ပြည်တွင်းကုန်သွယ်မှုသတင်း

                   မြင်းခြံမြို့သည် မြန်မာနိူင်ငံအလယ်ပိုင်းတွင် တည်ရှိပြီးမိုးနည်းရပ်ဝန်းဒေသ ဖြစ်သော် လည်းဧရာဝတီမြစ်ကမ်းဘေးတွင်တည်ရှိ၍ ဆည်မြောင်းများအသင့်အတင့်ရှိပြီး၊   မိုးကောင်းသောက် လယ်ယာမြေများတွင် ရာသီအလိုက်သီးနှံများဖြစ်သော ပဲစဉ်းငုံ ၊ကုလားပဲ၊ နှမ်း၊ မြေပဲ၊ အစေ့ထုတ်ပြောင်းနှင့် ကြက်သွန်နီသီးနှံများ စိုက်ပျိုးကြပါသည်။ မြင်းခြံမြို့ခရိုင်တွင် ကြက်သွန်နီကို နှစ်ရာသီ စိုက်ပျိုးထားရှိပြီး ဆောင်းကြက်သွန်နီကိုအများဆုံးစိုက်ပျိုးကြသည်။ ယခုအချိန်တွင် မိုးကြက်သွန်နီများ ရာသီကုန်၍ ဈေးကွက်မှ ထွက်ခွာချိန်တွင် ဆောင်းကြက်သွန်နီများ မတ်လ ဒုတိယပတ်အတွင်း စတင်ရိပ်သိမ်းကာ ဧပြီလပထမပတ်မှစ၍ ဈေးကွက်အတွင်း လှိုင်လှိုင်ထွက် ပေါ်ခဲ့သည်။  ၂၀၂၆ခုနှစ် ၊ မေလ ဒုတိယပတ်၌ ဆောင်းကြက်သွန်နီ (ခေါ်) နွေကြက်သွန်နီကြီးစ တစ်ပိဿာလျှင် (၂၀၀၀)ကျပ်မှ(၂၅၀၀)ကျပ်၊ အလတ်စတစ်ပိဿာလျှင် (၁၅၀၀)ကျပ်မှ (၁၉၀၀) ကျပ်၊ အသေးစ တစ်ပိဿာလျှင် (၁၀၀၀)ကျပ်မှ(၁၂၀၀) ကျပ်နှုန်းများဖြင့် ယခင်တစ်ပတ်နှင့် နှိုင်းယှဉ်ပါက ယခုတစ်ပတ်တွင် ကြက်သွန်နီအစစုံတစ်ပိဿာလျှင် ၃၀၀ ကျပ်မှ ၇၀၀ကျပ်အထိ ဈေးနှုန်းမြင့်တက်လာကြောင်း၊ မိုးကြက်သွန်နီများကုန်ဆုံးချိန်ဖြစ်၍  နွေကြက်သွန်နီများသည် အရည်အသွေးကောင်းပြီးတာရှည်ခံသဖြင့် သိုလှောင်ခံသောကြောင့် ဝယ်လိုအားများသဖြင့်  ဈေးနှုန်း မြင့်တက်လာခြင်းဖြစ်ကြောင်း၊ စိုက်ပျိုးထွက်ရှိရာ ကျေးရွာများမှ နေ့စဉ်ကုန်ချိန် ပိဿာ(၅၀၀၀၀)မှ (၇၀၀၀၀)ပိဿာခန့်ကို မြို့ပေါ်ရှိ ပွဲရုံများသို့လာရောက် ရောင်းချလေ့ရှိသည်။  ကြက်သွန်နီ အရွယ်အစား၊ အရည်အသွေးပေါ်မူတည်၍ ဈေးနှုန်းများကွာခြားလျက်ရှိသည်။ အဓိကဈေးကွက် အနေဖြင့် ရန်ကုန်ဘုရင့်နောင်ရှိပွဲရုံ များသို့ အများဆုံးတင်ပို့ပြီး၊ မန္တလေးမြို့၊ နေပြည်တော်၊ မော်လမြိုင်မြို့၊ တောင်ကြီးမြို့နှင့် အောင်ပန်းမြို့ များသို့ အပါတ်စဉ်တင်ပို့ လျှက်ရှိကြောင်း၊ ယခုတစ်ပါတ်တွင် ကုန်ချိန်ပိဿာ(၂၉၁၄၉၇)ပိဿာ၊ တန်ချိန်အားဖြင့် (၄၇၆)တန် တင်ပို့ရောင်းချ ကြောင်း၊ ယခင်တစ်ပတ်ထက် ယခုတစ်ပတ်တွင် နွေကြက်သွန်နီ ကုန်ချိန်ပိဿာ (၂၃၈၈၃)၊ တန်ချိန်(၃၉)တန်ပိုမိုတင်ပို့ခဲ့သည်။

DOCA(မန္တလေး)

             ဧရာဝတီတိုင်းဒေသကြီး၊ မြန်အောင်ခရိုင်တွင် ၂၀၂၅-၂၀၂၆ ဘဏ္ဍာနှစ် နွေစပါးစိုက်ပျိုးမှုမှာ    မြန်အောင်မြို့နယ်တွင် ၁၀၁၇၈ ဧက၊ ကြံခင်းမြို့နယ်တွင် ၁၉၉၅ ဧက၊ အင်္ဂပူမြို့နယ်တွင် ၂၆၂၈၆ ဧကနှင့် စုစုပေါင်း ၃၈၄၅၉ ဧက စိုက်ပျိုးခဲ့ပါသည်။ နွေစပါးစိုက် တောင်သူများအနေဖြင့် မြန်အောင်ခရိုင်တွင် နန်ကသူဆည်၊ ကညင်ဆည်၊ မမြဆည်တို့မှ ဆည်ရေရရှိပြီး အောင်ရေအတွက် လိုအပ်ပါက စက်ရေတွင်းဖြင့် ရေတင်စိုက်ပျိုးကြပါသည်။ ဆင်းသုခ၊ ပခန်းရွှေဝါ၊ ၊ GW 11 နှင့်ထိုင်း ရက် ၉၀၊ ဆာဖိုးသာ(၁)နှင့် ဗီယက်နမ်-၅၄၅၁ စပါးမျိုးများကို အများဆုံးစိုက်ပျိုး‌ကြောင်း သိရသည်။

       ဧပြီလ တတိယသီတင်းပတ်တွင် စတင်ရိတ်သိမ်းကြပြီး တစ်ဧကလျှင် ပျမ်းမျှ တင်း ၁၁၀ မှ ၁၂၀ ကြားထွက်ရှိသည့်အတွက် နွေစပါးစိုက်တောင်သူများ တွက်ခြေကိုက်လျက်ရှိပါသည်။ အစိုဓာတ် ၂၃ ရာနှုန်းဝန်းကျင်ရှိ နွေစပါး ၅၁ ပေါင် တင်း (၁၀၀)လျှင် ကွင်းအထိုင်ဈေး ၁၃သိန်း ကျပ်ခန့်ရှိပြီး၊ ဆန်စက်အရောက်ဈေးမှာ ၁၅ သိန်းကျပ် ဝန်းကျင်ဖြင့် အရောင်းအဝယ်ဖြစ်လျက်ရှိပါသည်။ ၂၀၂၅-၂၀၂၆ ဘဏ္ဍာနှစ် နွေစပါး စိုက်ပျိုးခြင်းအတွက် မျိုး၊ထွန်ယက်ခ၊ စိုက်ခ၊ သွင်းအားစု၊ ရေတင်ခ၊ ရိတ်ခြွေခအပါအဝင် တစ်ဧက စုစုပေါင်း ကုန်ကျ စရိတ်မှာ ကျပ် ကိုးသိန်း ခန့်ရှိပါသည်။ တစ်ဧက ပျမ်းမျှ ထွက်နှုန်းတင်း ၁၁၀ ကို စက်အရောက် စပါးတင်း (၁၀၀)ဈေး ၁၅ သိန်းကျပ်နှင့်တွက်ပါက ၁၆ သိန်း ၅သောင်းကျပ်ခန့် ရရှိသည့်အတွက် ကုန်ကျစရိတ်နှုတ်ပြီး တစ်ဧကလျှင် ၇သိန်း ၅သောင်း ကျပ်ခန့် အကျိုးအမြတ်ရလျက်ရှိကြောင်း သိရသည်။

          နွေစပါးသည် လိုအပ်သော ရေ Level ကို ထိန်းညှိနိုင်ခြင်း၊ သွင်းအားစုကို စနစ်တကျ ထည့်သွင်းခြင်း၊ နေရောင်ခြည်လုံလောက်စွာရရှိခြင်းတို့ကြောင့် တစ်ဧက တင်း (၁၀၀) ကျော်ထွက်ရှိနိုင်သည့်အတွက် တောင်သူတို့ တွက်ချေကိုက် အကျိုးရှိသော စိုက်ပျိုးမှုဖြစ်ကြောင်းလည်း သိရှိရ ပါသည်။

DOCA(ဧရာဝတီ)

     တနင်္သာရီတိုင်းဒေသကြီး၊ ထားဝယ်မြို့နှင့် အနီးပတ်ဝန်းကျင်ဒေသများတွင် ယခုကာလ အတွင်း ဒေသထွက်ဒူးရင်းသီးများ စတင်ထွက်ရှိလာနေပြီး ဒေသတွင်းဈေးကွက်သာမက အခြား မြို့များသို့ပါ တင်ပို့ရောင်းချမှုများ ပြုလုပ်လျက်ရှိကြောင်း သိရသည်။ ထားဝယ်ဒေသတွင် ဒူးရင်းသီး ကို အဓိကအားဖြင့် သရက်ချောင်း၊ လောင်းလုံး၊ ရေဖြူနှင့် ထားဝယ်မြို့နယ်အချို့ရှိ ကျေးရွာများတွင် စိုက်ပျိုးကြပြီး မိုးရေချိန်နှင့် မြေဆီလွှာကောင်းမွန်မှုကြောင့် အသီးအရည်အသွေးကောင်းမွန်သည့် ဒူးရင်းသီးများ ထွက်ရှိလျက်ရှိကြောင်း ဒေသခံစိုက်ပျိုးသူများထံမှ သိရှိရပါသည်။

     ယခုနှစ်တွင် ရာသီဥတုအခြေအနေ တည်ငြိမ်မှုကြောင့် အသီးထွက်နှုန်း ယခင်နှစ်များထက် ပိုမိုကောင်းမွန်လာကြောင်း သိရပြီး ဒူးရင်းပင်တစ်ပင်လျှင် အသီး ၅၀ မှ ၁၅၀ ခန့်အထိ ထွက်ရှိနိုင်ကြောင်း စိုက်ပျိုးသူများထံမှသိရပြီး အချို့စိုက်ခင်းများတွင် အရည်အသွေးမြင့် ဒူးရင်းမျိုးများကိုလည်း စမ်းသပ်စိုက်ပျိုးလာကြသည်။

    ဒေသတွင်းဈေးကွက်များတွင် ဒူးရင်းသီးကို အသီးအရွယ်အစားနှင့် အရည်အသွေးအလိုက် တစ်လုံးလျှင် ကျပ် ၅၀၀၀ မှ ၁၀၀၀၀ ကျော်အထိ ရောင်းချနေကြပြီး အထူးအရသာကောင်းမွန်သည့် အသီးကြီးမျိုးများမှာ ပိုမိုဈေးကောင်းရရှိနေကြောင်း သိရသည်။ ထို့ပြင် ထားဝယ်ဒေသမှ ထွက်ရှိသည့် ဒူးရင်းသီးများကို မြိတ်၊ မော်လမြိုင်နှင့် ရန်ကုန်မြို့များသို့လည်း တင်ပို့ရောင်းချနေကြောင်း ဒူးရင်းစိုက်ပျိုးသူများထံမှသိရသည်။ ယခုကာလအခြေအနေများကြောင့် သယ်ယူပို့ဆောင်ရေး စရိတ်နဲ့ အလုပ်သမားစရိတ်များတက်လာသဖြင့် အမြတ်ရရှိမှုနည်းပါးမှုရှိပြီး ဝယ်လိုအားကတော့ ကောင်းမွန်နေကြောင်း သိရှိရပါသည်။ ထားဝယ်ဒေသထွက် ဒူးရင်းသီးများမှာ အခြားဒေသထွက်များ နှင့်ယှဉ်လျှင် အနံ့အရသာများထူးကဲကောင်းမွန်သဖြင့် တင်ပို့မှုများအနေဖြင့်လည်း ကောင်းမွန်လျက်ရှိသလို အဆိုပါသီးနှံမှာဒေသထွက်ဝင်ငွေကောင်းသီးနှံ တစ်မျိုးဖြစ်လာနေပြီး ဒေသခံများအတွက် အလုပ်အကိုင်အခွင့်အလမ်းနှင့် ဝင်ငွေတိုးတက်စေသည့် သီးနှံတစ်မျိုးအဖြစ် အရေးပါလာကြောင်း သိရသည်။

DOCA(တနင်္သာရီ)

            စစ်ကိုင်းတိုင်းဒေသကြီး၊ ကန့်ဘလူခရိုင် ကန့်ဘလူမြို့နယ်သည် လယ်ယာစိုက်ပျိုးရေးလုပ်ငန်းများကို အဓိကလုပ်ကိုင်သော ဒေသတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ ကုလားပဲသီးနှံများကို မှော်တော်ကျေးရွာ၊ မြေထူးကျေးရွာနှင့် အခြားသောကျေးရွာများတွင် စိုက်ပျိုးကြောင်း၊ ကုလားပဲကို ဆောင်းရာသီ၌ အများဆုံးစိုက်ပျိုးကြောင်း သီးနှံစိုက်ပျိုးမှုစာရင်းများအရ သိရသည်။

           ၂၀၂၆ ခုနှစ်၊ မေလ ဒုတိယပတ်အတွင်း ကန့်ဘလူမြို့နယ်၌ ကုလားပဲထိုင်ဝမ် တစ်တင်းလျှင် ကျပ် ၆၀၆၀၀၊ (929)တစ်တင်းလျှင် ကျပ် ၆၂၆၀၀၊ (V2)တစ်တင်းလျှင် ကျပ် ၆၄၃၀၀နှင့် (V7)တစ်တင်းလျှင် ကျပ် ၆၅၃၀၀နှုန်းတို့ဖြင့် အရောင်းအဝယ်ဖြစ်လျက်ရှိရာ ယခင်အပတ်၏ ဈေးနှုန်းများနှင့်နှိုင်းယှဉ်ပါက ယခုဒုတိယပတ်အတွင်း လမ်းပန်းဆက်သွယ်ရေး အခက်အခဲရှိသောကြောင့် ကုလားပဲမျိုးစုံ တစ်တင်းလျှင် ကျပ် ၁၀၀၀ ဈေးနှုန်းကျဆင်းသွားကြောင်း၊ ကန့်ဘလူမြို့နယ်မှထွက်ရှိသည့် ကုလားပဲများကို မန္တလေးမြို့ရှိပွဲရုံများနှင့် ကုန်စည်ဒိုင်များသို့ တင်ပို့ရောင်းချကြောင်း ဒေသတွင်းသီးနှံပွဲရုံများထံမှ သိရှိရပါသည်။

DOCA(စစ်ကိုင်း)

          ရှမ်းပြည်နယ်(တောင်ပိုင်း)သည် မြန်မာနိုင်ငံ၏     အဓိကစိုက်ပျိုးရေးဒေသများအနက် တစ်ခု

ဖြစ်ပြီး ပြောင်းစိုက်ပျိုးမှု အများဆုံးဒေသများထဲတွင် ပါဝင်သည်။ အောင်ပန်း၊ ဟဲဟိုး၊ ပင်းတယ၊       ရပ်စောက်၊ နောင်တရား နှင့် ပင်လောင်းဒေသများတွင် ပြောင်းသီးနှံကို အဓိက စီးပွားဖြစ် စိုက်ပျိုးကြ သည်။ ပြောင်းသီးနှံကို မိုးဦးကျကာလဖြစ်သော မေလ နှင့် ဇူလိုင်လအတွင်း စတင် စိုက်ပျိုးပြီးနောက် ၄လ မှ ၅လ ခန့်အတွင်း ရိတ်သိမ်းကြကြောင်း သိရှိရပါသည်။ အောက်တိုဘာလ နှင့် နိုဝင်ဘာလ အတွင်း ပြောင်းဆံအများဆုံး ထွက်ရှိသောအချိန်ဖြစ်ပြီး ဈေးကွက်သို့ ကုန်ဝင်ရောက်မှုများသဖြင့် ကုန်သည်များ စတင်ဝယ်ယူစုဆောင်းကြပါသည်။ နိုဝင်ဘာလ မှ ဒီဇင်ဘာလအတွင်း စိုက်ပျိုးပြီး       ဖေဖော်ဝါရီလနှင့် မတ်လ အတွင်းရိတ်သိမ်းသော နွေပြောင်း လည်းရှိကြောင်း သိရှိရပါသည်။

          ပြောင်းဆံသည် လူအစားအစာ၊ တိရစ္ဆာန်အစားအစာ နှင့် စက်မှုကုန်ကြမ်းအဖြစ် အသုံးပြုနိုင်‌ သောကြောင့် နိုင်ငံတကာ ဈေးကွက်တွင်လိုအပ်ချက်မြင့်မားသော သီးနှံတစ်မျိုးဖြစ်ပါသည်။ မြန်မာ နိုင်ငံအပါအဝင် ပြည်တွင်း၊ ပြည်ပ ဈေးကွက်များတွင် ပြောင်းဆံဈေးနှုန်းများ မြင့်တက်လာကြောင်း ကိုသိရှိရပါသည်။ ယခုအချိန်တွင် ပြောင်းဆံ သီးနှံမှာ ရှမ်းတောင်ပြောင်း၏ အရည်အသွေး ကောင်း မွန်ခြင်း၊ ပြည်တွင်းထွက်ရှိမှု လျော့နည်းခြင်း၊ ပြည်ပဝယ်လိုအား မြင့်တက်လာခြင်း၊ စိုက်ပျိုးရေး စရိတ်မြင့်တက်လာခြင်း၊ သယ်ယူပို့ဆောင်မှု အခက်အခဲများ နှင့် စက်မှုလုပ်ငန်းများတွင် အသုံးပြုမှု များလာခြင်း တို့ကြောင့် ဈေးနှုန်းမြင့်တက်လာကြောင်းကို ကုန်သည်များထံမှ သိရှိရပါသည်။

          ယခင်နှစ်ကာလတူနှိုင်းယှဉ်ပါက၂၀၂၅ ခုနှစ် မေလ ပထမပတ်တွင် ပြောင်းဆံ တစ်ပိဿာလျှင် (၁၄၉၀-၁၅၀၀)ကျပ် ဈေးရှိခဲ့ပါသည်။ ယခု ၂၀၂၆ခုနှစ် မေလ ပထမပတ်တွင် ပြောင်းဆံ တစ်ပိဿာ မှာ (၁၅၅၀-၁၆၀၀)ကျပ်ဖြင့် ‌ဈေးရှိနေပြီး ရှမ်းတောင်ဒေသရှိ ပြောင်းဆံမှာ အရည်အသွေးကောင်းမွန် ပြီး ဝယ်လိုအားကောင်းနေခြင်းတို့ကြောင့် တောင်သူများအတွက် အခွင့်အလမ်းကောင်းတစ်ရပ်ဖြစ် ကာ ရေရှည်တည်တံ့သော စိုက်ပျိုးရေး ဖွံ့ဖြိုးတိုးတက်မှုအတွက် အထောက်အကူဖြစ်စေသော သီးနှံတစ်မျိုးဖြစ်ကြောင်း လေ့လာသိရှိရ၍ ရေးသားတင်ပြအပ်ပါသည်။

DOCA(ရှမ်း)