![](http://www.doca.gov.mm/sites/default/files/styles/consumer_inner_image__847x424_/public/image-0-02-06-12b349a29915dd25ab566141bbb616099abd858ddc238ac064221ffae2e441c3-V_1.jpg?itok=vkgKzbAJ)
ရှမ်းပြည်နယ်(အရှေ့ပိုင်း)ဒေသအတွင်း စိုက်ပျိုးရေးဦးစီးဌာန၊ ကော်ဖီသီးနှံဌာနခွဲနှင့် ရှမ်းပြည်နယ် စားသုံးသူရေးရာဦးစီးမှူးရုံးတို့မှ ပူးပေါင်း၍ အရည်အသွေးမြှင့်အထူးတန်းဝင် ကော်ဖီထုတ်လုပ်မှု နည်းပညာပေးသင်တန်းကို (၇.၁.၂၀၁၉)ရက်နေ့တွင် ကျိုင်းတုံမြို့ အမှတ်(၃) ရပ်ကွက်ရှိ တိုင်းလိ ခန်းမ၌ ကျင်းပခဲ့ရာ အခမ်းအနားသို့ ဒုပြည်နယ်/ခရိုင်/မြို့နယ်အဆင့်ဌာန ဆိုင်ရာများ၊ လွှတ်တော် ကိုယ်စားလှယ်များ၊ ကုမ္ပဏီလုပ်ငန်းရှင်များ၊ ကော်ဖီ အသင်းဖွဲ့ဝင်များ၊ စိုက်ပျိုးသူတောင်သူများ စုစုပေါင်း (၁၂၀) ဦးတက်ရောက်ခဲ့ပါသည်။ သင်တန်းဖွင့်လှစ်ရာ၌ ရှမ်းပြည်နယ်(အရှေ့ပိုင်း) တစ်ခုလုံး ကော်ဖီစိုက်ပျိုးရာတွင် သတ်မှတ်အရည်အသွေးမှီ စိုက်ပျိုးထုတ်လုပ်လာနိုင်ရေး အရည်အသွေးစံချိန်စံညွှန်းမှီစွာဖြင့် ပြည်ပစျေးကွက်သို့တင်ပို့ ရောင်းချနိုင်ရေး လိုအပ်လျှက်ရှိသဖြင့် သင်တန်းပေးရခြင်းဖြစ်ကြောင်း၊ တောင်သူများလိုက်နာ ဆောင်ရွက်စေခြင်းဖြင့် ကော်ဖီစိုက်ပျိုး ထုတ်လုပ်မှု အဆင့်အတန်း မြင့်မားလာစေရေးတို့အတွက် ကျိုင်းတုံ/တာချီလိတ်ဒေသအတွင်း တရုတ်ပြည်သူ့သမ္မတနိုင်ငံ လင်ချန်း-မဲခေါင် Project အစီအစဉ်၏ ထောက်ပံ့မှုဖြင့် မဲခေါင်ဒေသ စီးပွားရေးဗဟိုပြုပြီး ကော်ဖီစိုက်ပျိုး ထုတ်လုပ်မှု တိုးတက်စေရန်တို့ကို ရည်ရွယ်ဆောင်ရွက်ခြင်း ဖြစ်ကြောင်း သိရှိရပါသည်။ အဆိုပါသင်တန်းအား (၇.၁.၂၀၁၉)ရက်နေ့မှစ၍ (၃)ရက်ကြာ ဖွင့်လှစ် သင်ကြားမည်ဖြစ်ပြီး သင်တန်းသား/သူ (၇၀)ဦး တက်ရောက် လျှက်ရှိကြောင်းနှင့် အလားတူဒေသ နှင့်ကိုက်ညီသည့် ရာဘာ၊ ပိုးစာကဲ့သို့အခြား နှစ်ရှည်သီးနှံများကိုလည်း စိုက်ပျိုးထုတ်လုပ်မှု နည်းပညာပေး သင်တန်းများဖွင့်လှစ်သွားရန် စီစဉ်ထားကြောင်း စိုက်ပျိုးရေးဦးစီးဌာနမှ သိရှိရ ပါသည်။
လှစိုး
(ကျိုင်းတုံ)