ပြည်တွင်းကုန်သွယ်မှုသတင်း

          ပဲကြီးသည်အဖြူရောင်ဖြစ်ပြီး များသောအားဖြင့် အရွယ်အစားတူညီလေ့ရှိသည်။ ပဲကြီးသည် ချိုသောအရသာရှိသဖြင့် စွတ်ပြုတ်ပြုလုပ်ရာတွင် အသုံးပြုလေ့ရှိပြီး၊ ဟင်းသီးဟင်းရွက် ဟင်းအဖြစ်သော်လည်းကောင်း၊ ပဲအနှစ်အဖြစ်သော်လည်းကောင်း စားသုံးတတ်ကြပါသည်။ ပဲကြီးကို လှော်၍ဖြစ်စေ၊ ကျော်၍ဖြစ်စေ လဘက်ရည်ကြမ်းဖြင့် တွဲဖက်၍အမြည်းအဖြစ် စားသုံးတတ်ကြပါသည်။ ထို့အပြင် ပဲကြီးအိုးကပ်နှပ်၊ သတ်သတ်လွတ်စားသူများအတွက် သက်သက်လွတ်ပဲကြီးနှပ်၊ ပဲကြီး ဆူးပုတ်ရွက်ဟင်းချိုအဖြစ်လည်းကောင်း၊ ပဲကြီးကို အသားမျိုးစုံဖြင့် မိမိတို့ဒေသကိုလိုက်၍ နည်းမျိုးစုံချက်ပြုတ်စားသောက်ကြကြောင်း သိရှိရပါသည်။ ယခုနောက်ပိုင်းတွင် ပဲကြီးကို Ready made ဗူးများဖြင့် ဈေးကွက်ထဲသို့ design မျိုးစုံဖြင့် တံဆိပ်မျိုးစုံ ဒေသထွက်ကုန်အနေဖြင့် ရောင်းချလာကြပါသည်။ ထို့ကြောင့်ပဲကြီးသည် စီးပွားရေးအရတွက်ခြေကိုက်သော သီးနှံဖြစ်လာသည်အလျောက် တစ်နေ့ထက်တစ်နေ့ စိုက်ပျိုးမှုသည် ပိုမိုများပြားလာခဲ့ပါသည်။ ပဲကြီး၏အကျိုးကျေးဇူးများမှာ များပြားလှပါသည်။ ပဲကြီးပင်ကို သစ်စိမ်းမြေသြဇာ (သို့မဟုတ်) ကျွဲစာ၊ နွားစာအဖြစ်အသုံးပြုကြပါသည်။ ပဲကြီးပင်သည် နိုက်ထရိုဂျင် ဖမ်းယူမှုအားကောင်းသော သီးနှံလည်းဖြစ်ပါသည်။ အသီးတောင့်ကို ဟင်းသီးဟင်းရွက် သီးနှံအဖြစ် စားသုံးကြပါသည်။ အစာချေဖျက်မှုအတွက် အလွန်ကောင်းမွန်လှပါသည်။ ပဲကြီးတွင် ကျန်းမာရေးအတွက် အထောက်အကူပြုသော အမျှင်ဓာတ်များ ပါဝင်ခြင်းကြောင့် ဝမ်းချုပ်ခြင်းမှလည်း ကာကွယ်ပေးပါသည်။ ပဲကြီးကို စားသုံးခြင်းဖြင့် ကိုယ်အလေးချိန်ကျစေသည်။ ပဲကြီးတွင် ပရိုတိန်းဓာတ်များ မြင့်မားစွာပါဝင်သောကြောင့် အစာလည်းဆေး ဆေးလည်းအစာအဖြစ် ကျန်းမာရေးအတွက်များစွာ အထောက်အကူဖြစ်စေပါသည်။ ပဲကြီးသည် စိုက်ပျိုးသောနည်းစနစ် အပေါ်မူတည်၍ သော်လည်းကောင်း၊ မျိုးပေါ်လိုက်၍သော်လည်းကောင်း အထွက်နှုန်း ကွာခြားနိုင်ပါသည်။ တစ်ဟက်တာတွင် အသီးတောင့် ၁၀,၀၀၀ ကီလို မှ ၁၂,၀၀၀ ကီလို အထိ ထွက်ရှိနိုင်ကြောင်း သိရှိရပါသည်။ ပဲကြီး ၅ တန် မှ ၁၀ တန်အထိ တိရိစ္ဆာန်အစာ အဖြစ်သော်လည်းကောင်း၊ သစ်ရွက်စိမ်း မြေသြဇာအဖြစ်သော်လည်းကောင်း သစ်စိမ်းဓာတ်များ ရရှိနိုင်ပါသည်။ ပဲကြီးကို ပြည်မြို့ မြို့မစည်ပင် သာယာဈေးကြီးနှင့် အခြားဈေးများတွင် ပဲကြီးအစိမ်း တစ်ဆယ်သားလျှင် ကျပ် (၁၀၀၀) နှုန်းဖြင့် အရောင်းအဝယ်ဖြစ်လျက်ရှိပါသည်။ ပဲကြီးကို Value added ပြုလုပ်၍ ပဲကြီး ready made အခြောက်ပြုလုပ်၍ တစ်ထုတ်လျှင် ကျပ် (၁၀၀၀) ကျပ်ဖြင့် စားသုံးသူများအနေဖြင့် အချိန်မရွေး လွယ်ကူစွာ ဈေးကွက်ထဲတွင် အလွယ်တကူ ဝယ်ယူစားသုံးနိုင်ခြင်းကြောင့် အရောင်းအဝယ်ဖြစ်ကြောင်း သိရှိရပါသည်။

DOCA(ပဲခူး)

                   စစ်ကိုင်းတိုင်းဒေသကြီး၊ မုံရွာမြို့နယ်အတွင်းရှိ  ကျေးရွာများနှင့် မြို့ပေါ်ရပ်ကွက်များ တွင် ဟင်းသီးဟင်းရွက်စိုက်ပျိုးရေးလုပ်ငန်းများကို အများအပြားလုပ်ကိုင်လျက်ရှိပြီး မိမိပိုင် ယာခင်းများနှင့် ခြံစည်းရိုးများတွင် ရာသီပေါ် ခြံထွက်သီးနှံများ၊ နှစ်ရှည်သီးနှံပင်များနှင့် စားသောက်ကုန် အများအပြား စိုက်ပျိုးရောင်းဝယ်လျက်ရှိသည်။ စိုက်ပျိုးရရှိသော သင်္ဘောသီးများနှင့် ဂွေးချိုသီးများကို မုံရွာမြို့ပေါ်ရှိ မန်ကျဉ်းပင်ဈေးနှင့် သာစည်ဈေးတို့တွင် လာရောက်ရောင်းချကြကြောင်း သိရှိပါသည်။

                    ဇန်နဝါရီလ ဒုတိယပတ်တွင် မန်ကျဉ်းပင်ဈေးနှင့် သာစည်ဈေးတို့တွင် သင်္ဘောသီး အစိမ်းတစ်လုံးလျှင် (၇၀၀/၁၆၀၀) ကျပ်နှင့် အမှည့်တစ်လုံးလျှင် (၃၃၀၀/၄၅၀၀) ကျပ်၊  ဂွေးချိုသီး (၁၄)လုံးပါ တစ်ထုပ်လျှင် (၈၀၀)ကျပ်ဖြင့် ရောင်းလျက်ရှိကြောင်း သိရှိရပါသည်။

DOCA(စစ်ကိုင်း)

                         စစ်ကိုင်းတိုင်းဒေသကြီး၊ မုံရွာမြို့၊ မြသလ္လာဈေးနှင့် သံလမ်းဈေးတို့တွင် မုံရွာမြို့နယ် အတွင်းရှိ ကျေးရွာများဖြစ်သော သပြေပင်ကျေးရွာ၊ ခဝဲကျင်းကျေးရွာနှင့်  မြို့ပေါ်ရပ်ကွက် များမှ  သံပုရာသီးများ လာရောက်ရောင်းချသည့်အတွက် ဈေးကွက်အတွင်းအရောင်းအဝယ် ဖြစ်လျက်ရှိကြောင်း သိရှိရပါသည်။

                          ဇန်နဝါရီလ ဒုတိယပတ်တွင် မုံရွာမြို့ မြသလ္လာဈေး၊ သံလမ်းဈေးနှင့် ရပ်ကွက်ဈေးတို့၌ သံပုရာသီးဈေးနှုန်းမှာ အရွယ်အစား အကြီး/အသေး အပေါ်မူတည်၍ တစ်လုံးလျှင် (၁၅ဝိ/-) ကျပ် (၁၁)လုံးလျှင် (၁၃၀၀) ကျပ်ဖြင့်လည်းကောင်း၊ ရှောက်သီး(အသေး) (၁)လုံး လျှင် (၆၀၀)ကျပ်နှင့် (အကြီး)(၁)လုံးလျှင်(၇၀၀) ကျပ်ထိ ရောင်းချလျက်ရှိကြောင်း ကုန်စိမ်းရောင်းသူများထံမှ သိရှိရပါသည်။

DOCA(စစ်ကိုင်း)

                       စစ်ကိုင်းတိုင်းဒေသကြီး၊ မုံရွာမြို့၊ သံလမ်းဈေးတွင် အသား၊ ငါးများအပြင် လူသုံးကုန် ပစ္စည်းများ၊ ဒေသထွက်အသီးအရွက်များဖြစ်သည့်  မန်ကျည်းသီးအစိမ်းနှင့် မန်ကျည်းသီး အမှည့်များကိုလည်း ရောင်းချလျက်ရှိကြောင်း သိရှိရပါသည်။

                           ၂၀၂၆ ခုနှစ်၊ ဇန်နဝါရီလ ဒုတိယပတ်တွင်  သံလမ်းဈေးတွင် ရောင်းချနေသော  မန်ကျည်းသီးအစိမ်းဈေးနှုန်းမှာ  နို့ဆီဘူး (၁)ဘူးလျှင် (၆၀၀)ကျပ်၊ တစ်ပြည်လျှင် (၄၅၀၀) ကျပ်ဖြင့်လည်းကောင်း၊ မန်ကျည်းသီးအမှည့်ဈေးနှုန်းများမှာ မန်ကျဉ်းသီးမှည့်အစေ့လွတ်  (၁) ပိဿာလျှင် (၆၆၀၀) ကျပ် မှ (၇၄၀၀) ကျပ် ၊ အစေ့ပါ(၁) ပိဿာလျှင် (၅၂၀၀) ကျပ်မှ (၅၅၀၀) ကျပ်ဖြင့်  ရောင်းချလျက်ရှိကြောင်း  သိရှိရပါသည်။

DOCA(စစ်ကိုင်း)

                         စစ်ကိုင်းတိုင်းဒေသကြီး၊ မုံရွာမြို့တွင် ရာသီပေါ်သီးနှံများကို စိုက်ပျိုးရောင်းချလျက်ရှိရာ ယခုအခါ ပဲစောင်းလျားသီးနှင့် ဟင်းနုနွယ်ရွက်များကို မိမိတို့နေအိမ် ခြံဝင်းများတွင်လည်းကောင်း၊ မိမိပိုင်လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ မုံရွာမြို့ပေါ်ရှိ မန်ကျည်းပင်ဈေးနှင့် ရပ်ကွက်ဈေးများတွင် လာရောက်ရောင်းချကြကြောင်း သိရှိရပါ သည်။  

          ၂၀၂၆ ခုနှစ်၊ ဇန်နဝါရီလဒုတိယပတ်တွင် မုံရွာမြို့၊ သာစည်ဈေးတွင် ပဲစောင်းလျားသီး(၂၅)ကျပ်သားလျှင် (၇၀၀)ကျပ်၊ ၁ ပိသာလျှင် (၂၈၀၀)ကျပ်နှင့် ဟင်းနုနွယ်ရွက် ဈေးနှုန်းမှာအစီးသေးတစ်စီးလျှင် (၅၀၀) ကျပ်ဖြင့် ရောင်းချလျက်ရှိကြောင်း ကုန်စိမ်း ရောင်းချသူမျးထံမှ သိရှိရပါသည်။

DOCA(စစ်ကိုင်း)