ပြည်တွင်းကုန်သွယ်မှုသတင်း

  ပြည်တွင်းစားသုံးမှုနှင့်ပြည်ပသို့တင်ပို့သည့်ပဲတီစိမ်းမှာ စျေးကောင်းရသည့် ပဲအမျိုးအစား ဖြစ်ပါသည်။ မန္တလေးပဲမျိုးစုံစျေးကွက်သို့ ပဲတီစိမ်းဝင်ရောက်မှုအနေဖြင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီးနှင့် ရှမ်းပြည်နယ်တို့မှ ဝင် ရောက်ကြောင်း သိရပါသည်။ မန္တလေးတိုင်းဒေသကြီးအတွင်း၂၀၂၄-၂၀၂၅ ခုနှစ် ပဲတီစိမ်းစိုက်ပျိုး မှု (၂၇၀၉၅၈)ဧက၊ ရိတ်သိမ်း(၂၅၃၄၄၁)ဧက၊ အထွက်နှုန်း(၁၁.၆၄)တင်းနှင့် အထွက် (၂၉၄၉၀၁၇) တင်း ဖြစ်ကြောင်း သိရပါသည်။ မန္တလေးပွဲစား၊ကုန်သည်၊စက်ပိုင်များမဟာ ကထိန်တော် အသင်း တွင် ၂၀၂၅ခုနှစ်ဇွန်လတတိယပတ်အတွင်းဖြစ်ပေါ်လျက်ရှိသောစျေးမှာ ၃တင်းဝင်တစ်အိတ်လျှင် ပဲတီစိမ်းအညာ ၂၈၀၀၀၀ ကျပ်နှင့် ၃၈၀၀၀၀ ကျပ်၊ပဲတီရွှေဝါ(ပဲခွဲ)၂၃၀၀၀၀ ကျပ်နှင့် ၂၅၀၀၀၀ ကျပ်၊ တစ်ပိဿာစျေးမှာပဲတီစိမ်းအညာ ၄၉၇၈ကျပ်နှင့် ၆၇၅၆ ကျပ်၊ ပဲတီရွှေဝါ(ပဲခွဲ) ၄၀၈၉ ကျပ်နှင့် ၄၄၄၄ ကျပ်တို့ဖြစ်ကြောင်း သိရပါသည်။ ယခင်နှစ်ကာလတူ တစ်ပိဿာစျေးမှာ ပဲတီစိမ်း (အညာ) ၃၂၈၉ ကျပ်နှင့် ၃၅၂၀ ကျပ်၊ပဲတီစိမ်း(ပဲခွဲ)၂၈၄၄ ကျပ်နှင့်၂၉၃၃ ကျပ်ဖြစ် ပေါ်ခဲ့ပြီး၊ ကာလတူ စျေးနှိုင်း ယှဉ်ပါက ပဲတီစိမ်းအညာ မှာ တစ်ပိဿာလျှင် ၃၀၀၀ ကျပ်စျေး ပိုမိုရရှိကြောင်းသိရပါသည်။ ပဲတီစိမ်းဝင်ရောက်မှုပမာဏပေါ်မူတည်၍ ရက်အလိုက်ပေါက်စျေး အနည်းငယ်ပြောင်းလဲမှုရှိကြောင်း သိရပါသည်။

DOCA(မန္တလေး)

  ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ခြင်းတို့ကြောင့် မန္တလေးစျေးကွက်တွင် အရောင်းသွက်သည့် ကုန်စည်ဖြစ် ကြောင်း    သိရပါသည်။  မန္တလေးအစေ့ထုတ်ပြောင်းစျေးကွက်သို့    ရှမ်းပြည်နယ်မှ အများအပြား ဝင်ရောက်လျက် ရှိပြီး၊ မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးတို့မှလည်းဝင်ရောက်လျက်ရှိကြောင်း သိ ရပါ သည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက်နှုန်း   ၄၉.၅၅   တင်း၊ အထွက်တင်းစုစုပေါင်း ၆၆၀၅၉၁ တင်းဖြစ်ကြောင်းသိရပါသည်။မန္တလေးပွဲစား၊ကုန်သည်စက်ပိုင်များ မဟာကထိန်တော်အသင်းတွင်၂၀၂၅ ခုနှစ် ဇွန်လတတိယပတ်အတွင်း ဖြစ်ပေါ်သည့်အစေ့ ထုတ်ပြောင်းစျေးမှာ ၃ တင်း ဝင်တစ်အိတ်လျှင် ပြောင်းဖူးစေ့(ဗမာ) ၈၆၀၀၀ ကျပ်နှင့် ၈၇၀၀၀ကျပ်၊ ပြောင်းဖူးစေ့(ရှမ်း)  ၈၉၀၀၀ ကျပ်နှင့် ၉၀၀၀၀ ကျပ်၊ ပြောင်းဖူးစေ့ (စီပီ) ၈၉၀၀၀ကျပ်နှင့် ၉၀၀၀၀ ကျပ်၊ တစ်ပိဿာစျေးအနေဖြင့် ပြောင်းဖူးစေ့(ဗမာ) ၁၅၉၃ ကျပ်နှင့် ၁၆၁၁ ကျပ်၊ ပြောင်းဖူးစေ့(ရှမ်း)၁၆၄၈ကျပ် နှင့် ၁၆၆၇ကျပ်၊ ပြောင်းဖူးစေ့(စီပီ) ၁၆၄၈ ကျပ်နှင့် ၁၆၆၇ကျပ်စျေး တို့ဖြစ်ကြောင်းသိရပါသည်။ ယခင်နှစ်ကာလတူ တစ်ပိဿာစျေးမှာ ပြောင်းဖူးစေ့(ဗမာ) ၁၂၅၉ကျပ်နှင့်၁၂၇၈ကျပ်၊ပြောင်းဖူးစေ့(ရှမ်း)၁၃၁၅ ကျပ် နှင့် ၃၃၃ ကျပ်၊ ပြောင်းဖူးစေ့(စီပီ) ၁၃၁၅ကျပ်နှင့်၁၃၃၃ ကျပ်တို့ ဖြစ်ကြောင်း သိရပါသည်။ယခုနှစ် စေျးနှင့်ယခင်နှစ်ကာလတူစျေးနှိုင်းယှဉ်ပါက  တစ်ပိဿာလျှင် ၃၀၀ ကျပ်အထက်  ပိုမိုရရှိကြောင်း သိရပါသည်။

   မွန်ပြည်နယ်၊ မောင်လမြို့နယ်၊ မောင်ငံဈေးတွင် ဟင်းသီးဟင်းရွက် အမျိုးမျိုးဖြစ်သော ရုံးပတီသီး၊ ‌ဂေါ်ဖီထုပ်၊ ခဝဲသီး၊ သခွားသီး၊ ကြက်ဟင်းခါးသီး၊ ကန်စွန်းရွက်၊ ချဉ်ပေါင်ရွက်၊ မျှစ်စိမ်း ရောင်းချနေကြောင်း သိရှိရပါသည်။

    ၂၀၂၅ ခုနှစ် ဇွန်လနောက်ဆုံးအပတ်တွင် မောင်ငံဈေး၌ ဖြစ်ပေါ်နေသော ဟင်းသီး ဟင်းရွက်အမျိုးမျိုး၏ ဈေးနှုန်းများမှာ ရုံးပတီသီး တစ်ပိဿာလျှင် (၂၀၀၀) ကျပ်၊ ဂေါ်ဖီထုပ် တစ်ပိဿာလျှင် (၂၀၀၀) ကျပ်၊ ခဝဲသီး တစ်ပိဿာလျှင် (၃၀၀၀) ကျပ်၊ သခွားသီး တစ်ပိဿာလျှင် (၂၀၀၀) ကျပ်၊ ကန်စွန်းရွက် တစ်စည်းလျှင် (၅၀၀) ကျပ်၊ ချဉ်ပေါင်ရွက် တစ်စည်းလျှင် (၃၀၀) ကျပ်၊ မျှစ်စိမ်း တစ်စည်း လျှင် (၁၂၀၀) ကျပ် ဈေးနှုန်းတို့ဖြင့် အရောင်းအဝယ်ဖြစ်နေကြောင်း သိရသည်။

DOCA (မွန်)

   နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသကဲ့ သို့ နေကြာစေ့များအား လှော်၍သရေစာအဖြစ်စားသုံး ကြောင်းသိရပါသည်။ နေကြာသီးနှံအား မန္တလေးတိုင်းဒေသကြီး၊ မကွေးတိုင်းဒေသကြီး၊စစ်ကိုင်းတိုင်းဒေသကြီး နှင့် ရှမ်းပြည်နယ်တို့တွင် အများအပြားစိုက်ပျိုးကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံကို မိုးနေကြာ နှင့် ဆောင်းနေကြာ အဖြစ် စိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်မိုးနေကြာစိုက်ပျိုးမှု ၄၁၇၄၉ ဧက၊ ရိတ်သိမ်းမှု၃၀၂၅၃ ဧက၊အထွက် ၂၃.၈၅ တင်းနှုန်းနှင့်အထွက် ၇၂၁၄၃၉ တင်းဖြစ် ကြောင်းသိရပါသည်။နေကြာဆီသည် ကျန်းမာရေးအရ စားသင့်သည့်မပြည့်ဝ ဆီတစ်မျိုးဖြစ် ကြောင်း သိရပါသည်။ မန္တလေးပွဲစား၊ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်ဇွန်လတတိယပတ်အတွင်း ဖြစ်ပေါ်လျက်ရှိသည့်ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ်အိတ်လျှင် ၁၉၇၀၀ဝ ကျပ်နှင့် ၁၉၈၀၀၀ ကျပ်၊ တစ်ပိဿာလျှင် ၇၂၉၆ကျပ် နှင့် ၇၃၃၃ ကျပ်၊ နေကြာဖတ်တစ် ပိဿာလျှင် ၂၃၅ဝ ကျပ်နှင့် ၂၄၀ဝ ကျပ်ဖြစ်ပြီး ယခင်နှစ် ကာလတူ ပေါက်စျေးမှာ၃တင်းတစ်အိတ်လျှင် ၁၂၀၀၀၀ကျပ်၊ တစ်ပိဿာလျှင် ၄၄၄၄ ကျပ် တို့ဖြစ်ကြောင်း သိရပါသည်။ဆီနေကြာယခုနှစ်နှင့်ယခင်နှစ်ပေါက်စျေးနှိုင်းယှဉ်ပါက တစ်ပိဿာ လျှင် ၂၈၀၀ ကျပ်စျေး ပိုမိုရရှိကြောင်း သိရပါသည်။ ဆီနေကြာသီးနှံ ဝင်ရောက်မှုအပေါ်မှုတည်၍ ရက်အလိုက်ပေါက် စျေးအနည်းငယ်ပြောင်းလဲမှုရှိနိုင်ကြောင်း သိရပါသည်။

DOCA(မန္တလေး)

   မြေပဲမှာ စားသုံးဆီကြိတ်ခွဲခြင်းလုပ်ငန်းများနှင့် စားသောက်ကုန်တို့တွင် အသုံးပြုခြင်း တို့ကြောင့် ပြည်တွင်းစျေးကွက် လိုအပ်ချက်များပြီး၊ ပြည်ပတင်ပို့သည့် စျေးကွက်ဝင်ကုန်စည်ဖြစ် ကြောင်းသိရပါသည်။ မန္တလေးတိုင်းဒေသကြီးအတွင်း ဆီထွက်သီးနှံမြေပဲအား မိုးနှင့် ဆောင်း ရာသီများတွင် စိုက်ပျိုးပြီး၊ ၂၀၂၄-၂၀၂၅ ခုနှစ်မြေပဲစိုက်ပျိုးမှု ၆၀၃၇၅၂ ဧက၊ရိတ်သိမ်းမှု ၃၁၀၀၇၉ ဧက၊ အထွက် နှုန်း ၄၂.၆၅ တင်း၊ အထွက်စုစုပေါင်း ၁၃၂၂၃၆၄၉ တင်းဖြစ်ကြောင်း သိရပါသည်။ မန္တလေး ပွဲစား၊ ကုန်သည်စက်ပိုင်များမဟာကထိန်တော်အသင်းတွင် ၂၀၂၅ခုနှစ်ဇွန်လ တတိယ ပတ်အတွင်းဖြစ်ပေါ်လျက်ရှိသည့်ပေါက်စျေးများမှာ မြေပဲတစ်ပိဿာလျှင်  S1 လုံးဆံ ၉၂၀၀ ကျပ် နှင့် ၉၃၀၀၀ ကျပ်၊ S1 ဆီဆံ ၈၃၀၀ကျပ်နှင့် ၈၅၀၀ကျပ်၊ S1 ရွေးဆံ ၈၈၀၀ ကျပ်နှင့် ၉၂၀၀ကျပ်၊ အနီလုံးဆံ ၈၈၀၀ ကျပ်နှင့် ၉၂၀၀ကျပ်၊အနီဆီဆံ ၈၆၀၀ ကျပ်နှင့် ၈၈၀၀ကျပ်၊ M တွဲ ဆီဆံ ၈၈၀၀ ကျပ်နှင့်၉၀၀၀ ကျပ် နှင့်ပဲဖတ် ၄၇၀၀ ကျပ်နှင့် ၄၇၅၀ကျပ်တို့ဖြစ်ကြောင်း သိရပါသည်။ ယခင် နှစ်ကာလတူ တစ်ပိဿာစျေးမှာS1 လုံးဆံ ၇၅၀၀ကျပ်နှင့် ၇၆၀၀ ကျပ်၊ S1 ဆီဆံ ၆၈၀၀ ကျပ်နှင့် ၇၀၀၀ကျပ်၊ S1ရွေးဆံ ၇၂၀၀ကျပ်နှင့် ၇၃၀၀ကျပ်၊ Mတွဲ လုံးဆံ ၇၃၀၀ ကျပ်နှင့် ၇၄၀၀ကျပ်၊ Mတွဲဆီဆံ ၇၂၀၀ကျပ်နှင့်၇၃၀၀ကျပ်၊အနီလုံးဆံ(ရှည်) ၇၀၀၀ကျပ်နှင့် ၇၂၀၀ကျပ်၊ အနီလုံးဆံ (ဝိုင်း) ၇၅၀၀ ကျပ်နှင့် ၇၇၀၀ ကျပ်တို့ဖြစ်ပေါ်ခဲ့ပြီး၊ ကာလတူ စျေးနှိုင်းယှဉ် ပါကတစ်ပိဿာလျင် ၂၀၀၀ ကျပ်အထက်ပိုမိုရရှိကြောင်း သိရပါသည်။

DOCA(မန္တလေး)