ပြည်တွင်းကုန်သွယ်မှုသတင်း

         မကွေးတိုင်းဒေသကြီး၊ ပခုက္ကူခရိုင်၊ ပခုက္ကူကုန်စည်ဒိုင်သို့ မတ်ပဲ အဓိကဝင်ရောက်ပြီး စိုက်ပျိုးသည့် ဒေသများမှာ ပခုက္ကူ၊ ရေစကြို၊ မြိုင်၊ ပေါက်၊ ဆိပ်ဖြူမြို့နယ်ရှိ ကုန်းမြင့်ဒေသများ၊ ကိုင်းကျွန်းဒေသများနှင့် ကုန်းပိုင်းဒေသကျေးရွာများဖြစ်သည်။ ပခုက္ကူကုန်စည်ဒိုင်သည် အဆိုပါ ဒေသများမှ ထွက်ရှိသော မတ်ပဲနှင့်အခြားပဲမျိုးစုံကို ရန်ကုန်နှင့်မန္တလေးကုန်စည်ဒိုင်ကြီးများသို့ ပြန်လည်ရောင်းချသည့် အဓိကအချက်အချာ ကျသော ဒေသတွင်း ပဲဈေးကွက်ကြီးတစ်ခုဖြစ်ကြောင်း သိရသည်။

         ပခုက္ကူကုန်စည်ဒိုင်၌ ၂၀၂၆ ခုနှစ် ဩဂုတ်လ(ဒုတိယပတ်)တွင် မတ်ပဲဈေးနှုန်းသည် (၁)တင်း လျှင် ကျပ်(၉၀၀၀၀ - ၁၀၀၀၀၀)ဈေးဖြင့် အရောင်းအဝယ်ဖြစ်လျက်ရှိပြီး  ယခင်တစ်ပတ်နှင့်  ဈေးနှုန်းနှိုင်းယှဉ်ပါက ကျပ်(၅၀၀၀)ဝန်းကျင်ခန့် ဈေးမြင့်တက်လျက်ရှိပါသည်။  မတ်ပဲ ဈေးကွက်သည် အဓိကဝယ်လက်ဖြစ်သော အိန္ဒိယနိုင်ငံ၏ ဝယ်လိုအားနှင့်ကုန်သွယ်မှုအပေါ် အခြေခံ၍ဈေးနှုန်း အပြောင်းအလဲရှိကြောင်း သိရသည်။

        ယခုကာလသည် မတ်ပဲအသစ်ပေါ်ချိန် မဟုတ်ဘဲ ပဲအဝင်ပါးသည့် ကာလဖြစ်သဖြင့် လက်ကျန်နည်းပါးခြင်းက ဈေးကို မြင့်တက်စေသည်။ မတ်ပဲစားသုံးသူ အိန္ဒိယနိုင်ငံတွင် ရာသီဥတုဖောက်ပြန်၍ အထွက်နှုန်းလျော့ခြင်းကြောင့် မတ်ပဲကို ပိုမိုဝယ်ယူနေရသည်။ ကုန်စည်ပို့ဆောင်ခ၊ စက်သုံးဆီဈေးနှင့် လုပ်အားခများ မြင့်မားလာခြင်းကြောင့် ကုန်သည်များ၏ အခြေခံကုန်ကျစရိတ် မြင့်တက်၍ ဈေးတက်ရခြင်း ဖြစ်သည်။

           လက်ရှိကာလသည် လက်ကျန် နည်းချိန်ဖြစ်ပြီး အိန္ဒိယမှ ဝယ်လိုအား ပြန်တက်လာပါက ဈေးထပ်မံတက်နိုင်ခြေရှိသည်။ ပခုက္ကူဒေသထွက် မတ်ပဲများကို ဖုန်၊ သဲ၊ ခဲ ကင်းစင်အောင် သန့်စင်ပြီးမှ ရောင်းချပါက ပိုမိုကောင်းမွန်သော ဈေးနှုန်းရရှိနိုင်သည်။ အိန္ဒိယ၏ စိုက်ပျိုးမှုအခြေ အနေနှင့် ၎င်းတို့၏ သီးနှံထွက်ရှိမည့် ခန့်မှန်းချက်များကို စောင့်ကြည့်၍ အရောင်းအဝယ်ပြုလုပ်သင့်ကြောင်း ကုန်သည်များ၏ သုံးသပ်ချက်အရ သိရှိရပါသည်။

DOCA(မကွေး)

          မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ရှိ မြို့မဈေး၊ အမှတ်(၂)ဈေးနှင့် ပျံကျဈေးတို့တွင် နဂါးမောက်သီးများရောင်းချလျက်ရှိကြောင်း သိရပါသည်။ နဂါးမောက်သီးသည် ကျန်းမာရေးနှင့် ညီညွတ်သော ရာသီပေါ်သီးနှံဖြစ်သဖြင့် အိမ်ထောင်စုများအပြင် အလှူအတန်းနှင့် ပွဲလမ်းသဘင်များအတွက်ပါ ဝယ်လိုအား ပုံမှန်ရှိနေခြင်းကြောင့် ယခုလို ဝါတွင်းကာလ၌ ပို၍ရောင်းအားကောင်း လျက်ရှိကြောင်း သိရသည်။

          နဂါးမောက်သီးများကို မန္တလေးတိုင်းဒေသကြီး၊ ကျောက်ပန်းတောင်းမြို့နယ်နှင့် ပုပ္ပါးဒေသတို့မှ  ဝင်ရောက်ပြီး ဒေသခံသစ်သီးရောင်းချသော လက်လီဈေးသည်များက ခြင်းပြတ်ဝယ်ယူပြီး ပြန်လည်ဖြန့်ဖြူး ရောင်းချလျက်ရှိကြောင်း သိရသည်။

         ၂၀၂၆ ခုနှစ်၊ ဩဂုတ်လ(ဒုတိယပတ်)တွင် ရောင်းချနေသော နဂါးမောက်သီး ဈေးနှုန်းများမှာ အလုံးကြီး  တစ်ပိဿာလျှင် ကျပ်(၆၀၀၀) ၊ အလုံးလတ် တစ်ပိဿာလျှင် ကျပ်(၅၀၀၀)၊ အလုံးသေး တစ်ပိဿာလျှင် ကျပ်(၄၅၀၀) ဈေးဖြင့် ရောင်းချလျက်ရှိပြီး ယခင်တစ်ပတ်နှင့် ဈေးနှုန်းနှိုင်းယှဉ်ပါက ကျပ်(၅၀၀)ခန့် ဈေးမြင့်တက်ကြောင်း တွေ့ရှိရသည်။ ပခုက္ကူမြို့၏ နဂါးမောက်သီးဈေးကွက်သည် လက်ရှိသီးနှံပေါ်ချိန်ဖြစ်၍ အရောင်း အဝယ် ပုံမှန်အခြေအနေတွင် ရှိနေပါသည်။ လာမည့် အောက်တိုဘာ လအထိ နဂါးမောက်သီးများ ထွက်ရှိဦးမည်ဖြစ်၍ ဈေးနှုန်းသိသိသာသာမြင့်တက်ခြင်းမရှိဘဲ တည်ငြိမ်နိုင်သည်ဟု သစ်သီးရောင်းချသူများထံမှ သိရှိရပါသည်။

DOCA(မကွေး)

        ညောင်တုန်းမြို့နယ်အတွင်း ထုတ်လုပ်ရောင်းချလျက်ရှိသည့် နွားနို့၊ ဒိန်ချဉ်၊ ဇီးတော်ဖီ၊ ကြာဆံနှင့် ငါးအစာတောင့်စသည့် ဒေသထုတ်ကုန်များ၏ ဩဂုတ်လအတွင်း ဈေးကွက်ရောင်းချမှုအခြေအနေများကို ကွင်းဆင်းစုံစမ်းခဲ့ရာ ထုတ်ကုန်အမျိုးအစားအလိုက် ပုံမှန်ဈေးနှုန်း များဖြင့် အရောင်းအဝယ်ဖြစ် ပေါ်လျက်ရှိကြောင်း သိရသည်။

         ငါးအစာတောင့်ဈေးနှုန်းများအနေဖြင့် ငါးကလေးစာအမှုန့် တစ်ပိဿာလျှင် ၉,၆၉၅ ကျပ်၊ ငါးကလေးစာ 1.8 mm တစ်ပိဿာလျှင် ၈,၉၅၅ ကျပ်၊ ငါးကြီးစာ 3.5 mm တစ်ပိဿာလျှင် ၃,၇၅၅ ကျပ်၊ 5 mm တစ်ပိဿာလျှင် ၃,၅၆၅ ကျပ်နှင့် 8 mm တစ်ပိဿာလျှင် ၃,၂၆၅ ကျပ်ဖြင့် ရောင်းချလျက်ရှိကြောင်း သိရသည်။

         နို့နှင့် ဒိန်ချဉ်ထုတ်ကုန်များအနေဖြင့် 500 ml ရိုးရိုးနွားနို့ ၅,၀၀၀ ကျပ်၊ 500 ml အဆီထုတ်နွားနို့ ၅,၀၀၀ ကျပ်၊ 150 ml သကြားမပါ ထန်းလျက်ဒိန်ချဉ် ၃,၀၀၀ ကျပ်၊ Mango Puree Yogurt နှင့် Strawberry Puree Yogurt တစ်ဗူးလျှင် ၃,၅၀၀ ကျပ်၊ 250 ml သရက်ဒိန်ချဉ်နှင့် စတော်ဘယ်ရီဒိန်ချဉ် တစ်ဗူးလျှင် ၃,၅၀၀ ကျပ်၊ 500 ml ရိုးရိုးဒိန်ချဉ် ၆,၀၀၀ ကျပ်နှင့် အဆီထုတ်ဒိန်ချဉ် ၆,၀၀၀ ကျပ်ဖြင့် ရောင်းချလျက်ရှိသည်။

       ထို့အပြင် 250 ml ရိုးရိုးဒိန်ချဉ်နှင့် အဆီထုတ်ဒိန်ချဉ်များမှာ တစ်ဗူးလျှင် ၂,၇၀၀ ကျပ်၊ တန်ဖိုး သင့်ဒိန်ချဉ် တစ်ဗူးလျှင် ၂,၅၀၀ ကျပ်၊ ထောပတ်ဆီ 200 g တစ်ဘူးလျှင် ၂၂,၀၀၀ ကျပ်ဖြင့် ရောင်းချလျက်ရှိကြောင်း သိရသည်။

         Top Dairy Farm ထုတ်ကုန်များအနေဖြင့် Strawberry၊ Mango နှင့် Passion ဒိန်ချဉ် 280 ml တစ်ဗူးလျှင် ၄,၀၀၀ ကျပ်၊ ကျိုချက်ပြီးနို့ 1,080 ml ၈,၀၀၀ ကျပ်၊ 500 ml ၄,၀၀၀ ကျပ်နှင့် 280 ml ၂,၅၀၀ ကျပ်၊ ဒိန်ချဉ် 1,080 ml ၈,၅၀၀ ကျပ်၊ 500 ml ၄,၅၀၀ ကျပ်နှင့် 280 ml ၂,၈၀၀ ကျပ်ဖြင့် ရောင်းချလျက်ရှိကြောင်း သိရသည်။

           ကြာဆံနှင့် ဆန်ကြာဆံများအနေဖြင့် KINA Dong Guan 300 g တစ်ထုပ်လျှင် ၂,၀၀၀ ကျပ်၊ Swallow Singapore Rice Vermicelli 400 g ၂,၀၀၀ ကျပ်၊ Swallow Kong Moon Rice Stick 400 g ၂,၀၀၀ ကျပ်နှင့် နှင်းဆီပန်း ဆန်ကြာဆံ 400 g ၁,၅၀၀ ကျပ်ဖြင့် ရောင်းချလျက်ရှိကြောင်း သိရသည်။

          ဒေသထုတ် ဇီးတော်ဖီနှင့် အနှစ်ယိုထုတ်ကုန်များအနေဖြင့် မကျီးနှင့် ဂျင်းမကျီး အနှစ်ယို 360 g တစ်ဗူးလျှင် ၅,၅၀၀ ကျပ်၊ ဇီးတော်ဖီ အရသာ ၆ မျိုးမှာ တစ်ထုပ်လျှင် ၄,၀၀၀ ကျပ်နှင့် တစ်ဗူးလျှင် ၄,၅၀၀ ကျပ် ဖြင့် ရောင်းချလျက်ရှိကြောင်း သိရသည်။

      အဆိုပါ ဒေသထုတ်ကုန်များသည် ဒေသတွင်းထုတ်လုပ်မှုနှင့် စားသုံးမှုကို အထောက်အကူပြု လျက်ရှိပြီး ထုတ်ကုန်အမျိုးအစား၊ အရွယ်အစားနှင့် ထုပ်ပိုးမှုပေါ်မူတည်၍ ဈေးနှုန်းကွာခြားမှုများရှိသော်လည်း ဩဂုတ်လအတွင်း ဈေးကွက်၌ ပုံမှန်အရောင်းအဝယ်ဖြစ်ပေါ်လျက်ရှိကြောင်း ကွင်းဆင်းစုံစမ်းချက်များအရ သိရှိရပါသည်။

DOCA(ဧရာဝတီ)

          မြန်မာနိုင်ငံသည် စိုက်ပျိုးရေးနှင့် မွေးမြူရေးလုပ်ငန်းများကို အဓိကထားဆောင်ရွက်လျက် ရှိသော နိုင်ငံတစ်ခုဖြစ်ပြီး  စစ်ကိုင်းတိုင်းဒေသကြီး၊ ကန့်ဘလူခရိုင်၌ ဒေသတွင်းစားသုံးဆီဖူလုံရန်၊ ပြည်ပမှစားသုံးဆီတင်သွင်းမှု လျှော့ချရန်အတွက် ဆီထွက်သီးနှံ မိုးမြေပဲများကို နေရာအနှံအပြား တွင် စိုက်ပျိုးလျက်ရှိကြောင်း သိရသည်။

          မြေပဲစိုက်စိုက်ပျိုးရန် အသင့်တော်ဆုံးမြေအမျိုးအစားမှာ နုံးမြေနှင့်သဲမြေတို့ဖြစ်ကြောင်း၊ မြေပဲသီးနှံကို မိုးဦး၌ မေလ၊ ဇွန်လနှင့် ဇူလိုင်လများတွင် စိုက်ပျိုးကြကြောင်း၊ မိုးမြေပဲထက် ဆောင်း မြေပဲကို ပိုမိုစိုက်ပျိုးကြောင်း၊ ကန့်ဘလူခရိုင်၌ (၂၀၂၆-၂၀၂၇)ခုနှစ်တွင် မိုးမြေပဲကို ဧကငါးသောင်း ကျော် စိုက်ပျိုးရန်လျာထားခဲ့ရာ ဧက ခြောက်သောင်းကျော် စိုက်ပျိုးနိုင်ခဲ့ကြောင်း  ခရိုင်စိုက်ပျိုးရေး ဦးစီးဌာန စာရင်းများအရ သိရသည်။ မိုးမြေပဲစိုက်ခင်းများ အောင်မြင်ဖြစ်ထွန်းပြီး အထွက်နှုန်း ကောင်းမွန်စေရန် စိုက်ပျိုးရေးဦးစီးဌာနမှ စိုက်ပျိုးနည်းစနစ်များ အသိပညာပေးလျက်ရှိကြောင်း၊ မိုးမြေပဲစိုက်တောင်သူများသည် မိုးရေကိုသာ အဓိကထား စိုက်ပျိုးရခြင်းကြောင့် ရာသီဥတု ဖောက်ပြန်ပြီး မိုးရေချိန်နည်းလျှင် အထွက်နှုန်းလျော့နည်းနိုင်ကြောင်း၊  ကန့်ဘလူခရိုင်တွင် ပြည်တွင်းစားသုံးဆီဖူလုံရန် မြေပဲအပြင် ဆီထွက်သီးနှံများဖြစ်သည့် နှမ်းနှင့် နေကြာသီးနှံများလည်း  စိုက်ပျိုးကြောင်း တောင်သူတစ်ဦးထံမှ သတင်းရရှိသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်၌ မိုးသီးနှံစိုက်ပျိုးရာသီတွင် သီးနှံမျိုးစုံ စိုက်ပျိုးလျက်ရှိရာ အဓိကစိုက်ပျိုးသီးနှံများဖြစ်သည့် နှမ်း၊ နေကြာ စသည့် ဆီထွက်သီးနှံ များကို တောက္ကရှပ်ကျေးရွာ၊ ဆိပ်ဖူးမြောင်ကျေးရွာနှင့် အခြားသောကျေးရွာများတွင် စိုက်ပျိုးလျက် ရှိကြောင်း သိရသည်။

          ယခုဒုတိယပတ်အတွင်း နှမ်းနက်တစ်တင်းလျှင် ကျပ် ၁၆၅၀၀၀၊ နှမ်းဖြူတစ်တင်းလျှင် ကျပ် ၁၁၃၀၀၀ ဖြင့် အရောင်းအဝယ်ဖြစ်လျက်ရှိကြောင်း၊ ယခင်ပထမပတ်၏ ဈေးနှုန်းများနှင့် နှိုင်းယှဉ် ပါက နှမ်းနက်နှင့် နှမ်းဖြူ တစ်တင်းလျှင် ကျပ် ၅၀၀၀ ဈေးနှုန်းကျဆင်းသွားကြောင်း၊ ကန့်ဘလူမြို့ နယ်၌ အရောင်းအဝယ်ဖြစ်လျက်ရှိသော ဈေးနှုန်းများမှာ မန္တလေးမြို့ရှိ ပွဲရုံများနှင့် ကုန်စည်ဒိုင်များ ၏ အဖွင့်ဈေးနှင့် ဝယ်လိုအားအပေါ်မူတည်၍ အတက်/အကျဖြစ်လျက်ရှိကြောင်း သိရသည်။

     ယခုမိုးရာသီအတွင်း စိုက်ပျိုးရေးလုပ်ငန်းများ ဆောင်ရွက်လျက်ရှိပြီး မိုးနေကြာ စိုက်ဧက (၅၀၀)ကျော်စိုက်ပျိုးထားကြောင်း စိုက်ပျိုးရေးဦးစီးဌာန၏ စာရင်းများအရ သိရသည်။ ယခုဒုတိယ ပတ်အတွင်း နေကြာတစ်တင်းလျှင် ကျပ် ၅၇၀၀၀ ဖြင့် အရောင်းအဝယ်ဖြစ်လျက်ရှိပြီး ယခင်အပတ် ဈေးနှုန်းများနှင့် နှိုင်းယှဉ်ပါက သီးနှံပေါ်စဖြစ်၍ နေကြာတစ်တင်းလျှင် ကျပ် ၇၀၀၀ ဈေးနှုန်းမြင့် တက်လာသည့်အတွက် စိုက်ပျိုးတောင်သူများအတွက် အကျိုးအမြတ်ပိုမိုရရှိကြောင်း ဒေသတွင်း ပွဲရုံ လုပ်ငန်းရှင်များထံမှ သတင်းရရှိသည်။

DOCA(စစ်ကိုင်း)