မအူပင်ခရိုင်အတွင်းရှိ မအူပင်၊ ပန်းတနော်၊ ညောင်တုန်းနှင့် ဓနုဖြူမြို့နယ်များ၌ ၂၀၂၅-၂၀၂၆ ခုနှစ်ထွက် မိုး/နွေစပါး၊ ဆန်နှင့် မတ်ပဲဈေးကွက်အခြေအနေများကို မအူပင်ခရိုင် စားသုံးသူရေး ရာဦးစီးဌာနက ဩဂုတ်လအတွင်း ကွင်းဆင်းစောင့်ကြည့် စုံစမ်းခဲ့ရာ လက်ရှိဈေးကွက်အတွင်း ကုန်စည်များ လုံလောက်စွာရှိပြီး အရောင်းအဝယ်များ ပုံမှန်ဖြစ်ပေါ်လျက်ရှိသဖြင့် ဈေးနှုန်းများ တည်ငြိမ်လျက်ရှိကြောင်း သိရသည်။
ကွင်းဆင်းစုံစမ်းချက်များအရ ၂၀၂၆ခုနှစ် ဩဂုတ်လလည်ပိုင်းက (၄၆)ပေါင် စပါးတင်း (၁၀၀) ဈေးနှုန်းများမှာ ပေါ်ဆန်းစပါး ကျပ် (၃,၀၃၆,၀၀၀) ဝန်းကျင်၊ ဧည့်မထ(မိုး) ကျပ် (၂,၀၂၄,၀၀၀) မှ (၂,၀၅၁,၆၀၀) အတွင်းနှင့် ဧည့်မထ(နွေ) ကျပ် (၁,၉၇၈,၀၀၀) မှ (၂,၀၃၃,၂၀၀) အတွင်း အရောင်းအဝယ်ဖြစ်လျက်ရှိကြောင်း သိရသည်။ အလားတူ (၁၀၈)ပေါင် ဆန်(၁)အိတ် ဈေးနှုန်းများမှာ ပေါ်ဆန်းဆန် ကျပ် (၁၅၆,၀၀၀) မှ (၁၅၇,၅၀၀) အတွင်း၊ ဧည့်မထ(မိုး)လတ်စ ကျပ် (၈၅,၀၀၀) မှ (၈၆,၅၀၀) အတွင်းနှင့် ဧည့်မထ(နွေ)လတ်စ ကျပ် (၇၅,၀၀၀) မှ (၇၆,၅၀၀) အတွင်းဖြင့် တည်ငြိမ်စွာ အရောင်းအဝယ်ဖြစ်ပေါ်လျက်ရှိကြောင်း စုံစမ်းသိရှိရသည်။ ထို့ပြင် မတ်ပဲဈေးကွက်အခြေအနေအရ မြို့နယ်အလိုက် တစ်တင်းလျှင် ကျပ် (၁၀၁,၀၀၀) မှ (၁၀၁,၈၀၀) အတွင်း ဈေးနှုန်းဖြင့် ပုံမှန်အရောင်းအဝယ်ဖြစ်ပေါ်လျက်ရှိပြီး ဈေးနှုန်းအပြောင်းအလဲ ကြီးမားမှုမရှိ ကြောင်း သိရသည်။
မအူပင်ခရိုင်မှ ဆန်နှင့် ဆန်ကွဲ၊ ပေါင်းဆန်၊ မတ်ပဲ၊ ပဲတီစိမ်း၊ အစေ့ထုတ်ပြောင်း များကို ၂၀၂၆ခုနှစ် ၁လပိုင်းမှ ဇူလိုင်လ အထိ ပြည်ပနိုင်ငံများသို့ တင်ပိုလျက်ရှိပြီး ဇူလိုင်လ ၁လအတွင်း ဆန် ၁၃၀၄၉တန် စုစုပေါင်း ဆန် တန် ၇၃၀၂၅ တန်ကိုလည်းကောင်း ဆန်ကွဲကို ဇူလိုင်လ ၁လအတွင်း ၁၆၉၀တန် စုစုပေါင်း ဆန်ကွဲ များကို (၂၇၀၄၄)တန် ကိုလည်းကောင်း၊ ပေါင်းဆန်ကိုဇူလိုင်လ ၁လအတွင်း ၂၅၀တန် ကိုလည်းကောင်း၊ စုစုပေါင်း ပေါင်းဆန် များကို (၁၀၀၀) တန်၊ တင်ပို့ပြီး ကြောင်း သိရသည်။
မတ်ပဲ ကို ဇူလိုင်လ ၁လအတွင်း ၈၉၀၀၀တန်ကိုလည်းကောင်း ၇လအတွင်း မတ်ပဲစုစုပေါင်း ၉၇၀၀၀ တန်၊ ပဲတီစိမ်းကို ၁လအတွင်း ၆၀တန် ပဲတီစိမ်း စုစုပေါင်း ၁၀၆၀ တန်ကိုလည်းကောင်း၊ အစေ့ ထုတ်ပြောင်းကို ၁လအတွင်း ၂၄၈၄၃ တန်ကိုလည်းကောင်း၊ စုစုပေါင်း တင်ပို့နိုင်မှုတန် ၃၈၀၄၃ တန် တင်ပို့ကြောင်း၊ နယ်မြေစာရင်း အရ သိရှိရပါသည်။
DOCA(ဧရာဝတီ)