သတင်းနှင့် လှုပ်ရှားမှုများ

    ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်‌ကျော်ဦးသည် ၁၁.၄.၂၀၂၄ ရက်နေ့တွင် ဗန်းမော်မြို့ရှိ အုတ်ထုတ် လုပ်သည့် စီးပွားရေးလုပ်ငန်းရှင်(၂)ဦးနှင့် တွေ့ဆုံဆွေးနွေးခဲ့ပါသည်။

   ထိုသို့ ဆွေးနွေးရာတွင် ခရိုင်ဦးစီးမှူး ဦးအောင်ကျော်ဦးက ၂၀၁၉ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၊ ကုန်စည်၊ ဝန်ဆောင်မှု၏ အဓိပ္ပာယ် ဖွင့်ဆိုချက် စီးပွားရေးလုပ်ငန်းရှင် ၏ တာဝန်များ၊ ကုန်စည် သို့မဟုတ် ဝန်ဆောင်မှု၏ အာမခံချက်၊ သတ်မှတ်ချက်များနှင့် စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စားသုံးသူကို ခွဲခြားမှုမရှိဘဲ ဖြောင့်မတ် မှန်ကန်စွာ ဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူနစ်နာဆုံးရှုံးမှု ဖြစ်ပွားစေမည့် ကုန်စည် သို့မဟုတ် ဝန်ဆောင်မှုကို တိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်းကို ရှောင်ကြဉ်ခြင်း၊ ကုန် စည်သို့မဟုတ် ဝန်ဆောင်မှုနှင့် စပ်လျဉ်း၍ ကတိပြုထားသော အာမခံချက်နှင့် ကိုက်ညီမှု မရှိပါက ကတိပြုထားသည့်အတိုင်း တာဝန်ယူဆောင်ရွက်ပေးခြင်း၊ တားမြစ်ချက်များ ပြစ်မှုပြစ်ဒဏ်များအကြောင်းတို့ကို ရှင်းလင်းဆွေးနွေးပြောကြားခဲ့ပြီး၊ အုတ်ထုတ်လုပ်ရာတွင် ကုန်ကြမ်းရရှိမှု အခြေအနေ၊ တစ်နေ့ထုတ်လုပ်နိုင်မှု အခြေအနေ ဈေးကွက်ဖြန့်ဖြူးရောင်းချမှုအခြေအနေ၊ အလုပ်သမားဦးရေနှင့် လုပ်အားခ နှုန်းထား၊ အလုပ်အကိုင်အခွင့်အလမ်း ဖန်တီးမှုအခြေအနေတို့ကိုပါ မေးမြန်းဆွေးနွေးခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ ကော့သောင်းခရိုင်ဦးစီးမှူးရုံးအနေဖြင့် ပြည်သူများ ဆေးနှင့်ဆေးပစ္စည်း များကို သက်သာချောင်ချိမှုရှိစွာ ဝယ်ယူရရှိနိုင်စေရန်ရည်ရွယ်၍ တိုင်းဒေသကြီးဦးစီးမှူးရုံး၊ ခရိုင်စီမံအုပ် ချူပ်ရေးအဖွဲ့၏လမ်းညွှန်ချက်အရ ဆေးနှင့် ဆေးပစ္စည်းများကို ဒေသတွင်း ဖြစ်သင့်ဖြစ်ထိုက်သည့် စျေးနှုန်းများဖြင့် ရောင်းဝယ်ဖောက်ကားမှုရှိစေရေးအတွက် ဆေးနှင့် ဆေးပစ္စည်း အရောင်းဆိုင်များအား  စျေးကွက် စောင့်ကြည့်စစ်ဆေးခြင်းများဆောင်ရွက်လျက်ရှိရာ အထူးစုံစမ်းစစ်ဆေးရေးဦးစီးဌာန၊ မြို့နယ်အထွေထွေအုပ်ချူပ်ရေးဦးစီးဌာန၊ ခရိုင်ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့၊ ခရိုင်စားသုံးသူရေးရာဦးစီးဌာန ပါဝင်သော မိတ်ဖက်ဌာနများနှင့်ပူးပေါင်း၍ (၁၀.၄.၂၀၂၄)ရက်နေ့၊ နေ့လယ်(၁၅:၀၀) အချိန်တွင် ကော့သောင်းမြို့ပေါ်ရှိ ဆေးနှင့်ဆေးပစ္စည်း လက်ကားအရောင်းဆိုင်များသို့သွားရောက်ကာ စျေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ခဲ့ပါသည်။

    ယင်းသို့ ကွင်းဆင်းစစ်ဆေးခြင်းဆောင်ရွက်ရာတွင်  ကော့သောင်းမြို့ပေါ်ရှိဆေးဆိုင်များတွင် ရောင်းချလျက်ရှိသော ဆေးနှင့်ဆေးပစ္စည်းစျေးနှုန်းများအနေဖြင့် ဒေသတွင်းသင့်တင့်မျှတမှုရှိသော စျေးနှုန်းများဖြင့်သာ ရောင်းချလျက်ရှိကြောင်း သိရှိရပါသည်။

DOCA(တနင်္သာရီ)

       ၂၀၂၄ ခုနှစ်၊ ဧပြီလ ၉ ရက်နေ့ နံနက် (၁၀:၀၀)နာရီအချိန်တွင် စီးပွားရေးနှင့်ကူးသန်းရောင်း ဝယ်‌ရေးဝန်ကြီးဌာန၊ စားသုံးသူရေးရာဦးစီးဌာန၊ မော်လမြိုင်ခရိုင်ဦးစီးမှူးရုံးမှ ခရိုင်ဦးစီးမှူး၊ မြို့နယ်တာဝန်ခံနှင့် ဝန်ထမ်းများအဖွဲ့သည် မော်လမြိုင်မြို့၊ စက်မှုဇုန်ရှိ ကောင်း (ရွှေကျီး) အိုင်အိုဒင်းဆားစက်လုပ်ငန်းသို့ သွားရောက်၍ ဆားစက်လုပ်ငန်းရှင်နှင့်တွေ့ဆုံခဲ့ပါသည်။

       မြို့နယ်တာဝန်ခံ ဦးအောင်ကိုကိုက စီးပွားရေးလုပ်ငန်းရှင်များအနေဖြင့် ဈေးကွက် အတွင်း ဖြန့်ဖြူးရောင်းချသော ကုန်စည်များအား ထုတ်ပိုးမှုများကောင်းမွန်စေရေး အထူးဂရုစိုက်ရန်၊ သန့်ရှင်းသန့်ရပ်မှုကို အလေးထားဆောင်ရွက်ရန်နှင့် ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြပါရှိစေရေးဆောင်ရွက်ရန်တို့အား ဆွေးနွေးခဲ့ ပါသည်။

      ဆက်လက်၍ ခရိုင်ဦးစီးမှူးဒေါ်ဝါဝါမြိုင်က ကုန်အညွှန်းအမှတ်အသားပြည့်စုံမှုမရှိသည့် ကုန်စည်များအား ဈေးကွက်အတွင်း ဖြန့်ဖြူးရောင်းချခွင့်မရှိကြောင်း၊ ရောင်းချပါက စားသုံးသူကာကွယ်ရေးဥပဒေအရ အရေးယူ ဆောင်ရွက်သွားမည်ဖြစ်ကြောင်း ကုန်အညွှန်းအမှတ်အသား မပြုလုပ်ရသေးပါက လာရောက်ပြုလုပ်ကြရန်နှင့်လုပ်ငန်းရှင်များအနေဖြင့် မိမိလုပ်ငန်းများရှိ ကုန်ပစ္စည်းများကို အွန်လိုင်းဖြင့်ရောင်းချမည်ဆိုပါက အွန်လိုင်းမှတ်ပုံတင်ခြင်း လုပ်ဆောင်ပြီးမှ ရောင်းချခွင့် ရှိမည်ဖြစ်ကြောင်း ဆွေးနွေးခဲ့သည်ဟု သိရှိရပါသည်။

DOCA(မွန်)

    ပြည်သူများ၏ နေ့စဉ်စားဝတ်နေရေး၊ စီးပွားရေး၊လူမှုရေးများတွင်   သက်သာချောင်ချိမှု ရှိစေရေးအတွက် အလေးထားဆောင်ရွက်ပေးလျက်ရှိရာ ဒေသအတွင်း၌ ဆေးနှင့်ဆေးပစ္စည်းစျေးနှုန်းများ သက်သာစွာဝယ်ယူရရှိမှသာ ဒေသအတွင်း တစ်ဖက်တစ်လမ်းမှ အထောက်အကူပြု ပြေလည်စွာဖြေရှင်းနိုင်မည့်ဖြစ်ပါ၍ ထားဝယ်မြို့တွင် ရောင်းချလျက်ရှိသော ဆေးနှင့်ဆေးပစ္စည်းအ‌ရောင်းဆိုင်များသို့  အဖွဲ့ဖြင့် အပတ်စဉ်သွား‌ရောက်၍ ဆေးနှင့်ဆေးပစ္စည်း စျေးနှုန်းများ စာရင်းကောက်ယူ စုံစမ်းခြင်းများ ဆောင်ရွက်လျက်ရှိပါသည်။

      ထို့သို့ စစ်ဆေးဆောင်ရွက်ရာတွင် (၁၁.၄.၂၀၂၄)ရက်နေ့    ထားဝယ်မြို့တွင်းရှိ ဆေးနှင့် ဆေးပစ္စည်းဆိုင်(၃)ဆိုင်သို့  သွားရောက်စစ်ဆေးခဲ့ရာ သင်္ကြန်ကာလအတွင်း ဆေးဝါများ ပြတ်လပ်မှုမရှိစေရေးနှင့် စျေးနှုန်းများ မြှင့်တင်ရောင်းချခြင်းမပြုရန် အသိပညာပေးဆွေးနွေး ဆောင်ရွက်ခဲ့ကြောင်း သိရှိရပါသည်။

DOCA(တနင်္သာရီ)

     စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးဘောမ်ဇုံး (ရုံးအုပ်) သည် ၁၀.၄.၂၀၂၄ ရက်နေ့တွင် ဝိုင်းမော်မြို့၊ မိုင်းနားရပ်ကွက်(၂) အတွင်းရှိ စားသောက်ကုန်မျိုးစုံ လက်လီ/ လက်ကား ဖြန့်ဖြူးရောင်းချသည့် လုပ်ငန်းရှင်  (၁)ဦးနှင့် တွေ့ဆုံ၍ စားသုံးသူကာကွယ်ရေး ဥပဒေပြဌာန်းချက်ပါ စီးပွားရေးလုပ်ငန်းရှင်များ လိုက်နာရန် အချက်အလက်များနှင့် ပတ်သက်၍ ရှင်းလင်းဆွေးနွေးခြင်း ဆောင်ရွက်ခဲ့ပါသည်။

    ထိုသို့ဆွေးနွေးရာတွင် ဦးဘောမ်ဇုံး(ရုံးအုပ်)က စီးပွားရေးလုပ်ငန်းရှင်ဆိုသည်မှာ ကုန်စည်ကို ထုတ်လုပ်ခြင်း၊ ဖြန့်ဖြူးခြင်း၊ သိုလှောင်ခြင်း၊ သယ်ယူပို့ဆောင်ခြင်း၊ ရောင်းချခြင်း၊ ပြုပြင်ထုတ်လုပ်ခြင်း၊ ပြည်ပသို့တင်ပို့ခြင်း၊ ပြည်တွင်းသို့တင်သွင်းခြင်း၊ ပြန်လည်ရောင်းချခြင်းကိုဖြစ်စေ၊ ထောက်ပံ့ခြင်းကို ဖြစ်စေ၊ ဝန်ဆောင်မှုပေးခြင်းကိုဖြစ်စေ၊ ကြော်ငြာလုပ်ငန်းလုပ်ကိုင်ခြင်းကိုဖြစ်စေ၊ တစ်ဦးချင်းသော်လည်းကောင်း၊ အဖွဲ့အစည်းနှင့်သော်လည်းကောင်း ဆောင်ရွက်သူကိုဆိုလိုကြောင်း၊ စီးပွားရေးလုပ်ငန်းရှင်၏ တာဝန်များ ဖြစ်သော ကုန်စည် သို့မဟုတ် ဝန်ဆောင်မှု၏ အာမခံချက်၊ သတ်မှတ်ချက်များနှင့်စပ်လျဉ်း၍ ရိုးရှင်းမှန်ကန်သော သတင်းအချက်အလက်များပေးခြင်း၊ စီးပွားရေး လုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့်အညီ ဖြောင့်မတ်မှန်ကန်စွာ ဆောင်ရွက် ခြင်းစသည့်အချက်များ၊ ကုန်စည်နှင့်ဝန်ဆောင်မှုအပေါ် တာဝန်ရှိမှုအကြောင်းများ၊ ကုန်အညွှန်းအမှတ်အသားများ ပြည့်စုံစွာဖော်ပြပါရှိသော ကုန်စည်များကိုသာ‌ ရောင်းချရန် ရှင်းလင်းဆွေးနွေး ခဲ့ပါသည်။

DOCA(ကချင်)