ရန်ကုန်တိုင်းဒေသကြီး၊ မင်္ဂလာဒုံမြို့နယ်နေ တိုင်ကြား သူတစ်ဦးက သောက်ရေသန့်လုပ်ငန်းတစ်ခုသည် အစား အသောက်နှင့်ဆေးဝါးကွပ်ကဲရေးဦးစီးဌာန (FDA) ၏ ထောက် ခံချက်မပါရှိဘဲ ထုတ်လုပ်ဖြန့်ဖြူး ရောင်းချနေသဖြင့် စစ်ဆေး အရေးယူပေးပါရန် စားသုံးသူရေးရာဦးစီးဌာန၊ Website Complaint System မှတစ်ဆင့် တိုင်ကြားလာပါသည်။
ဖြေရှင်းဆောင်ရွက်မှုအခြေအနေ။ တိုင်ကြားမှုနှင့်ပတ်သက်၍ ဌာနမှတာဝန်ရှိသူများက စိစစ်ရာ တွင် ရေသန့်သည် ကျန်းမာရေးဝန်ကြီးဌာန၏ ထိန်းချုပ်အစားအသောက်ဖြစ်ပါသဖြင့် တိုင်ကြားခံရ သည့် အမှတ်တံဆိပ်ပါ သောက်ရေသန့်လုပ်ငန်းသည် အစားအသောက်နှင့်ဆေးဝါးကွပ်ကဲရေးဦးစီး ဌာန(FDA)၏ ထောက်ခံချက်ရယူထားခြင်း ရှိ/မရှိ သိရှိနိုင်ပါရန်နှင့်အဆိုပါလုပ်ငန်းအား လိုအပ်သလို စိစစ်ဆောင်ရွက်ပေးနိုင်ရေး ညှိနှိုင်းအကြောင်းကြားခဲ့မှုအပေါ် အစားအသောက် နှင့်ဆေးဝါးကွပ်ကဲရေး ဦးစီးဌာနခွဲ(ရန်ကုန်)ရုံးမှ ဌာနမှတ်တမ်းမှတ်ရာများ စိစစ်ချက်အရ တိုင်ကြားခံရသည့် အမှတ်တံဆိပ် ပါ သောက်ရေသန့်လုပ်ငန်းသည် E-Submission System ၌ ၂၉-၈-၂၀၂၅ ရက်နေ့တွင် (20 L/PET Bottle, 1L/PET Bottle) (၂)မျိုးအား အစားအသောက် ထုတ်လုပ်ခြင်းထောက်ခံချက် လျှောက်ထား ဆဲဖြစ်ကြောင်း စိစစ်တွေ့ရှိရသဖြင့် ထောက်ခံချက်ရရှိ ပြီးမှသာ ဈေးကွက်အတွင်းဖြန့်ဖြူးရန်နှင့် လိုက်နာမှုမရှိပါက အမျိုးသားအစားအသောက်ဥပဒေအရ အရေးယူခြင်းခံရမည်ဖြစ်ကြောင်းကို တိုင် ကြားခံရသည့် လုပ်ငန်းရှင်သို့ အသိပေးအကြောင်းကြားပြီးဖြစ်ပါကြောင်း အကြောင်းပြန်ကြားလာ ပါသည်။ ဌာနမှတာဝန်ရှိသူများက တိုင်ကြားသူထံ ဖြေရှင်းဆောင်ရွက်ပေးမှုများကို ရှင်းလင်းပြောကြားခဲ့ပြီး တိုင်ကြားမှုအား ပိတ်သိမ်းဆောင်ရွက်ခဲ့ပါသည်။