ကချင်ပြည်နယ် ၊ ဗန်းမော်ခရိုင်အတွင်းရှိ ဗန်းမော် ၊ မံစီ ၊ မိုးမောက် ၊ ရွှေကူ စသောမြို့နယ်များရှိ ကျေးရွာများ၌ ဒေသခံတောင်သူများသည် မိုးရာသီတွင် စပါးစိုက်ပျိုးခြင်း၊ ဆောင်းရာသီတွင် မြေနုကျွန်းများနှင့် မြစ်ချောင်းဘေးနှုန်းတင်မြေနုများတွင် ရာသီပေါ်သီးနှံများဖြစ်သော ပဲ၊ ပြောင်း၊ နှမ်းနှင့်စားဖိုချောင်သီးနှံများ စသည်တို့ကိုအချို့စိုက်ပျိုးကြပြီး အချို့မှာ ရွှေကျင်ခြင်း၊ သစ်ခုတ်ခြင်းတို့အား မိရိုးဖလာလုပ်ငန်းများကဲ့သို့ လုပ်ကိုင်ဆောင်ရွက်လာကြသည်မှာ ကာလအတန်ကြာခဲ့ပြီဖြစ်ရာ သစ်တောများဖြုန်းတီးလာခြင်း၊ ရာသီဉတုများဖောက်ပြန်လာခြင်း၊ ရွှေကျင်ရန်နေရာ ရှားပါးလာခြင်းတို့ကြောင့် မြေလွတ် မြေလပ်များ၊ လယ်၊ တောင်ယာမြေ စသည်တို့တွင် တစ်နှစ်ထက်တစ်နှစ် တရုတ်ပြည်နှင့်ပြည်ပနိုင်ငံများသို့ တင်ပို့ရောင်းချနိုင်ရေးအတွက် အမယ်သစ်သီးနှံများဖြစ်သော တစ်သျှူးငှက်ပျော၊ ကန်စွန်းဉ(နီ၊ညို)၊ ပဲသီး၊ ဝဉ၊ ကျွန်းအစားထိုး မန်ဂျန်ရှား၊ လျှော်ဖြူစသည်တို့ကို စမ်းသပ်စိုက်ပျိုးထုတ်လုပ်ခြင်း၊ တင်ပို့ရောင်းချခြင်းများ ပြုလုပ်လာခဲ့ရာမှ ယခုအခါ ကချင်ပြည်နယ်တွင် မည်သူမျှ စိုက်ပျိုးခြင်းမရှိသေးသော ထောပတ်သီးပင်များ စိုက်ပျိုးနေသည်ကို ဗန်းမော်ခရိုင်စားသုံသူရေးရာဦးစီးဌာနမှ ခရိုင်ဦးစီးမှူး ဦးအောင်ကျော်ဦးနှင့် ဝန်ထမ်းများ ကွင်းဆင်းသွားရောက်စစ်ဆေးခဲ့ကြပါသည်။ ကွင်းဆင်းစစ်ဆေးရာတွင် တွေ့ရှိမှု အခြေအနေအရ သီးစိန် စိုက်ပျိုးရေးကုမ္ပဏီလီမိတက်သည် တစ်သျှူးငှက်ပျော ဗန်းမော်ခရိုင်နှင့် ရှမ်းပြည်(မြောက်ပိုင်း)တို့တွင်စိုက်ပျိုးလျှက်ရှိရာမှ တရုတ်ပြည်သို့ ငရုတ်သီး(ငရုတ်ပွ၊ရှည်၊မိုးမျှော်)တို့ကို စမ်းသပ်စိုက်ပျိုးတင်ပို့ခြင်းဆောင်ရွက်လျှက်ရှိပြီး အမယ်သစ်သီးနှံတစ်မျိုးဖြစ်သော ကချင်ပြည်နယ်တွင် စိုက်ပျိုးခြင်း မရှိသေးခြင်းဖြစ်သည့် ထောပတ်သီးပင်များ စမ်းသပ်စိုက်ပျိုးလျှက်ရှိရာ တစ်ဧကလျှင် အပင်(၁၃၀)ခန့် (၂၀ x ၂၀ )နှုန်းဖြင့် စုစုပေါင်း(၅၀)ဧက အပင်(၆၅၀၀၀)အား မျိုးစေ့များကို တရုတ်ပြည်မှဝယ်ယူ၍ စနစ်တကျ ပျိုးထောင်စိုက်ပျိုးထားရှိခြင်းဖြစ်ကြောင်း၊ ဗန်းမော်မြို့နယ် မအူပင်ကျေးရွာရှိ မြေဧက (၅၀) တွင် စိုက်ပျိုးကာထွက်ရှိလာပါက တရုတ်ပြည်သို့ ချိတ်ဆက်တင်ပို့ရောင်းချမည်ဖြစ်ကြောင်း သိရှိခဲ့ရပြီး စမ်းသပ်စိုက်ပျိုးမှုအောက်မြင်၍ အသီးများထွက်ရှိလာပါက ဒေသတွင်းနှင့်တရုတ်နုင်ငံသို့ လွယ်ဂျယ် ကုန်သွယ်ရေးစခန်းမှတဆင့် တရားဝင်တင်ပို့နိုင်ရေး ကူညီဆောင်ရွက်ပေးသွားမည်ဖြစ်ကြောင်း သတင်းရရှိခဲ့ပါသည်။
ကချင်ပြည်နယ်
စားသုံးသူရေးရာဦးစီးဌာန