅၀၀၀ရှိခဲ့ပြီး ယခုနှစ်တွင် ၄၃၀၀၀ မှ ၅၈၀၀၀ထိ ဝယ်ယူသဖြင့်ဈေးနှုန်း များမြင့်တက်လာခဲ့ကြောင်း ယခုကဲ့သို့ ဈေးနှုန်းမြင့်တင်ဝယ်ယူလာခြင်းမှာ ယခုစိုက်ပျိုးကာလတွင် တောင်သူများအနေဖြင့် သွင်းအားစုများ  ကြီးမြင့်ခဲ့မှုကြောင့် ကုန်ကျစရိတ် ပိုမိုလာခြင်းနှင့် သယ်ယူခနှုန်းထားများ မြင့်တက်လာမှုများကြောင့်  တောင်သူများ တွက်ချေကိုက်မည့် နှုန်းထားများ သတ်မှတ်၍ ဝယ်ယူပေးခြင်းဖြစ်ကြောင်း သတင်းရရှိပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)

၁။           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနပိုင် ရန်ကုန်တိုင်းဒေသကြီးမှ အောက်ဖော်ပြပါ ငှားရမ်းခြင်းများအား အိတ်ဖွင့်တင်ဒါစနစ်ဖြင့် ငှားရမ်းမည်ဖြစ်ကြောင်း ကြော်ငြာအပ်ပါသည်-

              (က) (၁) နှစ်သက်တမ်း ငှားရမ်းခြင်း                                                                   

                      (၁) ရန်ကုန်တိုင်းဒေသကြီး၊ မရမ်းကုန်းမြို့နယ်၊ နာဂဝင်းရှိ သိုလှောင်ရုံအမှတ် (၂၅/၂၆) (၂)လုံးတွဲ သိုလှောင်ရုံ(၁)လုံး (၁၂၀'x၆၀'x၁၅') (သွပ်၊ သွပ်၊ ကွန်)

                      (၂) ရန်ကုန်တိုင်းဒေသကြီး၊ မရမ်းကုန်းမြို့နယ်၊ နာဂဝင်းရှိ သိုလှောင်ရုံအမှတ် (၂၃) သိုလှောင်ရုံ(၁)လုံး (၁၂၀'x၃၀'x၁၅') (သွပ်၊ သွပ်၊ ကွန်)

              ( ခ ) (၅) နှစ်သက်တမ်း ငှားရမ်းခြင်း

                      ရန်ကုန်တိုင်းဒေသကြီး၊ အလုံမြို့နယ်၊ မော်တော်ယာဉ်ဝင်းရှိ အဆောက်အဦ(၁)လုံး (၁၁၄'x၈၇'x၁၇.၅') (သွပ်၊ အင်္ဂတေ၊ အင်္ဂတေ)

              ( ဂ ) တင်ဒါပုံစံရောင်းချမည့်ရက်       - (၁၅.၁၂.၂၀၂၁) ရက်မှ (၁၄.၁.၂၀၂၂)ရက်ထိ

                                                                  (ရုံးချိန်အတွင်း)

              (ဃ) တင်ဒါပုံစံရောင်းချရန်               - (၁၄.၁.၂၀၂၂)ရက် ညနေ(၁၆:၀၀)နာရီ

                     ပိတ်မည့်နေ့/အချိန်                 

              ( င ) တင်ဒါတင်သွင်းရမည့်နေရာ‌၊      - စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၊

                      စာရင်းပေးသွင်းရမည့်နေရာ၊        စီမံရေးရာဌာနခွဲ၊ အမှတ်(၂၂၈/၂၄၀)၊ဒုတိယထပ်၊

                     တင်ဒါပုံစံရောင်းချမည့်နေရာ၊       ကမ်းနားလမ်းနှင့်ရွှေဘုံသာလမ်းထောင့်၊

                      တင်ဒါစည်းကမ်းချက်များ         - ရန်ကုန်မြို့။

                     ရှင်းလင်းမည့်နေရာ၊                

              ( စ ) တင်ဒါယှဉ်ပြိုင်ရမည့်ရက်/အချိန် -  ( ၂၀.၁.၂၀၂၂)ရက်နေ့၊ (၁၃:၀၀)နာရီ

              (ဆ) တင်ဒါစည်းကမ်းချက်များ         - (၂၀.၁.၂၀၂၂)ရက်နေ့ (၁၁:၀၀)နာရီ

                      ရှင်းလင်းမည့်နေ့၊ အချိန်                                                    

              ( ဇ ) Deposit ပေးသွင်းနိုင်သည့်        - တင်ဒါစည်းကမ်း သတ်မှတ်ချက်ပုံစံတွင် ဖော်ပြထားပြီး ဖြစ်ပါသည်။

၂။            စားသုံးသူရေးရာဦးစီးဌာနမှ ငှားရမ်းမည့် သိုလှောင်ရုံများနှင့် အဆောက်အဦတို့၏ မျက်မြင် အခြေအနေအား သက်ဆိုင်ရာမြို့နယ်များသို့ သွားရောက်ကြည့်ရှု့နိုင်ပြီး အသေးစိတ် အချက်အလက်များကို သိရှိလိုပါက တင်ဒါပုံစံဝယ်ယူရမည့်နေရာသို့ လူကိုယ်တိုင်ဖြစ်စေ၊ ဖုန်း ၀၁-၂၅၀၄၃၂ သို့ ဆက်သွယ်စုံစမ်း မေးမြန်းနိုင်ပါသည်။

                                                                            တင်ဒါစိစစ်ရေးကော်မတီ

                                                            စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

       ၁၂.၁၂.၂၀၂၁ ရက်နေ့တွင် ကရင်ပြည်နယ်ဘားအံမြို့ ထုံးအိုင်စံပြကျေးရွာ၊ အ.မ.က(၂) ကျောင်း၌ ကရင်ပြည်နယ် စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးသန်းဦး (ဒုတိယညွှန်ကြားရေးမှူး)နှင့် ဝန်ထမ်းများသည် စီးပွားရေးလုပ်ငန်းရှင်များအား ထုတ်ကုန်လုံခြုံစိတ်ချရမှုရှိစေရန်အတွက် အသိပညာပေး ဟောပြောခဲ့ကြောင်း သိရှိရပါသည်။

         ဟောပြောပွဲတွင် စားသုံးသူရေးရာဦးစီးဌာနမှ ပြည်နယ်ဦးစီးမှူး ဦးသန်းဦးက ကုန်စည်များတွင် ထုတ်ကုန်လုံခြုံစိတ်ချရမှု ရှိစေရန်အတွက် စားသုံးသူကာကွယ်ရေးဥပဒေအခန်း(၁၈)၊ ပုဒ်မ(၄၃)အရ၊ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်များပေါ်တွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ဖော်ပြရမည်ဖြစ်ကြောင်းနှင့် ကုန်စည်များပေါ်တွင် အဓိကပါဝင်ရမည်အချက်များမှာ ကုန်စည်၏ အမျိုးအမည်၊ အရွယ်အစား၊ အရေအတွက်နှင့်အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး၊ ဓာတ်မတည့်ကြောင်းဖော်ပြချက်၊ ကြိုတင်သတိပေးချက်များ ပါဝင်ရမည်ဖြစ်ကြောင်းနှင့် သက်ဆိုင်ရာဌာနများမှ သတ်မှတ်ထားသည့် စည်းမျဉ်း/ စည်းကမ်းကိုပါ စီးပွားရေးလုပ်ငန်းရှင်များက လိုက်နာဆောင်ရွက်ရမည်ဖြစ်ကြောင်းဆွေးနွေးပြောကြားခဲ့ပါသည်။ ဟောပြောပွဲတွင် စီးပွားရေးလုပ်ငန်းရှင် (၃)ဦး တက်ရောက်ခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

စားသုံးသူရေးရာဦးစီးဌာန(ကရင်ပြည်နယ်)

      စားသုံးသူရေးရာဉီးစီးဌာန၊ ပဲခူးတိုင်း‌ဒေသကြီး၊ သာယာဝတီခရိုင်ဉီးစီးမှူးရုံး၌ ၉.၁၂.၂၀၂၁ ရက်နေ့ နံနက် ၁၀:၀၀ အချိန်တွင် ကုန်စည်များပေါ်တွင် ကုန်ညွှန်းအမှတ်အသားဖော်ပြခြင်းနှင့် စပ်လျဉ်း၍ စီးပွားရေးလုပ်ငန်းရှင်များနှင့် တွေ့ဆုံရှင်းလင်းဆွေးနွေးပွဲ ကျင်းပပြုလုပ်ခဲ့ပါသည်။

     အဆိုပါဆွေးနွေးပွဲတွင် စားသုံးသူရေးရာဦးစီးဌာန၊ သာယာဝတီခရိုင်ဉီးစီးမှူး ဦးအောင်သိန်းက အဖွင့်အမှာစကားပြောကြားခဲ့ပြီး၊ သာယာဝတီခရိုင် ဒုတိယခရိုင်ဉီးစီးမှူးဉီးသန်းစိုးက စားသုံးသူ ကာကွယ်ရေးဉပဒေပြဌာန်းချက်ပါ စားသုံးသူအခွင့်အရေးနှင့် တာဝန်များကို လည်းကောင်း၊ စီးပွားရေးလုပ်ငန်းရှင်များ၏ တာဝန် နှင့် တားမြစ်ချက်များကိုလည်းကောင်း၊ ပြစ်မှုပြစ်ဒဏ်များကို လည်းကောင်း၊ သာယာဝတီခရိုင် စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲ တာဝန်ခံဒေါ်ခိုင်ခိုင်ရီက စားသုံးသူကာကွယ်ရေးဉပဒေအခန်း (၁၈) ပါ ကုန်စည်များတွင် ကုန်ညွှန်းအမှတ်အသားများ ရေးသားဖော်ပြခြင်းနှင့်စပ်လျဉ်း၍လည်းကောင်း အကျယ် တဝင့် ရှင်းလင်း ဆွေးနွေးခဲ့ကြပါသည်။

        အဆိုပါဆွေးနွေးပွဲသို့ သာယာဝတီခရိုင်၊ လက်ပံတန်းမြို့နယ်အတွင်းရှိ ကုန်စည်များ ထုတ်လုပ်ဖြန့်ဖြူးရောင်းဝယ်လျက်ရှိသော စီးပွားရေးလုပ်ငန်းရှင်များ စုစုပေါင်း (၂၇) ဦးတက်ရောက်ခဲ့ပြီး၊ တက်ရောက်လာသော စီးပွားရေးလုပ်ငန်းရှင်များအား ကုန်ညွှန်းအမှတ်အသားများ ရေးသားဖော်ပြခြင်းနှင့် စပ်လျဉ်း၍ အသိပညာပေး လက်ကမ်းစာစောင်များ ဖြန့်ဝေပေးခဲ့ပါကြောင်း သတင်းရရှိပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)

      စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံးအနေဖြင့် ပြည်ခရိုင်အတွင်းထုတ်ကုန်များ လုံခြုံစိတ်ချရမှုရှိစေရေးနှင့် စားသုံးသူကာကွယ်ရေးဥပဒေပါ အကြောင်းအရာများကို စီးပွားရေး လုပ်ငန်းရှင်များအနေဖြင့် သိရှိလိုက်နာနိုင်စေရေး ရည်ရွယ်၍ ဒီဇင်ဘာလ (၉)ရက်နေ့ နံနက် (၁၀:၀၀)အချိန်၌ ပြည်ခရိုင်၊ ပေါင်းတည်မြို့နယ်တာဝန်ခံရုံးတွင် ပြည်ခရိုင်ဦးစီးမှုးမှ ပေါင်းတည်မြို့ပေါ်ရှိ ကုန်မျိုးစုံရောင်းချနေသော လုပ်ငန်းရှင်များအား စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ရေးသားဖော်ပြခြင်းဆိုင်ရာအချက်များနှင့် စီးပွားရေးလုပ်ငန်းရှင်တို့ လိုက်နာရမည့် တာဝန်များ၊ ပြစ်မှုပြစ်ဒဏ်တို့၏ အကြောင်းများအား အကျယ်တဝင့် ရှင်းလင်းဟောပြောဆွေးနွေးခဲ့ရာ တက်ရောက်လာသော လုပ်ငန်းရှင်များမှလည်း မေးမြန်းဆွေးနွေးခြင်းများ ဆောင်ရွက်ခဲ့ကြပါသည်။ အဆိုပါဆွေးနွေးဟောပြောပွဲသို့ ပေါင်းတည်မြို့ပေါ်ရှိ ကုန်မျိုးစုံရောင်းချနေသော စီးပွားရေးလုပ်ငန်းရှင် (၂၀)ဦး တက်ရောက်ခဲ့ကြကြောင်း သတင်းရရှိပါသည်။

စားသုံးသူရေးရာဦးစီးဌာန(ပဲခူးတိုင်းဒေသကြီး)