ပြည်တွင်းကုန်သွယ်မှုသတင်း

    မြန်မာနိုင်ငံသည် အပူပိုင်းဒေသရာသီဥတုနှင့် သင့်လျော်သည့် စိုက်ပျိုးရေးနိုင်ငံဖြစ်ပြီး ကျွဲကောသီးများကို နေရာအနှံ့အပြားတွင် စိုက်ပျိုးထွက်ရှိလျက်ရှိသည်။ ကျွဲကောသီးသည် အပင်ကြီး ထွားရန်လွယ်ကူပြီး ရာသီဥတုနှင့် မြေသဘာဝအခြေအနေများကို အလွန်မရွေးချယ်သော သီးနှံ တစ်မျိုးဖြစ်သည်။ ကျွဲကောသီးသည် စိုက်ပျိုးသူတောင်သူများအတွက် ထိန်းသိမ်းစရိတ်နည်းပါးသည့် အပြင် စိုက်ပျိုးပြီး ၅လ မှ ၆ လ အကြာအတွင် အသီးထွက်နိုင်သည့်အတွက် အချိန်တိုအတွင်း စိုက်ပျိုးရေးဝင်ငွေ တိုးတက်စေသည်။ ကျွဲကောသီးသည် တစ်နှစ်လျှင်နှစ်သီးထွက်ရှိပြီး မိုးကာလဖြစ် သည့် ဇူလိုင်လများတွင် အသီးစတင်ခူးဆွတ်ရောင်းချရကာ ရာသီဥတုမှန်ကန်ပါက မိုးကာလအသီးအ ထွက်နှုန်းသည် နွေဘက်တွင် အထွက်နှုန်းများပြီး စျေးကောင်းရကြောင်း သိရသည်။

      ရန်ကုန်တိုင်း၊ ဧရာဝတီတိုင်း၊ ပဲခူးတိုင်းနှင့် မန္တလေးတိုင်းဒေသကြီးများတွင် ကျွဲကောသီး စိုက်ပျိုးမှု ပိုမိုတွေ့ရှိရ၍ မွန်ပြည်နယ်နှင့် တနင်္သာရီတိုင်းဒေသကြီးတွင်လည်း စိုက်ပျိုးကြသည်။ အ ထူးသဖြင့် မွန်ပြည်နယ်၊ ကျိုက်ထို၊ ဘီးလင်း၊ သထုံ၊ မော်လမြိုင်၊ မုဒုံ၊ ရေးနှင့် ခေါဇာမြို့နယ် တို့မှ ထွက်ရှိသော ကျွဲကောသီးများသည် အရသာချိုမြိန်မှုရှိပြီး အာဟာရဓာတ်များစွာ ပါဝင်သောကြောင့် မြိတ်မြို့တွင်လူကြိုက်များ၍ မြိတ်မြို့သို့ တင်ပို့ရောင်းချလျက်ရှိသည်။ မြိတ်မြို့တွင် ၂၀၂၆ခုနှစ်၊ ဇန်နဝါရီလ ဒုတိယအပတ်၌ ရောင်းချလျက်ရှိသော ကျွဲကောသီးစျေးနှုန်းမှာ တစ်လုံးလျှင် ၅၅၀၀ကျပ် နှုန်းဖြင့် ရောင်းချလျက်ရှိကြောင်း သိရှိရသည်။

DOCA(တနင်္သာရီ)

         ပိန်းပန်းသည် အနံ့ကြောင့် ဂုဏ်ရှိတာမျိုးမဟုတ်ဘဲ အလှကြောင့်ဂုဏ်ရှိတဲ့ပန်းလို့ တင်စားလို့ရသော ပန်းတစ်မျိုးဖြစ်ပါသည်။ ပိန်းပန်းသည်လှပပြီး အလွန်ရေပန်းစားတဲ့ အလှစိုက်ပန်းပင်ဖြစ်ပြီး အရောင်မျိုးစုံရှိကာ နှလုံးပုံသဏ္ဍာန်အဖူးကြောင့် ထင်ရှားပါသည်။ ပိန်းပန်းကို ပွဲလမ်းသဘင်နှင့် အခမ်းအနားများ၌ တွင်တွင်ကျယ်ကျယ် အသုံးပြုလာခြင်းမှာ ရေရှည်ခံခြင်းနှင့် အကြမ်းခံခြင်းကြောင့် ဈေးကွက်တွင် နေရာရရှိလာခြင်းဖြစ်ပါသည်။ ဒါပေမဲ့ ပိန်းပန်းအပင်၊ အပွင့်၊ အရွက်တွေမှာ အဆိပ်ပါဝင်တာကြောင့် စားမိပါက ခံတွင်း၊ မျက်လုံး၊ အရေးပြားယားယံခြင်း၊ ဖူးရောင်ခြင်း၊ ပါးစပ်နာကျင်၊ ရောင်ရမ်းတာတွေ ဖြစ်နိုင်တာကြောင့် သတိထားရမယ့် အပင်တစ်မျိုး ဖြစ်ပါသည်။ အလှပန်းပင်စိုက်ပျိုးသူများအတွက် အိမ်တွင်းအပင်အဖြစ် တွင်ကျယ်စွာ စိုက်ပျိုးကြသည်။ အိမ်တွင် တစ်နိုင်တစ်ပိုင်ပဲစိုက်စိုက်၊ စီးပွားရေးအရ ပဲစိုက်စိုက် ပိန်းပန်းစိုက်ပျိုးသူများအတွက် ပိန်းပန်းပင်များသည် အခြားပန်းပင်များကဲ့သို့ ဓါတ်မြေဩဇာသုံးစွဲရန် မလိုအပ်ဘဲသဘာဝမြေဩဇာ ကြက်ချေးတစ်မျိုးတည်းကိုသာ သုံးစွဲရသဖြင့် စိုက်ပျိုးစရိတ် သက်သာသလို ရာသီမရွေးစိုက်ပျိုးနိုင်သည့် ပန်းမျိုးဖြစ်ကြောင်းနှင့် မိသားစုတစ်နိုင်တစ်ပိုင် စိုက်ပျိုးရန်သင့်တော်သည့် ပန်းမျိုးလည်းဖြစ်ကြောင်း သိရှိရပါသည်။ ပိန်းပန်းတွင် အပွင့်အကြီးမျိုးနှင့် အပွင့်အသေးမျိုးဟူ၍ (၂) မျိုးရှိပါသည်။ ပိန်းပန်း ပင်ကို မြေတွင်လည်းကောင်း၊ ရေတွင်လည်းကောင်း (၂) မျိုးစလုံးတွင် စိုက်ပျိုးနိုင်ပါသည်။ ယခု နောက်ပိုင်းတွင် ပိန်ပန်းကို အလှအိုးများနှင့် စိုက်ပျိုး၍ လက်ဆောင်ပေးလာကြသည့်အတွက် ဈေးကွက်တွင်ပိန်းပန်းပင်ဟာ နေရာတစ်နေရာရနေသည့် အလှပန်းပင်တစ်မျိုးလည်းဖြစ်ပါသည်။ ထို့အပြင် ပိန်းပန်းကို စီးပွားဖြစ် တစ်နိုင်တစ်ပိုင်စိုက်ပျိုးလာကြသူများ လည်းရှိကြပါသည်။ ပိန်းပန်း အိုးကြီးတစ်အိုးလျှင် အရောင်လိုက်၍ ကျပ် (၂၀၀၀၀)၊ ပိန်းပန်းအိုးလတ် တစ်အိုးလျှင်ကျပ် (၁၅၀၀၀)၊ ပိန်းပန်းအသေး တစ်အိုး လျှင် ကျပ် (၁၀၀၀) ရှိကြောင်း ပန်းအိုးပျိုးပင် စိုက်ပျိုးသူထံမှ သိရှိရပါသည်။ ပိန်းပန်းတွင် အဖြူရောင်၊ ပန်းရောင်၊ အနီရောင်၊ နှင့် အရောင်စပ်ကြား စသည့်အရောင်များဟာ အရောင်းရသွက်သလို၊ လူကြိုက်လည်းများလှပါသည်။ ပိန်းပန်းကို ပြည်မြို့ရှိ တစ်နိုင်တစ်ပိုင် စိုက်ပျိုးသူများနှင့် ရန်ကုန်မှတင်သွင်းကြောင်း သိရှိရပါသည်။ ပြည်မြို့မြို့မစည်ပင်သာယာဈေးကြီးနှင့် အခြားဈေးများတွင် ပိန်းပန်းအပွင့်ကြီး (၅)ပွင့်ပါတစ်စည်းလျှင် ကျပ် (၁၀၀၀၀)၊ ပိန်းပင် အပွင့်သေး တစ်စည်းလျှင် ကျပ် (၈၀၀၀) တို့ဖြင့် အရောင်းအဝယ်ရှိကြောင်း သိရှိရပါသည်။

DOCA(ပဲခူး)

                    ရွှေဘိုမြို့ရှိ ဈေးများတွင် ရာသီပေါ်အသီးအနှံများကို ရောင်းချလျက်ရှိရာ ဆောင်းရာသီမှသာ စားရသည့် ပဲစိမ်းစာဉများကိုလည်းရောင်းချလျက်ရှိပါသည်။ ပဲစိမ်းစားဉမှာ အစိမ်းစားရသည်ဖြစ်၍ အရဿာမှာ ချို၍ ဆိမ့်ပြီး ကြွပ်သော အရဿာရှိ၍ ရာသီပေါ် ပဲစိမ်းစားဉမှာ လူကြိုက်များလှပေ သည်။ ပဲစိမ်းစာဉကို မန္တလေးမြို့မှ သယ်ယူရောင်းချကြကြောင်း၊ ပဲစိမ်းစားဉမှာ အတွဲလိုက်ဖြစ်၍ ပိဿာချိန်ဖြင့် ရောင်းချကြကြောင်း၊ ပဲစိမ်းစားဉ (၁)ပိဿာလျှင် (၃၀၀ဝိ/-)ကျပ်ဖြင့် ရောင်းချလျက်ရှိ ပြီး ရွှေဘိုမြို့ရှိ ဒေသခံများမှ ဝယ်ယူသည့်အပြင် အခြားရွာမှလည်း လာရောက်ဝယ်ယူကြကြောင်း၊ ပဲစိမ်းစားဉဈေးနှုန်းမှာ အသင့်အတင့်ဖြစ်၍ စားသုံးသူများလည်း ဝယ်ယူသူများကြောင်း ကုန်စိမ်း ရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)                                                        

                စစ်ကိုင်းတိုင်းဒေသကြီး၊ ဇန်နဝါရီလ ဒုတိယပတ်အတွင်း မုံရွာမြို့ရှိ ကုန်စည်ဒိုင်၌ အရောင်းအဝယ်ဖြစ်လျက်ရှိသည့် ဆီထွက်သီးနှံများ၏ ဈေးကွက်အခြေအနေမှာ  မြေပဲလုံးဆံဖြူ  တစ်ပိဿာလျှင် လက်ကားဈေး (၉၀၀၀)ကျပ်ဖြင့် ရောင်းချလျက်ရှိပါသည်။ နှမ်းဈေးနှုန်းများမှာ နှမ်းဖြူတစ်တင်းလျှင်  (၁၀၃၀၀၀)ကျပ်၊ နှမ်းနက်တစ်တင်းလျှင် (၂၄၅၀၀၀) ကျပ်၊ နှမ်းညို တစ်တင်းလျှင် (၉၀၀၀၀)ကျပ်၊ နေကြာတစ်တင်းလျှင် (၅၈၅၀၀)ကျပ်တို့ဖြင့် ရောင်းချလျက် ရှိကြောင်း သိရသည်။

            အလားတူပင် မြေပဲဆီတစ်ပိဿာလျှင် လက်ကားဈေး (၁၃၅၀၀)ကျပ်၊ နှမ်းဆီ တစ်ပိဿာလျှင် လက်ကားဈေး (၁၁၅၀၀)ကျပ်၊ နေကြာဆီတစ်ပိဿာလျှင် လက်ကားဈေး (၁၅၀၀၀)ကျပ်၊ စားအုန်းဆီ တစ်ပိဿာလျှင် လက်ကားဈေး (၇၀၂၅) ကျပ် တို့ဖြင့်  အရောင်းအဝယ် ဖြစ်လျက်ရှိကြောင်း သိရသည်။

DOCA(စစ်ကိုင်း)                                                        

                    စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ သစ်စိမ့်၊ညောင်ဖြူပင်၊ ဘုံတို၊ ထနောင်းတော၊ ဘုမ္မနိုး စသည့်ကျေးရွာများတွင် သီးနှံမျိုးစုံ စိုက်ပျိုးလျက်ရှိရာ ထောပတ်ပဲ သီးနှံကို အများဆုံး စိုက်ပျိုးပြီး စိုက်ဧက ၁၀ ဧကခန့် စိုက်ပျိုးထားရှိကြောင်း သိရသည်။

                   ထောပတ်ပဲသီးနှံကို အောက်တိုဘာလတွင် စတင်စိုက်ပျိုး၍ စိုက်ပျိုးပြီး ၂ လခွဲခန့်အကြာ တွင် ခူးဆွတ်ရိတ်သိမ်းနိုင်ကြောင်း၊ မျိုးအနေဖြင့် ထောပတ်ပဲပင်ပြန့်မျိုးများကို အများဆုံးစိုက်ပျိုး ကြကြောင်း၊ အများဆုံးစိုက်ပျိုးရခြင်းမှာ အထွက်နှုန်းကောင်းမွန်သောကြောင့် ဖြစ်ပါကြောင်း၊  တစ်ဧကလျှင် ထောပတ်ပဲမျိုး ၄-၅ ပြည်ခန့်ကုန်ကျကြောင်း၊ ထောပတ်ပဲသီးနှံ စိုက်ပျိုး ရာတွင် ထွန်ကြောင်းဆွဲမျိုးစေ့ချစနစ်ဖြင့် စိုက်ပျိုးကြပြီး စိုက်ပျိုးမှုကုန်ကျစရိတ်အနေဖြင့်မျိုး၊ သွင်းအားစု၊ လုပ်သားခ အပါအဝင် ထောပတ်ပဲ တစ်ဧကလျှင် စုစုပေါင်း ငွေကျပ်  ၅ သိန်းခန့် ကုန်ကျကြောင်း၊ အထွက်နှုန်းအနေဖြင့် ထောပတ်ပဲတစ်ဧကလျှင် ၁၅-၁၈ တင်းခန့်ထွက်ရှိပြီး ဇန်နဝါရီလ ဒုတိယပတ်တွင် ထောပတ်ပဲတစ်တင်းလျှင် ငွေကျပ် ၉၀၀၀၀ ကျပ်ဖြင့် အရောင်း အဝယ်ဖြစ်ခဲ့ရာ အကျိုးအမြတ်အနေဖြင့် ငွေကျပ် ၈၅၀၀၀၀ ခန့် ရရှိခဲ့ကြောင်း၊ ဈေးကွက် အနေဖြင့် မုံရွာမြို့ပေါ် သီးနှံပွဲရုံများသို့ တင်ပို့ရောင်းချပြီး ထို့မှတစ်ဆင့် မန္တလေးနှင့် ရန်ကုန်မြို့များသို့ တင်ပို့ရောင်းချလျက်ရှိကြောင်း သိရသည်။

          ယခုအချိန်တွင်  ထောပတ်ပဲသီးနှံ စိုက်ခင်းများမှာ အသီးအပွင့်များ ဝေဆာ၍ အောင်မြင်ဖြစ် ထွန်းလျက်ရှိပြီး မကြာမီအချိန်တွင် ရိတ်သိမ်းရမည်ဖြစ်ကြောင်း၊ ထောပတ်ပဲသီး နှံသည် စိုက်ပျိုးစရိတ်သက်သာ၍ အကျိုးအမြတ် ရရှိသောကြောင့် နှစ်စဉ်တိုးချဲ့ စိုက်ပျိုးလျက် ရှိကြောင်း ထောပတ်ပဲစိုက်တောင်သူတစ်ဦးထံမှ သိရသည်။

DOCA(စစ်ကိုင်း)