အိန္ဒိယ၏ ဘာစမာတီမဟုတ်သော ဆန်ဖြူတင်ပို့မှုကို တားမြစ်ခြင်းကြောင့် ကမ္ဘာ့ဆန် ဈေးနှုန်း သိသာစွာ မြင့်တက်စေခဲ့သော်လည်း အိန္ဒိယသည် ယခုအခါတွင် စင်ကာပူနိုင်ငံနှင့် နှစ်နိုင်ငံကြား အထူးဆက်ဆံရေးအဖြစ် စင်ကာပူသို့ ဆန်တင်ပို့ခွင့်ပြုရန် ဆုံးဖြတ်လိုက်ကြောင်းနှင့် ဆန်တင်ပို့ခွင့် တရားဝင်အမိန့်ကို မကြာမီ ထုတ်ပြန်သွားမည် ဖြစ်ကြောင်း အိန္ဒိယပြည်ပရေးရာ ဝန်ကြီးဌာန ပြောရေးဆိုခွင့်ရှိသူ Arindam Bagchi က ၂၉-၈-၂၀၂၃ ရက်၊ အင်္ဂါနေ့တွင် ပြောကြား ခဲ့သည်။
အဆိုပါ အထူးဆက်ဆံရေးသည် အိန္ဒိယနှင့် စင်ကာပူ နှစ်နိုင်ငံကြားတွင် အကျိုးစီးပွား မျှဝေခြင်း၊ ရင်းနှီးသည့် စီးပွားရေးဆက်ဆံမှုရှိခြင်း၊ နိုင်ငံသားအချင်းချင်း ခိုင်မာသည့် ဆက်သွယ် ချိတ်ဆက်မှုရှိခြင်းနှင့် အလွန်ရင်းနှီးသည့် မဟာဗျူဟာမြောက် ပူးပေါင်းဆောင်ရွက်မှုများကို ရရှိခံစားရမည် ဖြစ်ကြောင်း၊ ထို့ကြောင့် အိန္ဒိယသည် စင်ကာပူ၏ စားနပ်ရိက္ခာဖူလုံမှု လိုအပ်ချက်များ ပြည့်မီစေရေးအတွက် ဆန်တင်ပို့ခွင့်ပြုရန် ဆုံးဖြတ်ခဲ့ခြင်းဖြစ်ကြောင်း Arindam Bagchi က ပြောကြားခဲ့ပါသည်။
စင်ကာပူနိုင်ငံသို့ ဆန်တင်ပို့ခြင်းနှင့်စပ်လျဉ်း၍ မီဒီယာများ၏ မေးမြန်းမှုအပေါ် ပြည်ပရေး ရာ ဝန်ကြီးဌာန၏ ပြောရေးဆိုခွင့်ရှိသူက ယခုကဲ့သို့ ပြောကြားခဲ့ခြင်းဖြစ်ကြောင်း သိရှိရပါသည်။
Source: Economic Times, 29 Aug 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက် စောင့်ကြည့်လေ့လာရေးအဖွဲ့)