Upgrade Consumer Complaint System အသုံးပြုနည်း အလုပ်ရုံဆွေးနွေးပွဲကို ၂၀၂၀ပြည့်နှစ်၊ ဇူလိုင်လ ၂၃ရက်နေ့တွင် Online အသုံးပြု၍ Video Conferencing စနစ်ဖြင့် ကျင်းပခဲ့ရာ ဒုတိယညွှန်ကြားရေးမှူးချုပ်၊ ဦးမြင့်ဝေက အမှာစကားပြောကြားခဲ့ပါသည်။
ဒုတိယညွှန်ကြားရေးမှူးချုပ်က အမှာစကားပြောကြားရာတွင် စားသုံးသူရေးရာဦးစီးဌာန၊ Website နဲ့ DOCA Myanmar Mobile Application မှာ Consumer Complaint System ပါရှိပါ ကြောင်း၊ ယခုလက်ရှိ သုံးစွဲလျက်ရှိပါကြောင်း၊ စားသုံးသူများက တိုင်ကြားလာတဲ့ တိုင်ကြားစာတွေရဲ့ ၆၀% ကျော်ဟာ ဒီ Consumer Complaint System ကနေ တိုင်ကြားကြတာ ဖြစ်တဲ့အတွက် အောင်မြင်တဲ့စနစ်ဖြစ်ပါကြောင်း၊ ယခုအသုံးပြုနေတဲ့စနစ်မှာဆိုရင် တိုင်ကြားစာတွေကို စားသုံးသူ ရေးရာဌာနခွဲကနေ လက်ခံပြီး Hard Copy download ရယူပြီး သက်ဆိုင်ရာ တိုင်းဒေသကြီး/ ပြည်နယ်ကိုပို့ပေးကာ ဆက်လက်ဖြေရှင်းဆောင်ရွက်ရတဲ့ စနစ်ဖြစ်ပါကြောင်း ဒီစနစ်ကို အဆင့်မြှင့်တင် နိုင်ဖို့အတွက် USAID အဖွဲ့နဲ့ညှိနှိုင်းခဲ့ရာ USAID က ဒီစနစ်ကို အဆင့်မြှင့်တင်ရေးဆွဲဖို့ ထောက်ပံ့ကူညီခဲ့ ပါကြောင်း၊ ဒီစနစ်မှာ တိုင်းဒေသကြီး/ပြည်နယ်ဦးစီးရုံးများအနေနဲ့ တိုင်ကြားမှုများကို တိုက်ရိုက်လက်ခံ ပြီး ဆက်လက်ဖြေရှင်းဆောင်ရွက်ရမှာ ဖြစ်ပါကြောင်း၊ တိုင်ကြားသူများဘက်ကလည်း သူတို့ရဲ့ တိုင်ကြားမှုအပေါ် အရေးယူဆောင်ရွက်နေမှု အဆင့်ဆင့်ကို ၎င်းတို့၏ ဖုန်းသို့ SMS ပေးပို့ထားတဲ့ link နဲ့ Tracking Code တို့က တဆင့် Website မှာ စောင့်ကြည့်နိုင်မှာဖြစ်တဲ့အတွက် Transparency ရှိတဲ့ စနစ်ဖြစ်ပါကြောင်း၊ ဒီစနစ်ရဲ့ အားသာချက်တွေကတော့ Paper Work ကို လျှော့ချနိုင်ခြင်း၊ ဝန်ထမ်း အင်အား အသုံးပြုရမှု လျှော့ချနိုင်ခြင်း၊ reporting စနစ်များ ပိုမိုကောင်းမွန်လာခြင်း၊ အွန်လိုင်းအသုံးပြု စားသုံးသူအငြင်းပွားမှု ဖြေရှင်းရေးစနစ် (ODR) အတွက် အခြေခံကောင်း ဖြစ်ခြင်း၊ တိုင်ကြားသူများက သူတို့ရဲ့တိုင်ကြားမှုအပေါ် အရေးယူဆောင်ရွက်နေမှု အခြေအနေကို စောင့်ကြည့်နိုင်ခြင်းတို့ ဖြစ်ပါ ကြောင်း ပြောကြားခဲ့ပါသည်။
အလုပ်ရုံဆွေးနွေးပွဲသို့ စားသုံးသူရေးရာဦးစီးဌာန၊ ရုံးချုပ်မှ တာဝန်ရှိသူများနှင့် တိုင်းဒေသကြီး/ ပြည်နယ် ဦးစီးမှူးရုံးများမှ တာဝန်ရှိသူများ တက်ရောက်ခဲ့ကြပြီး အဆင့်မြှင့်တင်ထားသည့် အွန်လိုင်း အသုံးပြု စားသုံးသူတိုင်ကြားမှု လက်ခံဆောင်ရွက်ရေးစနစ်ကို မကြာမီ စတင်အသုံးပြုနိုင်မည်ဖြစ် ကြောင်း သိရှိရပါသည်။
ITQM
စားသုံးသူရေးရာဦးစီးဌာန