ပြည်တွင်းကုန်သွယ်မှုသတင်း

     မြင်းခြံခရိုင်အတွင်းရှိ မြင်းခြံမြို့နယ်များသည်  လယ်ယာစိုက်ပျိုးရေး လုပ်ငန်းများလုပ်ကိုင်လျက်ရှိကြောင်း၊ အစေ့ထုတ်ပြောင်းစိုက်ပျိုးသော ကျေးရွာများမှာ ပတ္တာကျေးရွာ၊ အနိမ့်ကျေးရွာ၊ ခေါင်းကွဲကျေးရွာနှင့် ဓါးကျွန်းကျေးရွာများ၌ တောင်သူများသည် စီးပွားဖြစ် စိုက်ပျိုးထားကြောင်း သိရှိရသည်။ စိုက်ပျိုးရာတွင် ရာသီဥတုဒဏ်ခံနိုင်ပြီး အထွက်နှုန်းကောင်းသော 808နှင့်  888 မျိုးများကို စိုက်ပျိုးကြောင်းသိရသည်။ ၂၀၂၆ ခုနှစ်၊ ဖေဖော်ဝါရီလ၌ အစေ့ထုတ်ပြောင်း တစ်တင်း လျှင် (၂၂၅၀၀-၂၅၀၀၀)ကျပ်ခန့် ပေါက်ဈေးများဖြင့် အရောင်းအဝယ် ဖြစ်လျက်ရှိကြောင်း၊ ယခင်ဇန်နဝါရီလ နောက်ဆုံးပတ်၌  စေ့ထုတ်ပြောင်းတစ်တင်းလျှင် (၂၁၅၀၀-၂၃၀၀၀) ကျပ်ခန့် ပေါက်ဈေးများဖြင့် အရောင်းအဝယ်ဖြစ်လျက်ရှိကြောင်း၊ ယခင်တစ်ပတ်နှင့် နှိုင်းယှဉ်ပါက ယခုတစ်ပတ်တွင် စေ့ထုတ်ပြောင်းတစ်တင်းလျှင်(၁၀၀၀-၂၀၀၀) ကျပ်ခန့် ဈေးနှုန်းမြင့်တက်လာ ကြောင်း၊  ဒေသတွင်း ပွဲရုံများ၌ အစေ့ထုတ်ပြောင်းများ အဝင်နည်းလာသောကြောင့် ဈေးနှုန်းပြန် လည်မြင့်တက်လာကြောင်း ဒေသတွင်းပွဲရုံလုပ်ငန်းရှင်များထံမှ သိရှိရသည်။ 

DOCA(မန္တလေး)   

     မြင်းခြံမြို့နယ်သည် ဆည်ရေသောက်အသင့်တင့်ရှိပြီး မိုးကောင်းသောက်ယာများတွင် နွေစပါးများကို နိုဝင်ဘာလ၊ ဒီဇင်ဘာလ၊ ဇန်နဝါရီလနှင့်‌ ဖေဖော်ဝါရီလများတွင် စိုက်ပျိုးပြီး ဇန်နဝါ ရီလ၊ ဖေဖော်ဝါရီလ၊ မတ်လနှင့် ဧပြီတို့တွင် ရိတ်သိမ်းထွက်ပေါ်ကြောင်း သိရှိရသည်။   ဒေသတွင်း ဝမ်းစာဖူလုံစေရန် စိုက်ပျိုးထားကြောင်း သိရှိရသည်။ နွေစပါးများကို ဇန်နဝါရီလ၊ ဖေဖော်ဝါရီလနှင့် မတ်လတို့တွင် စတင်စိုက်ပျိုးပြီး မေလ၊ ဇွန်လနှင့် ဇူလိုင်လတို့တွင် စတင်ရိတ်သိမ်း ကြောင်းသိရှိ ရသည်။ ၂၀၂၅/၂၀၂၆ခုနှစ်တွင် မြင်းခြံမြို့နယ်၌ နွေစပါးစီမံကိန်း (၂၀၅၀)လျာထားဧကအနက် စိုက် ပျိုးပြီးဧက(၂၅)စိုက်ပျိုးထားကြောင်း၊ စိုက်ပျိုးရန်ကျန်ရှိသော ဧကများဆက်လက် စိုက်ပျိုးနေ ကြောင်း  မြို့နယ်ကြေးတိုင်နှင့် မြေစာရင်းဦးစီးဌာန၏ စာရင်းများအရ သိရှိရသည်။ စီမံကိန်းလျာထားချက်နှင့်အညီ ရာနှုန်းပြည့်မီအောင် ဆက်လက်စိုက်ပျိုးနေကြောင်းသိရှိရသည်။ ဖြစ်ကြောင်း၊ အောင်နိုင်တိုး မျိုးနှင့် မနောသုခ စပါးမျိုးများကိုသာစိုက်ပျိုးကြောင်း၊ ကျားတိုင်ရွာ၊ ငါ့နန်းရွာ၊ အနိမ့်၊ ခေါင်းကွဲရွာ၊ ဆုံရွာ၊ ဖက်ပင်အိုင်ရွာနှင့် ကတောကျေးရွာတို့တွင် ‌ဒေသတွင်းစားသုံးရန် နွေးစပါးများစိုက်ပျိုး ထားကြောင်း၊ ယခင်နှစ်နွေစပါး အထွက်နှုန်းအနေဖြင့် (၈၃) တင်းခန့် ထွက်ရှိခဲ့ကြောင်း၊  ယခင်နှစ် မနောသုခစပါး ထွက်ပေါ်ချိန်၌ တစ်တင်းခွဲ တစ်အိတ်လျှင် (၃၀၀၀၀) ကျပ်ခန့်ပေါက် ဈေးများဖြင့် ဒေသအတွင်း၌သာအရောင်းအဝယ် ဖြစ်ခဲ့ကြောင်း၊ စိုက်နည်းစနစ်၊ သွင်းအားစုနှင့် ရာသီဥတုကောင်းမွန်ပါက ယခင်နှစ်ထက် အထွက်နှုန်းကောင်းနိုင်ကြောင်း နွေစပါးစိုက်တောင်သူတစ်ဦး၏ ပြောပြချက်အရသိရှိရသည်။

DOCA(မန္တလေး)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန နှင့်  မြန်မာနိုင်ငံစက်သုံးဆီတင်သွင်းသိုလှောင်ဖြန့်ဖြူးခြင်းလုပ် ငန်းကြီးကြပ်ရေးကော်မတီအသင်းတို့ ပူးပေါင်းစီစဉ်မှုဖြင့်  ပြည်သူများ သက်သာသောဈေးနှုန်းဖြင့် ဝယ်ယူရရှိနိုင်ရန်ရည်ရွယ်၍ သတ်မှတ်ရည်ညွှန်းဈေးများအား အပတ်စဉ်သောကြာနေ့တိုင်းထုတ်ပြန်လျက်ရှိကြောင်း  သိရှိရသည်။

    မြင်းခြံမြို့၏ စက်သုံးဆီ အရောင်းဆိုင်များမှာ ပုံမှန်အတိုင်းဖွင့်လှစ်ရောင်းချလျက်ရှိကြောင်း၊ ၃၀-၁-၂၀၂၆ ရက်နေ့တွင် စက်သုံးဆီတစ်လီတာဈေးများနှုန်းမှာ 92 Octance ဓါတ်ဆီ (၂၄၃၀)ကျပ်၊ 95 Octance ဓါတ်ဆီ (၂၄၇၅) ကျပ်၊ ရိုးရိုးဒီဇယ် (၂၄၉၅)ကျပ်၊ ပရီမီယမ်ဒီဇယ် (၂၇၇၀) ကျပ်ဖြစ်ကြောင်းသိရှိရသည်။ ယခင်တစ်ပတ်တွင် စက်သုံးဆီ တစ်လီတာဈေးနှုန်းများမှာ 92 Octance ဓါတ်ဆီ (၂၄၃၅)ကျပ်၊ 95 Octance ဓါတ်ဆီ (၂၄၇၅)ကျပ်၊ ရိုးရိုးဒီဇယ် (၂၃၉၅)ကျပ်၊ ပရီမီယမ်ဒီဇယ်(၂၇၁၀)ကျပ်ဖြစ်ခဲ့ကြောင်းသိရှိရသည်။ ယခင်အပတ်ထက် ယခုဇန်နဝါရီလ နောက်ဆုံးပတ်တွင်  ပြောင်းလဲခဲ့သော စက်သုံးဆီ တစ်လီတာဈေးများနှုန်းများအနေဖြင့် 92 Octance ဓါတ်ဆီတွင် (၅)ကျပ်လျော့နည်းခဲ့ကြောင်း၊ ရိုးရိုးဒီဇယ်တွင်(၁၀၀)ကျပ်၊ ပရီမီယမ်ဒီဇယ်တွင်(၆၀)ကျပ်မြင့်တက်ခဲ့ပြီး 95 Octance ဓါတ်ဆီတွင် ဈေးနှုန်းပြောင်းလဲမှုမရှိကြောင်းသိရှိရသည်။

DOCA(မန္တလေး)

     စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ်ချက် များကို ဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်း သိုလှောင် ဖြန့်ဖြူးခြင်း လုပ်ငန်း ကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်း သိရပါသည်။

          ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

          ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့်ဈေးနှုန်းဖြစ်ပေါ်မှု များအရ ၂၀၂၆ ခုနှစ်၊ ဖေဖော်ဝါရီလ  ၆  ရက်နေ့မှ ၁၂  ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင်ငွေကျပ် ၆,၂၀၀ ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီကအသိပေး ထုတ်ပြန် ကြေညာထားကြောင်း သိရှိရပါ​သည်။       

          ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်  ဈေးနှုန်း မြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင် ရွက်သွားမည် ဖြစ်ကြောင်း သိရှိရသည်။

          စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ် သောကြာနေ့တိုင်း ထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်း သိရှိရပါသည်။

            နှင်းဆီသည် အခါသမယတစ်ခုစီတွင် အဓိပ္ပါယ်အမျိုးမျိုးရှိသော်လည်း ဖေဖော်ဝါရီ 14 တွင် "ချစ်သူများပွဲ"အတွက်နှင်းဆီပန်းပေးပို့ခြင်းသည် ချစ်ခြင်းမေတ္တာနှင့် စိတ်အားထက်သန်မှုကို ကိုယ်စားပြုပြီး လက်ဆောင်အတွက် အနီရောင်ဖြစ်ရပါမည်။ အနီရောင်နှင်းဆီသည် နက်ရှိုင်းသည့် အချစ်၏ ကိုယ်စားအဖြစ်သတ်မှတ်ပြီး Valentine’s Day အတွက် ပြီးပြည့်စုံသောလက်ဆောင်တစ်ခု ဖြစ်ပါသည်။ ချစ်သူများနေ့သည်  မိမိရဲ့ချစ်သူ၊ မိမိချစ်ခင်လေးစားတန်ဖိုးထားရသော မိခင်၊ ဖခင်၊ ဆရာ၊ သူငယ်ချင်း၊ မိတ်ဆွေတွေကိုတန်ဖိုးထားပေးသောလက်ဆောင်တစ်ခုပင်ဖြစ်ပါသည်။ အနီရောင်နှင်းဆီသည်Valentine’s Day အတွက် ပြီးပြည့်စုံသောလက်ဆောင် အဖြစ်လူအများအကြား ရေပန်းစားသော အရောင်ဖြစ်သောကြောင့် ဝယ်ယူမှုအများဆုံးပန်းဖြစ်ပါသည်။ ချစ်သူများနေ့သည် မိခင်နေ့ပြီးနောက် ပန်းများအရောင်းရဆုံးသောကာလဖြစ်ပါသည်။ နိုင်ငံတကာတွင် ချစ်သူများနေ့အဖြစ် ချစ်သူစုံတွဲတိုင်း ကြည်နူးစွာကျင်းပကြသည့်နေ့တစ်နေ့ဖြစ်ပြီး၊ ကြည်နူးဖွယ် အမှတ်တရလက်ဆောင်များ ပြင်ဆင်ပေးကြသည့် နေ့တစ်နေ့ဖြစ်သည်။အထူးသဖြင့် Valentine’s Day  နီးလာသဖြင့် နှင်းဆီပန်းရဲ့ စျေးနှုန်းကမြင့်တက်လာပြီး ပန်းတစ်ပွင့်ကို ကျပ် ၇၀၀/၇၅၀/-ရောင်းချခဲ့ကြောင်းသိရပါသည်။ သီးသန့်အထူးစိုက်ပျိုးတဲ့ နှင်းဆီပန်းဆိုရင်စျေးနှုန်းနှစ်ဆထိမြင့်တက်ခဲ့ပါတယ်။အလှဆင်ထားသည့်ပန်းစည်းသည်ပိုမိုရောင်းအားကောင်းပြီး ပန်းစည်းအလှဆင်လုပ်ငန်းများလည်း VDay နေ့မရောက်ခင်ကတည်းကကြိုတင် မှာယူထားမှုများရှိပြီး ရောင်းအားကောင်းလျက်ရှိကြောင်း၊ လှပသောဒီဇိုင်းတွေနဲ့ ဖန်တီးထားတဲ့ ပန်းလက်ဆောင်များကတော့ Chocolate Bouquets,Mini Toy Bouquets,single Toy Bouquets,Giant Floral Bouquets, Hearts-shaped Bouquets, floral Round shaped Boxes, Mini Liquor  Bouquets , Heart –Shaped Chocolate Boxes များအား ပန်းအလှဆင်လုပ်ငန်းများတွင် အလွယ်တကူ ကြိုတင်မှာယူရရှိနိုင်ကြောင်း၊ ပေးပို့လိုသော နေရာအရောက်ပို့ဆောင်ပေးကြောင်း၊ ခရီးအနီးအဝေးပေါ်မူတည်၍ Delivery Service  ကျသင့်မှာဖြစ်ကြောင်း၊  ပန်းအလှဆင် လုပ်ငန်းများတွင် တစ်နေ့လျှင် ပန်းစည်း ၅၀ မှ ၁၀၀ ထိ ရောင်းကုန်ကာ ဒီနှစ်မှာ VDay  နေ့ မရောက်ခင် ဝန်းကျင်ထဲက ပန်းစျေးနှုန်းနဲ့ ရောင်းချရတဲ့ ပမာဏ နှစ်ခုလုံး တိုးတက်များပြားကြောင်းသိရပါသည်။

ပိုက်ဆံပန်းစည်း ၁၀ ရွက်      -         ၂၀၀၀၀ ကျပ်

ပိုက်ဆံပန်းစည်း ၁၅  ရွက်     -         ၂၅၀၀၀ ကျပ်

ပိုက်ဆံပန်းစည်း ၂၀  ရွက်     -         ၃၀၀၀၀ ကျပ်

ပိုက်ဆံပန်းစည်း ၂၅  ရွက်     -         ၃၅၀၀၀ ကျပ်

ပိုက်ဆံပန်းစည်း ၃၀  ရွက်     -         ၄၀၀၀၀ ကျပ် (၅)ရွက်ပိုလျှင် ကျပ် ၅၀၀၀ ပို၍ ကျမည်ဖြစ် ကြောင်း၊ ပန်းပါလျှင်ပန်းဖိုးထပ်ပေါင်းကျသင့်မည်ဖြစ်ကြောင်း၊ ၅၀၀၀ ကျပ်တန် အရွက်(၁၀၀)လျှင် ပန်းဖိုးလက်ခအပါအဝင် ကျပ် ၁၃၀၀၀၀/ ဖြစ်ပြီး ပန်းအစိုဈေးနှုန်းများကတော့ ကျပ် ၃၀၀၀၀/-မှပန်းအရေအတွက်ပေါ်မူတည်ပြီးဈေးနှုန်းကျပ်၈၀၀၀၀-၁၀၀၀၀၀/ထိရှိကြောင်း သိရှိရပါသည်။

DOCA(မန္တလေး)