သတင်းနှင့် လှုပ်ရှားမှုများ

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် ပခုက္ကူခရိုင်ဦးစီးမှူး၏ကြီးကြပ်မှုဖြင့် (၈.၅.၂၀၂၄) ရက်နေ့၊ နံနက်(၁၀:၀၀)နာရီအချိန်တွင် ပခုက္ကူမြို့၊ အမှတ်(၁)ရပ်ကွက်ရှိ သမဝါယမဦးစီးဌာန၌ အသိပညာပေးဟောပြောပွဲပြုလုပ်ခဲ့ရာ ဝန်ထမ်း(၂၃)ဦးတို့ တက်ရောက်ခဲ့ကြပါသည်။ ဟောပြောပွဲတွင် သမဝါယမဦးစီးဌာနမှ ဦးစီးအရာရှိက ကြိုဆိုနှုတ်ခွန်းဆက်စကား ပြောကြားခဲ့ပြီး ဦးစီးမှူး ဦးဇော်ထွန်းဦးက ဌာန၏သမိုင်းကြောင်းနှင့် ဌာနမှဆောင်ရွက်နေသည့် လုပ်ငန်းတာဝန်များအကြောင်းကို ဦးစွာပထမ အသိပညာပေးဟောပြောဆွေးနွေးခဲ့ပါသည်။

    ဆက်လက်၍ ဦးစီးမှူး ဦးဇော်ထွန်းဦးက စားသုံးသူကာကွယ်ရေး အခန်း(၁၈)ပါ ကုန်အညွှန်း အမှတ်အသားများတွင် ထည့်သွင်းဖော်ပြရမည့် အချက်(၈)ချက်အား တက်ရောက်လာသည့်ဝန်ထမ်းများကို ကျယ်ကျယ်ပြန့်ပြန့်ရှင်းလင်းပြီး ကုန်အညွှန်းအမှတ်အသားများမပါလျှင် ဝယ်ယူစားသောက်ခြင်း မပြုစေလိုကြောင်း၊ ကုန်အညွှန်းအမှတ်အသားများပြည့်စုံမှသာလျှင် သုံးစွဲစေလိုကြောင်း၊ စားသုံးသူမိဘပြည်သူများက တိကျစွာလိုက်နာဆောင်ရွက်ရန်လိုအပ်ကြောင်း ရှင်းလင်းပြောကြားခဲ့ပါသည်။

     ဒုတိယဦးစီးမှူး ဒေါ်မျိုးသန္တာဝင်းက စားသုံးသူကာကွယ်ရေးဥပဒေ၊ အခန်း(၉)ပါ စားသုံးသူ များရရှိနိုင်သည့် အခွင့်အရေး (၈) ချက်နှင့်  စားသုံးသူများ လိုက်နာရမည့်တာဝန် (၄) ချက် ကိုလည်း ဝန်ထမ်းများအား သိရှိနားလည်စေရန် ရှင်းလင်းဆွေးနွေး ပြောကြားခဲ့ပါသည်။ ယခုလို သိရှိမှသာ မိမိတို့ရရှိမည့် အခွင့်အရေးများကို တောင်းခံနိုင်မည်ဖြစ်ကြောင်း၊ စားသုံးသူများအနေဖြင့် လည်း မိမိတို့လိုက်နာရမည့် တာဝန်များကိုလည်း တိတိကျကျလိုက်နာရန်လိုအပ်ကြောင်း ရှင်းလင်း ဆွေးနွေးခဲ့ပါသည်။ 

     ထို့နောက် ဦးစီးမှူး ဦးဇော်ထွန်းဦးက ဝန်ထမ်းများအနေဖြင့် အခွင့်အရေးများကို သိရှိပြီး နစ်နာဆုံးရှုံးမှုများရှိခဲ့လျှင် တိုင်ကြားနိုင်ရန် စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ “CICC” ရုံးများ ဖွင့်လှစ်ထားရှိပြီးဖြစ်ကြောင်း၊ တိုင်ကြားမှုများကို CICC ရုံးခန်းတွင်လည်းကောင်း၊ Facebook စာမျက်နှာတွင်လည်းကောင်း၊ DOCA Myanmar Application တွင်လည်းကောင်း၊ Consumer Call Center ဖွင့်လှစ်ထားသည့် (1535)တွင် လည်းကောင်း တိုင်ကြား နိုင်ကြောင်းနှင့် Website(www.doca.gov.mm)တွင်လည်း ဌာနအတွင်းလုပ်ငန်းဆောင်ရွက်မှုများကိုလည်း ဝင်ရောက်လေ့လာနိုင်ကြောင်း  ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး လမ်းညွှန်မှု၊ ပခုက္ကူခရိုင်ဦးစီးမှူး၏ ကြီးကြပ်မှုဖြင့် (၇.၅.၂၀၂၄) ရက်နေ့၊ နံနက်(၁၁:၀၀)နာရီအချိန်တွင် ပခုက္ကူခရိုင်၊ ပြန်ကြားရေးနှင့်ပြည်သူ့ဆက်ဆံရေး ဦးစီးဌာန ရုံး၌ စားသုံးသူရေးရာဦးစီးဌာန၊ ပခုက္ကူမြို့နယ်တာဝန်ခံ ဦးဇော်မင်းဦးသည် ပခုက္ကူမြို့နယ်ပြန်ကြား ရေးနှင့်ပြည်သူ့ဆက်ဆံရေးဦးစီးမှူးနှင့် ပူးပေါင်းပြီး “စီးပွားရေးလုပ်ငန်းရှင်၏ လိုက်နာရမည့်တာဝန်များ အသိပညာပေး” Talk Show ပွဲ ပြုလုပ်ကျင်းပခဲ့ပါသည်။

     Talk Show တွင်စားသုံးသူရေးရာဦးစီးဌာန၊ ပခုက္ကူမြို့နယ်တာဝန်ခံဦးဇော်မင်းဦးက စားသုံးသူရေးရာဦးစီးဌာန၏ ဆောင်ပုဒ်၊ မျှော်မှန်းချက်၊ ရည်မှန်းချက်၊ ဌာနသမိုင်းအကျဉ်း၊ စားသုံးသူကာကွယ်ရေးဥပဒေ၊ နည်းဥပဒေထုတ်ပြန်သည့်ရက်စွဲ၊ ပါဝင်သည့်အခန်း၊ ပုဒ်မများကို ပြောကြားခဲ့ပြီး စားသုံးသူကာကွယ်ရေးဥပဒေ ၂၀၁၉၊ အခန်း(၁၈)ပါ ကုန်အညွှန်း အမှတ်အသားဖော်ြပခြင်း နှင့်စပ်လျဉ်း၍ ကုန်စည်အုပ်စုအမျိုးအစားအလိုက် သတ်မှတ်ချက်များနှင့်အညီ ထုတ်လုပ်ရောင်းချပြီး အခန်း(၁၈)၊ ပုဒ်မ(၄၁)၊ ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ အခြားဘာသာတစ်ခု(သို့မဟုတ်) တစ်ခုထက်ပို၍တွဲလျက်ဖြစ်စေ၊ ထုတ်ကုန်၏ ကုန်စည်ပေါ်တွင် ဖော်ပြရောင်းချရန်နှင့် ကုန်စည်၊ဝန်ဆောင်မှုနှင့်စပ်လျဉ်း၍ အာမခံချက်ပေးမှုအပေါ် စားသုံးသူမှစိတ်ကျေနပ်မှုရရှိစေရေးနှင့် စီးပွားရေးလုပ်ငန်းရှင်၏ လိုက်နာရမည့်လုပ်ငန်း တာဝန်များအား အသေးစိတ်ရှင်းလင်းဆွေးနွေးခဲ့ကြောင်း သိရှိရပါသည်။

DOCA(မကွေး)

    ခရီးသွားလုပ်ငန်းများဆောင်ရွက်ရာတွင် အရေးကြီးသည့်ဟိုတယ်များနှင့် စားသောက်ဆိုင်များ၌ တည်းခို‌နေထိုင်ခြင်း၊ စားသောက်ခြင်းနှင့် ပတ်သက်၍ အစားအ‌သောက်များ ကောင်းမွန်စေရေး၊ ရောင်းချသည့်အစားအစာများ အာဟာရဖြစ်ပြီး ကျန်းမာရေးနှင့်ညီညွတ်သည့် အစားအစာများ ဖြစ်စေရေး၊ သန့်ရှင်းသပ်ရပ်မှုရှိစေရေးအတွက် ဟိုတယ်နှင့်ခရီးသွားညွှန်ကြားမှုဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့နှင့် စားသုံးသူရေးရာ ဦးစီးဌာနတို့ ပူးပေါင်းကွင်းဆင်းစစ်ဆေး အသိပညာပေးခြင်းတို့ ဆောင်ရွက်ခဲ့ကြောင်း သိရှိရပါသည်။

    (၆.၅.၂၀၂၄)ရက်နေ့၊ နံနက်(၁၀:၀၀)နာရီအချိန်တွင်  ကောင်းကောင်း၊ ပုလဲရွှေရည်ဟိုတယ် (၃)ခု၊ ရိုးရှင်းစားသောက်ဆိုင်နှင့် (၇.၅.၂၀၂၄)ရက်နေ့၊ နံနက်(၁၀:၃၀)နာရီအချိန်တွင် My Riever View၊ နန်းထိုက်သူ၊ ထိန်ထိန်သာ၊ ဖန်ခါးမြေ၊ Win Hotel (၄)ခုနှင့် လက်ရွေးစင် စားသောက် ဆိုင်တို့အား သက်ဆိုင်ရာဌာနအလိုက် ဥပဒေ၊ နည်းဥပဒေ၊ အမိန့်နှင့် ညွှန်ကြားချက်တို့အား ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ မကွေး/ချောက်ခရိုင်ဦးစီးမှူး ဒေါ်တင်တင်လှမှ စားသုံးသူကာကွယ်ရေး ဥပဒေ-၂၀၁၉ ပါ စီးပွားရေးလုပ်ငန်းရှင်၏ တာဝန်များ၊ ဝန်ဆောင်မှုနှင့် စပ်လျဉ်း၍ အာမခံချက်များ၊ ကုန်စည် သို့မဟုတ် ဝန်ဆောင်မှုလုံခြုံစိတ်ချရမှု၊ ဘေးအန္တရာယ်ရှိ သောဝန်ဆောင်မှုကို တားမြစ်ခြင်းနှင့် ဝန်ဆောင်မှုအပေါ် တာဝန်ရှိမှုတို့အား အသေးစိတ်ရှင်းလင်း ဆွေးနွေးခဲ့ကြောင်း သိရှိရပါသည်။

DOCA(မကွေး)

     ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးနှင့်ဝန်ထမ်းများ၊ သက်ဆိုင်ရာဌာနဆိုင်ရာအဖွဲ့များနှင့်ပူးပေါင်း၍ ၉.၅.၂၀၂၄ ရက်နေ့တွင် ပြည်တွင်းကုန်သွယ်မှုဖွံ့ဖြိုးတိုးတက်စေရန်အတွက် အသေးစား၊ အလတ်စားလုပ်ငန်းဖြစ်သော ဗန်းမော်မြို့(၃)မိုင်၊ ရွှေပြည်သာရပ်ကွက်ရှိ ထွန်းတောက် စပါယ်ရှယ် ရေစိမ်ခေါက်ဆွဲထုတ်လုပ်သည့် စီးပွား‌ရေးလုပ်ငန်းရှင်နှင့် တွေ့ဆုံဆွေးနွေးခဲ့ပါသည်။

     ထိုသို့တွေ့ဆုံဆွေးနွေးရာတွင် ခရိုင်ဦးစီးမှူးဦးအောင်ကျော်ဦးသည် ထွန်းတောက်ရေစိမ်‌ ခေါက်ဆွဲစက်ပိုင်ရှင်အား စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပြည့်စုံစွာဖော်ပြထားရှိရန်၊ ကုန်ကြမ်းရရှိမှုအခြေအနေ၊ ထုတ်လုပ်ပုံအဆင့်ဆင့်၊ ဈေးနှုန်းဈေးကွက်အခြေအနေ၊ ထုတ်လုပ်မှုကုန်ကျစရိတ် အကျိုးအမြတ်ရရှိမှုအခြေအနေများအား မေးမြန်းကာ လုပ်ငန်းများတိုးချဲ့၍ ဈေးကွက်ရှာဖွေတင်ပို့ပါက မိသားစုဝင်များ အလုပ်အကိုင်အခွင့်အလမ်းများ ရရှိကာ မိသားစုဝင်ငွေတိုးမည်ဖြစ်ကြောင်းပြောကြားခဲ့ပြီး စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏ တာဝန်များကို လိုက်နာဆောင်ရွက်ကြရန် အသိပညာပေးခဲ့ပါသည်။

DOCA(ကချင်)

    စားသုံးသူရေးရာဦးစီးဌာန၊ မြစ်ကြီးနားခရိုင်ဦးစီးမှူးရုံးမှ ဦးတင်မောင်ထွန်း(ရုံးအုပ်)သည် ၉.၅.၂၀၂၄ ရက်နေ့တွင် မြစ်ကြီးနားမြို့၊ အောင်နန်းရပ်ကွက်ရှိ လက်လီဖြန့်ဖြူးရောင်းချသော ဒေါ်မီးမီး(ကုန်စုံဆိုင်)သို့ သွားရောက်၍ စားသုံးသူများ ဘေးအန္တရာယ်ကင်းရှင်းပြီး ထုတ်ကုန်လုံခြုံ စိတ်ချရမှုရှိစေရေး၊ ဘေးအန္တရာယ်ရှိသောကုန်စည်များ ဈေးကွက်အတွင်းမှ ပပျောက်စေရေးနှင့် စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းနှင့် ပတ်သက်၍ ကိုက်ညီမှု ရှိ/ မရှိ ဈေးကွက်စောင့်ကြည့်စစ်ဆေးခဲ့ပါသည်။

    ထိုသို့ဈေးကွက်စောင့်ကြည့်စစ်ဆေးရာတွင် MAMEE အမှတ်တံဆိပ်ပါ ပုဇွန်ချဉ်စပ်အရသာ ခေါက်ဆွဲပြုတ်တွင် ညွှန်ကြားချက်အမှတ် (၂/၂၀၁၉)အရ ကုန်စည်ပေါ်တွင် မြန်မာဘာသာဖြင့် ဖော်ပြရမည့် အမျိုးအမည်၊ အရွယ်အစား၊ အရေအတွက် အသားတင်ပမာဏနှင့်သုံးစွဲပုံနည်းတို့ပြည့်စုံစွာ ဖော်ပြပါရှိကြောင်း စစ်‌ဆေးတွေ့ရှိရပြီး ကုန်စုံဆိုင်ပိုင်ရှင်အား ကုန်အညွှန်းအမှတ်အသား ပြည့်စုံမှုမရှိသည့်ကုန်စည်များ ဈေးကွက်အတွင်းရောင်းချခြင်းမပြုရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။

DOCA(ကချင်)