ပြည်တွင်းကုန်သွယ်မှုသတင်း

စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းပြီး သင့်တင့်သောဈေးနှုန်းဖြင့်ဝယ်ယူစားသုံးနိုင်စေရန်နှင့်ပြည်တွင်းလိုအပ်ချက်များကို ဖြည့်ဆည်း ပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိကြောင်း သိရပါသည်။

          စားအုန်းဆီကို ပြည်ပမှဝယ်ယူတင်သွင်းရာတွင် စားအုန်းဆီ တင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့်ဈေးနှုန်းများ ဖြစ်ပေါ် စေရေးကို ထိန်းကျောင်းဆောင်ရွက်လျက်ရှိပါသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဩဂုတ်လ ၂၁ ရက်နေ့မှ ၂၇ ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ် ၇,၁၇၉ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေးထုတ်ပြန် ကြေညာထားကြောင်း သိရှိရပါ​သည်။  

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

          ကယားပြည်နယ်သည် တောတောင်ရေမြေသဘာဝတောင်တန်းများနှင့် စိုက်ပျိုးရေးအတွက် ကောင်းမွန်သောမြေများ ပိုင်ဆိုင်ထားသော ပြည်နယ်တစ်ခုဖြစ်ပါသည်။ မိုးရာသီကာလ၌ ပဲစင်းငုံ သီးနှံစိုက်ပျိုးရန်အတွက် လိုအပ်သည့်မြေပြုပြင်ခြင်းများ၊ အမှိုက်သရိုက်မီးရှို့ခြင်းများကို ဧပြီလတွင် ဆောင်ရွက်ကြသည်။ ပြည်နယ်အတွင်း ပဲစင်းငုံကို မိုးရာသီ ကာလ မေ၊ ဇွန်လတွင်စတင်စိုက်ပျိုး ကြသည်။ ကယားပြည်နယ်အတွင်း စိုက်ခင်း ဧရိယာ ၄၄၇၇ ဧက စိုက်ပျိုးထားရှိကြောင်း သက်ဆိုင် ရဌာနမှသိရှိရပါသည်။ ပဲစင်းငုံသီးနှံများအပင်ဖြစ်ထွန်းကောင်းမွန်ပြီး သီးနှံအထွက်နှုန်းများကောင်း မွန်စေရန်အတွက် တောင်သူများကစိုက်ခင်းအလိုက် လိုအပ်သည့်အပင်ပြုစုစောင့်ရှောက်မှု လုပ်ငန်း များကို စနစ်တကျဆောင်ရွက်လျက်ရှိကြောင်းသိရသည်။ ပဲစင်းငုံကို ကယားပြည်နယ်၊ လွိုင်ကော် မြို့နယ်နှင့် လောပိတမြို့အတွင်းရှိ ကျေးရွာများတွင် အများဆုံးစိုက်ပျိုးကြသည်။ ပဲစင်းငုံသည် မိုးရာ သီတွင်စိုက်ပျိုးနိုင်သည့် ပဲမျိုးတစ်မျိုးဖြစ် ပြီးရာသီဥတုအခြေအနေကို အတော်အတန်ခံနိုင်ရည်ရှိ သည့်အပြင် တဖက်မှာလည်းစိုက်ပျိုးရေးအတွက် အသုံးဝင်သည့်သီးနှံတစ်မျိုးဖြစ်သည်။ ထို့အပြင် ပဲမျိုးဝင်သီးနှံဖြစ်သည့် ပဲစင်းငုံသည် မြေဆီလွှာအတွင်း နိုက်ထရိုဂျင်ဓာတ်ဖြည့်တင်းပေးနိုင်ခြင်း ကြောင့် နောင်နှစ်များတွင် စိုက်ပျိုးမည့်သီးနှံများအတွက်လည်း အကျိုးပြုနိုင်ပါသည်။

          သြဂုတ်လအတွင်း ပဲစင်းငုံစိုက်ခင်းများ အပင်ဖြစ်ထွန်းကောင်းမွန်စေရေးအတွက် တောင်သူ များအနေဖြင့် ပေါင်းမြက်ရှင်းလင်းခြင်း၊ စိုက်ခင်းအတွင်းရေဝပ်မှုမရှိစေရေး၊ ရေစီးရေလာကောင်းမွန် အောင်ဆောင်ရွက်ခြင်း၊ ပိုးမွှားအန္တရာယ်နှင့် ရောဂါဖြစ်ပွားမှုများကို ပုံမှန်စောင့်ကြည့်ခြင်း စသည့် စိုက်ခင်းပြုစုစောင့်ရှောက်မှုလုပ်ငန်းများကို ဆောင်ရွက်လျက်ရှိကြသည်။ မိုးရာသီကာလတွင်မိုးရေ များပြားစွာရရှိနိုင်သော်လည်း ပဲစင်းငုံသီးနှံသည် ရေဝပ်မှုဒဏ်ကိုခံနိုင်ရည်နည်းသည့်အတွက် စိုက် ခင်းအတွင်းရေကြာရှည်တည်ရှိမှုမရှိစေရေးတို့ကို တောင်သူများကအထူးဂရုစိုက်ရပါသည်။

     ထို့အပြင် အပင်ကြီးထွားဖွံ့ဖြိုးမှုအတွက်လိုအပ်သည့် မြေသြဇာနှင့်အပင်အာဟာရဓာတ်များ ကိုစနစ်တကျဖြည့်ဆည်းပေးနိုင်ခြင်းသည်လည်း အပင်ဖြစ်ထွန်းမှုကောင်းမွန်ရေးအတွက် အ‌ရေးပါ သောအချက်ဖြစ်သည်။ လွိုင်ကော်မြို့နယ်အတွင်း ပဲစင်းငုံသီးနှံစိုက်ပျိုးထားရှိမှုသည် ၄၄၇၇ ဧကရှိ သည့် အတွက် ၂၀၂၆ - ၂၀၂၇ ခုနှစ်အတွင်း ပဲစင်းငုံစိုက်ခင်းများ အထွက်နှုန်းကောင်းမွန်စေရေး အ တွက်စိုက်ပျိုးနည်းပညာမှန်ကန်စွာအသုံးပြုခြင်း၊ သီးနှံအခြေအနေအလိုက်ပြုစုစောင့်ရှောက်ခြင်းနှင့် ရာသီဥတုအခြေအနေပေါ်မူတည်၍ လိုအပ်သည့်ကာကွယ်ထိန်းချုပ်မှုများကိုလည်း အချိန်မီဆောင် ရွက်လျက်ရှိ ကြောင်း သိရသည်။

          ထို့ကြောင့် ကယားပြည်နယ်၊ လွိုင်‌ကော်မြို့နယ်အတွင်းစိုက်ပျိုးထားရှိသည့် ပဲစင်းငုံသီးနှံ ၄၄၇၇ ဧက အပင်ဖြစ်ထွန်းမှုကောင်းမွန်ပြီး အထွက်နှုန်းများတိုးတက်မှုရှိစေရန်စိုက်ခင်းပြုစုစောင့် ရှောက်ရေးလုပ်ငန်းများကို စနစ်တကျဆောင်ရွက်လျက်ရှိပြီး တောင်သူများ၏ စိုက်ပျိုးရေးဝင်‌‌ငွေ တိုးတက်လာစေရေးနှင့် ဒေသအတွင်းပဲမျိုးစုံထုတ်လုပ်မှုတိုးမြှင့်နိုင်ရေးအတွက် အထောက်အကူပြု နိုင်မည်ဖြစ်ကြောင်း သိရပါသည်။

DOCA(ကယား)

         တနင်္သာရီတိုင်းဒေသကြီးသည် တောင်ကုန်း၊ တောင်တန်းပေါများပြီး ပင်လယ်ထွက်ပေါက်ရှိရာ တိုင်းဒေသကြီးဖြစ်သဖြင့် အများအားဖြင့် ဥယျာဥ်ခြံမြေလုပ်ငန်းများ၊ ပင်လယ်ရေလုပ်ငန်းများကိုသာ အဓိကလုပ်ကိုင်ကြသလို ဒေသတွင်း မွေးမြူရေးလုပ်ငန်းများကိုလည်း လုပ်ကိုလျက်ရှိရာ  နို့စားနွားမွေးမြူရေးလုပ်ငန်းသည်လည်း တစ်ခုအပါအဝင်ဖြစ်ပါသည်။ နွားနို့သည် ခန္တာကိုယ်အတွက်လို အပ်သော ဓါတ်သတ္တုများ၊ အာဟာရဓါတ်များစွာပါဝင်သည့်အတွက် နေ့စဥ်သောက်သုံးသင့်သော အစားအစာတစ်ခုအဖြစ်ပါဝင်ပါသည်။ မြိတ်မြို့ပေါ်တွင် နွားမွေးမြူမှုမှာနည်းပါးပြီး ထွက်ရှိသော နွားနို့များအား လက်ဘက်ရည်ဆိုင်များ၊ စားသောက်ဆိုင်များ၊ ဟိုတယ်များ၊ အအေးဆိုင်များ၊ မုန့်လုပ်ငန်းများမှ ကုန်ကြမ်းပါဝင်ပစ္စည်းများအဖြစ်အသုံးပြုနိုင်ရန် အများဆုံးဝယ်ယူကြပြီး ရပ်ကွက်၊ စျေးများအား ဆိုင်ကယ်/ကားများဖြင့် ရပ်ကွက်အလိုက်လှည့်လည်ရောင်းချသူများရှိသော်လည်း ရောင်းချမှုနည်းပါးလျက်ရှိပြီး ရောင်းအားကောင်းလျက်ရှိပါသည်။ နွားနို့အားကြိုချက်ပြီးလျှင် အကြိမ်များစွာအပူပေးပါက နွားနို့တွင်ပါဝင်သော အဟာရအာနိသင်များကျဆင်းတက်ပါသလို ဆေးဝါးများဖြင့် တွဲဖက်သောက်သုံးပါက ဆေးဝါးများ၏ အာနိသင်အားလည်းလျော့ကျသွားစေတက်ကြောင်း သိရသည်။ 

     မြိတ်မြို့စျေးကွက်အတွင်းရောင်းချလျက်ရှိသော နွားနို့အစိမ်း စျေးနှုန်းမှာ ယခု ၂၀၂၆ ခုနှစ်၊ သြဂုတ်လ၊ ဒုတိယအပတ်အတွင်း နွားနို့(၁)လီတာလျှင် ၅၀၀၀ ကျပ်မှ ၇၀၀၀ ကျပ်အထိ အစားအစားရောင်းချလျက်ရှိကြောင်း နွားနို့ရောင်းချသူများထံမှ သိရှိရပါသည်။

DOCA(တနင်္သာရီ)

            မိတ္ထီလာခရိုင်အတွင်း ဆီထွက်သီးနှံတစ်မျိုးဖြစ်သည့် နှမ်းကို  မိတ္ထီလာ၊မလှိုင် ၊သာစည်၊ ဝမ်းတွင်း မြို့နယ်များတွင်စိုက်ပျိုးကြပြီး မိတ္ထီလာခရိုင်၌ ၂၀၂၆-၂၀၂၇ ခုနှစ်၊ မိုးနှမ်းစိုက်ဧက (၃၂၆၇၈၅)ဧကရှိကြောင်း စိုက်ပျိုးရေးဦီးစီးဌာနစာရင်းအရသိရပါသည်။ မိုးနှမ်းကို မေလတွင်စိုက်ပျိုး ပြီး ဇူလိုင်လစတင်ထွက်ရှိပြီး ယခုနှစ်တစ်ဧကကုန်ကျစရိတ်အနေဖြင့် မျိုး၊မြေပြုပြင်ခြင်း၊ သွင်းအား၊ လုပ်သားခ စုစုပေါင်း (၆)သိန်းခန့်ကုန်ကျကြောင်း၊ တစ်ဧကအထွက်နှုန်းအနေဖြင့် (၈)တင်းမှ (၁၀) တင်းထိထွက်ရှိကြောင်း သိရှိရပါသည်။

             မိတ္ထီလာဈေးကွက်အတွင်း မြို့ပေါ်ပွဲရုံများ၌ တစ်ပတ်လျှင် အိတ်(၅၀၀)ခန့် ဝင်ရောက်လျက် ရှိပြီးအရောင်းအဝယ်ဖြစ်လျက်ရှိကြောင်း ရာသီလှိုင်လှိုင်ပေါ်ချိန်တွင် ဒေသတွင်းဆီကြိတ်စက်များ အပြင် မန္တလေးသို့တင်ပို့ရောင်းချရကြောင်း သိရပါသည်။

              ယခုဩဂုတ်လဒုတိယပတ်တွင်၊ နှမ်းညိုတစ်တင်းလျှင် (၁၂၈၀၀၀-၁၃၀၀၀၀) ကျပ်၊ နှမ်းဖြူ တစ်တင်းလျှင် (၁၂၈၀၀၀-၁၃၀၀၀၀) ကျပ်ဖြင့်အရောင်းအဝယ်ဖြစ်လျက်ရှိကြောင်း  ယခင်လနှင့် ကာလ တူနှိုင်းယှဉ်လျှင် နှမ်းညို တစ်တင်းလျှင် (၈၀၀၀-၁၀၀၀၀)ကျပ်၊ နှမ်းဖြူတစ်တင်းလျှင်(၈၀၀၀-၁၀၀၀၀) ကျပ်ခန့် ဈေးနှုန်းမြင့်တက်လာကြောင်း၊ ဈေးနှုန်းမြင့်တက်လာရခြင်းမှာ ကုန်ချောရောင်း အားကောင်း၍ ကုန်ကြမ်းအဝယ်လိုက်လာခြင်း ပြည်ပဝယ်လတ်များ ဝယ်လိုအားရှိလာခြင်းကြောင့် ဖြစ်သည်ဟုဒေသတွင်းသီးနှံပွဲရုံများမှ သိရှိရပါသည်။

DOCA(မန္တလေး)

         တနင်္သာရီတိုင်းဒေသကြီး၊ မြိတ်ခရိုင်ရှိ မြိတ်၊ ပုလော၊ တနင်္သာရီမြို့နယ်တို့တွင် ကုန်စိမ်းသီးနှံများကို တစ်နိုင်တစ်ပိုင်သော်လည်းကောင်း၊ စီးပွားဖြစ်သော်လည်းကောင်း စိုက်ပျိုးကြပါသည်။ အများအားဖြင့် ပုလောမြို့နှင့် တနင်္သာရီမြို့တို့မှ ထွက်ရှိသော ကုန်စိမ်းသီးနှံများနှင့် ဟင်းသီး ဟင်းရွက်များကို မြိတ်မြို့ပေါ်တွင် လာရောက်ရောင်းချကြကြောင်း သိရှိရပါသည်။ ဒေသထွက်ရှိသော ကုန်စိမ်းသီးနှံများအပြင် ရန်ကုန်မြို့မှလည်း ကားလမ်း၊ ရေလမ်းတို့ဖြင့် သယ်ယူရောင်းချကြပါသည်။ ယခုအခါလမ်းခရီးအခက်အခဲများကြောင့် ရန်ကုန်မြို့မှ ကုန်စိမ်းသီးနှံများပုံမှန် မရောက် ရှိကြသဖြင့် ဒေသထွက်ကုန်စိမ်းသီးနှံများ ဈေးကွက်အတွင်း အရောင်းအဝယ်ဖြစ်လျက်ရှိပါသည်။ ကုန်စိမ်းသီးနှံများထဲမှ ဒေသထွက်ပန်းဂေါ်ဖီသည် လူကြိုက်များ၍ ရောင်းအားကောင်းလျက်ရှိကြောင်း သိရှိရပါသည်။ ပန်းဂေါ်ဖီကို မြိတ်ဒေသတွင် ကြော်လှော်ရန်လည်းကောင်း၊ မြိတ်ကတ်ကြေးကိုက်နှင့် ကြာဇံကြော်များဖြင့် တွဲဖက်စားသုံးရန်အတွက် အချဥ်ပြုလုပ်ရာတွင်လည်းကောင်း၊ သနပ်အချဥ်ပြုလုပ်၍လည်းကောင်း စားသုံးကြပါသည်။ ပန်းဂေါ်ဖီသည် ဗီတာမင်နှင့် ဗီတာမင်အီးလည်းကြွယ်ဝစွာပါဝင်ပါသည်။ အမျှင်ဓာတ်များသောကြောင့် အစာချေစနစ်ကိုကူညီပြီး ဝမ်းချုပ်ခြင်းကို ကာကွယ်ပေးကြောင်း သိရသည်။

          ၂၀၂၆ခုနှစ်၊ သြဂုတ်လဒုတိယပတ်တွင် မြိတ်ဒေသထွက်ပန်းဂေါ်ဖီတစ်ပွင့်လျှင် (၄၀၀၀) ကျပ်ခန့် ရှိကြောင်း ကုန်စိမ်းရောင်းချသူထံမှ သိရှိရပါသည်။

DOCA(တနင်္သာရီ)