ပြည်တွင်းကုန်သွယ်မှုသတင်း

        မိုးရာသီမန္တလေးပန်းစျေးကွက်သို့မန္တလေးတိုင်းဒေသကြီးရှိ အမရပူရခရိုင်၊ပြင်ဦးလွင်ခရိုင်၊ ကျောက်ဆည်ခရိုင်၊မိတ္တီလာခရိုင်နှင့်မြင်းခြံခရိုင်တို့မှထွက်သည့်ပန်းများ၊ စစ်ကိုင်းတိုင်း ဒေသကြီး နှင့် ရှမ်းပြည်နယ်၊ တောင်ကြီးဒေသတို့မှ ထွက်ရှိသည့်နှင်းပန်းများဝင်ရောက်လျက်ရှိပြီး၊အရောင်း သွက် လျက်ရှိကြောင်းသိရှိရပါသည်။ ၂၀၂၅ ခုနှစ်စက်တင်ဘာလဒုတိယပတ်အတွင်းဖြစ်ပေါ်သည့် လက်လီစျေးနှုန်းများမှာ နှင်းပန်း(၅ခက်ပါ)၁စီးလျှင်၁၅၀၀ကျပ်နှင့်၂၀၀၀ကျပ်စျေးတို့ဖြင့်ရောင်းချ လျှက်ရှိကြောင်းသိရှိရပါသည်။ဝါတွင်းကာလဘုရားပွဲနှင့်အလှူပွဲတော်များကျင်းပသည့်အချိန်ဖြစ်၍ နှင်းပန်းမှာ  စျေးကွက်အတွင်း ဝယ်ယူမှုများပြားလျက်ရှိကြောင်း သိရှိရပါသည်။

DOCA(မန္တလေး)

       ရန်ကုန်တိုင်းဒေသကြီး၊ လှိုင်မြို့နယ်အတွင်းရှိ ရွှေပိတောက်ငါးဈေးတွင် (၂၃.၉.၂၀၂၅) တွင် ဝင်ရောက်ခဲ့သော ရေချိုငါးများမှာ ငါးမြစ်ချင်း တစ်ပိဿာ အနိမ့်ဆုံး ၉၀၀၀ မှ အမြင့်ဆုံး ၁၂၀၀၀ ကျပ်၊ ငါးကြင်း တစ်ပိဿာ ၁၀၀၀၀ မှ ၁၇၅၀၀ ကျပ်၊ ငါးသလောက် တစ်ပိဿာ ၁၈၀၀၀ မှ ၉၀၀၀၀ ကျပ်၊ ငါးခေါင်းပွ တစ်ပိဿာ ၇၅၀၀ မှ ၁၀၀၀၀ ကျပ်၊ ငါးဘတ် တစ်ပိဿာ ၁၇၀၀၀ မှ ၃၀၀၀၀ ကျပ်၊ ကကတစ် တစ်ပိဿာ ၁၈၀၀၀ မှ ၃၀၀၀၀ ကျပ်၊ ငါးနုသန်း တစ်ပိဿာ ၁၅၀၀၀ မှ ၁၈၀၀၀ ကျပ်၊ ငါးခူ တစ်ပိဿာ ၇၀၀၀ မှ ၃၃၀၀၀ ကျပ်၊ ငါးကျည်း တစ်ပိဿာ ၁၇၀၀၀ မှ ၂၂၀၀၀ ကျပ်၊ ငါးဖီးမ တစ်ပိဿာ ၈၀၀၀ မှ ၁၁၀၀၀ ကျပ်၊ ငါးမုတ် တစ်ပိဿာ ၆၅၀၀ မှ ၈၅၀၀ ကျပ်၊ ငါးတန်(မြစ်) တစ်ပိဿာ ၁၃၀၀၀ မှ ၂၀၀၀၀ ကျပ်၊ ငါးတန်(မွေး) တစ်ပိဿာ ၇၀၀၀ မှ ၉၀၀၀ ကျပ်၊ ငါးခုံးမ တစ်ပိဿာ ၆၀၀၀ မှ ၇၀၀၀ ကျပ်၊ ငါးရံ့ တစ်ပိဿာ ၁၃၀၀၀ မှ ၂၈၀၀၀ ကျပ်၊ ငါးပုတ်သင် တစ်ပိဿာ ၁၂၀၀၀ မှ ၁၅၀၀၀ ကျပ်၊ ငါးပုဏ္ဏား တစ်ပိဿာ ၁၃၀၀၀ မှ ၁၈၀၀၀ ကျပ်၊ ပုဇွန်(ကျော့) တစ်ပိဿာ ၂၀၀၀၀ မှ ၆၀၀၀၀ ကျပ်၊ ပုဇွန် တစ်ပိဿာ ၂၃၀၀၀ မှ ၅၅၀၀၀ ကျပ်၊ ငါးမျက်ကြယ် တစ်ပိဿာ ၆၀၀၀ မှ ၉၀၀၀ ကျပ်၊ ပီဇာ တစ်ပိဿာ ၆၅၀၀ မှ ၈၀၀၀ ကျပ်၊ ငါးနှပ်(အာပြဲခြောက်) တစ်ပိဿာ ၃၅၀၀ မှ ၅၀၀၀ ကျပ်၊ ကင်းမွန် တစ်ပိဿာ ၂၀၀၀၀ မှ ၃၆၀၀၀ ကျပ်၊ ပလာတူး တစ်ပိဿာ ၆၅၀၀ မှ ၈၀၀၀ ကျပ်၊ ရွှေငါး တစ်ပိသာ ၆၅၀၀ မှ ၈၅၀၀ ကျပ်၊ ပြည်ကြီးငါး တစ်ပိဿာ ၂၀၀၀၀ မှ ၆၀၀၀၀ ကျပ်တို့ရှိကြောင်း ရွှေပိတောက် ငါးဈေးထံမှ စုံစမ်းသိရှိရပါသည်။

DOCA (ရန်ကုန်)

           ၂၃.၉.၂၀၂၅ ရက်နေ့ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ကြက်သွန်ဖြူ ကြူကုတ် (ရှယ်) တစ်ပိဿာ ဈေးနှုန်းများမှာ အမြင့်ဆုံးဈေး ကျပ် ၁၂၅၀၀/၁၃၀၀၀ ၊ အောင်ပန်းထူး-၂ ကျပ် ၃၀၀၀ ၊  အောင်ပန်းထူး-၃ ကျပ် ၄၀၀၀၊ အောင်ပန်းထူး-၄ ကျပ် ၅၀၀၀၊ အောင်ပန်းထူး-၅ ကျပ် ၆၀၀၀၊ ကြက်သွန်နီ ဈေးနှုန်းများမှာ ဆိပ်ဖြူ(သစ်) ရှယ် ကျပ် ၁၇၅၀/၁၈၀၀ ၊ ဆိပ်ဖြူ(သစ်)လတ်ကြီး ကျပ်  ၁၃၅၀/၁၄၀၀၊  ဆိပ်ဖြူ(သစ်)လတ်သန့် ကျပ် ၁၁၀၀/၁၁၅၀၊ ဆိပ်ဖြူ(သစ်) လတ် ချော ကျပ် ၆၀၀၊ မြင်းခြံ (သစ်) ရှယ် ကျပ် ၁၅၀၀၊ မြင်းခြံ(သစ်) လတ်ကြီး ကျပ် ၁၂၀၀၊ မြင်းခြံ(သစ်) လတ်သန့် ကျပ် ၁၂၀၀၊ မြင်းခြံ(သစ်) လတ်ချော ကျပ် ၉၀၀၊ မုံရွာ(သစ်) ရှယ် ကျပ် ၁၉၀၀၊  မုံရွာ(သစ်) လတ်ကြီး ကျပ် ၁၅၀၀၊ မုံရွာ(သစ်) လတ်သန့် ကျပ် ၁၂၅၀၊ မုံရွာ(သစ်) လတ်ချော ကျပ် ၈၀၀၊ ပခုက္ကူ(သစ်) ရှယ် ကျပ် ၁၅၅၀၊  ပခုက္ကူ (သစ်) လတ်ကြီး ကျပ် ၁၄၅၀၊ ပခုက္ကူ (သစ်) လတ်သန့် ကျပ် ၈၅၀၊ ပခုက္ကူ (သစ်) လတ်ချော ကျပ် ၆၀၀၊ တောင်သာ (သစ်) ရှယ် ကျပ် ၁၀၅၀၊  တောင်သာ (သစ်) လတ်ကြီး ကျပ် ၁၀၀၀၊ တောင်သာ (သစ်) လတ်သန့် ကျပ် ၈၅၀၊ တောင်သာ (သစ်) လတ်ချော ကျပ် ၅၀၀ အသီးသီး ရှိကြကြောင်း ကုန်စည်ဒိုင်မှ စုံစမ်းသိရှိရပါသည်။ အာလူးတစ်ပိဿာ ဈေးနှုန်းများမှာ အောင်ပန်း OK (သစ်) ကျပ် ၅၅၀၀၊ အောင်ပန်း A1(သစ်) ကျပ် ၄၅၀၀၊ အောင်ပန်း S 1 (သစ်) ကျပ် ၆၀၀၀ ၊ တရုတ်အာလူး ကျပ် ၆၅၀၀/၆၇၀၀ ရှိကြောင်း သိရှိရပါသည်။ ယခုတစ်ပတ်တွင် ကြက်သွန်ဖြူ ဈေးနှုန်းများမှာ ကြူကုတ် (ရှယ်) တစ်ပိဿာလျှင် ကျပ် ၁၅၀၀/၂၀၀၀ ဈေးကျပြီး၊ အောင်ပန်း ကြက်သွန်ဖြူမှာ တစ်ပိဿာလျှင် ကျပ် ၅၀၀ ဈေးကျပါကြောင်း၊ ကြက်သွန်နီ ဈေးနှုန်းမှာ  တစ်ပိဿာလျှင် ကျပ် ၅၀ မှ ၁၀၀ အတက်အကျရှိပြီး  အောင်ပန်းအာလူးဈေးနှုန်းများမှာ တစ်ပိဿာ လျှင် ကျပ် ၅၀၀ ဈေးနှုန်းတက်လျက်ရှိကြောင်း  သိရှိရပါသည်။

DOCA (ရန်ကုန်)

          ကျွန်းလှမြို့နယ်အတွင်းရှိ ကျေးရွာများတွင် ဒေသထွက် ပေါ်ဦးပေါ်ဖျား မျှစ်စိမ်းများကို  ရှာဖွေ၍ ဈေးကွက်အတွင်းသို့ ရောင်းချကာ မျှစ်များ လှိုင်လှိုင်ပေါလာသည့်အတွက် ဈေးနှုန်း ကျဆင်းပြီး အရောင်း အဝယ်ဖြစ်လျက်ရှိကြောင်း သိရှိရပါသည်။

       စက်တင်ဘာလ တတိယပတ်အတွင်း ကျွန်းလှမြို့၌ ရောင်းချလျက်ရှိသော မျှစ်စိမ်း နှင့် မျှစ်ပြုတ် ဈေးနှုန်းအနေဖြင့်  မျှစ်စိမ်း တစ်ပိဿာလျှင်(၃၀၀၀)ကျပ်၊ (၅၀)ကျပ်သားလျှင်(၁၅၀၀)ကျပ်၊ မျှစ်ပြုတ် တစ်ပိဿာလျှင်(၃၅၀၀)ကျပ်၊ (၅၀)ကျပ်သားလျှင်(၁၈၀၀)ကျပ် ဈေးနှုန်းတို့ဖြင့် ရောင်းချလျက်ရှိခဲ့ပြီး ယခု စက်တင်ဘာလ စတုတ္ထပတ်အတွင်း ကျွန်းလှမြို့၌ ရောင်းချလျက်ရှိသော မျှစ်စိမ်း နှင့် မျှစ်ပြုတ် ဈေးနှုန်းအနေဖြင့်  မျှစ်စိမ်း တစ်ပိဿာလျှင်(၃၀၀၀)ကျပ်၊ (၅၀)ကျပ်သားလျှင်(၁၅၀၀)ကျပ်၊ မျှစ်ပြုတ် တစ်ပိဿာလျှင်(၄၀၀၀)ကျပ်၊ (၅၀)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ် လျက်ရှိသောကြောင့် ယခင် အပတ်ထက် မျှစ်ပြုတ် တစ်ပိဿာလျှင်(၅၀၀)ကျပ် ဈေးနှုန်းထပ်မံ မြင့်တက် လျက်ရှိကြောင်း မျှစ်သည် ရှားပါးပြီး အရသာမှာ အဆိမ့်ဓါတ်ပိုပြီး စားကောင်းသောအချိန် ဖြစ်သည့် အတွက် ဈေးမြင့်တက်သော်လည်း  အရောင်းအဝယ်ဖြစ်လျက်ရှိကြောင်း သိရပါသည်။

DOCA(စစ်ကိုင်း)

       ကျွန်းလှမြို့၊ သစ်ရာမြိုင်ဈေးအတွင်းတွင် ကုန်မျိုးစုံဆိုင်များ ရောင်းချလျက်ရှိရာမှ မြန်မာ့ရိုးရာ အစားအစာတစ်ခုဖြစ်သည့် ဆန်လှော်မ‌ရွေးကိုလည်း ရောင်းချလျက်ရှိကြောင်း၊ ဆန်လှော်မရွေးကိုလည်း သဘာဝဆန်ကြမ်းဖြင့် ပြုလုပ်ပြီး ထန်းလျက်‌‌ရေ ၊ ကြံသကာရေ ‌လောင်းထား‌သော မြန်မာမုန့်ဖြစ်ပြီး ဆန်ခွေကြော် ကိုတော့ ကောက်ညှင်းဆန်အဖြူဖြင့် ပြုလုပ်ရကြောင်း ဆန်လှော်မရွေးကို ရွှေဘိုမြို့မှ မှာယူရောင်းချလျက်ရှိကြောင်း သိရသည်။

        ၂၀၂၅ ခုနှစ်၊ ယခု စက်တင်ဘာလ စတုတ္ထပတ်အတွင်း သစ်ရာမြိုင်ဈေး၌ ဖြစ်ပေါ်နေ‌သော ဆန်လှော်မ‌ရွေး ဈေးနှုန်းအနေဖြင့် ဆန်လှော်မ‌ရွေး တစ်ပိဿာလျှင်(၈၀၀၀)ကျပ်၊ (၅၀)ကျပ်သားလျှင် (၄၀၀၀)ကျပ် (၂၅)ကျပ်သားလျှင်(၂၀၀၀)ကျပ် ဈေးနှုန်းတို့ဖြင့်လည်းကောင်း အလားတူပင် ဆန်ခွေကြော် (၁၀)ခုပါ တစ်ထုတ်လျှင်(၁၅၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင်ဈေးတွင် ကုန်မျိုးစုံ ရောင်းချသည့် ဈေးသည်ထံမှ သတင်းရရှိ ပါသည်။

DOCA(စစ်ကိုင်း)