![](http://www.doca.gov.mm/sites/default/files/styles/consumer_inner_image__847x424_/public/onions 10.jpg?itok=6KvdeMe3)
အိန္ဒိယဘဏ္ဍာရေးဝန်ကြီးဌာနသည် ပြည်ပသို့ ကြက်သွန်နီ တင်ပို့မှုနှင့်စပ်လျဉ်း၍ ပို့ကုန်လုပ်ငန်းရှင်အနေဖြင့် ဘန်ဂလိုဒေသမှထွက်ရှိသော ကြက်သွန်နီအား တင်ပို့ခြင်းဖြစ်ပါက အဆိုပါ ဒေသထွက် ကြက်သွန်နီအမျိုးအစားနှင့် အရည်အသွေးတို့ကို စစ်ဆေးအတည်ပြုသည့် ပြည်နယ်ဥယျာဉ်ခြံမြေကော်မရှင်နာ၏ အသိအမှတ်ပြုလက်မှတ်ကို ပြသနိုင်လျှင် ပို့ကုန်အခွန် ကင်းလွတ်ခွင့် ရရှိမည်ဖြစ်ကြောင်း ၂၉-၉-၂၀၂၃ ရက်နေ့တွင် အမိန့်ကြော်ငြာစာ ထုတ်ပြန်ခဲ့ပါသည်။
အိန္ဒိယအစိုးရသည် ပြည်တွင်း၌ ကြက်သွန်နီများ ဖူလုံမှုရှိပြီး ဈေးနှုန်းမြင့်တက်မှုကို ထိန်းသိမ်းရန်အတွက် သြဂုတ်လတွင် မည်သည့်ကြက်သွန်နီအမျိုးအစားမဆို တင်ပို့မှုအပေါ် အခွန် ၄၀ ရာခိုင်နှုန်းကို ကောက်ခံရန်ချမှတ်ခဲ့သည်။ အိန္ဒိယစားသုံးသူရေးရာဦးစီးဌာန၏ အချက် အလက်များအရ ပြည်တွင်း၌ လက်ရှိ ကြက်သွန်နီပျမ်းမျှဈေးနှုန်းမှာ ၁ ကီလိုဂရမ်လျှင် ၃၃.၅၃ ရူပီးနှုန်း ရှိကြောင်း သိရပါသည်။
ဗဟိုအစိုးရအနေဖြင့် ယခင် အရန်ရိက္ခာဝယ်ယူမှုစံချိန်များကို ကျော်လွန်လျက် ၂၀၂၂-၂၀၂၃ ခုနှစ်တွင် ကြက်သွန်နီတန်ချိန် ၂.၅ သိန်းကို ဝယ်ယူသိုလှောင်နိုင်ခဲ့သော်လည်း ယခုနှစ်နွေရာသီ အပူချိန်လွန်ကဲမှုကြောင့် အရည်အသွေးညံ့သော ကြက်သွန်နီများ များပြားလာခဲ့သဖြင့် အရည် အသွေးကောင်းမွန်သော ကြက်သွန်နီများ၏ ဈေးနှုန်းများမှာ မြင့်တက်လာခဲ့ပါသည်။ ထို့အပြင် တစ်ချိန်တည်းမှာပင် ကြက်သွန်နီတင်ပို့မှုများသည် ၂၀၂၂-၂၀၂၃ ခုနှစ် အတွင်း တန်ချိန် ၂၄.၂၅ သိန်းဖြင့် ၆ နှစ်ကာလအတွင်း ၆၄ ရာခိုင်နှုန်းအထိ ပမာဏများပြားလာခဲ့ကြောင်း သိရပါသည်။
Source: Economic Times, 29 Sept 2023 (လယ်ယာထွက်ကုန်များနှင့်အဓိကသွင်းကုန်များ၏ နိုင်ငံတကာဈေးကွက် စောင့်ကြည့်လေ့လာရေးအဖွဲ့)