ဗီယက်နမ်နိုင်ငံသည် နိုင်ငံတိုးတက်မှုအတွက် တွန်းအားအသစ်များ ဖန်တီးရန်နှင့် နိုင်ငံတကာ ယှဉ်ပြိုင်နိုင်စွမ်းကိုမြှင့်တင်ရန် ကြိုးပမ်းမှုတစ်စိတ်တစ်ပိုင်းအဖြစ် ၂၀၄၅ ခုနှစ်တွင် တစ်နိုင်ငံလုံး လွတ်လပ်သော ကုန်သွယ်မှုဇုန် ၁၀ ခုအထိ ထူထောင်ရန် စီစဉ်နေကြောင်း အစိုးရ ပေါ်တယ်က ဒီဇင်ဘာလ ၅ ရက်နေ့တွင် ဖော်ပြခဲ့သည်။ သောကြာနေ့မနက်က ပြုလုပ်သော အစိုးရအစည်းအဝေးတွင် ဘဏ္ဍာရေးဝန်ကြီးဌာနမှ တင်ပြခဲ့သော အဆိုပြုချက်အရ ဗီယက်နမ်သည် မြောက်ပိုင်းဆိပ်ကမ်းမြို့ဖြစ်သော Hai Phong၊ Da Nang နဲ့ တောင်ပိုင်း အချက်အချာကျသော ဟိုချီမင်းမြို့ အပါအဝင် မြို့ကြီးများတွင် လွတ်လပ်သော ကုန်သွယ်ရေး ဇုန်များကို ၂၀၂၆ ခုနှစ်မှာ စမ်းသပ်လုပ်ဆောင်ရန် မျှော်လင့်ထားကြောင်းသိရသည်။ အရှေ့ တောင်အာရှနိုင်ငံသည် ၂၀၃၀ ခုနှစ်တွင် အခွင့်သာသော အခြေအနေများဖြင့် ဒေသများတွင် လွတ်လပ်စွာ ကုန်သွယ်မှုဇုန် ခြောက်ခုမှ ရှစ်ခုအထိ ဖွံ့ဖြိုးတိုးတက်ရန် ရည်မှန်းထားကြောင်း အဆိုပြုချက်တွင် ဖော်ပြထားသည်။ ၂၀၄၅ ခုနှစ်တွင် ဇုန်များအားလုံး ပေါင်းစည်းမှုသည် ဗီယက်နမ်နိုင်ငံ၏ ပြည်တွင်း အသားတင်ထုတ်လုပ်မှု၏ ၁၅ မှ ၂၀ ရာခိုင်နှုန်းအထိ ပံ့ပိုးပေးနိုင်မည်ဟု ခန့်မှန်းထားကြောင်း အစီရင်ခံစာအရ သိရှိရပါသည်။
Source : Xinhua
DOCA(ရန်ကုန်)