ပြည်တွင်းကုန်သွယ်မှုသတင်း

တနင်္သာရီတိုင်း မြိတ်ခရိုင်သည် ဆန်းစပါးစိုက်ပျိုးသောဒေသဖြစ်သည့်အလျောက် စားသုံး ရန် မလုံလောက်သောကြောင့် အခြားတိုင်းနှင့် ပြည်နယ်များမှ ‌ရောင်းချလျက်ရှိသော ဒေသလည်း ဖြစ်သည်။ ရွှေဘိုပေါ်ဆန်း၊ ဖျာပုံပေါ်ဆန်း၊ စူပါဧည့်မထ၊ ဧည်မထဆန်များထဲမှ မြိတ်မြို့တွင် အများဆုံးရောင်းချလျက်ရှိသော ဆန်များတွင် ဖျာပုံပေါ်ဆန်းနှင့် အမျိုးအစားတူပေါ်ဆန်းဆန် ကိုအများ ဆုံးရောင်းဝယ်ကြပြီး ၂၀၂၅ခုနှစ်၊ မတ်လစျေးနှုန်းအရ ကျပ်၁၅၀၀၀ခန့်စျေးကျဆင်း သွားကြောင်း သိရှိရပါသည်။ ယခင်လပေါ်ဆန်းဆန်းစျေးနှုန်းအရ ကျပ်၁၄၅၀၀ခန့်ရှိနေရာမှ ယခုအချိန်တွင် ၁၃၀၀၀ခန့်ထိ စျေးကျဆင်းသွားကြောင်း သိရှိရပါသည်။

ဆန်းရောင်းချသူများ‌ပြောကြားချက်အရ ယခုအချိန်တွင် ဆန်ပေါ်သည့် ကာလများဖြစ် သည့် အလျောက် ပြည်ပဆန်တင်ပို့မှု လျော့နည်းလာခြင်းတို့ကြောင့်စျေးနှုန်းကျဆင်းလာခြင်း ဖြစ်ကြောင်း သိရှိရပါသည်။

DOCA(တနင်္သာရီ)

           မန္တလေးကုန်စိမ်းစျေးကွက်သို့ ပဲစိမ်းအစိုစျေးကွက်တွင်ထောပတ်ပဲစိမ်း၊ ပဲကြီးအစို၊ စားတော် ပဲစိမ်း၊ ပဲစာဥ၊ ပဲလိပ်ပြာ၊ ပဲစင်းငုံ၊ ရွှေပဲသီးတို့နှင့်အတူ  နွေပဲသီးများ မတ်လတတိယပတ်အတွင်း ဝင်ရောက်လျက်ရှိပါသည်။ မန္တလေးဒေသတွင်းမြို့နယ်များမှ ထွက်သည့်ကုန်စိမ်းများ၊ စစ်ကိုင်းတိုင်းဒေသကြီးနှင့် ရှမ်းပြည်နယ်ဒေသထွက်ကုန်စိမ်းများ ဝင်ရောက်မှုများပြီး၊ ကျန်ဒေသများမှလည်း ဝင်ရောက်ကြောင်း သိရပါသည်။ ၂၀၂၅ခုနှစ် မတ်လတတိယပတ်အတွင်း ကုန်စိမ်းသီးနှံပဲအစို မျိုးစုံဝင်ရောက်လျက်ရှိပြီး၊  နွေပဲသီးပေါက်စျေးအနေဖြင့် လက္ကားစျေးတစ်ပိဿာလျှင်  ၂၅၀၀ ကျပ်နှင့် ၃၀၀၀ ကျပ်၊ လက်လီစျေးတစ်ပိဿာလျှင် ၄၀၀၀ကျပ်နှင့် ၅၀၀၀ကျပ်တို့ဖြင့် အရောင်း သွက်လျက်ရှိကြောင်း သိရပါသည်။ သီရိမာလာစျေးအတွင်း ၂၀၂၅ခုနှစ် မတ်လတတိယပတ်အတွင်း  ပဲစိမ်းအစိုမျိုးစုံ အပါအဝင် ကုန်စိမ်းသီးနှံဝင်ရောက်မှုမှာ ကုန်စည်အမျိုးအစားအလိုက် Canter (၁၂ ဘီး နှင့် ၆ ဘီး) ယာဉ် (၂၈၀)စီး နှင့် (၄၂၀)စီးအကြား  ဝင်ရောက်လျက်ရှိကြောင်း  သိရှိရပါသည်။

DOCA(မန္တလေး)

             မတ်လတတိယပတ်အတွင်း  ကြက်ဥစျေးမှာ  မတ်လဒုတိယပတ်ပေါက်စျေးနှင့် နှိုင်းယှဉ်ပါက  ကြက်ဥ၊ ဘဲဥနှင့် ငုံးဥဈေးမှာဈေးငြိမ်နေကြောင်း  သိရပါသည်။ မန္တလေးစျေးကွက်အတွင်း  ပြင်ဦးလွင်မြို့နယ်၊   ပြင်စာကျေးရွာမွေးမြူရေးခြံထွက်ကြက်ဥများဝင် ရောက်မှုအများဆုံးဖြစ်ပြီး၊ ကျောက်ဆည်၊ မြစ်သား၊ မြို့သာမြို့နယ်ရှိ ခြံများမှလည်းဝင်ရောက်ကြောင်း သိရပါသည်။ ဘဲဥမှာ အမရပူ၊ ပုသိမ်ကြီး၊မတ္တရာမြို့နယ်ရှိခြံများမှ ဝင်ရောက်မှုများပြီး၊ကျန် ဒေသ များမှလည်း  ဝင်ရောက် ကြောင်း သိရပါတယ်။ ငုံးဥမှာ မန္တလေး၊ စဉ့်ကိုင်၊ကျောက်ဆည်ဒေသရှိ မွေးမြူရေးခြံတို့မှဝင်ရောက်ကြောင်း သိရပါသည်။ ၂၀၂၅ခုနှစ်မတ်လတတိယပတ်အတွင်း ဖြစ်ပေါ်ခဲ့သောလက္ကားစျေးမှာကြက်ဥ (၃၀လုံး ပါ ၁၀ ကဒ်) တစ်ဆွဲလျှင် ၁၂၆၀၀ဝိ/- နှင့် ၁၃၅၀၀ဝိ/- စျေး၊လက်လီစျေးအနေဖြင့်  ကြက်ဥ တစ်လုံးလျှင် ၄၂ဝိ/-နှင့် ၄၅ဝိ/- ၊   ဘဲဥတစ်လုံး လျှင်  ၅၇ဝိ/-နှင့် ၅၈ဝိ/- ၊ ငုံးဥ(၁၀) လုံးလျှင်၂၃၀ဝိ/- နှင့် ၂၅၀ဝိ/- စျေး အသီးသီးဖြင့် ရောင်းချလျက်ရှိပြီး   အရွယ်အစားပေါ်မူတည်၍ စျေးကွားခြားမှု ရှိသော်လည်း အရောင်းသွက်လျက်ရှိကြောင်းသိရပါတယ်။ ပြင်ဦးလွင်‌ဒေသရှိ မွေးမြူရေးခြံများမှ မန္တလေးစျေးကွက် အတွင်းသို့  ကြက်ဥဝင်ရောက်မှုမှာ  ၁၆ မိုင်၊ ထုံးဘိုဂိတ်ဖြတ်စာရင်းများအရ  ၂၀၂၅ ခုနှစ်ဖေဖော်ဝါရီလအတွင်း  ၆ဘီး နှင့် ၁၂ ဘီးယာဉ် (၃၇၁)စီး ဝင်‌ရောက်ကြောင်း သိရှိရပါသည်။

DOCA(မန္တလေး)

မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်၊ ရွာသစ်ရပ်ကွက်ရှိ စိုက်တောင်သူ များသည် နှစ်စဉ် ကိုင်းကျွန်းမြေများတွင် သီးနှံမျိုးစုံကိုစိုက်ပျိုးလျက်ရှိရာ ယခုနှစ်တွင် ဈေးကွက် ခိုင်မာလျက်ရှိသော ဂျပန်ပဲယင်း(နီ)ကို တောင်သူများ စတင်စိုက်ပျိုးကြကြောင်း သိရှိရသည်။

          တောင်သူတစ်ဦးက ယခုနှစ်တွင် ဂျပန်ပဲယင်း(နီ) (၀.၅)ဧကခန့် စိုက်ပျိုးထားရှိကြောင်း၊ စိုက်ပျိုးရာတွင်လွယ်ကူပြီး ကုန်ကျစရိတ်သက်သာ၍ နှစ်စဉ် တပိုင်တနိုင်စိုက်ပျိုးကြောင်း၊ ယခုနှစ်တွင် နယ်မြေဒေသရာသီဥတုနှင့် ကိုက်ညီမှုရှိခြင်းကြောင့် ပဲယင်း(နီ)ကို ကြက်သွန်နီသီးနှံ အစားထိုး စိုက်ပျိုးကြောင်း၊ ဂျပန်ပဲယင်း(နီ)မျိုးများကို ၂၀၂၄ခုနှစ်၊ အောက်တိုဘာလတွင် စိုက်ပျိုးပြီး ၂၀၂၅ခုနှစ်၊ မတ်လတွင် ရိတ်သိမ်းကြောင်း၊ (၀.၅)ဧကလျှင် ပဲယင်း(နီ) နှစ်ပြည်ခန့်ကုန်ကျကြောင်း၊ မျိုးစေ့ တစ်တင်းလျှင် ကျပ်(၁၃၀၀၀၀)ဖြင့် ဝယ်ယူရကြောင်း၊ စိုက်ပျိုးရာတွင်လွယ်ကူပြီး အလုပ်သမား ငှားရမ်းရမှုနည်းခြင်း၊ သွင်းအားစုနှင့် ပိုးသတ်ဆေးပက်ဖျန်းခြင်းများ မပြုလုပ်ရ၍ ကုန်ကျစရိတ် နည်းပါးကြောင်း၊ (၀.၅)ဧကစိုက်ပျိုးထားပြီး ရေမြေရာသီဥတုကောင်းမွန်ခြင်းကြောင့် ပဲယင်းမှာ တင်း(၂၀) ခန့်ထွက် ရှိကြောင်း၊ တစ်တင်းလျှင် သီးနှံပေါ်စ၌ ဒေသပေါက်ဈေးမှာ ကျပ်(၇၉၀၀၀-၈၀၀၀၀)ဖြင့် ရောင်းချခဲ့ရ၍ ကျပ်(၁၆)သိန်းခန့်ရရှိပြီး ကုန်ကျစရိတ်မှာ ကျပ် (၃၀၀၀၀၀)ဝန်းကျင်ခန့် ကုန်ကျခဲ့၍ ကျပ်(၁၃)သိန်းခန့်အကျိုးအမြတ်ရရှိခဲ့ကြောင်း၊ ယခုနှစ်တွင် ဂျပန်ပဲယင်း(နီ)စိုက်ပျိုးခြင်းဖြင့် စိုက်တောင်သူများ အဆင်ပြေကြောင်း ဒေသခံတောင်သူထံမှ သိရှိရပါသည်။

             ဂျပန်ပဲယင်း(နီ)သီးနှံသည် ပြည်တွင်းစားသုံးမှုနည်းသော်လည်း ပြည်ပပို့ကုန်အဖြစ် တင်ပို့ လျက်သော သီးနှံဖြစ်၍ ဈေးကွက်ခိုင်မာမှုရှိပြီး စိုက်ပျိုးရာတွင် လွယ်ကူပြီး ကုန်ကျစရိတ် သက်သာစွာဖြင့် အလွယ်တကူရရှိသောသီးနှံဖြစ်၍ စိုက်တောင်သူများ နှစ်စဉ်မပြတ်စိုက်ပျိုးကြောင်း သိရှိရပါသည်။

DOCA(မကွေး)

          မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် ကြက်သွန်နီသီးနှံကို အဓိက သီးနှံအဖြစ် နှစ်စဉ်စိုက်ပျိုးလျက်ရှိပြီး မြို့ပေါ်ရှိ ကြက်သွန်နီကုန်စည်ဒိုင်ဈေးကွက်တွင် နေ့စဉ် အ‌ရောင်းအဝယ် ဖြစ်လျက်ရှိသည်။ ၂၀၂၅ ခုနှစ်၊ မတ်လ(စတုတ္ထပတ်)တွင် ကြက်သွန်နီပင်စိုက်များ တူးဖော်ချိန်ဖြစ်၍ ကြက်သွန်နီကုန်စည်ဒိုင်ဈေးကွက်သို့ ကုန်ချိန်ဝင်ရောက်မှုများပြီး ဈေးကျဆင်း၍ အရောင်း အဝယ်ဖြစ် လျက်ရှိသည်။ စိုက်ပျိုးမှုများသော ရွာသစ်ရပ်ကွက်နှင့် ကိုးတောင့်၊ အောက်ဆိပ်၊ မြင်ကဝ၊ ဂွေးပင်၊ ချောင်းမကြီးကျေးရွာများမှ အများဆုံးဝင်ရောက်ပြီး တစ်ရက်လျှင် ကြက်သွန်နီ ပျမ်းမျှ ကုန်ချိန် ပိဿာ(၇)သောင်းခန့် ဝင်ရောက်ကြောင်း ကုန်စည်ဒိုင်ဈေးကွက်မှ သိရ သည်။

          ဈေးနှုန်းအနေဖြင့် ၂၀၂၅ ခုနှစ်၊ မတ်လ(စတုတ္ထပတ်)တွင် အရောင်းအဝယ်ဖြစ်သော ကြက်သွန်နီဈေးနှုန်းမှာ သီးနှံ အရည်အသွေးလိုက်၍ တောဈေး(ဂျွန်) တစ်ပိဿာလျှင် အမြင့်ဈေး ကျပ်(၁၄၅၀-၁၃၀၀-၁၂၀၀)ဈေးအသီးသီးဖြင့် အရောင်းအဝယ်ဖြစ်ကြောင်း၊ မတ်လ(ပထမပတ်)နှင့် ဈေးနှုန်းနှိုင်းယှဉ်ပါက ကြက်သွန်နီတစ်ပိဿာလျှင် ကျပ်(၁၅၀)ခန့် ဈေးကျဆင်းပြီး အရောင်းအဝယ် ဖြစ်ကြောင်း၊ ဆိပ်ဖြူမြို့ ပတ္တမြားဈေးအတွင်း အရောင်းအဝယ်ဖြစ်သော လက်လီဈေးနှုန်းမှာ အရည်အသွေး၊ အရွယ်အစားလိုက်၍ တစ်ပိဿာလျှင် ကျပ်(၂၀၀၀-၁၈၀၀-၁၅၀၀)ဈေးဖြင့် အရောင်း အဝယ်ဖြစ်ကြောင်း သိရသည်။

          ဈေးကွက်အနေဖြင့် ဆိပ်ဖြူဒေသထွက် ကြက်သွန်နီများကို ရန်ကုန်ဘုရင့်နောင်ပွဲရုံသို့ ကုန်ချိန် အများဆုံးတင်ပို့ပြီး ပြည်ပပို့ကုန်အဖြစ် မြဝတီ၊ မော်လမြိုင်မြို့များမှတစ်ဆင့် ထိုင်း၊ ဗီယက်နမ်နိုင်ငံ များသို့ တင်ပို့လျက်ရှိကြောင်း၊ မတ်လ(စတုတ္ထပတ်)တွင် ကြက်သွန်နီ ကုန်ချိန်ပိဿာ(၃)သိန်းခွဲခန့်၊ တန်ချိန်အားဖြင့် (၅၇၂)တန်ခန့် ကုန်စည်စီးဆင်းခဲ့ကြောင်း ဈေးကွက်မှ သိရှိရပါသည်။

DOCA(မကွေး)