ပြည်တွင်းကုန်သွယ်မှုသတင်း

             ကန်စွန်းဥမျိုးအနေဖြင့်ရွှေဝါနှင့်ငချိတ်မျိုး ဟူ၍နှစ်မျိုးရှိပါသည်။  ကန်စွန်းဥကိုပြုတ်စားတာဖြစ်ဖြစ်၊ကြော်စားတာဖြစ်ဖြစ်၊ သာကူနဲ့ကျိုစားတာဖြစ်ဖြစ်စားလို့ရသလို ဒီလိုအမျိုးမျိုးလုပ်စားလို့ရတဲ့ ကန်စွန်းဥကစားကောင်းရုံတင်တင်သာမက ကျန်းမာရေးအတွက်လည်းအထောက်အကူပြုပေးပါသည်။ အတွင်းသားက လိမ္မော်ရောင်၊ အဖြူရောင်၊ ခရမ်းရောင်ဆိုပြီး အမျိုးမျိုးရှိကြပြီး အရသာကချိုပြီး အသားကခပ်မွမွလေးရှိပြီး အာလူးလိုမဟုတ်ဘဲ ရှည်မြောမြောပါ အရွယ်အသားကတော့ ခပ်ရွယ်ရွယ်ကနေ အကြီးကြီးအထိ အမျိုးမျိုးရှိနိုင်ပါသည်။ ကန်စွန်းဥမှာပါတဲ့အမျှင်ဓါတ်က အစာခြေစနစ်ကိုကျန်းမာစေနိုင်သလို အူတွေကိုလှုပ်ရှားမှု ကောင်းမွန်စေပါသည်။ အစာအိမ်အနာတွေကို သိသိသာသာသက်သာစေပြီး  ဝမ်းချုပ်မှုကင်းဝေးပြီး အစာအိမ်ထဲမှာ အက်ဆစ်ဖြစ်ပေါ်မှု နည်းစေတာကြောင့် အစာအိမ်အနာ ဖြစ်နိုင်ခြေကို လျှော့ချပေးနိုင်တယ် လို့သိရပါသည်။

          ထို့ပြင်ကန်စွန်းဥ ပေါက်ဈေးအနေဖြင့် တစ်ပိဿာလျှင်လက်လီဈေး ကျပ်(၁၈၀၀ - ၂၀၀၀)၊ လက်ကားဈေး ကျပ်(၈၀၀ - ၁၅၀၀)ပေါက်ဈေးဖြင့်ရောင်းချရ၍ စိုက်တောင်သူများဈေးကောင်းရရှိပြီး အကျိုးအမြတ်များစွာရရှိမည်ဖြစ်ကြောင်း ကန်စွန်းစိုက်တောင်သူများထံမှ သိရှိရပါသည်။

DOCA(ဧရာဝတီ)

              ဝါးတန်းဆန်စပါးကုန်စည်ဒိုင်သို့ (၂၆.၁၁.၂၀၂၄) မှ (၃.၁၂.၂၀၂၄) နေ့ထိ ဆန်ဝင်ရောက်မှုစာရင်းများမှာ ဧရာဝတီတိုင်းဒေသကြီး ဖျာပုံ၊ မြောင်းမြ၊ ဘိုကလေး၊ လပွတ္တာ၊ မော်ကျွန်း၊ ကျိုက်လတ်၊ ဟင်္သာတ၊ ဓနုဖြူ၊ ပန်းတနော်၊ ညောင်တုန်း၊ အဖျောက်၊ အသုတ်မြို့နယ်များမှ ပေါ်ဆန်းမွှေး (၅၆၀၆၈) အိတ်၊ ပေါ်ကျွဲ (၁၆၁၈၅) အိတ်၊ ဧည့်မထ (၁၀၆၇၄၀) အိတ်၊ ဆန်ကွဲ (၃၁၁၄၄) အိတ် ဝင်ရောက်ခဲ့ပြီး ပဲခူးတိုင်း (အရှေ့) ကျောက်တံခါး၊ ညောင်လေးပင်၊ ဖြူးမြို့နယ်များမှ ဧည့်မထ (၈၄၃၅) အိတ်နှင့် ပဲခူးတိုင်း (အနောက်) မြို့နယ်များဖြစ်သော သာယာဝတီ၊ သုံးဆယ်၊ လက်ပံတန်း၊ ကြို့ပင်ကောက်မြို့နယ်များမှ ဧည့်မထ (၂၆၂၅၅) အိတ်၊ ငစိန် (၁၃၄၅) အိတ်နှင့် ရန်ကုန်တိုင်း ပြင်ပမြို့နယ်များဖြစ်သော ကော့မှူး၊ လက်ခုတ်ကုန်း၊ ပျော်ဘွယ်၊ တိုက်ကြီး၊ ခရမ်း၊ သုံးခွ၊ ဥက္ကံ မြို့နယ်များမှ ဧည့်မထ (၂၂၇၁၀) အိတ်တို့ဝင်ရောက်မှုရှိကြောင်း ဝါးတန်းဆန်စပါးကုန်စည်ဒိုင်၏ ပြောကြားချက်အရ သိရှိရပါသည်။

DOCA(ရန်ကုန်)

             ၂.၁၂.၂၀၂၄ ရက်နေ့တွင် ဘုရင့်နောင်ကုန်စည်ဒိုင်၌ ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာဈေးနှုန်းများမှာ ဖျာပုံရွှေပုဇွန်ရှယ် မှာ ကျပ် ၂၈၀၀၀၀၊ ဖျာပုံရွှေပုဇွန်ရိုးရိုးကျပ် ၂၀၀၀၀၀၊ ဖျာပုံချိုကြီးရှယ် ကျပ် ၁၄၀၀၀၀၊ ဖျာပုံချိုကြီးရိုးရိုး ကျပ် ၁၀၀၀၀၀၊ ဖျာပုံချို သေးရှယ်ကျပ် ၉၀၀၀၀ ၊ ဖျာပုံချိုသေးရိုးရိုးကျပ် ၇၀၀၀၀ ၊မြိတ်ပုဇွန်လတ် ကျပ် ၁၂၀၀၀၀၊ မြိတ်ပုဇွန်ရိုးရိုး ကျပ် ၉၀၀၀၊ ရေချိုငါးခြောက်များဖြစ်ကြသော ငါးကျီးကြပ်တိုက်ကြီး   ကျပ် ၉၀၀၀၀ ၊ ငါးကျီးကြပ်တိုက်သေး  ကျပ် ၇၀၀၀၀ ၊ ငါးမြွေထိုးကျပ် ၄၀၀၀၀ ၊ ငါးရံ့ခြောက်ကြီး ကျပ် ၇၅၀၀၀ ၊ ငါးရံ့ခြောက်လတ်ကျပ် ၆၀၀၀၀ ၊ ငါးရံလုံးရှယ် ကျပ် ၅၀၀၀၀ ၊ ရေငံငါးခြောက်များဖြစ်ကြသော ကလိန် ကျပ် ၁၀၀၀၀ ၊ ငါးကွမ်းရှပ် ကျပ် ၃၅၀၀၀၊ ငါးတံခွန်မျှင်ကြီး ကျပ် ၂၀၀၀၀၊ ငါးတံခွန်လုံး ကျပ် ၆၀၀၀၊ ငါးနှပ်ချိုကြီးရှယ် ကျပ် ၃၅၀၀၀ ၊ ငါးရွှေသေး ကျပ် ၁၀၀၀၀ ၊ ငါးမီးတံသွယ် ကျပ် ၇၀၀၀  ဈေးတို့အသီးသီး ရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)

              ၃.၁၂.၂၀၂၄ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ တစ်ပိဿာဈေးနှုန်းများမှာ အောင်ပန်းထူး-၂ ကျပ် ၁၂၅၀၀၊  အောင်ပန်းထူး-၃ ကျပ် ၁၄၀၀၀၊ အောင်ပန်းထူး-၄ ကျပ် ၁၅၀၀၀၊ အောင်ပန်းထူး-၅ ကျပ် ၁၆၀၀၀၊ ကြက်သွန်နီဈေးနှုန်းများမှာ ဆိပ်ဖြူရှယ် ကျပ် အမြင့်ဆုံးဈေး ၄၃၀၀ မှ အနိမ့်ဈေး ကျပ် ၄၂၀၀၊ ဆိပ်ဖြူလတ်ကြီး ကျပ် အမြင့်ဆုံးဈေး ကျပ် ၃၈၀၀ မှ အနိမ့်ဆုံးဈေး ကျပ် ၃၇၀၀၊  ဆိပ်ဖြူလတ်သန့် ကျပ် ၃၃၀၀၊ ဆိပ်ဖြူလတ်ချော ကျပ် ၂၂၀၀၊ မြင်းခြံ ရှယ် ကျပ် အမြင့်ဆုံးဈေးကျပ် ၄၃၀၀ မှ အနိမ့်ဆုံးဈေး ကျပ် ၄၀၀၀၊ လတ်ကြီး အမြင့်ဆုံးဈေး ကျပ် ၃၇၀၀ မှ အနိမ့်ဆုံးဈေး ကျပ် ၃၃၀၀၊  လတ်သန့်  အမြင့်ဆုံးဈေး ကျပ် ၃၀၀၀ မှ အနိမ့်ဆုံးဈေး ကျပ် ၂၈၀၀၊ လတ်ချော ကျပ် အမြင့်ဆုံးဈေး ကျပ် ၂၃၀၀ မှ အနိမ့်ဆုံးဈေးကျပ် ၂၁၀၀၊ ၊ တောင်သာ ရှယ် ကျပ် ၃၈၀၀၊ တောင်သာလတ်ကြီး ကျပ် ၃၃၀၀၊ တောင်သာလတ်သန့် ကျပ် ၂၆၀၀၊ တောင်သာလတ်ချော ကျပ် ၁၇၀၀၊ ပခုက္ကူလတ်ကြီး ကျပ် ၃၈၀၀၊ ပခုက္ကူလတ်ချော ကျပ် ၂၅၀၀၊ အာလူး တစ်ပိဿာဈေးနှုန်း အောင်ပန်း(A-1) ကျပ် ၆၀၀၀၊ အောင်ပန်း(OK) ကျပ် ၇၀၀၀၊ အောင်ပန်း(S-1) ကျပ် ၈၀၀၀၊ အောင်ပန်း(S-2) ကျပ် ၉၀၀၀၊ တရုတ်အာလူး ကျပ် ၉၀၀၀ ဈေးတို့အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)

              ရန်ကုန်တိုင်းဒေသကြီး၊ တောင်ပိုင်းခရိုင်၊ သန်လျင်မြို့နယ်ရှိ  သီလဝါစက်မှုဇုန်၊ Wilmar ဆီကန်မှတစ်ဆင့် ရန်ကုန်တိုင်းဒေသကြီးအတွင်း မြို့နယ်များနှင့်အခြားတိုင်းဒေသကြီး ပြည်နယ်များရှိ ကိုယ်စားလှယ်များသို့ စားအုန်းဆီနေ့စဉ် ထုတ်ပေးလျှက်ရှိပါသည်။ စားအုန်းဆီအား ပြည်တွင်းဈေးကွက်၌ ရောင်းဝယ်ဖောက်ကားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားအုန်းဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ အပတ်စဉ်ထုတ်ပြန်ထားသော အခြေခံလက်ကားရည်ညွှန်းဈေးနှုန်းအပေါ် လက်ကားပြန်လည်ဖြန့်ဖြူးရောင်းချသူများအနေဖြင့် ဒေသအရောက်ဈေးနှုန်းများအပေါ် (၂)ရာခိုင်နှုန်းအမြတ်ထက် မပိုသောဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချစေရေး ဈေးနှုန်းအဆမတန်မြှင့်တင်ရောင်းချခြင်းများ မပြုလုပ်စေရေးတို့အတွက်လည်း ဝန်ထမ်းများမှကွင်းဆင်းကြပ်မတ် ဆောင်ရွက်လျက်ရှိကြောင်းနှင့် (၂၆.၁၁.၂၀၂၄)ရက်နေ့မှ (၃၀.၁၁.၂၀၂၄)ရက်နေ့အထိ ဆီကုမ္ပဏီ(၉)ခုနှင့် စားအုန်းဆီတန်ချိန် (၃၂၉၈.၅၈၆)တန်ကို ထုတ်ပေးခဲ့ကြောင်းသိရှိရပါသည်။

DOCA(ရန်ကုန်)