သတင်းနှင့် လှုပ်ရှားမှုများ

       ၂၀၂၄ခုနှစ်၊ မေလ ၈ရက်နေ့၊ နံနက် (၀၉း၀၀)နာရီတွင် ကော့သောင်းမြို့ပေါ်ရှိ ဆေးဆိုင်(၅)ဆိုင်အား ကော့သောင်းခရိုင် စားသုံးသူရေးရာဦးစီးဌာန၊ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့ တို့နှင့်ပူးပေါင်း၍ ဈေးကွက်အတွင်းဖြန့်ဖြူးရောင်းချနေသည့် ဆေးဝါးများ ကုန်အညွှန်းအမှတ်အသားပြည့်စုံစွာဖော်ပြထားခြင်း ရှိ/မရှိ ၊ တရားမဝင်ဆေးဝါးများ ရောင်းချနေခြင်း ရှိ/မရှိ၊ သက်တမ်းလွန်ဆေးဝါးများ ရောင်းချနေခြင်း ရှိ/မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။       

      စစ်ဆေးရေးအဖွဲ့ဝင်များမှ အဆိုပါ ဆေးဆိုင်လုပ်ငန်းရှင်များအား တရားမဝင်မှတ်ပုံတင်ထားသည့် ဆေးဝါးများကိုသာ ရောင်းချစေရေး၊ တရားမဝင်ဆေးဝါးများကို ရောင်းချမှုမရှိစေရေး အသိပညာပေးဆွေး နွေးခဲ့ကြောင်း သိရှိရပါသည်။

DOCA(တနင်္သာရီ)

    စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် (၇.၅.၂၀၂၄) ရက်နေ့တွင် မိုးညှင်းမြို့၊ အရှေ့စုရပ်ကွက်ရှိ စားသုံးသူများအား စားသုံးသူကာကွယ်ရေး အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။

   ၂၀၁၉ စားသုံးသူကာကွယ်ရေး ဥပဒေပါ စားသုံးသူကာကွယ်ရေး၊ စားသုံးသူ၏အဓိပ္ပါယ်ဖွင့်ဆိုချက်၊ စားသုံးသူ၏ အခွင့်အရေး(၈)ချက်၊ စားသုံးသူ၏ တာဝန်များဖြစ်သော ကုန်စည် သို့မဟုတ် ဝန်ဆောင်မှုနှင့် စပ်လျဉ်းသည့် သတင်းအချက်အလက်နှင့် လမ်းညွှန်ချက်များအတိုင်း လိုက်နာဆောင်ရွက်ခြင်း၊ ကုန်စည်သို့မဟုတ် ဝန်ဆောင်မှုကို ရွေးချယ်ဝယ်ယူရာတွင် သဘောတူညီ ထားသည့် တန်ဖိုးနှင့်အညီပေးချေခြင်း၊ စီးပွားရေးလုပ်ငန်းရှင်အပေါ် ထိခိုက်နစ်နာစေရန် ရည်ရွယ်၍ မဟုတ်မမှန် စွပ်စွဲပြောဆိုမှု၊ ပြုလုပ်မှုတို့ကို ရှောင်ကြဉ်ခြင်း စသည့်အချက်များ၊ ကုန်အမှတ်တံဆိပ် မူပိုင်ခွင့်ဥပဒေနှင့် စပ်လျဉ်း၍ ထုတ်ပြန်ထားသည့် အကြောင်းအရာများနှင့် ကုန်အမှတ်တံဆိပ် လျောက်ထားရာတွင် လိုအပ်သည့် အချက်အလက်များ ၊အီလက်ထရောနစ်အငွေ့ရှုစက်နှင့် ပတ်သက်၍ သိကောင်းစရာများ၊ AIနည်းပညာနှင့် စိန်ခေါ်မှုများအကြောင်း၊ စားအုန်းဆီနှင့် ပတ်သက်၍ သိကောင်းစရာများအ‌ကြောင်းတို့ကို ဟောပြောခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)

      ဧရာဝတီတိုင်းဒေသကြီး၊       စားသုံးသူရေးရာဦးစီးဌာန၊ မြောင်းမြခရိုင် လပွတ္တာမြို့နယ် တာဝန်ခံဦးမြင့်ဌေးသည် (၆.၅.၂၀၂၄)ရက်နေ့၊ နေ့လယ် (၁၂:၀၀)နာရီက စားသုံးသူရေးရာဦးစီးဌာန မြို့နယ်တာဝန်ခံရုံးတွင် ကုန်မျိုးစုံနှင့် စားသုံးဆီရောင်းချသူ စီးပွားရေးလုပ်ငန်းရှင်များအား  စားသုံးသူကာကွယ်ရေးအသိပညာပေးဟောပြောပွဲ ဆောင်ရွက်ခဲ့ပါသည်။

       ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြို့နယ်တာဝန်ခံမှ ကုန်မျိုးစုံနှင့် စားသုံးဆီရောင်းချသူ စီးပွားရေးလုပ်ငန််းရှင်များအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ ၂၀၁၉ ပါ ပြဌာန်းချက်များမှ အခန်း(၁၈)ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်အညွှန်း ပြည့်စုံစွာ ဖော်ပြထားသော ကုန်ပစ္စည်းများကိုသာရောင်းချကြရန်  စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များ၏ တာဝန်များ၊ တားမြစ်ချက်များ၊ ပြစ်မှုပြစ်ဒါဏ်များအား အသေးစိတ်ရှင်းလင်းဟောပြောခဲ့ပြီး လက်ရှိဖြစ်ပေါ်နေသော စားသုံးဆီဈေးနှုန်းကြီးမြင့်ခြင်းနှင့်ပတ်သက်ပြီး စားသုံးဆီလုပ်ငန်းရှင်များအနေဖြင့် ဈေးနှုန်းမြှင့်တင်ရောင်းချမှုမရှိစေရေး ဈေးကွက်အတွင်း ဈေးနှုန်းမြှင့်တင်ရောင်းချခြင်းများ တွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း စားသုံးဆီလုပ်ငန်းရှင်များအား အသိပေးဆွေးနွေးဟောပြောခဲ့ပါသည်။ ဟောပြောပွဲသို့ ကုန်မျိုးစုံနှင့် စားသုံးဆီရောင်းချသူ စီးပွားရေးလုပ်ငန်းရှင်(၂၅)ဦး တက်ရောက်ခဲ့ကြောင်း သိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ပင်ခရိုင်ဦးစီးမှူးရုံးသည် ၆.၅.၂၀၂၄ ရက်နေ့၊ နံနက်(၁၀:၀၀) အချိန်တွင် တိုင်းဒေသကြီးဦးစီးမှူးရုံး ပုသိမ်မြို့၏ ဦးဆောင်ကျင်းပပြုလုပ်သော လစဉ်လုပ်ငန်းညှိနှိုင်းအစည်းအဝေးကို Zoom Meeting ဖြင့် ဆွေးနွေးဆောင်ရွက်ခြင်းကို တက်ရောက်ဆွေးနွေးခဲ့ပါသည်။

     အဆိုပါလုပ်ငန်းညှိနှိုင်းအစည်းအဝေးတွင် တိုင်းဒေသကြီးဦးစီးမှူးက လုပ်ငန်းစဉ်(၆)ရပ်ဖြင့် ခရိုင်များသို့ ရှင်းလင်းဆွေးနွေးခဲ့ပြီး၊ စီမံရေးရာနှင့်ပတ်သက်၍ ရှင်းလင်းချက်(၃)ချက် ဝန်ထမ်းရေးရာကိစ္စ၊ ပြည်တွင်းကုန်သွယ်မှုကိစ္စ၊ အထူးကိစ္စရပ်များကို အကျယ်တဝင့် ရှင်းလင်းခဲ့ပါသည်။ မိုးလေဝသသတင်းများကို စောင့်ကြည့်ရန်၊ ပျက်ဆီးလွယ်နိုင်သော သိုလှောင်ရုံ၊ အဆောက်အဦများ ရှိပါက အချိန်နှင့် တပြေးညီသတင်းပို့ရန်၊ လုပ်ငန်းလမ်းညွှန်ချက်များကို ကြည့်ရှုစစ်ဆေးဆောင်ရွက်ရန်၊၊ လက်အောက်ဝန်ထမ်းများ အခက်အခဲရှိပါက ကူညီဖြေရှင်း ဆောင်ရွက်ပြီး၊ ဖြေရှင်းဆောင်ရွက်ရန် အခက်အခဲရှိပါက အထက်အဆင့် ဆင့်သို့ တင်ပြပြီး ကူညီဖြေရှင်း ဆောင်ရွက်ပေးသွားမည်ဖြစ်ကြောင်း၊ ထူးခြားဖြစ် စဉ်များရှိပါက အဆင့်ဆင့် တင်ပြအကြောင်းကြားရန်မှာကြား ဆွေးနွေးခဲ့သည်။

     ဆက်လက်၍ ပုသိမ်ခရိုင်မှ လုပ်ငန်းဆောင်ရွက်ပြီးစီးမှု လျာထား/အမှန်ဆောင်ရွက်နိုင်မှု လုပ်ငန်းအခြေအနေများကို Power Point ဖြင့် ရှင်းလင်းတင်ပြခြင်း၊ ဟင်္သာတခရိုင်၊ မြောင်းမြခရိုင်၊ မအူပင်ခရိုင်၊ ဖျာပုံခရိုင် အသီးသီးမှ ခရိုင်ဦးစီးမှူးများမှ လုပ်ငန်းဆောင်ရွက်မှု အခြေအနေများကို ရှင်းလင်းတင်ပြခဲ့ကြပါသည်။ တိုင်းဒေသကြီးဦးစီးမှူးမှ နိဂုံးချုပ်အနေဖြင့် ဝန်ထမ်းများ စုပေါင်းစည်းရုံး ဆောင်ရွက်မှုဖြင့် လုပ်ငန်းအောင်မြင်အောင် ကြိုးပမ်းဆောင်ရွက်ရန် မှာကြားခဲ့ပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ် ဦးစီးမှူးရုံး တာဝန်ရှိသူ ခရိုင်ဦးစီးမှူး ဦးဇော်မင်းနှင့် ဝန်ထမ်းများသည် (၆.၅.၂၀၂၄) ရက်နေ့၊နံနက် (၁၀:၀၀) အချိန်က မြို့နယ် ပူးပေါင်းစစ်ဆေးရေးအဖွဲ့နှင့်အတူ ပန်းတနော်မြို့ပေါ်ရှိ စားအုန်းဆီ အရောင်းဆိုင်(၈) ဆိုင်သို့ သွားရောက်၍ ကွင်းဆင်းစစ်ဆေးဆောင်ရွက်ခြင်း ပြုလုပ်ခဲ့ကြသည်။

   မအူပင်ခရိုင်ဦးစီးမှူး ဦးဇော်မင်းသည် မိတ်ဖက်ဌာနများနှင့် ပူးပေါင်း၍  ပန်းတနော်မြို့ ဈေးကွက်အတွင်းရောင်းချနေသော စားအုန်းဆီများနှင့်ပတ်သက်၍ FDA ဌာနသက်ဆိုင်ရာ ထောက်ခံချက်မပါသော ဆီဘူးများ၊ ကုန်အညွှန်းအမှတ်အသား ဖော်ပြချက်မပါဝင်သော ကုန်စည်များ၊ ရောင်းချခြင်း ရှိ/ မရှိနှင့် ဆီရောင်းချသူလုပ်ငန်းရှင်များအား စားအုန်းဆီ အခြေခံလက်ကားရည်ညွှန်းဈေးနှုန်းဖြင့်ရောင်းချရန်၊ ပြည်တွင်းဈေးကွက်အတွင်း ဈေးနှုန်းမြင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက် ခံရမည်ဖြစ်ကြောင်း၊ အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန၏ website , facebook Page နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း ပြောကြားခဲ့သည်။

DOCA(ဧရာဝတီ)