ပြည်တွင်းကုန်သွယ်မှုသတင်း

         မိတ္ထီလာခရိုင်အတွင်း စပါးအများဆုံးစိုက်ပျိုးသော ဝမ်းတွင်းမြို့နယ်၌ ဒီဇင်ဘာလမှစ၍ မိုးစပါးများ အရောင်းအဝယ်ဖြစ်လာကြောင်း သိရသည်။ မိုးစပါးအသစ်များမှာ နှစ်စဉ် ဒီဇင်ဘာ၊ ဇန်နဝါရီလများတွင် ထွက်ရှိရာ ဝမ်းတွင်းမြို့နယ်တွင် မနောသုခ၊ ဧရာပဒေသာစပါးများအပြင် ပေါ်ဆန်း (ဘေးကြား) များလည်း စိုက်ပျိုးသဖြင့် အရောင်းအဝယ်ဖြစ်ကြောင်း သိရသည်။ ယခုနှစ်အသစ်ထွက်ရှိလာသော မိုးစပါးဈေးနှုန်းများမှာ မနောသုခတစ်တင်းလျင် ၂၀၀၀၀/၂၂၀၀၀ ကျပ်၊ ဧရာပဒေသာတစ်တင်းလျင် ၃၀၀၀၀/၃၂၀၀၀ ကျပ်၊ ပေါ်ဆန်း(ဘေးကြား)မှာ ၄၀၀၀၀ ကျပ်ဈေးရှိပြီး ယခင်နှစ် စပါးသစ်ဈေးမှာ မနောသုခတစ်တင်းလျင် ၂၀၀၀၀ ကျပ်၊ ဧရာပဒေသာ တစ်တင်းလျင် ၃၀၀၀၀ ကျပ်ရှိခဲ့ကြောင်း သိရသည်။

          ယခုဇန်နဝါရီလစတုတ္ထပတ်တွင် ဆန်သစ်ဈေးအနေဖြင့် မနောသုခတစ်အိတ်လျင် ၆၅၀၀၀ ကျပ်၊ ဧရာပဒေသာတစ်အိတ်လျင် ၁၁၅၀၀၀ ကျပ်၊ ပေါ်ဆန်း(ဘေးကြား)တစ်အိတ်လျင် ၁၃၀၀၀၀ ကျပ်ဈေးရှိပြီး ဆန်သစ်ဖြစ်၍ အရောင်းအဝယ်အေးကြောင်း သိရသည်။

          မိတ္ထီလာခရိုင်အတွင်း စပါးကို မိုးစိုက်အနေဖြင့် စိုက်ပျိုးမှုများပြီး ခရိုင်အတွင်း မိတ္ထီလာ၊ မလှိုင်၊ သာစည်၊ ဝမ်းတွင်းမြို့နယ်(၄)မြို့နယ်အနက် ဝမ်းတွင်းမြို့နယ်မှာ အများဆုံးစိုက်ပျိုးကြောင်းနှင့် ယခုနှစ် မိုးစပါးတစ်ဧကလျင် တင်း(၈၀)ဝန်းကျင် ထွက်ရှိကြောင်း စပါးစိုက်ပျိုးသည့်တောင်သူနှင့် စက်ပိုင်ရှင်များထံမှ သိရှိရပါသည်။

DOCA(မန္တလေး)

    တနင်္သာရီတိုင်းဒေသကြီး၊ မြိတ်ခရိုင်သည် ပင်လယ်ဝန်ရံလျက်ရှိသည့်အပြင် ကမ်းရိုးတန်း ဒေသဖြစ်သည့်အတွက် ဂုံး၊ ပုဇွန်၊ ဂဏန်းများကို ဖမ်းဆီးရရှိပြီး စီးပွားဖြစ် လုပ်ကိုင်ကြလျက်ရှိရာ သဲဂဏန်းဖမ်းဆီးခြင်းနှင့် စီးပွားဖြစ်မွေးမြူခြင်းများလည်း ရှိကြပါသည်။  သဲဂဏန်းကိုယ်ထည်အရွယ်အစားမှာ သေးငယ်ပြီး ပင်လယ်လှိုင်းရိုက်တဲ့ ကမ်းခြေသဲပေါ်မှာ အများဆုံးတွေ့ရှိရသည်။ ပိုက်များဖြင့် ဖမ်းယူကြပြီး ကမ်းရိုးတန်းများတွင် လက်ဖြင့်လည်းဖမ်းယူကြသည်။

   ဖမ်းဆီးရမိသော ဂဏန်းများကို ဒေသတွင်းစျေးများတွင်‌ရောင်းချကြသလို စျေးကြီးနှင့် လေလံစျေးများတွင်လည်း ရောင်းချကြသည်။ စီးပွားဖြစ်မွေးမြူကြသော ဂဏန်း(ဂဏန်းပျော့)များ ကိုမူ  ပြည်ပနိုင်ငံများသို့တင်ပို့ရောင်းချမှုများပြားပြီး ပြည်တွင်းစျေးကွက်သို့လည်း တင်ပို့ရောင်းချကြ ကြောင်းသိရှိရ ပါသည်။ အချို့ဖမ်းဆီးရမိသောဂဏန်းများကို စက်ရုံများတွင် ချိတ်ဆက်၍ ရောင်းချကြကြောင်း သိရှိရပါသည်။

     ၂၀၂၆ခုနှစ်၊ ဖေဖော်ဝါရီလ(၃)ရက်နေ့စျေးနှုန်းအရ မြိတ်ဒေသတွင်လက်ကားရောင်းချနေသော သဲဂဏန်းအငယ်တစ်ပိဿာစျေးနှုန်းမှာ တစ်ပိဿာလျှင် ၁၄၀၀၀ကျပ်ခန့်ရှိနေပြီး စျေးများတွင် ရောင်းချသော သဲဂဏန်းအငယ်တစ်ပိဿာမှာ ၁၅၀၀၀ကျပ်ခန့်ရှိကြောင်း သိရှိရပါသည်။

DOCA(တနင်္သာရီ)

             မအူပင်ခရိုင်၊ ပန်းတနော်မြို့နယ်တွင် လယ်ယာစိုက်ပျိုးခြင်း၊ သီးနှံစိုက်ပျိုးခြင်းများရှိပြီး အခြားသီးပင်/ စာပင်များကိုစိုက်ပျိုးလုပ်ကိုင်လျက်ရှိရာ ပန်းတနော်မြို့နယ်  ရန်ကုန်-ပုသိမ်ကားလမ်းဘေးတွင် ထိုင်ဝမ်သကြားပြောင်းဖူး စိုက်ပျိူးလျက်ရှိသည်၊၊ ပြောင်းသီးနှံစိုက်ပျိုးခြင်းမှ တောင်သူ ဝင်ငွေပိုမိုရရှိလျက်ရှိကြောင်း သိရှိရသည်။ စိုက်ပျိုးသော ဧကအနေဖြင့် (၀.၂၅)ဧကတွင်စိုက်ပျိုးထားကြောင်း သိရသည်။

           စိုက်ပျိုးသော ထိုင်ဝမ်သကြားပြောင်းမျိုးအနေဖြင့် နံပါတ်(၇၀၂) ထိုင်ဝမ်အမျိုးအစားဖြစ်ကြောင်း၊ ပြောင်းစိုက်ပျိုးချိန်မှာ ၂၀၂၅ခုနှစ် နိုဝင်ဘာလတွင် စတင်စိုက်ပျိုးပြီး စိုက်ပျိုးပြီး(၂)လအကြာတွင် အဖူးများစတင်ထွက်ရှိကြောင်း၊ ယခု စိုက်ဧကတွင် အပင်(၅၀၀၀)ကိုစိုက်ပျိုးထားရှိကြောင်း၊ စိုက်ပျိုးမှုကုန်ကျစရိတ်အနေဖြင့် မျိုးစေ့နှင့် လုပ်အားခအပါအဝင် စုစုပေါင်းငွေကျပ်(၂ ၀၀၀ ၀၀၀)ခန့်ကုန်ကျမှုရှိကြောင်း၊ ပြောင်းဖူးများ ၂၀၂၆ခုနှစ် ဇန်နဝါရီလတည်းက ထွက်ရှိနေပြီး တစ်ပင်လျှင်(၂)ဖူးနှုန်းဖြင့် အဖူး(၁၀၀၀၀)ခန့်ရရှိပြီး လက်ကားဈေး (၁)ဖူးလျှင် (၄၀၀) ဖြင့် အရောင်းအဝယ်ဖြစ်နေပြီး အကျိုးအမြတ်အနေဖြင့်  ငွေကျပ် ပျမ်းမျှ (၁ ၇၀၀ ၀၀၀) ခန့် အကျိုးအမြတ်ကျန်ရှိကြောင်း စိုက်ပျိုးသူတောင်သူများအဆင်ပြေ၍ နှစ်စဉ်စိုက်ပျိုးလျက်ရှိကြောင်း သိရှိရပါသည်။

DOCA(ဧရာဝတီ)

            မအူပင်ခရိုင်၊ ညောင်တုန်းမြို့နယ်သည် လယ်ယာမြေစိုက်ပျိုးခြင်း၊ မွေးမြူရေးလုပ်ငန်းပြုလုပ်ခြင်း လုပ်ငန်းတို့ဖြင့် ဖွံ့ဖြိုးတိုးတက်သော မြို့နယ်တစ်ခုဖြစ်သည်။ ညောင်တုန်းမြို့နယ် နေ့စဉ် စပါးဝယ်ယူနေပြီး(၂၆-၁-၂၀၂၆ မှ  ၃၁-၁-၂၀၂၆) ရက်နေ့တွင် မြို့နယ်တွင်းနှင့် တိုင်းဒေသကြီးအတွင်း အခြားမြို့နယ်များမှ စပါးများကို ဝယ်ယူလျက်ရှိကြောင်း သိရသည်။

        စပါးဝယ်ယူမှုအနေဖြင့် ဇန်နဝါရီလ နောက်ဆုံးပတ်အတွင်း ဖန်သီသုခစပါးအစို (၁၂၈၇)တင်း ဘောလယ် ကျေးရွာမှ ငွေကျပ် ၁၈၁၀၀၀၀/-ကျပ်ဖြင့် ဝယ်ယူခြင်း၊ ကရင်မစပါးအခြောက်  (၈၃၆၆)တင်း ငွေကျပ် ၁၄၆၀၀၀၀/-ဖြင့်၊ မအူပင်မြို့နယ်မှ ဝယ်ယူခြင်း၊ အသွယ်စပါး အစို (၁၆၃၄)တင်း ငွေကျပ် ငွေကျပ်၁၂၆၆၅၀၀/-ကျပ်၊ ဆင်းသုခစပါး (၁၁၈၈၀)တင်း ငွေကျပ်၊ ၁၄၅၃၀၀၀/-ကျပ် ဖြင့် လေးမျက်နှာကျေးရွာမှ စပါးအခြောက် ဝယ်ယူခဲ့ပြီးခဲ့ပြီး ဝယ်ယူသော ကုမ္ပဏီမှာ ညောင်တုန်းမြို့နယ်မှ ရွှေဝါနဒီကုမ္ပဏီမှ (၅၀)ပေါင် စပါးတင်း (၁၀၀)ဈေးနှုန်းဖြင့် ဝယ်ယူခဲ့ခြင်းဖြစ်သည်။

          GoodBrother ကုမ္ပဏီမှ ဆင်းသုခစပါး (၂၂၉၃)တင်း ငွေကျပ်၊ ၁၄၆၈၀၀၀/-ကျပ်၊   GW-11 စပါးအခြောက် (၇၅၄၁)တင်း ငွေကျပ်၊ ၁၃၉၀၀၀၀/-ဖြင့် ကျောင်းကုန်းမြို့မှလည်းကောင်း၊ ကရင်မစပါး (၁၁၁၀၆)တင်း ငွေကျပ်၊ ၁၄၇၀၀၀၀/-ကျပ်၊ဖြင့် ညောင်တုန်းမြို့နယ်မှဝယ်ယူခဲ့ပြီး ပေါင်(၅၀) တင် ၁၀၀နှုန်းဖြင့်ဝယ်ယူခဲ့ကြောင်း၊ Thepetual ကုမ္ပဏီမှ (၃၀-၁-၂၀၂၆) ရက်နေ့က ဆင်းသုခစပါး (၄၆၀၀)တင်း ဈေးနှုန်း ၁၄၇၀၀၀၀/-ကျပ်ဖြင့် အခြောက်ဝယ်ယူခဲ့ကြောင်းသိရပြီး နေ့စဉ် ကုမ္ပဏီများမှ စပါးဝယ်ယူမှုများကို မြို့နယ်ဦးစီးမှုးရုံးသို့ နေ့စဉ် စပါးဝယ်ယူမှုရှိ/ မရှိ အခြေအနေစာရင်းအား  ပြုစုပေးပို့ဆောင်ရွက်လျက်ရှိကြောင်း သိရှိရပါသည်။

DOCA(ဧရာဝတီ)

     ကျိုက်မရောမြို့နယ် ကလိုင်းကနိုင်ကျေးရွာတွင် စီးပွားဖြစ်ဘူးသီးများ စိုက်ပျိုးကြရာ ဈေးကောင်းရသဖြင့် မိသားစုဝင်ငွေရရှိကာ စီးပွားရေးအဆင်ပြေလျက်ရှိကြောင်း သိရသည်။ ကျိုက်မရောမြို့နယ်သည် ရာသီဥတုကောင်းမွန်ကာ မြေဩဇာကောင်းမွန်လှသဖြင့် တောင်သူများအနေဖြင့် စိုက်ပျိုးရေးကို အဓိကစီးပွားရေးအဖြစ် လုပ်ကိုင်ကြရာ ဆောင်းရာသီ သီးနှံတစ်မျိူးဖြစ်သည့် ဘူးသီးကို စီးပွားဖြစ် စိုက်ပျိုးလာကြပါသည်။

    ဘူးသီးစိုက်ပျိုးရာတွင် ဘူးသီးစေ့ကို ပျိုး၍ အညွန့်ထွက်လာလျှင် စင်ပေး၍ စနစ်တကျစိုက်ပျိုးကြပြီး ဘူးသီးပင်သည် အအေးကြိုက်သဖြင့် တစ်ရက်ခြား ရေပေးရကြောင်း အညွှန့်များလာသည့်အခါ အသီးမပါသည့် အညွန့်တွေကို ဖြတ်ပြီး သီးသန့်ရောင်း၍ရကြောင်း၊ ဘူးညွှန့်မှာလည်း စားသုံးသူအကြိုက်ဖြစ်၍ ဈေးကောင်း ရကြောင်း၊ အညွှန့်ကြီးတစ်ခုကို ၅၀၀ ကျပ် ရရှိကြောင်း၊ အသီးရှိသည့် အညွှန့်ကို စင်တင်ပေးပြီး အသီးကြီးထွားစေရန် မြေဩဇာအဖြစ် နွားချေးများ ထည့်ပေးရပြီး ပိုးမွှား မကျစေရန် ပိုးသတ်ဆေးလဲ ရက်ခြားဖြန်းပေးရကြောင်း၊ အသီးကောင်းကောင်း သီးလာချိန်တွင် စင်ကောင်းကောင်း ထိုးပေးရကြောင်း၊ ဘူးသီးများကို နှစ်ရက်တစ်ခါခူး၍ တစ်ကြိမ်ခူးလျှင် အနည်းဆုံး အလုံး (၂၀) မှ အလုံး (၃၀) ထိရပြီး တစ်လုံးလျှင် ၃၀၀၀ ကျပ် ရရှိသဖြင့် မိသားစုဝင်ငွေကောင်းနေကြောင်း ဘူးသီးကို စီးပွားဖြစ် စိုက်ပျိုးသူ ဦးစည်သူထံမှ သိရသည်။

DOCA (မွန်)