(၉-၁၀-၂၀၂၄)ရက်နေ့တွင် စားသုံးသူရေးရာဦးစီးဌာန၊ မအူပင်ခရိုင်၊ ဓနုဖြူမြို့နယ်တာဝန်ခံရုံးမှ ဦးခိုင်လွမ်းမိုးနှင့် မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်စည်ပင်သာယာရေးအဖွဲ့တို့ပူးပေါင်း ၍ ဓနုဖြူမြို့နယ်အတွင်းရှိ ကုန်စုံဆိုင်၊ စတိုးဆိုင်များတွင်ရောင်းချနေသည့် ဦးစားပေးကုန်စည်ဖြစ်သော အသင့်စားခေါက်ဆွဲခြောက်ထုပ်များတွင် စားသုံးသူကာကွယ်ရေးဥပဒေတွင် ပြဌာန်းထားသည့် စားသုံးသူကာကွယ်ရေးကော်မရှင် အမိန့်ညွှန်ကြားချက် ၂/၂၀၁၉ သတ်မှတ်ချက်များအတိုင်း လိုက်နာဖော်ပြထားခြင်းရှိ/မရှိ၊ ကုန်ညွှန်းအမှတ်အသားဖော်ပြခြင်းဆိုင်ရာ အချက်များ ပြည်စုံစွာပါရှိခြင်းရှိ/မရှိ၊ သက်ဆိုင်ရာဌာနများ၏ ထောက်ခံချက်ရှိ/ မရှိ၊ သက်တမ်းကျော်လွန်သော ခေါက်ဆွဲခြောက်ထုပ်များ ရောင်းချနေခြင်းရှိ/ မရှိ ဈေးကွက်စောင့်ကြည့်စစ်ဆေးခြင်း ဆောင်ရွက်ခဲ့ကြောင်း သိရှိရပါသည်။
ထိုသို့ ဈေးကွက်စောင့်ကြည့်စစ်ဆေးရာတွင် ဓနုဖြူမြို့နယ်ရှိကုန်စုံဆိုင်များနှင့် စတိုးဆိုင်များ တွင်ရောင်းချနေသော အသင့်စားခေါက်ဆွဲခြောက်ထုပ်များတွင် ကုန်ညွှန်းအမှတ်အသားပြည့်စုံစွာ ပါရှိပြီး၊ သက်တမ်းလွန်ကုန်စည်များအား ရောင်းချနေခြင်းမရှိကြောင်း စစ်ဆေးတွေ့ ရှိရကြောင်း သိရပါသည်။
DOCA(ဧရာဝတီ)