ပြည်တွင်းကုန်သွယ်မှုသတင်း

     ရန်ကုန်တိုင်းဒေသကြီး၊ တွံတေးခရိုင်၊ ကွမ်းခြံကုန်းမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းများသည်   ရန်ကုန်တောင်ပိုင်းခရိုင်ဦးစီးမှူးရုံး၏ ညွှန်ကြားချက်နှင့်အညီ အခြေခံစားသောက်ကုန်ဈေးနှုန်းများကို စာရင်းကောက်ယူ၍ အပတ်စဉ်တင်ပြလျက်ရှိရာ ဩဂုတ်လ(၅)ရက်နေ့၊ နေ့လယ် (၁၁:၃၀)နာရီအချိန်တွင် ပူးပေါင်းအဖွဲ့ဖြင့် ကွင်းဆင်းစိစစ်ခဲ့ ကြောင်း သိရှိရသည်။

   ထိုသို့ စာရင်းကောက်ယူခြင်း ဆောင်ရွက်ရာတွင် ကွမ်းခြံကုန်းမြို့နယ် စည်ပင်သာယာရေးအဖွဲ့မှ ဈေးတာဝန်ခံ ဦးထွန်းထွန်းနှင့် ကွမ်းခြံကုန်းမြို့နယ် စားသုံးသူရေးရာဦးစီးဌာန ဈေးတာဝန်ခံ ဒေါ်နွယ်နွယ်အေးနှင့် ဌာနခွဲစာရေး ဦးတင်ထွန်းဦးတို့ ပူးပေါင်း၍ မြို့မဈေးတွင် ရောင်းချလျက်ရှိသော ဒေါ်မာမာစိုး ကုန်စုံဆိုင်၊ ဒေါ်ရီရီသန်း ကုန်စုံဆိုင်နှင့် ဒေါ်ထက်ထက်နိုင် ကုန်စုံဆိုင်များမှ အခြေခံစားသောက်ကုန်များဖြစ်သော ကြက်သွန်နီ ဆိုဒ်စုံတစ်ပိဿာလျှင် (၁၈၀၀မှ ၂၂၀၀)ကျပ်၊ ငရုပ်တောင့်ရှည် တစ်ပိဿာလျှင် (၁၃၀၀၀မှ ၁၄၀၀၀)ကျပ်၊ မန်းကျည်းသီး တစ်ပိဿာလျှင် (၁၂၀၀၀)ကျပ်၊ အိုင်အိုဒင်းဆား တစ်ထုပ်လျှင် (၈၀၀)ကျပ်၊ အာလူးတစ်ပိဿာလျှင် (၅၀၀၀မှ ၆၀၀၀)ကျပ်၊ သကြား တစ်ပိဿာလျှင် (၅၅၀၀မှ ၆၀၀၀)ကျပ် အသီးသီးတို့ဖြင့် အရောင်းအဝယ် ဖြစ်လျက်ရှိကြောင်း သိရှိရသည်။

    ယခင်တစ်ပတ်နှင့် ယခုတစ်ပတ်ဈေးနှုန်း နှိုင်းယှဉ်ရာတွင် ငရုတ်တောင့်အရှည်နှင့် အာလူးတို့မှာ ယခုတစ်ပတ်ထက် အနည်းငယ်ဈေးမြင့်လျက်ရှိကြောင်း တွေ့ရှိရသဖြင့် ငရုတ်တောင့်ရှည် နှင့် အာလူးတို့မှာ မိုးတွင်းကာလဖြစ်၍ ထားသိုရာတွင်လည်းကောင်း၊ သယ်ယူရာတွင်လည်းကောင်း စိုထိုင်းဆများသဖြင့် ပျက်စီးမျုများရှိ၍ ဈေးမြင့်ရခြင်းဖြစ်ကြောင်း ရောင်းချသူလုပ်ငန်းရှင်များ၏ ဖြေကြားမှုအရ သိရှိရပါသည်။

DOCA (ရန်ကုန်)

     ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးအတွင်းသို့ နေ့စဉ် အနယ်နယ်အရပ်ရပ်မှ သစ်သီးများ၊ ပန်းနှင့် ကုန်စိမ်းများ ဝင်ရောက်လျက်ရှိရာ အောင်ပန်း၊ တောင်ကြီး၊ ကလော၊ ဟဲဟိုး၊ အင်းလေး၊ မှော်ဘီ၊ တိုက်ကြီး၊ တွံတေး၊ ကျောင်းကုန်း၊ ရွှေညောင်၊ ညောင်နှစ်ပင်၊ ခရမ်း၊ သုံးခွ၊ ဝါးနက်ချောင်း၊ ဧရာဝတီတိုင်း၊ ပဲခူးတိုင်း၊ မန္တလေးတိုင်းတို့မှ ၆.၈.၂၀၂၅ ရက်နေ့တွင် ကုန်စိမ်းကုန်ချိန် ပိဿာချိန်ပေါင်း (၈၄၂၅၀၀) ကား (၁၀၅) စီးဝင်ရောက်လျက်ရှိကြောင်း၊ ပြင်ဦးလွင်၊ ကလော၊ မိုးကုတ်၊ တောင်ကြီး၊ အောင်ပန်း၊ ဘီးလင်း၊ တပ်ကုန်း၊ ရဲမွန်၊ ရေး၊ အင်းမ၊ မှော်ဘီ၊ တိုက်ကြီး၊ မန္တလေး ၊ သီပေါ၊ ကျိုက်ကော်၊ မော်လမြိုင်၊ ပုပ္ပါး၊ ကျောက်ဆည်၊ တောင်ငူ၊ တွံတေး၊ ထားဝယ်၊ ကြံခင်း၊ ခရမ်းတို့မှ သစ်သီးများ ကုန်ချိန်ပိဿာချိန်ပေါင်း (၂၃၆၀၀၀) ကား (၂၅) စီးဝင်ရောက်ပြီး  ကလော၊ ဟဲဟိုး၊ တောင်ကြီး၊ ပြင်ဦးလွင်၊ ရွှေတောင်၊ ငွေတောင်၊ လှည်းကူး၊ ကျွန်းကလေး၊ ဇီးဖြူကုန်း၊ တွံတေး၊ ကော့မှူး၊ ညောင်တုန်းတို့မှ ပန်းများ ကုန်ချိန်ပိဿာပေါင်း (၄၈၆၀၀)  ကား (၃၉) စီး ဝင်ရောက်ကြောင်း ယနေ့ ၈.၆.၂၀၂၅ ရက်နေ့တွင် ယခင်နေ့ထက်များထက် ကုန်ပိဿာချိန်နှင့် ကားများပိုမိုဝင်ရောက်ကြောင်း သိရှိရပါသည်။

DOCA (ရန်ကုန်)

    ကျွန်းလှမြို့တွင် စိုက်ပျိုးရေး၊ မွေးမြူရေး လုပ်ငန်းများကို လုပ်ကိုင်လျက်ရှိရာ တောတောင်ကို အမှီပြုပြီး သပြေပန်းချိုးရောင်း ခြင်း၊ မျှစ်ချိုရောင်းခြင်း၊ မှိုရှာရောင်းခြင်း၊ အသီးအရွက်ခူးရောင်းခြင်း၊ သဘာဝအရပေါက်ရောက်သည့် အင်ဥ(ခေါ်)မှိုစေ့ကိုလည်း လိုက်ရှာပြီး ကျွန်းလှမြို့ သစ်ရာမြိုင်ဈေးတွင် လာရောက် ရောင်းချလျက်ရှိကြောင်း သိရသည်။

     ၂၀၂၅ ခုနှစ်၊ ဩဂုတ်လ ပထမပတ်အတွင်း ရောင်းချနေသော အင်ဥ(ခေါ်) မှိုစေ့ ဈေးနှုန်းများမှာ  အင်ဥ(ခေါ်)မှိုစေ့ တစ်ပြည်လျှင်(၂၄၀၀၀)ကျပ်၊ နို့ဆီ(၄)ဘူးလျှင်(၁၂၀၀၀) ကျပ် နှင့် နို့ဆီဘူး(၁)ဘူးလျှင်(၃၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း  သိရသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့ပေါ်တွင် အိမ်ဆောက်ပစ္စည်းအရောင်းဆိုင်များဖြစ်သော “ရွှေသရဖူ၊ သိန်းဇဗ္ဗူအောင်၊ စိန်ဇဗ္ဗူအောင် အရောင်းဆိုင်များတွင် အိမ်ဆောက်ပစ္စည်းများအပြင် ဘိလပ်မြေများလည်း ရောင်းချလျက်ရှိပါသည်။ ရောင်းချလျက်ရှိသော ဘိလပ်မြေ အမျိုးအစားများမှာ ကြံ့နှစ်ကောင်၊ Crowနှင့် အပါချီ ဘိလပ်မြေများ ရောင်းချလျက်ရှိပါသည်။ ဘိလပ်မြေ ဈေးနှုန်း ဈေးကွက်အနေဖြင့် ဘိလပ်မြေကို မန္တလေးတိုင်းဒေသကြီးမှ  ဝင်ရောက်လျက်ရှိပြီး ၂၀၂၅ခုနှစ်၊ ဩဂုတ် လ ပထမပတ်တွင် အရောင်းအဝယ်ဖြစ်နေသောဈေးမှာ ကြံ့နှစ်ကောင် ဘိလပ်မြေ တစ်အိတ်လျှင် (၂၄၀၀၀) ကျပ် ၊ Crow တစ်အိတ်လျှင် (၂၅၀၀၀) ကျပ်၊ အပါချီတစ်အိတ်လျှင် (၂၄၅၀၀) ကျပ် ဖြင့် အရောင်းအဝယ် ဖြစ်လျက်ရှိကြောင်း မုံရွာမြို့ အိမ်ဆောက်ပစ္စည်းအရောင်းဆိုင်များထံမှ သိရှိရပါသည်။

DOCA(စစ်ကိုင်း)

   ကျွန်းလှမြို့တွင် စိုက်ပျိုးရေး၊ မွေးမြူရေး လုပ်ငန်းများကို လုပ်ကိုင်သူရှိသည့်အနက် တောတောင်ကို အမှီပြုပြီး သပြေပန်းချိုးရောင်းခြင်း၊ မျှစ်ချိုရောင်းခြင်း၊ မှိုရှာရောင်းခြင်း၊ အသီးအရွက်ခူးရောင်းခြင်း၊ အင်ဖက်ခူးရောင်းခြင်း၊ သဘာဝအရပေါက်ရောက်သည့် တောမှို၊ တောင်ဘို့မှိုတို့ကို လိုက် ရှာပြီး  ဈေးသို့ ရောင်းချလျက်ရှိကြောင်း သိရသည်။

၂၀၂၅ ခုနှစ်၊ ဩဂုတ်လ ပထမပတ်အတွင်း ရောင်းချနေသော တောင်ဘို့မှို ဈေးနှုန်းများမှာ  တောင်ဘို့မှို တစ်ပိဿာလျှင်(၂၀၀၀၀)ကျပ်၊ (၅၀)ကျပ်သားလျှင် (၁၀၀၀၀)ကျပ်နှင့် (၂၅)ကျပ်သားလျှင်(၅၀၀၀)ကျပ် ဈေးနှုန်းတို့ဖြင့် ရောင်းချလျက်ရှိပြီး  ယခင်အပတ်နှင့် နှိုင်းယှဉ်ပါက  ဈေးအနည်းငယ်မြင့်တက်လျက်ရှိကြောင်း သိရပါသည်။

DOCA(စစ်ကိုင်း)