![](http://www.doca.gov.mm/sites/default/files/styles/consumer_inner_image__847x424_/public/1_33.jpg?itok=d5lsMCMz)
၂၅.၁၂.၂၀ ရက်နေ့တွင် စားသုံးသူရေးရာဦးစီးဌာန၊ ဒုတိယညွှန်ကြားရေးမှူးချုပ် ဦးခင်မောင်လှိုင်နှင့်အဖွဲ့သည် ပြည်တွင်းကုန်သွယ်မှု ဖွံဖြိုးတိုးတက်ရေးအတွက် အရာတော်မြို့နယ်ရှိ စိုက်ပျိုးထားသော သနပ်ခါးစိုက်ခင်း၊ သရက်စိုက်ခင်း၊ ဒန့်သလွန်စိုက်ခင်းနှင့် လျှော်ဖြူစိုက်ခင်းများသို့ သွားရောက်၍ ကွင်းဆင်းစစ်ဆေးခဲ့ပါသည်။ စိုက်ခင်းပိုင်ရှင်များနှင့် တွေ့ဆုံခဲ့ရာတွင် ဒုတိယညွှန်ကြားရေးမှူးချုပ်က သီးနှံများစိုက်ပျိုးခြင်းနှင့်ပတ်သက်၍ ထိန်းချုပ်ထားခြင်းမရှိတော့ဘဲ ပုဂ္ဂလိကကဏ္ဍဖွံ့ဖြိုး တိုးတက်ရေးကို အားပေးမြှင့်တင်ပေးလျက်ရှိသည့်အတွက် မိမိတို့ စိတ်ကြိုက် သီးနှံများကို စိုက်ပျိုးထုတ်လုပ်နိုင်ကြောင်း၊ စိုက်ပျိုးထုတ်လုပ်သူတောင်သူများသည် ဈေးကွက်ဝင်သီးနှံများနှင့် ဈေးကောင်းရသည့်သီးနှံများကို ပြောင်းလဲစိုက်ပျိုးလာသဖြင့် ကျေးလက်ဒေသဖွံ့ဖြိုးရေးအတွက် ထုတ်ကုန်မျိုးစုံ ထုတ်လုပ်နိုင်စွမ်းရှိသော စီးပွားရေးပတ်ဝန်းကျင်ကောင်းကို ဖန်တီးပေးရန် နိုင်ငံတော်ဌာနဆိုင်ရာ အသီးသီးက ကြိုးပမ်းဆောင်ရွက်လျက်ရှိပါကြောင်း၊ ပြည်ပတင်ပို့ရောင်းချရာတွင်လည်း ပုံမှန်တင်ပို့လျက်ရှိသည့် အမယ်များအပြင် အမယ်သစ်ထုတ်ကုန်များကို ပြည်ပဈေးကွက်သို့ တင်ပို့ရောင်းချနေရပြီဖြစ်ပါကြောင်း၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ မူဝါဒလမ်းညွှန်မှုများအရ စားသုံးသူရေးရာဦးစီးဌာနမှ တာဝန်ရှိများကလည်း သတင်းအချက်အလက်များ ရယူ၍ ချိတ်ဆက်ပံ့ပိုးပေးနိုင်ရေး ဆောင်ရွက်ပေးသွားမည်ဖြစ်ကြောင်း လမ်းညွှန်မှုပြုလုပ်ခဲ့ပါသည်။
ဆက်လက်၍ သနပ်ခါးဧက ၇၀၀၀၀ ကျော် စိုက်ပျိုးလျက်ရှိသည့် အရာတော်မြို့နယ်ရှိ သနပ်ခါးစိုက်ခင်းများသို့ သွားရောက်၍ အပူပိုင်းမိုးခေါင်ရပ်ဝန်းဒေသနေပြည်သူများ သနပ်ခါးစိုက်ပျိုးခြင်းဖြင့် ဝင်ငွေတိုးတက်၍ စီးပွားဖြစ်ထွန်းစေရန်နှင့် သနပ်ခါးတန်ဖိုးမြှင့်ထုတ်ကုန်များ ထုတ်လုပ်နိုင်သည့် အသေးစားကုန်ထုတ်လုပ်ငန်းများ ပေါ်ပေါက်လာစေရန်၊ သနပ်ခါးဈေးကွက် အခိုင်အမာဖြင့် ရေရှည်တည်တံ့၍ ပြည်ပနိုင်ငံများအထိပါ ဈေးကွက်ထိုးဖောက်ဝင်ရောက်နိုင်ပြီး ပို့ကုန်ဝင်ငွေ တိုးတက်စေရန်အတွက် ဆောင်ရွက်ကြရန် လမ်းညွှန်မှုများ ပြုလုပ်ခဲ့ကြောင်း သတင်းရရှိပါသည်။
စစ်ကိုင်းတိုင်းဒေသကြီး(DOCA)