မန္တလေးတိုင်းဒေသကြီး၊ ရမည်းသင်းခရိုင်၊ ပျော်ဘွယ်မြို့၊ ကျီနီစက်မှုစံပြကျေးရွာနေ စားသုံးသူပြည်သူတစ်ဦးသည် ---------- Wifiကုမ္ပဏီ မှ အင်တာနက်(၆)လစာ (၃၃၁၂၀၀)ကျပ်ဖြင့် သုံးစွဲလျှက်ရှိသော်လည်း (၁)လမှ အဆင်မပြေကြောင်း၊ တခါတရံ (၃)ရက်၊(၅)ရက်၊(၁)ပတ် ပြတ်တောက်၍ Wifi ရုံးအား မေးမြန်းခဲ့ရာ လေမုန်တိုင်းလာလျှင် ပြတ်တောက်နိုင်ကြောင်းနှင့် ကြွက်၊ရှဉ့်များမှကြိုးအားကိုက်၍ ပြတ်တောက်နိုင်သည်ဟုဖြေကြားခဲ့ကြောင်း တိုင်ကြားသူ အနေဖြင့်ပျက်ရက်များအား (၁)လစာအစားထိုးပေးရန် တောင်းဆိုခဲ့ရာ Wifiရုံးမှပေးမည် ဖြစ် ကြောင်းဖြေကြားခဲ့သော်လည်း ဝန်ဆောင်မှုရယူထားသည့် (၆)လကုန်သွားပြီး (၁)လစာ အစား ထိုးမရခဲ့ပါကြောင်း၊ Wifi ရုံးအား ဖုန်းဆက်ပြောသော်လည်းမပေးနိုင်ကြောင်း ဖြေကြားခဲ့သဖြင့် ကျေနပ်မှုမရှိသဖြင့် ဖြေရှင်းဆောင်ရွက်ပေးပါရန် တိုင်ကြားလာပါသည်။ စားသုံးသူရေးရာဦးစီးဌာန၊မိတ္ထီလာခရိုင်ဦးစီးမှူးရုံးမှ အဆိုပါတိုင်ကြားမှုနှင့် စပ်လျဉ်း၍ တိုင်ကြားသူနှင့် စီးပွားရေးလုပ်ငန်းရှင်တို့အား(၃.၈.၂၀၂၆)ရက်နေ့၊ နံနက်(၁၀:၀၀)အချိန်တွင် ခေါ်ယူ ဆွေးနွေးခဲ့ရာ တိုင်ကြားမှုဖြစ်စဉ်နှင့်စပ်လျဉ်း၍ စီးပွားရေးလုပ်ငန်းရှင်မှ ယခုကိစ္စတွင် ကုမ္ပဏီ၏ လိုအပ်ချက်ဖြစ်ပါကြောင်း၊ နောက်နောင် ယခုထက်ပိုမို၍ ဝန်ဆောင်မှုများအား ပိုမိုအလေးထားဆောင်ရွက်သွားမည်ဖြစ်ပါကြောင်း၊ဖြစ်စဉ်နှင့်စပ်လျဉ်း၍ စားသုံးသူ တောင်းဆို သည့်အတိုင်း Wifi (1)လစာစားသုံးသူ၏ Wifiစက်သို့ ထည့်သွင်းပေးပြီးဖြစ်ပါကြောင်း ဆွေးနွေးခဲ့ပြီး စားသုံးသူဘက်မှလည်းသဘောတူညီမှုရရှိသဖြင့် တိုင်ကြားသူမှ ဖြေရှင်းပေးခဲ့မှု အပေါ် စိတ်ကျေနပ်မှုရရှိသဖြင့် စားသုံးသူကာကွယ်ရေးဥပဒေပုဒ်မ ၅၂(ဂ)ပါ “အစားထိုး ပေးစေခြင်း”အရ မှတ်တမ်းတင် အမှုပိတ်သိမ်းဆောင်ရွက်ခဲ့ပါကြောင်း သတင်းရရှိပါသည်။
DOCA(မန္တလေး)